Страсная пятніца: праваслаўныя сустракаюць самы смутны дзень года
(абноўлена 13:11 06.04.2018)
Падзеі Вялікай пятніцы нагадваюць усім людзям аб несправядлівым судзе, пакутах, распяцці і гібелі Госпада.МІНСК, 6 кра — Sputnik. Сёння ў праваслаўных хрысціян наступіў дзень самага вялікага смутку перад Вялікаднем — Страсная пятніца.
Менавіта ў пятніцу рана раніцай першасвятары арыштавалі Ісуса Хрыста і прывялі да пракуратара Понція Пілата. Кіраўнік адміністрацыі прыняў рашэнне пакараць Сына Божага збіццём бічамі, аднак натоўп раз'юшаных людзей запатрабаваў смяротнага пакарання, і Понцій Пілат саступіў.
У пятніцу на гары Галгофа Ісус Хрыстос быў распяты на крыжы.
Страсная пятніца ў царкве
У гэты дзень у храмах здзяйсняюцца два найважнейшыя набажэнствы: вынас Плашчаніцы і Чын пахавання. З алтара выносяць і ўсталёўваюць вялікі плат з вобразам Хрыста ў труне.
©
Sputnik / Сергей Пятаков
Чын пахавання Плашчаніцы адбываецца ў Вялікую пятніцу
Далей ўрачыстая працэсія абыходзіць з ім вакол храма пад пахавальны звон званоў. Да вечара Страсной суботы вернікі прыходзяць у храм пакланіцца Труне Гасподняй.
Пост у Вялікую пятніцу
Вялікая пятніца — час самага вялікага спачування, таму сёння неабходна цалкам ўстрымацца ад прыёму ежы да вынасу Плашчаніцы, а потым трымаць строгі пост на хлебе і вадзе.
Евангелле абвяшчае, што Ісус Хрыстос уваскрос на трэці дзень пасля смерці — у гэты дзень царква святкуе Вялікдзень.
Тэги:
Італьянскія каталікі ўжо другі Вялікдзень правядуць на карантыне
(абноўлена 18:47 03.03.2021)
У мінулым годзе ўпершыню за ўсю гісторыю каталіцызму Папа Рымскі адслужыў велікодную імшу ў пустой базіліцы Святога Пятра.МІНСК, 4 сак – Sputnik. Абмежаванні ў Італіі з-за складанай эпідэміялагічнай сітуацыі прадоўжаны да 6 красавіка, адпаведнае распараджэнне прыняў урад краіны, яно ўступіць у сілу 6 сакавіка.
Антыкаронавірусныя меры, якія дзейнічаюць цяпер у Італіі, прадугледжваюць абавязковае захаванне сацыяльнай дыстанцыі, выкарыстанне медыцынскіх масак, забарону на знаходжанне вялікай колькасці людзей у грамадскіх месцах.
Таксама захоўваецца падзел рэгіёнаў краіны па колерах у залежнасці ад паказчыкаў захворвання. Прадугледжаны "чырвоныя", "аранжавыя", "жоўтыя" і "белыя" зоны.
У "чырвоных" зонах усіх школьнікаў перавядуць на выдаленае навучанне, раней гэтая мера дзейнічала толькі ў дачыненні да вучняў сярэдняй і старэйшай школ.
Сітуацыя з каронавірусам у Італіі
Улады краіны асцерагаюцца наступлення трэцяй хвалі каронавіруса, а таксама распаўсюджвання яго новых штамаў. Так, па словах міністра аховы здароўя Італіі Раберта Спэранца, па Італіі "ходзяць "бразільская" і "паўднёваафрыканская" разнавіднасці" COVID-19. Акрамя таго, у краіне зафіксаваны "нігерыйскі" штам каронавіруса.
Па дадзеных універсітэта Джонса Хопкінса, Італія знаходзіцца на восьмым месцы ў рэйтынгу краін з найбольшай колькасцю зафіксаваных выпадкаў захворвання каронавірусам - 2,9 млн чалавек. Па колькасці смяротных вынікаў Італія лідзіруе сярод краін Еўрасаюза і знаходзіцца на шостым месцы ў сусветным рэйтынгу - звыш 98 тысяч чалавек.
Бязлюдны Вялікдзень у 2020-м
©
Sputnik / Виктор Толочко
Ён звярнуўся да каталікоў з традыцыйным велікодным пасланнем і благаславеннем Urbi et Orbi (Гораду і Свету) не з балкона Сабора да плошчы, на якой звычайна збіраецца вялікі натоўп, а ў зусім пустым галоўным каталіцкім храме свету.
У гэтым годзе каталіцкае свята выпадае на 4 красавіка, таму і яго мясцовыя вернікі правядуць, верагодна, дома.
Чытайце таксама:
- Ватыкан мае намер звальняць супрацоўнікаў за адмову ад вакцынацыі
- Мутацыю каронавіруса, якая можа не паддавацца вакцынам, знайшлі ў Італіі
- З-за ізаляцыі мішкі Тэддзі "захапілі" італьянскі бар
Тэги:
Тэмы:
Перадаць касцёл: біскуп Велікаселец правёў сустрэчу з губернатарам Зайцам
(абноўлена 19:46 26.02.2021)
Беларускія каталікі просяць улады перадаць у бязвыплатнае карыстанне шэраг культавых будынкаў у Магілёўскай вобласці.МІНСК, 28 лют – Sputnik. Перадачу магілёўскага кафедральнага касцёла вернікам у бязвыплатнае карыстанне абмеркавалі на сустрэчы старшыня Магілёўскага аблвыканкама Леанід Заяц і апостальскі адміністратар Мінска-Магілёўскай архідыяцэзіі біскуп Казімір Велікаселец, паведамілі ў аблвыканкаме.
Гэта адна з першых сустрэч біскупа Велікасельца з беларускімі чыноўнікамі ў новым статусе. Як раней паведамлялася, пантыфік 3 студзеня прыняў адстаўку арцыбіскупа Мінскага Тадэвуша Кандрусевіча і прызначыў генеральнага вікарыя Пінскай рымска-каталіцкай епархіі, біскупа Казіміра Велікасельца апостальскім адміністратарам Мінска-Магілёўскай архідыяцэзіі. Яшчэ ў траўні 2020 года яму споўнілася 75 гадоў, але Папа Рымскі дазволіў яму працягваць выконваць свае функцыі наступныя два гады.
"Падчас сустрэчы дэталёва абмяркоўвалася тэма статусу магілёўскага кафедральнага касцёла ў кантэксце перадачы яго прыхаджанам ў бязвыплатнае карыстанне", - паведамілі Sputnik у Магілёўскім абласным выканаўчым камітэце.
Там таксама адзначылі, што губернатар Заяц і біскуп Велікаселец сярод іншых абмеркавалі пытанне далейшага лёсу прыбудовы да касцёла Беззаганнага Зачацця Найсвяцейшай Панны Марыі ў Бабруйску.
На сустрэчы Заяц падкрэсліў, што ў рэгіёне няма рознагалоссяў на міжрэлігійнай глебе. Бакі таксама адзначылі, што асноўная місія канфесій і ўлады - "гэта служэнне народу".
Пасля сустрэчы з губернатарам Казімір Велікаселец пагутарыў з прэсай, на якой заявіў, што працуе ў Беларусі даўно і заўсёды знаходзіў агульную мову з выканаўчай уладай.
Сабор Успення Дзевы Марыі, кафедральны касцёл у Магілёве з'яўляецца помнікам архітэктуры ў стылі барока, пабудаваны ў 1738-1752 гадах. Сабор стаіць на месцы былога кляштара кармелітаў. У 1956 годзе сабор быў зачынены, у ім размясціўся Цэнтральны гістарычны архіў БССР. У пачатку 1990-х гадоў будынак сабора быў вернуты вернікам, рэстаўрацыя ішла аж да 1994 года.
Чытайце таксама:
- Біскуп Велікаселец заняў пасаду Апостальскага адміністратара епархіі
- Кандрусевіч і Велікаселец правядуць сумесную службу
- Папа Рымскі прыняў адстаўку Тадэвуша Кандрусевіча
Тэги:
Які сёння дзень: 5 сакавіка 2021 года
(абноўлена 18:10 04.03.2021)
Гэты дзень з'яўляецца шэсцьдзясят чацвёртым па грыгарыянскім календары, да канца года застаўся 301 дзень.Якія падзеі адбыліся 5 сакавіка і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 5 сакавіка
- У 1279 годзе войска ВКЛ на чале з князем Трайдзенем перамагло ордэнскае войска ў бітве пры Ашарадэне.
- У 1562 годзе магістр Лівонскага ордэна Готхард Кетлер у Рыжскім замку перадаў Мікалаю Радзівілу Чорнаму пячатку Ордэна і ключы ад Рыгі, прызнаючы свае ўладанні часткай ВКЛ.
- У 1992 годзе Беларусь устанавіла дыпламатычныя адносіны з Грэцыяй і Малайзіяй.
Хто нарадзіўся 5 сакавіка
- 1777 год: Юзаф Маралёўскі, беларускі паэт і педагог.
- 1896 год: Кандрат Крапіва, беларускі навуковец і пісьменнік.
- 1910 год: Аўген Калубовіч (Каханоўскі), беларускі гісторык, палітычны дзеяч, настаўнік.
Таксама сёння нарадзіліся нямецкая рэвалюцыянерка Роза Люксембург і італьянскі пісьменнік і рэжысёр П'ер Пазаліні.
5 сакавіка ў народным календары
Сёння Праваслаўная Царква шануе памяць вялебнага Льва Катанскага.
Па народным павер'і, у гэты дзень дрэнным знакам было ўбачыць упаўшую зорку – гэта, быццам бы, непазбежна прывядзе да цяжкай хваробы або нават смерці таго, хто назіраў за небам або кагосьці з яго блізкіх.
Калі птушкі ў гэты дзень пачынаюць мыцца ў снезе, будзе адліга. Снег або дождж прадвяшчаюць паводку.
Тэги: