Дзень памяці нябожчыкаў, архіўнае фота

Дадатковага выхаднога не будзе: "Дзяды" застаюцца працоўным днём

39
(абноўлена 11:23 27.12.2017)
Прадстаўнікі каталіцкай абшчыны прасілі дзяржорганы зрабіць непрацоўнымі 1 або 2 лістапада, калі вернікі святкуюць Дзень усіх святых і Дзень памяці памерлых.

МІНСК, 27 сне — Sputnik. Дапаўняць рэлігійныя святы яшчэ адным працоўным днём лічыцца немэтазгодным, гаворыцца ў адказе, які атрымалі з апарата ўпаўнаважанага па справах рэлігій і нацыянальнасцяў аўтары петыцыі аб вяртанні статусу непрацоўнага дня 1 або 2 лістапада.

"У цяперашні час дапаўняць рэлігійныя святы, якія адзначаюцца ў Рэспубліцы Беларусь у якасці святочных дзён, яшчэ адным, і аб'яўляць яго непрацоўным днём, немэтазгодна", — цытуецца адказ намесніка ўпаўнаважанага па справах рэлігій і нацыянальнасцяў Алены Радчанка.

Прадстаўнік дзяржорганаў патлумачыла, што ў адпаведнасці з законам Рэспублікі Беларусь "Аб свабодзе сумлення і рэлігійных арганізацыях" усе грамадзяне роўныя перад законам незалежна ад iх адносiнаў да рэлiгii.

"Права на свабоду веравызнання, замацаванае ў Канстытуцыі Рэспублікі Беларусь, не дае вернікам ніякіх пераваг перад грамадзянамі, якія прытрымліваюцца атэістычных перакананняў. У адваротным выпадку гэта парушыць прынцып раўнапраўя грамадзян", — патлумачыла прычыну адмовы ў вяртанні статусу непрацоўнага дня лістападаўскім каталіцкім святам упаўнаважаны па справах рэлігій і нацыянальнасцяў.

Аўтары петыцыі прасілі надаць статус непрацоўнага Дню ўсіх святых, які Каталіцкая царква адзначае 1 лістапада, або Дню памяці памерлых, які адзначаецца 2 лістапада. Тым больш, што да 1998 года другое свята, якое ў народзе яшчэ называюць "Дзяды", было выхадным днём. Аднак указ прэзідэнта №157 "Аб дзяржаўных святах, святочных днях і памятных датах у Рэспубліцы Беларусь" змяніў статус Дня памяці — ён быў прызнаны святочным, але пры гэтым працоўным днём. Гэтым жа рашэннем былі адмененыя выхадныя панядзелкі пасля праваслаўнага і каталіцкага Вялікадня. Пры гэтым Радаўніца — Дзень памяці нябожчыкаў у праваслаўных — засталася непрацоўным днём.

Петыцыю раней адпраўлялі ў Адміністрацыю прэзідэнта, пад ёй падпісаліся 1,8 тысячы чалавек. Затым ліст быў перанакіраваны ў Саўмін, адкуль і прыйшоў адказ. З аналагічнай просьбай у дзяржорганы звярталіся таксама каталіцкія біскупы.

39
Тэги:
религия, Дзяды, Беларусь
Паломнікі ў Меке

Не больш за 60 тысяч: Эр-Рыяд дазволіць хадж-2021 толькі прышчэпленым пілігрымам

20
(абноўлена 19:37 12.06.2021)
У гэтым годзе вялікі хадж да святынь ісламу, у якім зноў дазволена прымаць удзел замежнікам, выпадае на 17-22 ліпеня.

МІНСК, 13 чэр – Sputnik. У Саудаўскай Аравіі дазволяць 60 тысячам падданых і рэзідэнтаў краіны, якія зрабілі прышчэпку супраць каронавіруса (COVID-19), здзейсніць у бягучым годзе хадж, дадзенае паведамленне распаўсюдзілі сёння дзяржСМІ каралеўства.

Паведамленняў аб тым, што мусульмане з іншых краін могуць здзейсніць паломніцтва да святых месцаў ісламу, пакуль не было. Звычайна на хадж збіраюцца некалькі мільёнаў мусульман. Беларускія мусульмане раней, да пандэміі каронавіруса, таксама рэгулярна наведвалі Меку.

"У святле таго, што ўвесь свет становіцца сведкам развіцця пандэміі каронавіруса і з'яўлення яго новых мутацый, (...) прынята рашэнне абмежаваць рамкі правядзення рытуалаў хаджа. Агульная колькасць паломнікаў - падданых і рэзідэнтаў краіны любой нацыянальнасці - будзе складаць 60 тысяч", - гаворыцца ў распаўсюджаным паведамленні.

Акрамя гэтага, у хадж змогуць адправіцца толькі асобы ад 18 да 65 гадоў, якія зрабілі прышчэпку ад каронавіруса ў адпаведнасці з патрабаваннямі каралеўства. У гэтым годзе вялікі хадж да святынь ісламу, у якім зноў дазволена прымаць удзел замежнікам, выпадае на 17-22 ліпеня.

Паводле апошніх звестак, у каралеўстве з насельніцтвам 34,2 млн чалавек ад пачатку пандэміі былі зарэгістраваны 463 703 выпадкі COVID-19, 7 537 пацыентаў памерлі ад наступстваў заражэння.

З 2010 года хадж да святынь ісламу здзейснілі не менш за 150 мільёнаў чалавек. У 2020 годзе з-за пандэміі паломніцтва ў Меку ўпершыню ў сучаснай гісторыі было абмежавана, дазволілі толькі тысячы мусульман, і толькі падданым Саудаўскай Аравіі.

Чытайце таксама:

20
Тэги:
Мека, Іслам, хадж, Эр-Рыяд
Тэмы:
Каронавірус COVID-19
Пасол Расіі ў Беларусі Яўген Лук'янаў

Пасол Лук'янаў: Беларусь і Расія павінны абараняць свае гістарычныя перамогі

24
(абноўлена 13:38 12.06.2021)
Кіраўнік расійскай дыпмісіі прыняў удзел у цырымоніі размяшчэння ў крыпце Усіхсвяцкага храма ў Мінску капсулы з зямлёй з месцаў гібелі беларусаў у Крымскай вайне.

МІНСК, 12 чэр – Sputnik. Надзвычайны і паўнамоцны пасол Расіі ў Беларусі Яўген Лук'янаў заявіў пра важнасць захавання гістарычнай праўды.

"Мы павінны ведаць і памятаць нашу гісторыю, і да таго часу, пакуль мы яе памятаем, у нас ёсць будучыня", - падкрэсліў пасол на цырымоніі ва Усіхсвяцкім храме ў Мінску.

Кіраўнік расійскай дыпмісіі ў Мінску сёння прыняў удзел у цырымоніі размяшчэння ў крыпце Усіхсвяцкага храма капсулы з зямлёй беларусаў, якія загінулі ў час Крымскай вайны 1853-1856 гадоў.

"Тое, што гэта падзея супала з Днём Расіі, лішні раз пацвярджае пераемнасць гісторыі", - сказаў ён.

Расійскі дыпламат таксама адзначыў, што дзве краіны - Беларусь і Расія - павінны ўмець абараняць гістарычную памяць.

"Мы павінны абараняць нашу гістарычную памяць, нашу праўду, не замоўчваць нашы паражэнні, выпраўляць іх і нікому не дазваляць запляміць або замараць, або так скажам, "зафоташопіць" нашы перамогі", - падкрэсліў пасол.

Сцяг над Рэйхстагам быў чырвонага колеру, і толькі палітычныя дальтонікі не могуць гэта разглядзець, падкрэсліў дыпламат. "Мы, і расіяне, і беларусы, ад гэтага захворвання не пакутуем", сказаў пасол.

Падалтарная Крыпта, у якой знаходзяцца астанкі воінаў, беларусаў, якія загінулі ў бітвах трох войнаў - Айчыннай 1812, Першай сусветнай і Вялікай Айчыннай вайны 1941-1945 гадоў, не мае аналагаў у свеце. Першыя астанкі воінаў былі пахаваны тут у 2010 годзе. З сённяшняга дня ў ёй будзе знаходзіцца зямля з Севастопаля, дзе ў 1853-1856 годзе загінулі беларусы, якія ваявалі ў тых бітвах. Напярэдадні яе даставілі з гэтага гераічнага горада. Як растлумачылі Sputnik ва Усіхсвяцкім храме, цяпер царква будзе маліцца за гэтых воінаў "вякі вечныя".

У мерапрыемстве, акрамя прадстаўнікоў расійскага пасольства, прынялі ўдзел ветэраны, а таксама беларусы Крыма.

Чытайце таксама:

24
Тэги:
Крымская вайна, беларусы, Мінск, Усіхсвяцкі храм, дыпмісія, кіраўнік, перамога, Расія, Беларусь, Яўген Лук'янаў, пасол
Тэмы:
Саюзная дзяржава Беларусі і Расіі
Кіроўца за рулём

Надыходзіць спякота: у ДАІ далі парады, што рабіць кіроўцам у такое надвор'е

2
(абноўлена 10:55 18.06.2021)
У сувязі з добрым надвор'ем многія плануюць паездкі - аднак трэба ўлічваць, што высокая тэмпература можа адбіцца на самаадчуванні.

МІНСК, 18 чэр – Sputnik. У найбліжэйшыя дні беларусаў чакае высокая тэмпература паветра, спякота можа адбіцца на самаадчуванні кіроўцаў.

Пры гарачым надвор'і людзі, якія знаходзяцца за рулём, стамляюцца хутчэй, увага можа рассеяцца, а рэакцыя істотна пагоршыцца. Акрамя таго, у шматлікіх кіроўцаў у такіх умовах надвор'я можа з'явіцца галавакружэнне, млявасць, дрымотнасць.

Усе гэтыя фактары могуць прывесці да дарожна-транспартных здарэнняў.

Ва УДАІ ГУУС Мінгарвыканкама далі рэкамендацыі тым, хто мае намер сесці за руль:

  • кантраляваць самаадчуванне падчас руху, мець з сабой халодныя напоі і часцей рабіць прыпынкі для адпачынку ў цені;
  • аўтааматарам з павышаным ціскам, сардэчна-сасудзістымі захворваннямі, а таксама людзям сталага ўзросту лепш рэкамендуецца адмовіцца на гарачы перыяд ад паездак на далёкія адлегласці;
  • у выпадку недамагання кіраваць аўтамабілем катэгарычна забараняецца;
  • рэкамендуецца сачыць за сістэмай астуджэння ў аўтамабілі, каб не дапусціць перагрэву рухавіка.

Нагадаем, што на выхадныя сіноптыкі абяцаюць спякотнае надвор'е - месцамі ў рэспубліцы паветра можа прагрэцца да + 33°С, у сувязі з чым абвешчаны жоўты ўзровень небяспекі.

Чытайце таксама:

2
Тэги:
самаадчуванне, Надвор'е, кіроўца, парады, ДАІ, Спякота