Мітрапаліт Павел

Царква: не трэба камерцыялізаваць Раство

20
(абноўлена 14:26 15.12.2017)
Кіраўнікі каталіцкай і праваслаўнай цэркваў заклікаюць не ператвараць Раство ў застолле, а пост – у дыету.

МІНСК, 15 сне — Sputnik. Нягледзячы на адрозненне ў датах святкавання Раства ў каталіцкай і праваслаўнай традыцыі, кіраўнікі цэркваў аднолькава падыходзяць да вызначэння сутнасці свята і заклікаюць не ставіцца да яго як да хатняй урачыстасці. 

Мітрапаліт Павел падкрэсліў, што Раство аднолькава важна для ўсіх людзей, і заўважыў, што сэнс свята не ва ўпрыгожванні дома і пачастунках.

"На зямлю прыйшоў Сын Божы, каб аднавіць саюз чалавека з Богам. Гэта планетарная падзея. Кажучы аб Растве Хрыстовым, часта чуем, што гэта сямейнае свята, але гэта спроба пад добрай падставай адвесці людзей ад галоўнага. Гэта не хатняе свята, Вешчуны з далёкай Персіі прыйшлі ў Віфлеем, каб убачыць месію, і царква заклікае хаця б сімвалічна паўтарыць гэты шлях і прыйсці ў царкву", — распавёў мітрапаліт.

Ён адзначыў, што прыязджаючы ў ЗША, назіраў, як надпіс "Merry Christmas" сталі заклікаць замяніць на нейтральнае "Happy season", што адцягвае ўвагу ад сапраўднай сутнасці Раства.

Кіраўнік каталіцкай царквы падтрымаў сказанае мітрапалітам і заклікаў не камерцыялізаваць свята Раства.

"Як сказаў уладыка мітрапаліт, адбываецца камерцыялізацыя Раства. Летаніна за падарункамі — гэта ўсё добра, але з вадой выліваем дзіця. Пасля свята ў сэрцах павінен застацца след, застацца ласка. Хрыстос стукае ў нашы дзверы, і ніхто іх не адкрые, толькі мы", — адзначыў Кандрусевіч.

Кандрусевіч распавёў, што розніца ў абрадах каталіцкай і праваслаўнай цэркваў — гэта не розніца ў веры.

"Прадстаўнікі каталіцкай царквы бяруць удзел у святкаванні Божага Нараджэння 25 снежня, прадстаўнікі праваслаўнай — у святкаванні 7 студзеня. Так склалася традыцыя. У вас свята — мы да вас прыедзем, у нас свята — вы да нас", — патлумачыў арцыбіскуп Тадэвуш Кандрусевіч.

Каталікі ў дні паста імкнуцца не наведваць забаўляльныя мерапрыемствы, устрымлівацца ад алкаголю і тытуню, а ўпор робяць на духоўны пост. Строгі пост выконваецца па пятніцах і 24 снежня. Праваслаўных мітрапаліт Павел заклікае ў пост "стаяць на варце сваёй душы". Ён таксама адзначыў, што саракадзённы пост з'яўляецца сімвалам таго, як здзяйснялі подзвіг вешчуны на шляху ў Віфлеем.

"Гэта час, калі чалавек павінен думаць аб душы, як мы рыхтуем жыллё да сустрэчы гасцей, павінны рыхтаваць душу да сустрэчы з Хрыстом", — адзначыў мітрапаліт Павел. 

20
Тэги:
Праваслаўе, Каталіцызм, Мінск
Праваслаўныя святкуюць сёння Ушэсце Гасподняе

Праваслаўныя святкуюць сёння Ушэсце Гасподняе

78
(абноўлена 09:09 28.05.2020)
Адзін з 12 важных царкоўных святаў - Ушэсце Гасподняе адзначаюць праз 40 дзён пасля Вялікадня. У 2020 годзе свята выпадае на 28 мая.

У гэты дзень праваслаўны свет ушаноўвае евангельскія падзеі, звязаныя з апошнімі днямі знаходжання Хрыста Збавіцеля на людской зямлі. Лічыцца, што ў гэты час Ісус завяршаў свае зямныя справы і рыхтаваўся ўзнесціся да свайго Айца.

Ушэсце

Евангелле абвяшчае: на 40-ы дзень пасля Уваскрэсення Хрыстос сабраў апосталаў у Ерусаліме і правёў іх да Аліўнай гары. Там Ісус загадаў ім не разыходзіцца і абяцаў, што праз пару дзён апосталы будуць ахрышчаны Духам Святым, пасля чаго ўзнёсся на неба.

Як толькі Хрыстос схаваўся з вачэй апосталаў, з'явіліся два анёлы. Яны прадраклі вучням, што Гасподзь вернецца на зямлю ў тым жа выглядзе, у якім пакінуў яе. Пакланіўшыся Хрысту, апосталы вярнуліся на святую зямлю Іерусаліма.

Там вучні Ісуса расказалі простым жыхарам пра ўбачанае, і людзі зразумелі, што смерць - толькі пачатак, пераход душы ў іншы свет, дзе кожнага сустрэне Гасподзь і вызваліць ад зямных грахоў і пакут чалавечых. На небе кожная душа здабудзе супакой і сапраўдны дом.

Вялікае свята заключае ў сабе думка пра тое, што праз Ушэсце чалавечая душа ўзводзіцца да бясконцага жыцця. Менавіта таму, па вучэнні праваслаўнай царквы, служэнне Сына Госпада на зямлі завяршылася яго ўнебаўшэсцем.

Традыцыі Ушэсця

У гэты дзень праваслаўныя пякуць пірагі з зялёным лукам і даўгаваты хлеб "лесвічкай". Сваю назву выпечка атрымала дзякуючы форме: хлеб робяць з сямю палосамі-прыступкамі. Святочную выпечку прынята асвячаць у храмах. Таксама ў гэты дзень на стол ставяць смажаную яечню, вараныя яйкі і бліны.

У гэтае свята прынята ўспамінаць нябожчыкаў. Праваслаўныя вераць, што ў перыяд з Вялікадня да Ушэсця браму раю і пекла адкрываюцца, а межы сціраюцца. Мукі грэшнікаў спыняюцца і яны весяляцца разам з праведнымі душамі.

У гэты час людзі імкнуцца ставіцца да жабракоў з вялікім спачуваннем і разуменнем. Паводле легенды, падчас свята мы можам убачыць Ісуса ў адным з беднякоў.

Таксама гэты час лічаць "росквітам прыроды": нага Ісуса ступае на зямлю, прырода ажывае, трава зелянее, а расліны расцвітаюць.

Прыкметы Ушэсця

Здаўна лічылася, што ўсе просьбы і малітвы Усявышняму, вымаўленыя ў гэты час, маюць больш шанцаў спраўдзіцца. Але нельга прасіць пра багацце або матэрыяльныя выгоды.

У гэты час надвор'е становіцца больш пастаяннае - будуць сонечныя і ясныя дні.

Калі на Ушэсце ідзе дождж - ураджай будзе сціплым. У той жа час працяглы дождж даваў надзею на тое, што непагадзь і беды сыдуць. Калі ж дзень пагодлівы, людзі купаюцца ў вадаёмах: лічыцца, што гэта абараняе ад любых хвароб.

Асаблівай у гэты дзень лічыцца песня салаўя: яго пошчакі гучаць званчэй і абвяшчаюць аб Унебаўшэсці Гасподнім. Дзень перад святам называюць Салаўіным.

На Ушэсце жанчыны і дзяўчаты збіралі ранішнюю расу, мыліся і пілі яе: лічылася, што гэта падоўжыць прыгажосць і ўмацуе здароўе.

Таксама існуе павер'е, што ў гэтае свята трэба забыць пра ўборку, гатаванне і ўсякую працу. Свята варта адзначаць у коле самых родных і блізкіх.

78
Тэги:
Узнясенне Гасподняе (Ушэсце, Унебаўшэсце Пана)
Фрэска на калоне з абліччам Ісуса Хрыста. Царква Раства Хрыстова ў Віфліеме

Храм Раства Хрыстова ў Віфліеме адкрылі для вернікаў

10
(абноўлена 08:48 27.05.2020)
У аўторак вернікаў пачалі пускаць і ў Храм Гроба Гасподняга ў Ерусаліме, аднак з некаторымі абмежаваннямі.

МІНСК, 27 мая - Sputnik. Храм Нараджэння Хрыстова, які знаходзіцца ў Віфліеме, адкрыўся для вернікаў, паведаміла РІА "Новости" са спасылкай на старшыню мусульмана-хрысціянскага фонду падтрымкі Іерусаліма Ханна Іса.

"Храм Нараджэння Хрыстова ўпершыню з 5 сакавіка адкрыў свае дзверы, некалькі хрысціянскіх святароў кантралявалі адкрыццё царквы", - сказаў Іса.

Ён таксама адзначыў, што на цырымоніі раніцай у аўторак прысутнічалі кіраўнікі трох цэркваў, адказных за храм.
У аўторак вернікаў пачалі пускаць і ў Храм Гроба Гасподняга ў Іерусаліме, аднак з абмежаваннямі - унутр Кувукліі пакуль ўваходзіць нельга.

Храм Раства Хрыстова пабудаваны паўтары тысячы гадоў таму над пячорай, дзе, паводле падання, нарадзіўся Ісус Хрыстос, і лічыцца адной з найстарэйшых дзеючых цэркваў у свеце. З IV стагоддзя набажэнствы ў ім практычна не перарываліся. Храм зачынілі для наведвальнікаў 5 сакавіка на фоне распаўсюджвання каронавіруса.

10
Тэги:
Іерусалім
Які сёння дзень: 4 чэрвеня 2020 года

Які сёння дзень: 4 чэрвеня 2020 года

0
(абноўлена 12:32 30.05.2020)
Гэты дзень з'яўляецца сто пяцьдзесят шостым па грыгарыянскім календары, да канца года засталося 210 дзён.

Якія падзеі адбыліся 4 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 4 чэрвеня

  • У 1634 годзе Палянаўскім мірам скончана Смаленская вайна паміж Рэччу Паспалітай і Маскоўскай дзяржавай.
  • У 1918 годзе была апублікавана "Беларуская граматыка для школ" Браніслава Тарашкевіча.

Хто нарадзіўся 4 чэрвеня

  • 1828 год: Пётр Бяссонаў, выдавец беларускага фальклору.
  • 1972 год: Віктар Слінко, беларускі паэт.

Таксама сёння нарадзіліся швейцарскі мастак Луі Сутэр і амерыканская актрыса Анджэліна Джалі.

4 чэрвеня ў народным календары

Сёння праваслаўныя вернікі шануюць памяць пакутніка Васіліска.

У гэты дзень дзяўчыны збіраліся на рацэ, рабілі вянкі з бярозавых галінак і пускалі іх па вадзе. Калі вянок тануў, гэта было да няшчасця, калі ж трымаўся на вадзе – дзяўчыну чакаў шчаслівы лёс.

Калі 4 чэрвіня моцны туман і шмат расы на траве – увосень будзе добры ўраджай. Спевы птушак прадвяшчаюць на бліжэйшыя дні добрае надвор'е.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей