Свечкі ў царкве

Страсная сядміца пачалася ў праваслаўных

30
(абноўлена 15:08 10.04.2017)
Усе дні на гэтым тыдні прысвечаны падзеям апошніх зямных дзён Ісуса Хрыста, веруючыя ўзмацняюць пост.

МІНСК, 10 кра — Sputnik. Страсная сядміца пачалася ў праваслаўных, праз сем дзён хрысціяне будуць святкаваць самае галоўнае свята рэлігійнага календара — Светлае Хрыстова Уваскрасенне.

Са слоў святароў, кожны дзень Страснога тыдня прысвечаны падзеі апошніх дзён зямнога жыцця Ісуса, кожны дзень называюць Вялікім.

Сёлета ў хрысціян усіх канфесій супадае дзень Вялікадня, Светлае Хрыстова Уваскрасенне прыпадае на 16 красавіка.

Вялікі панядзелак

Сёння, у Вялікі панядзелак, царква ўзгадвае Іосіфа са Старога Запавету, які ўмеў разгадваць сны, за што яго зайздросныя браты прадалі ў Егіпет за 20 срэбранікаў. Старазапаветны Іосіф лічыцца правобразам Хрыста, якому здрадзілі за 30 срэбранікаў, распавялі святары. Акрамя гэтага, у панядзелак пачынаюць варыць міру, якое варыцца толькі 1 раз у годзе ў апошні тыдзень Вялікага посту — увесь дзень да вечара ў Вялікі панядзелак, увесь Вялікі аўторак і раніцай у Вялікую сераду, распавялі святары.

Міра — гэта духмянае масла, у якое ўваходзіць да 40 кампанентаў.

Завершение чина мироварения
© Sputnik / Сергей Пятаков
Чын міраварэння

Вялікі аўторак

У Вялікі аўторак царква ўспамінае пропаведзь Ісуса Хрыста ў Іерусалімскім храме, а таксама прыпавесці аб дзесяці дзевах і аб талентах, якія ён распавёў сваім вучням. Таксама ўспамінаецца падзея, калі Ісус выгнаў з храма кніжнікаў i фарысеяў.

Успамінаючы гэтыя падзеі і прыпавесці Збавіцеля, царква заклікае паству да духоўнай нядрэмнасці, а таксама да хрысціянскага ўжывання талентаў, якімі Гасподзь узнагародзіў кожнага чалавека.

Вялікая серада

У Вялікую сераду царква ўспамінае дзве падзеі — здраду Хрысту адным з яго 12 вучняў Іудай і памазанне Ісуса мірам, распавялі суразмоўцы агенцтва. Па іх словах, у сераду веруючыя імкнуцца паспавядацца, каб прыняць прычасце ў Вялікі чацвер.

У БПЦ паведамілі, што ў сераду, 12 красавіка, мітрапаліт Мінскі і Заслаўскі Павал у 09:00 ў Свята-Духавым кафедральным саборы адслужыць літургію.

Молитвенник во время утрени с чином погребения Плащаницы
© Sputnik / Сергей Пятаков
Малітваслоў з чынам пахавання Плашчаніцы

Вялікі чацвер

Па словах святароў, у Вялікі чацвер царква ўспамінае падзеі Тайнай Вячэры, на якой Хрыстом было ўстаноўлена таемства Прычасця. У Вялікі чацвер архірэй здзяйсняе чын абмывання ног. Ён мыў ногі 12 святарам (або манахам) ва ўспамін абмывання, выкананага Збаўцам над апосталамі перад Тайная Вячэрай. Як паведамілі ў БПЦ, 13 красавіка, у Вялікі чацвер, у 10:00 мітрапаліт Мінскі і Заслаўскі Павал адслужыць ў Мінскім Свята-Духавым саборы Боскую літургію, а ў 18:00 — ютрань з чытаннем 12-ці Евангелляў Святых Страсцей.

Вялікая пятніца

Царква ў вялікую пятніцу ўспамінае пакуты Ісуса Хрыста, якія ён зведаў дзеля выратавання людзей, адзначылі святары і дадалі, што Вялікая пятніца — самы смутны дзень у годзе па хрысціянскім календары. У гэты дзень не служыцца літургія, таму ранішняя служба здзяйсняецца ў Вялікі чацвер. Па словах святароў, у гэты дзень служыцца вячэрня, у канцы якой выносіцца Плашчаніца Хрыстова, дзе намалявана ўлажэнне Хрыста ў труну. Вернікі прыкладаюцца да Плашчаніцы, спяваюць трапары.

Чин погребения Плащаницы происходит в Великую пятницу
© Sputnik / Сергей Пятаков
Чын пахавання Плашчаніцы праводзіцца ў Вялікую пятніцу

Вялікая субота

Страсны тыдзень завяршаецца Вялікай суботай, у гэты дзень царква ўспамінае цялеснае пахаванне Ісуса Хрыста, распавялі святары. Па іх словах, для ўсіх хрысціянаў гэты дзень і журботны, і радасны адначасова. "Бо Ісус яшчэ ў труне, але вось-вось адбудзецца цуд і наступіць свята святаў — Светлае Хрыстова Уваскрасенне", — сказаў суразмоўца агенцтва.

Як паведамілі ў БПЦ, у гэты дзень Мітрапаліт Мінскі і Заслаўскі Павел у 09:00 адслужыць ў Свята-Духавым саборы Боскую літургію, у 23:15 — Велікодная Паўночніца, у 23:45 — узначаліць Хросны ход. Апоўначы ў храмах пачнецца Велікодная Ютрань, пасля якой — Боская літургія. Святары апрануцца спачатку ў белыя, а потым чырвоныя адзенні.

30
Тэги:
Царкоўныя святы, Рэлігіёзныя святы, БПЦ, Мітрапаліт Мінскі і Заслаўскі Павел, Беларусь
Патрыярх Маскоўскі і ўсяе Русі Кірыл

Патрыярх Кірыл заклікаў устрымацца ад наведвання храмаў з-за каронавіруса

11
(абноўлена 15:42 29.03.2020)
Праваслаўная царква пакуль не заяўляла аб тым, што ў сувязі з каронавірусом можа змяніцца кананічны абрад на велікодныя святы.

МІНСК, 29 сак - Sputnik. Свяцейшы Патрыярх Маскоўскі і ўсяе Русі Кірыл падчас эпідэміі каронавіруса заклікаў вернікаў устрымацца ад наведвання храмаў.

Праз тры тыдні праваслаўная царква будзе адзначаць Светлае Хрыстова Уваскрасенне, пакуль што не было паведамленняў, што з-за каронавіруса будуць адменены хросны хады, усяночныя і літургіі ў храмах.

"Устрымаецеся ад наведвання храмаў. Я б ніколі гэтага не сказаў, калі б не дзіўны, святы прыклад прападобнай Марыі Егіпецкай", - сказаў патрыярх у пропаведзі пасля Боскай літургіі ў храме Хрыста Збавіцеля, цытуюць патрыярха расійскія СМІ.

Паводле яго слоў, прыклад Марыі Егіпецкай сведчыць пра тое, што і без наведвання храма можна выратавацца.

Прадстаяцель Рускай праваслаўнай царквы прызнаў, што існуе "вельмі вялікая пагроза эпідэміі і нават пандэміі страшнага віруса", якая можа закрануць і Расію.

Ён адзначыў, што расіяне яшчэ не ўсведамляюць ў поўнай меры, што адбываецца ў Італіі і іншых краінах, якія найбольш пацярпелі цяпер ад каронавіруснай інфекцыі.

"Царква заклікае прыняць на сябе абавязацельствы строга выконваць усе тыя прадпісанні, якія сёння прапануюцца санітарнымі ўладамі Расіі... Давайце на сябе ўскладзем подзвіг не выходзіць з нашых дамоў, як узяла на сябе подзвіг Марыя Егіпецкая не выходзіць са сваёй пустыні, а ёй таксама хацелася піць", - падкрэсліў РПЦ.

На сённяшні дзень у Расіі зарэгiстравана 1 534 выпадкі каронавірусній інфекцыі. Сітуацыя з распаўсюдам каронавіруса ў Маскве перайшла ў новую стадыю.

11
Тэги:
каронавірус, Патрыярх Маскоўскі і ўсяе Русі Кірыл
Тэмы:
Успышка каронавіруса з Уханя
Мітрапаліт Павел акрапіў Мінск святой вадой з верталёта

Мітрапаліт Павел правёў паветраны хросны ход супраць каронавіруса

21
(абноўлена 10:17 23.03.2020)
Палёту над Мінскам папярэднічаў малебен, які ў сувязі з пагрозай распаўсюджвання каронавіруснай інфекцыі быў арганізаваны па шматлікіх просьбах вернікаў.

МІНСК, 23 сак - Sputnik. Мітрапаліт Мінскі і Заслаўскі Павал, Патрыяршы Экзарх усяе Беларусі Павел і настаяцель Усіхсвяцкага храма протаіерэй Фёдар Поўны здзейснілі паветраны хросны ход, абляцеўшы горад Мінск на верталёце, паведамілі ў прэс-службе Беларускай праваслаўнай царквы.

"З вышыні палёту яны заклікалі Божае благаславенне на жыхароў Белай Русі і, асяніўшы горад святым крыжам-машчавіком і іконай Божай Маці Дзяржаўнай, акрапілі сталіцу святой вадой, каб Гасподзь асланіў нашу зямлю і пабожны народ Белай Русі ад пагібельнай эпідэміі", - распавялі ў БПЦ.

Паветранаму хроснаму ходу папярэднічаў малебен, які адбыўся 22 сакавіка ва Усіхсвяцкай храме Мінска. Мітрапаліт Павел узначаліў малебны спевы і здзейсніў малое асвячэнне вады ў храме. У прэс-службе БПЦ падкрэслілі, што малебен быў здзейснены па шматлікіх просьбах вернікаў у сувязі з пагрозай распаўсюджвання каронавіруснай інфекцыі.

Звяртаючыся да вернікаў, мітрапаліт заклікаў усіх паразважаць пра тое, як людзі ставяцца да падзей, якія зараз адбываюцца.

"Паніка, выкліканая распаўсюджваннем каронавіруса, прытупляе розум", - сказаў прадстаяцель Беларускай праваслаўнай царквы.

Паводле слоў мітрапаліта Паўла, пагроза распаўсюджвання інфекцыі прынесла збянтэжанасць ў сэрцы многіх людзей, але сапраўдныя вернікі не павінны паддавацца страху і адчаю, а спадзявацца на Бога і адказна паводзіць сябе ў адносінах да іншых.

21
Тэги:
Беларусь, каронавірус
Тэмы:
Успышка каронавіруса з Уханя
Маскоўскае метро перайменавала дзве станцыі з-за каронавіруса

Рэжым самаізаляцыі ўводзяць у Маскве з 30 сакавіка

2
(абноўлена 21:36 29.03.2020)
У бліжэйшыя дні ў расійскай сталіцы увядуць спэцпропускі для перамяшчэння па горадзе, парадак іх выдачы ўсталюе ўрад Масквы.

МІНСК, 30 сак - Sputnik. Дамашні рэжым самаізаляцыі ўводзіцца для ўсіх жыхароў Масквы незалежна ад узросту з 30 сакавіка, адпаведнае паведамленне апублікавана на сайце мэра расійскай сталіцы Сяргея Сабяніна.

Што можна і чаго нельга

Вызначана, што пакінуць кватэру можна ў наступных сітуацыях:

  • зварот па экстраную (неадкладную) медыцынскую дапамогу і іншая прамая пагроза жыццю і здароўю,
  • паездкі на працу, калі вы абавязаны хадзіць на працу,
  • за пакупкамі ў бліжэйшы магазін ці аптэку,
  • выгул хатніх жывёл на адлегласці не больш за 100 метраў ад месца пражывання (знаходжання),
  • вынас бытавога смецця.

Пры гэтым абмежаванняў на паездкі ў Маскву або з яе не ўводзіцца: "Аднак нельга без важкай прычыны перасоўвацца па горадзе", - падкрэсліваецца ў паведамленні. Абмежаванне руху асабістага і службовага, спецыяльнага і грамадскага аўтатранспарту таксама пакуль што не прадугледжана.

Кантроль за выкананнем дамашняга рэжыму

Разумная сістэма кантролю за тым, як выконваецца дамашні рэжым і ўстаноўленыя правілы, запрацуе ў Маскве ў бліжэйшы тыдзень.

"Паступова, але няўхільна мы будзем рабіць больш жорсткімі неабходны ў гэтай сітуацыі кантроль", - гаворыцца ў паведамленні.

У бліжэйшыя дні, пасля таго як будуць праведзеныя тэхнічныя і арганізацыйныя мерапрыемствы, у расійскай сталіцы увядуць спэцпропускі для перамяшчэння па горадзе, парадак іх выдачы ўсталюе ўрад Масквы. Аб іх увядзенні паведамяць дадаткова.

Дапамога гараджанам

Бясплатныя антывірусныя прэпараты будуць атрымліваць сталічныя медыкі і іншыя спецыялісты. Тыя, у каго каронавірус у лёгкай форме, будуць праходзіць лячэнне дома пад наглядам лекараў, неабходныя лекі яны таксама атрымаюць бясплатна, іх дастаўкай зоймуцца хуткая дапамога, супрацоўнікі паліклінік і валанцёры.

На дзевяць дзён будзе прадоўжаны тэрмін дзеяння праязных білетаў для тых, хто будзе выконваць дамашні рэжым і з 28 сакавіка па 5 красавіка не здзейсніць ні адной паездкі ў грамадскім транспарце. "Раней прыпыненыя студэнцкія і школьныя праязныя будуць падоўжаныя на месяц ці больш з дня заканчэння рэжыму павышанай гатоўнасці", - гаворыцца ў паведамленні.

Беспрацоўным уводзіцца кампенсацыя ў памеры 19,5 тысячы рублёў. Удакладняецца, што яе выплата будзе прызначаная аўтаматычна, без заяваў.

Узровень захворвання на COVID-19 у РФ

За апошнія суткі ў Маскве зарэгістравана 197 выпадкаў каронавіруснай інфекцыі, 27 - у Падмаскоўі, паведаміў у нядзелю раніцай аператыўны штаб па барацьбе з распаўсюджваннем новай каронавіруснай інфекцыі. У Расіі за апошнія суткі зарэгістравана 270 выпадкаў каронавіруснай інфекцыі ў 26 рэгіёнах.

Усяго ў Расіі на 29 сакавіка зарэгiстравана 1 534 выпадкі каронавірусной інфекцыі.

2
Тэги:
каронавірус, Масква, Расія
Тэмы:
Успышка каронавіруса з Уханя