БПЦ і ЗША плануюць супрацоўнічаць у сферы культуры і асветы

09:05 31.03.2017(абноўлена 09:22 31.03.2017)

Кіраўнік БПЦ распавёў часоваму паверанаму ў справах ЗША ў Беларусі, як служыў на пасадзе кіраўніка патрыяршымі прыходамі ў Штатах.

МІНСК, 31 сак — Sputnik. Пытанні магчымасці ўзаемадзеяння ў культурна-асветніцкай сферы абмеркавалі Патрыяршы экзарх усяе Беларусі мітрапаліт Мінскі і Заслаўскі Павел і часовы павераны ў справах ЗША ў Беларусі Роберт Райлі, паведамілі ў прэс-службе Беларускага экзархата.

Гэтая сустрэча прайшла ў Мінску ў будынку Мінскага епархіяльнага ўпраўлення.

Беларускага прэзідэнта Лукашэнку запрасілі ў ЗША

"Падчас размовы мітрапаліт Павел падзяліўся з высокім госцем успамінамі аб сваім служэнні на пасадзе кіраўніка патрыяршымі прыходамі ў ЗША", — паведамілі Sputnik у пятніцу ў экзархаце.

Па словах суразмоўцаў агенцтва, бакі таксама абмеркавалі магчымасці ўзаемадзеяння ў культурна-асветніцкай сферы.

У сустрэчы прынялі ўдзел кіраўнік спраў Мінскай экзархіі архімандрыт Сяргей Брыч, сакратар Мінскай епархіі протаіерэй Андрэй Волкаў, першы сакратар пасольства ЗША ў Беларусі Моніка Блэнд, удакладнілі ў прэс-службе.

Мітрапаліт Павел узначальвае БПЦ чацвёрты год.

26 снежня 2013 год Свяшчэнны Сінод БПЦ адпусціў уладыку Філарэта на пенсію, пакінуўшы яго ганаровым Патрыяршым экзархам усяе Беларусі. Прадстаяцелем БПЦ у гэты ж дзень быў прызначаны разанскі архірэй мітрапаліт Павел.

Тэги:

асвета, Культура, БПЦ, Пасольства ЗША ў Беларусі, Часовы павераны ў справах ЗША ў Беларусі Роберт Райлі, Мітрапаліт Мінскі і Заслаўскі Павел, ЗША, Беларусь

Акунуцца ў палонку ў вадохрышчанскі мароз: фотаздымкі, як гэта было пад Мінскам

16:25 20.01.2021(абноўлена 22:03 19.01.2021)

Самыя загартаваныя вернікі не забаяліся і дваццаціградусных маразоў і адправіліся напярэдадні Вадохрышча на вадасховішча пад Мінскам, дзе абсталяваны купелі для купання.

Адно з такіх месцаў для купанняў мінскія выратавальнікі падрыхтавалі на Ваўковічскім вадасховішчы пад Мінскам на выратавальнай станцыі "Пціч".

Міністэрства аховы здароўя расказала, ці можна купацца на Вадохрышча пасля COVID

Акрамя ратавальнікаў за бяспекай тых, хто акунаецца, сачылі медыкі Чырвонага Крыжа і супрацоўнікі АСВОД.

Глядзіце ў фотастужцы Sputnik, як акуналіся ў палонку на Пцічы самыя адважныя.

Вялікі чын асвячэння вады ўжо прайшоў ва ўсіх праваслаўных храмах Беларусі. Чысцюткую ваду можна будзе набраць і ў наступныя некалькі дзён свята.

Глядзіце таксама:

Каляды ў Лунінецкім раёне: як на Раство шанавалі традыцыі ў вёсцы Дубоўка
Цудоўныя фотаздымкі Раства ў праваслаўных храмах
Паглядзіце, як запальвала моладзь на Каляды ў Строчыцах

© Sputnik / Виктор Толочко
Мужчына акунаецца ў палонку на Ваўкавічскім вадасховішчы пад Мінскам у дзень святкавання Вадохрышча.
© Sputnik / Виктор Толочко
Для купанняў мінскія выратавальнікі падрыхтавалі купелі пад Мінскам на вадасховішчы "Пціч".
© Sputnik / Виктор Толочко
Самыя загартаваныя вернікі не забаяліся і дваццаціградусных маразоў.
© Sputnik / Виктор Толочко
Абавязкова пры выхадзе з ледзяной вады надзець цёплы абутак ці хаця б стаць на сухую паверхню, інакш арганізм атрымае хуткае пераахаладжэнне.
© Sputnik / Виктор Толочко
Гэта вельмі моцны стрэс для арганізма, лічаць урачы. Нават даросламу трэба трымацца пільнасці, да гэтага трэба рыхтавацца цэлы год, паступова: абціранні, абліванні.
© Sputnik / Виктор Толочко
Свята Вадохрышча адзначаецца 19 студзеня. Вялікі чын асвячэння вады прайшоў ва ўсіх праваслаўных храмах Беларусі.
© Sputnik / Виктор Толочко
У Святым Евангеллі сказана, што Ісуса хрысціў сам Іаан Прадвеснік. Ісус прайшоў вадохрышчанскі абрад ва ўзросце 30-ці гадоў. Легенда абвяшчае: падчас святога таінства хрышчэння на Ісуса паў Дух Святы ў абліччы голуба. Ён паслаў Хрыста адпускаць грахі чалавечыя і дараваць грэшнікам другі шанец на жыццё.
© Sputnik / Виктор Толочко
Палатка Беларускага Чырвонага Крыжа ля палонкі на Ваўкавічскім вадасховішчы пад Мінскам, дзе жыхары акунаюцца ў дзень святкавання Хрышчэння.
© Sputnik / Виктор Толочко
З-за напружанай сітуацыі ў рэспубліцы з каронавірусам, медыкі раяць не акунацца ў купелі. Калі ж чалавек усё ж рашыўся на гэта, варта загадзя пракансультавацца з урачом.
© Sputnik / Виктор Толочко
Крыніцай свяшчэннай вады ў гэты дзень лічыцца ўся вада. А сам рытуал носіць узнёслы характар і ўзвялічвае Збавіцеля і вадохрышчанскі цуд.
© Sputnik / Виктор Толочко
Акунуцца ў купель можна ў бліжэйшыя тры дні. Хрышчэнскую ваду таксама можна будзе набраць у храмах і ў наступныя некалькі дзён свята.

Тэги:

Беларусь, Мінск, Вадохрышча

Рака, іардань, –25°С: Вадохрышча ў Тураве - відэа

13:15 20.01.2021(абноўлена 15:47 20.01.2021)

Вадохрышчанскія маразы ўхуталі ўсю Беларусь, але на самым яе поўдні, у сэрцы Палесся, беларусы па звычаю акунуліся ў палонцы. Глядзіце на відэа, як гэта было.

У самым галоўным горадзе летапіснага Тураўскага княства, дзе на працягу больш за тысячу гадоў знаходзіцца цэнтр праваслаўя, вернікі сабраліся ў саборы на службе ў гонар Вадохрышча.

Міністэрства аховы здароўя расказала, ці можна купацца на Вадохрышча пасля COVID

У Тураве, як і па ўсёй краіне, прынята ў гэты дзень ныраць у іардань на рацэ. Няхай гэты звычай і не ўхваляюць у царкве, але важна, што і не асуджаюць.

На Палессі стаялі сапраўдныя вадохрышчанскія маразы, і тэмпература паветра апусцілася да адзнакі ў мінус 25 градусаў.

Над палонкай у рацэ Струмень стаялі клубы прывабнай пары.

Глядзіце ў відэасюжэце Sputnik Беларусь, як у старажытным беларускім горадзе акунаюцца ў палонцы смелыя палешукі.

Тэги:

Палессе, Тураў, Вадохрышча

У лазні і з аркестрам: усталяваны пералік платных паслуг АУС і МУС

11:25 22.01.2021(абноўлена 09:55 22.01.2021)

Пры неабходнасці прадстаўнікі органаў унутраных спраў і ўнутраных войск МУС Беларусі могуць выехаць па месцы размяшчэння заказчыка.

МІНСК, 22 сту – Sputnik. Усталяваны пералік платных паслуг, якія аказваюць органы ўнутраных спраў і ўнутраныя войскі міністэрства ўнутраных спраў людзям і арганізацыям. Адпаведная пастанова МУС №194 размешчана на Нацыянальным прававым інтэрнэт-партале ў пятніцу.

Беларусь "пераасэнсуе" заканадаўства з улікам пратэстаў - генпракурор

Жадаючыя могуць звярнуцца ў органы ўнутраных спраў за аказаннем платных паслуг, дзе цалкам пададуць інфармацыю аб пераліку, кошту, умовах аплаты і рэжыме працы АУС.

У спіску платных паслуг знаходзіцца 26 пунктаў. Сярод іх: суправаджэнне транспарту і грузаў спецыяльнымі аўтамабілямі, праверка ведаў ПДР, апрацоўка і раздрукоўка дакументаў на паперы, навучанне спецыялістаў-кінолагаў, захоўванне каштоўнасцей, удзел у кіназдымках, а таксама стральба ў ціры, карыстанне лазняй і фізкультурна-аздараўленчым комплексам. Пры неабходнасці таксама супрацоўнікі могуць аказаць паслугі па захоўванні таварна-матэрыяльных каштоўнасцей і падаць у пракат спецыяльнае абсталяванне.

Акрамя таго, у пераліку маецца пункт па паслугах аркестра, пасажырскіх і грузавых перавозках.

Поўны спісак можна паглядзець на Нацыянальным прававым інтэрнэт-партале.

Пастанова ўступае ў сілу пасля яе афіцыйнага апублікавання.

Чытайце таксама:

МУС стварыла базу ўдзельнікаў несанкцыянаваных акцый. Хто туды трапіць?
Біяметрычныя пашпарты пачнуць выдаваць у Беларусі ў пачатку 2021 года
Новы будынак РАУС адкрыты ў Віцебску: з цірам і трэнажорамі

Тэги:

Беларусь, МУС Беларусі