Яблоки

Народныя прыкметы на Яблычны Спас: можна загадаць жаданне

517
(абноўлена 17:31 19.08.2016)
Дзень 19 жніўня ў народзе называюць "Лакамка" – да гэтага часу наліваюцца сокам яблыкі, а ў садзе і агародзе даспявае сапраўднае багацце.

МІНСК, 18 жні — Sputnik. Праваслаўная царква 19 жніўня святкуе Перамяненне Гасподняе — адзін з дванадзясятых святаў.

У народзе яго называюць Яблычны Спас, і ў гэты дзень нясуць свяціць у храмы яблыкі.

"Шанаванне яблыкаў у абрадавай практыцы беларусаў знайшло адлюстраванне ў гэтым свяце. З Яблычным Спасам ў народным эпасе звязана шмат легенд і прыкмет", — паведамілі Sputnik культуролагі.

Паводле іх слоў, адна з легенд, запісаных беларускімі этнографамі ў экспедыцыі па рэгіёнах рэспублікі, сведчыць, што ў дзень Яблычнага Спаса Гасподзь адорвае душы памерлых дзяцей райскімі яблыкамі — першым плёнам новага ўраджаю.

"Гэтая легенда і стала асновай для прыкметы — забароны жанчынам, у якiх памерлi дзецi, ёсць яблыкі новага ўраджаю. Толькі пасля таго, як Гасподзь адорыць райскімі яблычкамі дзетак на нябёсах, жанчына сама магла паспытаць яблыкаў", — распавялі суразмоўцы агенцтва.

Паводле народнай традыцыі, да 19 жніўня нельга есці ніякіх пладоў новага ўраджаю, акрамя агуркоў, інакш будуць хварэць дзеці.

У народзе дзень 19 жніўня называюць "Лакамка" — да гэтага часу наліваюцца сокам яблыкі, а ў садзе і на гародзе спее сапраўдны ўраджай. Святу Спаса, а іх тры — Мядовы, Яблычны і Арэхавы — у народзе прысвечаны прыказкі: "Прыйшоў Спас — усяму час", "На другі Спас і жабрак яблык з'есць".

Таксама ў народзе захавалася павер'е, што ў гэты дзень можна загадаць жаданне, і яно збудзецца.

"Дзяўчына адкусвала кавалак ад першага яблыка новага ўраджаю і загадвала жаданне, якое збывалася", — распавялі культуролагі.

Згодна з народнымі прыкметамі, пасля Яблычнага Спаса пачыналіся першыя халады.

У народзе Спас лічылі днём адлёту буслоў. Калі буслы пачыналі рыхтавацца да адлёту за тыдзень перад Спасам, гэта значыла, што зіма наступіць рана і будзе марозная, а вясна будзе цяплейшай, чым звычайна, калі пасля Спаса — восень будзе цёплая, зіма позняя, вясна халодная.

517
Тэги:
Нацыянальная культура, Рэлігійныя святы, Беларусь
Касцёл Найсвяцейшай Тройцы (Святога Роха)

Беларускі Касцёл абурыўся кліпам удзельніцы шоу "Халасцяк" Салавейчык

24
(абноўлена 13:17 28.07.2020)
Дзеянне ў апублікаваным відэа, якое мае ўзроставы цэнз 18+, адбываецца ў тым ліку на фоне і ўнутры касцёла Святой Тройцы на Залатой Горцы ў Мінску.

МІНСК, 28 ліп - Sputnik. Кліп беларускай спявачкі Аляксандры Салавейчык, апублікаваны на днях на платформе YouTube, абражае пачуцці вернікаў, гаворыцца ў заяве Курыі Мінска-Магілёўскай архідыяцэзіі Рымска-Каталіцкай царквы Беларусі.

Кліп за некалькі дзён набраў крыху больш за 3,5 тысячы праглядаў. Ролік называецца "Нялюбасць" і пачынаецца з паведамлення, што "ўсё ў гісторыі - мастацкая выдумка", а аўтары "з глыбокай павагай" ставяцца да прадстаўнікоў усіх канфесій. Адна з сюжэтных ліній разгортваецца ўнутры і каля касцёла. Відэа мае ўзроставы цэнз 18+.

У заяве адзначаецца, што ў кліпе ёсць сцэны эратычнага характару і фрагменты, знятыя ў касцёле Святой Тройцы на Залатой Горцы ў Мінску. Пры гэтым прафесійныя здымкі ў касцёлах і на прылеглай тэрыторыі магчымыя толькі з дазволу архідыяцэзіі і настаяцеля храма. У гэтым выпадку дазволу на правядзенне здымак, па інфармацыі архідыяцэзіі, атрымана не было.

"У гэтай сувязі Курыя Мінска-Магілёўскай архідыяцэзіі заяўляе свой рашучы пратэст аўтарам відэакліпа. Касцёл - гэта сакральнае месца для малітвы", - гаворыцца ў заяве.

На думку прадстаўнікоў Рымска-каталіцкай царквы ў Беларусі, прадстаўленыя ў кліпе сцэны з'яўляюцца штукарскімі ў адносінах да Касцёлу і святога месца, якім з'яўляецца храм.

"У сувязі з гэтым яны нясуць у сабе абразу пачуццяў вернікаў", - гаворыцца ў заяве.

Пры гэтым, адзначаюць аўтары заявы, Каталіцкі Касцёл заўсёды выступаў за развіццё культуры. Але ў сваім імкненні быць свабодным мастацтва павінна ўсё ж такі несці ў сабе маральныя каштоўнасці, мяркуюць прадстаўнікі Касцёла. У гэтай сувязі аўтары заявы звяртаюцца да прадстаўнікоў культуры з просьбай устрымацца ў будучыні ад падобных крокаў і разлічваюць на супрацоўніцтва дзеля народа і яго духоўнага развіцця.

Аляксандра Салавейчык у свой час прымала ўдзел у расійскіх шоу "Халасцяк" на ТНТ і "Голас-4" на Першым канале. Але ў абодвух выпадках не вельмі ўдала. Пяць гадоў таму яна таксама спрабавала адабрацца на "Еўрабачанне" ад Беларусі. Вядомай выканаўца стала пасля перамогі ў дзіцячым конкурсе "Славянскага базару" ў 2003 годзе.

24
Тэги:
Касцёл Найсвяцейшай Тройцы (Святога Роха)
Каталіцкія біскупы ў Мінску - святочная імша ў Чырвоным Касцёле

Каталікі прапанавалі свой варыянт вырашэння сітуацыі з Чырвоным касцёлам

29
(абноўлена 11:16 21.07.2020)
У Чырвоным касцёле заяўляюць аб "непад'ёмнай суме", якую ім даводзіцца плаціць кожны месяц гораду, мінскія ўлады пакуль маўчаць з гэтай нагоды.

МІНСК, 21 ліп - Sputnik. Кіраўніцтва Мінска-Магілёўскай дыяцэзіі лічыць аптымальным варыянтам вырашэння сітуацыі з абавязкамі касцёла святога Сымона і святой Алены перадачу яго ва ўласнасць каталіцкай царкве. Адпаведная заява апублікавана на сайце РКЦ у Беларусі.

Чырвоны касцёл знаходзіцца на балансе КУП "Мінская спадчына", каталікі павінны плаціць гэтаму гарадскому камунальнаму прадпрыемству кожны месяц каля 13 тысяч рублёў (амаль 5,4 тысячы долараў па актуальнаму курсе Нацбанка) за амартызацыю. Да цяперашняга часу доўг касцёла перад КУП складае каля 156 тысяч рублёў (крыху больш за 65 тысяч долараў).

Што прапануюць у РКЦ у Беларусі

У РКЦ у Беларусі лічаць, што дзяржава павінна аддаць ва ўласнасць вернікамі храм - тым самым вырашыцца пытанне аплаты і абавязкаў.

"Мы заклікаем дзяржаўныя структуры перагледзець сваё рашэнне, перадаць комплекс будынкаў Чырвонага касцёла вернікам і тым самым абнавіць права карыстання падатковымі ільготамі ў адпаведнасці з заканадаўствам", - гаворыцца ў заяве.

Таксама адзначаецца, што Чырвоны касцёл "у цяперашні час не бачыць рэальнай магчымасці штомесяц плаціць 12 950,39 рублёў, выстаўленыя КУП "Мінская спадчына". Гэта сума непад'ёмная, а таксама несправядлівая".

Адстойваючы сваю пазіцыю, у каталіцкай епархіі адзначылі, што яны неаднаразова звярталіся да ўладаў з просьбай перадаць ім Чырвоны касцёл. "Аднак безвынікова. Такая просьба апошні раз была накіравана ў маі 2020 года, і 18 чэрвеня Мінгарвыканкам адказаў, што не мае падстаў для перадачы касцёла", - гаворыцца ў заяве.

Каталікі пачалі збіраць подпісы пад зваротам да кіраўніка дзяржавы аб перадачы ім ва ўласнасць Чырвонага касцёла.

Што кажуць у Мінгарвыканкаме

Пра сітуацыю з абавязкамі Чырвонага касцёла сталі СМІ сталі актыўна пісаць каля 2 тыдняў таму. У мінулы чацвер сітуацыю пракаментавалі ў выканкаме. Там аднак заявілі, што штомесячныя плацяжы налічваюцца ў суме 14,3 тысячы рублёў. "З чэрвеня мінулага года налічэння не аплачваюцца, запазычанасць склала больш за 166 тысяч", - удакладнілі ў выканкаме. Каментара ад КУП "Мінская спадчына" не было.

Касцёл святога Сымона і святой Алены быў пабудаваны ў 1910 годзе, ў 1932 быў зачынены для вернікаў, там у розныя гады размяшчаліся Дзяржаўны польскі тэатр БССР і Дом кіно. У 1990 годзе ён быў вернуты вернікам.

29
Тэги:
Мінск, Чырвоны касцёл

Трэці дзень пратэсту: што адбывалася ў Мінску ў аўторак - фота

0
(абноўлена 12:27 12.08.2020)
  • У аўторак увечары патрапіць у цэнтр горада было практычна немагчыма.
  • Другі дзень запар месцам для збору пратэстуючых стаў праспект Пушкіна і вуліца Прытыцкага.
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
  • Трэці дзень пратэстаў пасля выбараў
Глядзіце ў фотастужцы Sputnik кадры з беларускай сталіцы, трэці дзень ахопленай пратэстным рухам грамадзян.

Напярэдадні ўвечары пратэсты нязгодных з вынікамі прэзідэнцкіх выбараў працягнуліся ў спальных раёнах Мінска, так як у цэнтр горада трапіць было праблематычна - ён быў ачэплены міліцыяй. Сутыкненні з праваахоўнікамі насілі не такі масавы характар, як напярэдадні, аднак колькасць затрыманых пакуль невядомая.

Пратэстоўцы выходзілі ў розных раёнах сталіцы - Уручча, Серабранка, Каменная горка, Малінаўка і ст.м. "Пушкінская". Байцы АМАП хутка спынялі спробы збору людзей. Пры разгоне сілавікі выкарыстоўвалі дубінкі, шумавыя гранаты і гумовыя кулі. Рух на частцы вуліц і праспектаў сталіцы быў перакрыты, установы грамадскага харчавання спынілі працу раней, чым звычайна.

Пацярпелі не толькі людзі, але і журналісты. Вядома, што фотакарэспандэнту Associated Press Сяргею Грыцу разбілі камеру, таксама паведамлялася аб затрыманні журналістаў шэрагу беларускіх выданняў.

0
  • У аўторак увечары патрапіць у цэнтр горада было практычна немагчыма.
    © Sputnik / Виктор Толочко

    У аўторак увечары патрапіць у цэнтр горада было практычна немагчыма.

  • Другі дзень запар месцам для збору пратэстуючых стаў праспект Пушкіна і вуліца Прытыцкага.
    © Sputnik / Виктор Толочко

    Другі дзень запар месцам для збору пратэстуючых стаў праспект Пушкіна і вуліца Прытыцкага.

  • Трэці дзень пратэстаў пасля выбараў
    © Sputnik / Виктор Толочко

    Людзі назіралі за тым, што адбываецца з вокнаў.

  • Трэці дзень пратэстаў пасля выбараў
    © Sputnik / Виктор Толочко

    Пратэсты зрушыліся з цэнтра ў спальныя раёны сталіцы.

  • Трэці дзень пратэстаў пасля выбараў
    © Sputnik / Виктор Толочко

    Мінчане сабраліся ўвечары і на праспекце Дзяржынскага.

  • Трэці дзень пратэстаў пасля выбараў
    © Sputnik / Виктор Толочко

    Вадзіцелі аўтамабіляў, якія рухаліся па праспекце Дзяржынскага, сігналілі.

  • Трэці дзень пратэстаў пасля выбараў
    © Sputnik / Виктор Толочко

    Байцы АМАП рухаліся па праспекце.

  • Трэці дзень пратэстаў пасля выбараў
    © Sputnik / Виктор Толочко

    У Мінску было шмат ваеннай тэхнікі, у тым ліку кітайскіх ваенных аўтамабіляў, празваных у беларускім войску "Волатамі".

  • Трэці дзень пратэстаў пасля выбараў
    © Sputnik / Виктор Толочко

    Людзі мірна выказвалі пратэст супраць вынікаў выбараў.

  • Трэці дзень пратэстаў пасля выбараў
    © Sputnik / Виктор Толочко

    У горад была сагнаная вялікая колькасць міліцыі ў ахоўным адзенні са шчытамі.

  • Трэці дзень пратэстаў пасля выбараў
    © Sputnik / Виктор Толочко

    Дэманстранты выходзілі ў розных раёнах сталіцы - Уручча, Серабранка, Каменная горка, Малінаўка.

  • Трэці дзень пратэстаў пасля выбараў
    © Sputnik / Виктор Толочко

    Аўтамабілі таксама ўдзельнічаюць.

  • Трэці дзень пратэстаў пасля выбараў
    © Sputnik / Виктор Толочко

    Масавыя затрыманні пратэстоўцаў працягнуліся і на трэці дзень.

  • Трэці дзень пратэстаў пасля выбараў
    © Sputnik / Виктор Толочко

    Людзей заводзілі ў аўтазакі.

  • Трэці дзень пратэстаў пасля выбараў
    © Sputnik / Виктор Толочко

    Затрыманыя АМАПам.

  • Трэці дзень пратэстаў пасля выбараў
    © Sputnik / Виктор Толочко

    Супрацоўнікі АМАП выбарачна спынялі аўтамабілі і затрымлівалі кіроўцаў.

  • Трэці дзень пратэстаў пасля выбараў
    © Sputnik / Виктор Толочко

    Вартавыя парадку паспяхова спынялі спробы збору дэманстрантаў.

  • Трэці дзень пратэстаў пасля выбараў
    © Sputnik / Виктор Толочко

    Затрыманыя на каленях у аўтазаку.

  • Трэці дзень пратэстаў пасля выбараў
    © Sputnik / Виктор Толочко

    Амапаўцы здымаюць бела-чырвона-белы сцяг Беларусі, вывешаны пратэстоўцамі.

  • Трэці дзень пратэстаў пасля выбараў
    © Sputnik / Виктор Толочко

    Разбітае шкло ў аўтобусах для перавозкі асабістага складу міліцыі.

  • Трэці дзень пратэстаў пасля выбараў
    © Sputnik / Виктор Толочко

    Карэспандэнт Sputnik перадаваў з месца падзей, што людзі крычалі байцам АМАПу " Што вы робіце?!". На што адзін з праваахоўнікаў адказаў: "Гэта вы глядзіце, што яны робяць", паказаўшы на разбітую кветкавую клумбу і вывернутую тратуарную плітку.

  • Трэці дзень пратэстаў пасля выбараў
    © Sputnik / Виктор Толочко

    Пратэсты і затрыманні пасля выбараў прэзідэнта Беларусі ў Мінску пакуль не сціхаюць.

Тэги:
Мінск