Царква Святой роўнаапостальнай Марыі Магдаліны

Мядовы спас: пакланіцца Крыжу і асвяціць мёд

56
(абноўлена 14:39 14.08.2017)
Святары вынесуць Крыж на сярэдзіну храма, каб вернікі маглі пакланіцца і папрасіць аб здароўі.

МІНСК, 14 жні — Sputnik. Праваслаўная царква ў панядзелак святкуе Паходжанне Пачэсных Дрэваў Жыватворчага Крыжа Гасподняга, таксама гэты дзень называюць Мядовы Спас.

У жніўні праваслаўная царква адзначае тры святы, прысвечаных Усяміласціваму Збавіцелю і найсвяцейшай Багародзіцы. У народнай культуры гэтыя святы таксама атрымалі сваю назву. 14 жніўня — Мядовы або Макаў Спас, альбо Спас на вадзе, 19 жніўня — Яблычны Спас, 29 жніўня — Хлебны, Арэхавы Спас, Спас на палатне.

Як паведамілі Sputnik у Беларускай праваслаўнай царкве, напярэдадні свята ў храмах будзе адслужана ўсяночная, падчас якой выносіцца для пакланення Крыж, святары і вернікі спяваюць трапар Крыжу, па словах святароў, раніцай на літургіі здзяйсняюць чын малога асвячэння вады, а таксама мёду новага збору.

Па словах святароў, традыцыя свяціць мёд ніяк не звязана са святам, якое царква адзначае ў гэты дзень. Таксама ў гэты дзень царква адзначае Святкаванне Усяміласцівага Спаса і Найсвяцейшай Багародзіцы.

Гісторыя свята

Гэтае свята было ўстаноўлена ў IX стагоддзі ў Канстанцінопалі. 1 жніўня частка Жыватворчага Крыжа з дамавой царквы грэчаскіх імператараў прыносілі ў храм Святой Сафіі, святары здзяйснялі чын асвячэння вады.

Жнівень — самы гарачы месяц, калі хутка распаўсюджваліся хваробы, памірала шмат людзей. Таму вернікі ішлі ў царкву, прыкладваліся да Крыжа, на якім быў укрыжаваны Хрыстос, пілі асвячоную ім ваду і папраўляліся.

Народныя традыцыі на Мядовы спас

Як распавялі Sputnik этнографы, у народзе на Мядовы спас, які таксама называлі яшчэ і Спас на вадзе, прынята асвячаць калодзежы.

Па словах суразмоўцаў агенцтва, Мядовы спас — гэта свята пчаляроў, у народзе таксама лічылася, што той, хто народзіцца ў гэты дзень, стане добрым пчаляром.

У народзе лічылася, што з гэтага дня пчолы спыняюць рабіць мёд, таму "заломлівалі соты".

"Людзі верылі ў тое, што калі пчаляр не заламае соты, суседскія пчолы перацягаюць увесь мёд", — распавялі этнографы. "Для таго, каб на наступны год быў багаты мёдазбор, першы сот пчаляр аддаваў сіротам, хворым, удовам", — паведамілі суразмоўцы агенцтва.

У гэты дзень таксама прынята было свяціць у храмах мак.

"У народзе лічылі, што ў гэты дзень трэба есцi шмат маку. Таму з макам пяклі пірагі, бліны, рабілі варэнікі", — распавялі культуролагі.

Па іх словах, на Першы Спас "зашчыпвалі" гарох, прычым казалі пры гэтым: "Колькі гароху, столькі грошай". Таксама ў народзе верылі, што на Мядовы Спас трэба даваць міласціну.

56
Тэги:
мед, религия, медовый спас, БПЦ, Беларусь
По теме
Што кажуць жэсты і пацямнелыя абліччы: у Мінску вучылі глядзець іконы
Патрыярх Маскоўскі і ўсяе Русі Кірыл

Патрыярх Кірыл заклікаў устрымацца ад наведвання храмаў з-за каронавіруса

25
(абноўлена 15:42 29.03.2020)
Праваслаўная царква пакуль не заяўляла аб тым, што ў сувязі з каронавірусом можа змяніцца кананічны абрад на велікодныя святы.

МІНСК, 29 сак - Sputnik. Свяцейшы Патрыярх Маскоўскі і ўсяе Русі Кірыл падчас эпідэміі каронавіруса заклікаў вернікаў устрымацца ад наведвання храмаў.

Праз тры тыдні праваслаўная царква будзе адзначаць Светлае Хрыстова Уваскрасенне, пакуль што не было паведамленняў, што з-за каронавіруса будуць адменены хросны хады, усяночныя і літургіі ў храмах.

"Устрымаецеся ад наведвання храмаў. Я б ніколі гэтага не сказаў, калі б не дзіўны, святы прыклад прападобнай Марыі Егіпецкай", - сказаў патрыярх у пропаведзі пасля Боскай літургіі ў храме Хрыста Збавіцеля, цытуюць патрыярха расійскія СМІ.

Паводле яго слоў, прыклад Марыі Егіпецкай сведчыць пра тое, што і без наведвання храма можна выратавацца.

Прадстаяцель Рускай праваслаўнай царквы прызнаў, што існуе "вельмі вялікая пагроза эпідэміі і нават пандэміі страшнага віруса", якая можа закрануць і Расію.

Ён адзначыў, што расіяне яшчэ не ўсведамляюць ў поўнай меры, што адбываецца ў Італіі і іншых краінах, якія найбольш пацярпелі цяпер ад каронавіруснай інфекцыі.

"Царква заклікае прыняць на сябе абавязацельствы строга выконваць усе тыя прадпісанні, якія сёння прапануюцца санітарнымі ўладамі Расіі... Давайце на сябе ўскладзем подзвіг не выходзіць з нашых дамоў, як узяла на сябе подзвіг Марыя Егіпецкая не выходзіць са сваёй пустыні, а ёй таксама хацелася піць", - падкрэсліў РПЦ.

На сённяшні дзень у Расіі зарэгiстравана 1 534 выпадкі каронавірусній інфекцыі. Сітуацыя з распаўсюдам каронавіруса ў Маскве перайшла ў новую стадыю.

25
Тэги:
каронавірус, Патрыярх Маскоўскі і ўсяе Русі Кірыл
Тэмы:
Успышка каронавіруса з Уханя
Мітрапаліт Павел акрапіў Мінск святой вадой з верталёта

Мітрапаліт Павел правёў паветраны хросны ход супраць каронавіруса

25
(абноўлена 10:17 23.03.2020)
Палёту над Мінскам папярэднічаў малебен, які ў сувязі з пагрозай распаўсюджвання каронавіруснай інфекцыі быў арганізаваны па шматлікіх просьбах вернікаў.

МІНСК, 23 сак - Sputnik. Мітрапаліт Мінскі і Заслаўскі Павал, Патрыяршы Экзарх усяе Беларусі Павел і настаяцель Усіхсвяцкага храма протаіерэй Фёдар Поўны здзейснілі паветраны хросны ход, абляцеўшы горад Мінск на верталёце, паведамілі ў прэс-службе Беларускай праваслаўнай царквы.

"З вышыні палёту яны заклікалі Божае благаславенне на жыхароў Белай Русі і, асяніўшы горад святым крыжам-машчавіком і іконай Божай Маці Дзяржаўнай, акрапілі сталіцу святой вадой, каб Гасподзь асланіў нашу зямлю і пабожны народ Белай Русі ад пагібельнай эпідэміі", - распавялі ў БПЦ.

Паветранаму хроснаму ходу папярэднічаў малебен, які адбыўся 22 сакавіка ва Усіхсвяцкай храме Мінска. Мітрапаліт Павел узначаліў малебны спевы і здзейсніў малое асвячэнне вады ў храме. У прэс-службе БПЦ падкрэслілі, што малебен быў здзейснены па шматлікіх просьбах вернікаў у сувязі з пагрозай распаўсюджвання каронавіруснай інфекцыі.

Звяртаючыся да вернікаў, мітрапаліт заклікаў усіх паразважаць пра тое, як людзі ставяцца да падзей, якія зараз адбываюцца.

"Паніка, выкліканая распаўсюджваннем каронавіруса, прытупляе розум", - сказаў прадстаяцель Беларускай праваслаўнай царквы.

Паводле слоў мітрапаліта Паўла, пагроза распаўсюджвання інфекцыі прынесла збянтэжанасць ў сэрцы многіх людзей, але сапраўдныя вернікі не павінны паддавацца страху і адчаю, а спадзявацца на Бога і адказна паводзіць сябе ў адносінах да іншых.

25
Тэги:
Беларусь, каронавірус
Тэмы:
Успышка каронавіруса з Уханя

Козыраў: "Песняры" выканаюць жывы канцэрт у інтэрнэце

0
(абноўлена 17:09 03.04.2020)
Анлайн-канцэрт у рамках праекта # БЕЗАНТРАКТА праанансаваў кіраўнік БДА "Песняры" Раман Козыраў.

Няпростая пара прыйшла для артыстаў і творчых калектываў: адмяняюцца канцэрты, даводзіцца праядаць "падушкі бяспекі". А калі запасу фінансаў няма, трэба ўжо зараз пачынаць ствараць хіты, каб закласці падмурак на будучыню. Але ёсць яшчэ адна новая іпастась, якую ўжо асвоілі творчыя калектывы - канцэрты анлайн.

"Песняры" таксама ідуць у нагу з часам. Канцэрт у новым фармаце ў бліжэйшы час у рамках праекта #БЕЗАНТРАКТА ўбачаць гледачы Sputnik разам з аўдыторыяй партала Fontanka.ru. Што гэта будзе за канцэрт, якія песні прагучаць і як жывецца ансамблю сёння, у студыі радыё Sputnik распавёў дырэктар і мастацкі кіраўнік Беларускага дзяржаўнага ансамбля "Песняры" Раман Козыраў.

"Паспрабуем выканаць цікавую, насычаную праграму. Каб гэты момант, калі "Песняры" самі прыйдуць у кожны дом, запомніўся нашым любімым гледачам і ў Расіі, і ў Беларусі. Мы перавярнулі старонкі 50-гадовага юбілею калектыву. І гэтым канцэртам адкрываем нашу новую вяху, дзе будуць і новыя песні, і новы стылістычны фармат, і, вядома, класічныя, незабыўныя хіты "Песняроў", - сказаў суразмоўца Sputnik.

Праграму "Гарызонт падзей" з удзелам дырэктара і мастацкага кіраўніка БДА "Песняры" Рамана Козырава глядзіце на Sputnik Беларусь.

0
Тэги:
Музыка, "Песняры"