Патрыярх Маскоўскі і ўсяе Русі Кірыл

Падарункі Свяцейшага: 25 асобнікаў Евангелля для 25 новых храмаў у Беларусі

18
(абноўлена 23:20 13.10.2018)
У сваю чаргу Мітрапаліт Мінскі і Заслаўскі Павел паднёс Свяцейшаму Абраз Блажэннай Валянціны Мінскай.

МІНСК, 14 кас - Sputnik. Патрыярх Маскоўскі і ўсяе Русі Кірыл выказаў надзею, што ў Беларусі будуць будавацца новыя праваслаўныя храмы, і падарыў Беларускаму Экзархату 25 асобнікаў напрастольнага Евангелля.

Митрополит Минский и Заславский Павел (слева) и Патриарх Московский и всея Руси Кирилл
© Sputnik / Виктор Толочко
Мітрапаліт Мінскі і Заслаўскі Павел (злева) і Патрыярх Маскоўскі і ўсяе Русі Кірыл

У суботу Свяцейшы Патрыярх узначаліў службу ў Свята-Духавым кафедральным саборы і прачытаў пропаведзь, падчас якой надаў увагу становішчу праваслаўя ў сучасным свеце, а таксама таму, у якой складанай сітуацыі ў цяперашні час знаходзіцца праваслаўная царква на Украіне.

Один из экземпляров напрестольного Евангелия
© Sputnik / Виктор Толочко
Адзін з асобнікаў напрастольнага Евангелля

"Няхай гэтыя 25 асобнікаў напрастольнага Евангелля будуць размешчаны ў 25 новых храмах Беларусі", - сказаў прадстаяцель БПЦ, звяртаючыся да беларускага духавенства.

Образ Равноапостольного Мефодия
© Sputnik / Виктор Толочко
Абраз Роўнаапостальнага Мяфодзія

Акрамя гэтага, ён падарыў Беларускаму Экзархату абраз Роўнаапостальнага Мяфодзія і сказаў раздаць усім, хто прысутнічаў у храме на службе, абразкі Пакрова Прасвятой Багародзіцы са сваім благаслаўленнем.

Икона Блаженной Валентины Минской
© Sputnik / Виктор Толочко
Абраз Блажэннай Валянціны Мінскай

У сваю чаргу Мітрапаліт Мінскі і Заслаўскі Павел паднёс Свяцейшаму абраз Блажэннай Валянціны Мінскай і сказаў, што ён дапаможа прадстаяцелю РПЦ змагацца за адзінства праваслаўя.

Таксама Свяцейшы Патрыярх Кірыл здзейсніў чын намашчэння, яго прынялі сотні вернікаў, якія прысутнічалі ў саборы на службе.

Свяцейшы Патрыярх Маскоўскі і ўсяе Русі Кірыл прыбыў у Беларусь з візітам у суботу. У панядзелак ён узначаліць пасяджэнне свяшчэннага сінода РПЦ, які адбудзецца ў Мінску. На ім абмяркуюць пытанне прадастаўлення Украінскай праваслаўнай царкве аўтакефаліі і рашэнні Канстанцінопальскага патрыярхату Варфаламея.

18
Тэги:
Беларуская праваслаўная царква, Патрыярх Маскоўскі і ўсяе Русі Кірыл
По теме
Патрыярх Кірыл спадзяецца на захаванне адзінства праваслаўнай царквы
Прэзідэнт РФ Уладзімір Пуцін

Пуцін падтрымаў ідэю аб міжнародным законе аб абароне пачуццяў вернікаў

17
Міжрэлігійныя канфлікты могуць тлець гадамі і трэба зрабіць усё, каб пазбегнуць такога ў Расіі, заявіў прэзідэнт РФ.

МІНСК, 4 ліс - Sputnik. Прэзідэнт РФ Уладзімір Пуцін падтрымаў ідэю прыняць закон аб забароне абразы пачуццяў вернікаў на ўзроўні членаў Арганізацыі Аб'яднаных Нацый.

У Дзень народнага адзінства прэзідэнт па відэасувязі пагутарыў з прадстаўнікамі рэлігійных канфесій. У ходзе размовы старшыня каардынацыйнага цэнтра мусульман Паўночнага Каўказа муфтый Ісмаіл Бердзіеў выступіў з ідэяй прапанаваць у Савеце Бяспекі ААН прыняць закон аб абразе пачуццяў вернікаў, які ўжо быў прыняты ў Расіі.

Уладзімір Пуцін ухваліў гэтую ідэю.

"Як вы разумееце, на міжнародных пляцоўках далёка не заўсёды нашы ініцыятывы праходзяць, хоць некаторыя выклікаюць досыць вялікую пазітыўную рэакцыю - у дадзеным выпадку з боку членаў Арганізацыі Аб'яднаных Нацый. Трэба прадумаць гэта", - сказаў Пуцін. Ён падкрэсліў, гэта сапраўды добрая прапанова і сказаў, што абавязкова дасць МЗСу адпаведнае даручэнне.

Аб рэлігійных канфліктах

Міжнацыянальную сітуацыю ў шэрагу краін прэзідэнт РФ ацаніў як складаную, дадаўшы пры гэтым, што міжрэлігійныя канфлікты могуць тлець гадамі.

Ён падкрэсліў, што для Расіі мірнае суіснаванне людзей рознай рэлігійнай і нацыянальнай прыналежнасці - аснова асноў, гэтай сферы варта надаваць пастаянную ўвагу і ўсе органы ўлады, і грамадзянская супольнасць, і СМІ. Працу тут трэба весці тонкую, змястоўную і карпатлівую - і ў Расіі імкнуцца дзейнічаць менавіта так, выяўляючы максімальную далікатнасць.

"Бачым, да чаго прыводзяць дзеянні рознага роду правакатараў, тых, хто, прыкрываючыся свабодай слова, абражае пачуцці вернікаў, і тых, хто выкарыстоўвае гэта як нагоду, каб апраўдаць гвалт і нецярпімасць", - звярнуў увагу Пуцін.

Ён адзначыў, што падобныя сцэнары прыводзяць да таго, што канфлікты ў грамадстве нарастаюць падобна снежнаму кому - і могуць "тлець гадамі і дзесяцігоддзямі". Расійскі лідар падкрэсліў, што неабходна зрабіць усё для таго, каб пазбегнуць падобнага ў Расіі.

17
Тэги:
Расія, Уладзімір Пуцін
Папа Рымскі Францыск

Лукашэнка расказаў, на якіх умовах магчымы візіт Папы Рымскага

23
(абноўлена 15:08 02.11.2020)
Беларускія ўлады могуць запрасіць у краіну кіраўніка каталіцкай царквы, але пры выкананні цэлага шэрагу фармальнасцяў, звязаных з пазіцыяй праваслаўнай царквы.

МІНСК, 2 ліс - Sputnik. Каталіцкая царква мае цэлы шэраг праблем з праваслаўнай, заявіў прэзідэнт Беларусі Аляксандр Лукашэнка ў ходзе сустрэчы з кіраўніком Беларускай праваслаўнай царквы Веніямінам.

Па словах кіраўніка дзяржавы, ідзе мноства гутарак пра візіт Папы Рымскага ў Беларусь. Паколькі Пантыфік кіруе і дзяржавай, і царквой, то запрашаць яго павінен таксама кіраўнік дзяржавы і праваслаўная царква, "з якой у каталікоў ёсць маса праблем".

Мы раскольнікамі не былi

Пры гэтым беларускі лідар канстатаваў, што не мае жадання апынуцца "паміж молатам і кавадлай і стварыць нейкія нязручнасці". Гэтае пытанне, па словах прэзідэнта, ужо абмяркоўвалася з Папам Рымскім, і той выказаў разуменне.

"Таму ўсялякія інсінуацыі, размовы, што, вось, ледзь не інкогніта прыедзе Папа Рымскі, тут збярэцца натоўп з усёй Еўропы... Натуральна, прыедуць каталікі з усёй Еўропы, і сто, і дзвесце тысяч, - гэта факт", - лічыць Лукашэнка.

Пасля чаго дадаў, што беларускія ўлады не пойдуць на тое, каб падставіць Папу Рымскага пад праблемы, калі з боку дзяржавы ёсць запрашэнне, а праваслаўная царква і патрыярх з гэтым не згодныя.

"Мы раскольнікамі не былi i не будзем. Я не супраць, каб і Папа Рымскі, не кажучы ўжо пра нашага Патрыярха і гэтак далей, прыязджалі да нас сюды. Але павінна быць агульная згода на гэта", - канстатаваў беларускі лідар.

Напрыканцы ён асабліва адзначыў, што падобныя дзеянні не павінны ўносіць раскол, які нельга будзе выправіць. У гэтай сувязі не трэба "весці нейкія незразумелыя размовы і ў палітычнай гульні разыгрываць гэтую карту. Гэта непрымальна".

Прэзідэнт Беларусі Аляксандр Лукашэнка ў апошні раз наведваў Ватыкан ў 2016 годзе: тады ён правёў перамовы з Пантыфікам, на якіх запрасіў яго прыехаць у рэспубліку.

23
Тэги:
Папа Францыск, Аляксандр Лукашэнка
Пасол Дзмітрый Мезенцаў на адкрыцці выставы

Пасол РФ: чым далей Перамога, тым складаней усведамляецца маштаб подзвігу

0
(абноўлена 17:25 27.11.2020)
У беларускай сталіцы адкрылася выстава легендарнага савецкага фотакарэспандэнта Яўгена Халдзея.

МІНСК, 27 ліс - Sputnik. Стварэнне ў Мінску Музея гісторыі Вялікай Айчыннай вайны ў 1944 годзе сведчыць аб тым, што ніхто ў перамозе не сумняваўся, сказаў пасол РФ Дзмітрый Мезенцаў, перадае карэспандэнт Sputnik.

У пятніцу ў Мінску адкрылася выстава, прысвечаная фотаработам савецкага карэспандэнта Яўгена Халдзея. Вядомы фотамайстар праславіўся дзякуючы сваім рэпартажам з франтоў Вялікай Айчыннай. Менавіта яго аўтарству належыць фота з чырвоным сцягам, устаноўленым над Рэйхстагам.

Посол Дмитрий Мезенцев на открытии выставки
© Sputnik / Виктор Толочко
Пасол Дзмітрый Мезенцаў на адкрыцці выставы

Па словах кіраўніка расійскай дыпмісіі да Перамогі ў Расіі, Беларусі і краінах Садружнасці ставяцца з асаблівым хваляваннем.

"Чым далей Перамога, тым складаней усведамляецца маштаб зробленага салдатам, савецкім народам подзвігу", - сказаў Мезенцаў.

Расійскі дыпламат адзначыў, што "зірнуўшы на фатаграфіі Яўгена Халдзея здзіўляе падзейны шэраг унікальнага фотамайстра".

Пры гэтым ён звярнуў увагу, што бягучы год асаблівы ў адносінах Беларусі і Расіі, калі мы пераасэнсоўваем іх гісторыю і значэнне.

"Калі мы знаходзім мужнасць і мудрасць за кефірнымі і мяснымі спрэчкамі, якіх на шчасце становіцца ўсё менш. Я ўпэўнены, што іх будзе так мала, што мы забудзем пра гэта", - падкрэсліў Дзмітрый Мезенцаў.

Пасля чаго дадаў, што "сёння ўзіраючыся ў фатаграфіі Яўгена Халдзея, мы не можам вылучыць, дзе этнічны беларус, дзе рускі, украінец, паляк, яўрэй, азербайджанец, эстонец. І мы не павінны гэтага рабіць, таму што Перамога адзіная - Перамога ўсяго народа, а памяць пра яе непадзельная ў тым ліку дзяржаўнымі межамі і тымі, хто хоча забыцца. А хочуць забыцца тыя, каму сорамна за подласць сваіх продкаў".

Майстар і мастак

У сваю чаргу намеснік міністра культуры РФ Мікалай Аўсіенка заявіў, што для яго вялікі гонар прадстаўляць у Мінску выставу сусветна вядомага майстра Яўгена Халдзея.

На октрытии выставки в музее
© Sputnik / Виктор Толочко
На адкрыцці выставы ў музеі

"Калі б ён жыў сёння, яго б называлі фотамастаком, таму што яго погляд - гэта не рэпарцёр, гэта мастак. Кожная яго фатаграфія - гэта карціна: ёсць свая драматургія, ёсць дзіўная пабудова. Так і хочацца сказаць, што гэта карціна", - асабліва адзначыў намеснік міністра культуры.

Мікалай Аўсіенка шчыра прызнаўся, што немагчыма зразумець, як гэта атрымлівалася ў Яўгена Халдзея.

"Яўген Ананьевіч пражыў 80 гадоў, з якіх 67 гадоў ён прысвяціў фатаграфіі, пачынаючы са свайго самаробнага фотаапарата і заканчваючы вядомай лейкай. Ён прайшоў усімі франтавымі дарогамі. І не толькі сваім сучаснікам, але і нашчадкам даў ўгледзецца ў гэтыя твары", - падкрэсліў прадстаўнік Мінкульта Расіі.

"Выстава дае нам эфект прысутнасці і драматургічна дакладна пабудавана ад першых хвілін вайны 22 чэрвеня 1941 года і да парада Перамогі. Гэта наша з вамі агульная гісторыя", - падсумаваў ён.

0
Тэги:
Вялікая Айчынная вайна (1941-1945), Дзмітрый Мезенцаў