Свечкі ў царкве

Праваслаўныя адзначаюць свята Стрэчання Гасподняга

339
(абноўлена 11:33 15.02.2018)
Стрэчанне Гасподняе, або Грамніцы - адно з галоўных царкоўных святаў у годзе.

Праваслаўныя хрысціяне адзначаюць сёння адно з найбуйнейшых святаў — Стрэчанне Гасподняе. Гэтае старажытнае свята мае шэраг традыцый і забаронаў, а адзначаюць яго ў памяць аб сустрэчы немаўля Ісуса са старцам Сімяонам — гэта падзея апісана ў Евангеллі ад Лукі. Са старажытнаславянскага слова "стрэчанне" перакладаецца як "сустрэча".

Лічыцца, што Стрэчанне завяршае шэраг калядных святаў.

Як святкавалі Стрэчанне Гасподняе ў даўніну

Хоць свята Стрэчання Гасподняга — адно з самых старажытных у хрысціянстве, раней яго адзначалі не як урачыстасць. Першыя згадкі пра святкаванне гэтага дня адносяцца да канца чацвёртага стагоддзя.

Хрысціяне вераць, што святкаваць Грамніцы больш урачыста пачалі з сярэдзіны шостага стагоддзя пасля землятрусу ў Антыахіі і наступнай згубнай пошасці. Тады, паводле павер'яў, аднаму з хрысціян было адкрыта: Грамніцы неабходна святкаваць больш маштабна.

Пасля ўсяночнага чування і хроснага ходу бедствы ў Візантыі спыніліся, а Царква ўнесла Грамніцы у лік асноўных святаў. Так яго і адзначаюць — з 544 года.

Традыцыі свята Стрэчанне

15 лютага на свята Стрэчанне ў цэрквах праходзяць святочныя набажэнствы, часам здзяйсняецца і хрэсны ход.

У гэтае свята трэба прыходзіць у храм і маліцца. Часам у гэты дзень у храмах асвячаюць свечкі, а вернікі потым іх могуць забраць дадому і з імі маліцца. Таксама лічыцца, што такія свечкі могуць абараніць хату ад "вогненных" катастроф — маланкі ці пажару. Асвячалі у гэта свята і ваду.

девочка в церкви
© Sputnik / Григорий Сысоев
Свечкі ў царкве

Пасля святкавання Стрэчання пачынаецца падрыхтоўка да вясны. З гэтым звязана і мноства прыкметаў: напрыклад, калі ў Грамніцы чыстае неба і свеціць сонца, то вернуцца маразы. Таксама па надвор'і нашы продкі рабілі высновы пра надвор'е летам, ураджай і тое, калі трэба пачаць працу ў поле.

Чаго нельга рабіць на Грамніцы

Свята Стрэчання Гасподняга мае шэраг сваіх забарон і традыцый. Лічыцца, што 15 лютага неабходна сканцэнтравацца на духоўным жыцці, прасіць прабачэння за грахі і імкнуцца рабіць добрыя справы.

Нельга на Грамніцы займацца любой працай — акрамя той, якая служыць на карысць людзям. Заробкам грошай у свята займацца не варта. Забарона не тычыцца медыкаў, ратавальнікаў і тых, хто дапамагае людзям.

У гэты дзень таксама нельга ўжываць алкагольныя напоі. Пад забаронай — сваркі і лаянкі.

Нельга займацца ў свята Стрэчання хатнімі справамі: уборкай і мыццём. Лічыцца, што нельга і рукадзельнічаць.

339
Тэги:
Стрэчанне Гасподняе, Грамніцы, БПЦ, Мінск, Беларусь
Гвардзейцы пяхотнай кагорты швейцарцаў свяшчэннай аховы Рымскага папы

Ватыкан мае намер звальняць супрацоўнікаў за адмову ад вакцынацыі

21
(абноўлена 12:20 19.02.2021)
Адным з першых у дзяржаве вакцынай ад каронавіруса прышчапіўся Папа Рымскі Францыск - раней з-за пандэміі яго зносіны з вернікамі праходзілі ў анлайн-фармаце.

МІНСК, 19 лют – Sputnik. Улады Ватыкана прынялі спецыяльны дэкрэт, у якім падкрэсліваецца, што за адмову вакцынавацца ад каронавіруса без даказанай медыцынскай прычыны грамадзяне могуць пазбавіцца працы, паведамляе агенцтва ANSA.

Вакцынацыя ў Ватыкане праводзіцца бясплатна і ў добраахвотным парадку, аднак новы дэкрэт уводзіць магчымасць для працадаўцаў ўжываць строгія меры да адмоўнікаў ад прышчэпак, аж да разрыву працоўных адносін. А тых, хто адмовіцца вакцынавацца па стане здароўя, могуць перавесці на іншую працу з паніжэннем у пасады. У дакуменце гаворыцца, што "адмова ад вакцыны можа ўяўляць сабой небяспеку для іншых і сур'ёзна павялічыць рызыкі для грамадскага здароўя".

Акрамя таго, дэкрэт прадугледжвае строгае захаванне устаноўленых уладамi Ватыкана правіл у барацьбе з каронавіруснай інфекцыяй. Яны датычацца захоўвання сацыяльнай дыстанцыі, недапушчэння масавага збору людзей, абавязковага нашэння масак і захавання карантыну ў пэўных сітуацыях. Для парушальнікаў штраф складзе ад 25 да 1500 еўра. Нагляд за гэтым будзе ажыццяўляць Ватыканская жандармерыя.

Вакцынацыя прэпаратам Pfizer ў дзяржаве-анклаве пачалася ў студзені 2021 года. Папа Рымскі Францыск ужо зрабіў дзве прышчэпкі.

Нагадаем, што абмежавальныя меры ў Ватыкане былі ўведзеныя ў сувязі з пандэміяй каронавіруса і з недамаганнем самога пантыфіка, які ў снежні перанёс ішыалгію (болі ўздоўж сядалішчнага нерва).

Зносіны Папы Рымскага з вернікамі з сакавіка 2020 года праходзілі ў анлайн-фармаце.

Чытайце таксама:

21
Тэги:
Папа Францыск, каронавірус, вакцына, Вакцынацыя, Ватыкан
Тэмы:
Каронавірус COVID-19

Бліны на дрэвах растуць: абрад "Грамніцы" у беларускай вёсцы - відэа

67
(абноўлена 21:47 15.02.2021)
Адно з вялікіх праваслаўных свят - Стрэчанне Гасподняе, а ў народзе святкуюць Грамніцы. Лічыцца, што пасля гэтага дня сіла зімы памяншаецца. Глядзіце на відэа, як выглядае абрад "Грамніцы" у беларускай вёсцы.

"На Грамніцы - паўзіміцы" ці "Як прыйдуць грамніцы - скідай рукавіцы" - так кажуць у вёсцы Пласток Любанскага раёна.

Грамніцы народ успрымаў як сустрэчу зімы з летам. У гэтым годзе 14 лютага ў Пластокскі сельскі дом культуры прыехалі паўдзельнічаць у Грамніцы яшчэ і жыхары вёскі Камуна Любанскага раёна.

Святочныя традыцыйныя гулянні ў вёскі Пласток пачынаюцца карагодамі: адна група ходзіць сваім карагодам, паказваючы лета, іншая група - сваім карагодам, паказваючы зіму. Усе сустракаюцца ў цэнтры вёскі, вітаюць адзін аднаго і выказваюць пажаданні аб будучыні лета.

Спяваюць: "У нас сегонне стрэчанне, стрэчанне. Зіма з Летам стрэлася, стрэлася. Лета Зіму піхнула, піхнула. І ножачку звіхнула, звіхнула. Пайшло Лета скачучы, скачучы. Зіма пайшла плачучы, плачучы".

Пакуль водзяцца карагоды і спяваюцца грамнічны песні, мясцовы мужчына ад "грамнічнай" свечкі запальвае невялікае вогнішча з саломы і шчапы - "жывы агонь", каб абараніцца ад злых духаў.

Вакол гэтага вогнішча ўсе водзяць карагоды, традыцыйна перакідваюцца паміж сабой блінамі. Бліны ў дадзеным абрадзе ўвасабляюць сонца: "Няхай у снег упадзе, Сонейка снег тапіць пачне", потым бліны паднімаюць са снегу і вешаюць або закідваюць на дрэвы, каб падкарміць птушачак.

Потым качаюць упрыгожанае стужкамі і кветкамі кола ад калаўрота па вёсцы: "Дзяўчаты, каціце калясо-Сонейка па вуліцы, каб сонца на лета перакацілася, каб лецечка абудзілася!". Дзяўчыны качаюць па вуліцах упрыгожанае кола, перахапляючы яго адна ў адной.

Пасля дзяўчаты ідуць стукаць у "бляшанку" (кавалак бляхі) драўлянымі палкамі, каб абудзіць бога-грамаўніка, які дапаможа лету ў барацьбе з зімой.

Ну а потым - усе на вясёлую вечарыну з народнымі песнямі і прыпеўкамі!

Чытайце таксама:

67
Тэги:
свята, Грамніцы, Стрэчанне Гасподняе
Тбілісі

На самалёце і з ПЦР-тэстам: Грузія дазволіла ўезд беларусам

23
(абноўлена 17:27 24.02.2021)
Новы прэм'ер паведаміў, што зняў усе абмежаванні, уведзеныя з-за каронавіруса, - акрамя каменданцкай гадзіны.

МІНСК, 24 лют – Sputnik. Беларусы змогуць уехаць у Грузію з 1 сакавіка, пра гэта паведаміў прэм'ер Грузіі Іраклій Гарыбашвілі.

Уехаць можна пакуль што толькі паветраным шляхам - сухапутныя межы застаюцца зачыненымі для турыстаў. Абавязковая ўмова - наяўнасць з сабой адмоўнага ПЦР-тэста.

У Грузіі таксама здымаецца вялікая частка абмежаванняў, якія раней былі ўведзены з-за каронавіруса - за выключэннем каменданцкай гадзіны. Яна дзейнічае па ўсёй краіне з 21:00 да 05:00.

Адновяць работу рэстараны, якія знаходзяцца ў закрытых памяшканнях (за выключэннем выхадных дзён), хоць ім прыйдзецца выконваць шэраг умоў і рэкамендацый.

З 25 лютага ў краіне адновіць працу міжгародні транспарт і гасцініцы ў гарналыжных курортных гарадах. З 15 сакавіка адкрыюцца спартыўныя залы, тэатры, гандлёвыя цэнтры і рынкі, з 1 сакавіка зноў пачнуць працу дзіцячыя сады і ВНУ.

Нагадаем, што абмежаванні былі ўведзены ў краіне з-за пандэміі каронавіруса. Уехаць у яе маглі з ПЦР-тэстам толькі грамадзяне краін ЕС, ад астатніх патрабавалася прадаставіць даведку аб праходжанні поўнага курса вакцынацыі. Зараз спісак стаў больш: да іх, акрамя Беларусі, дадаліся Расія, Арменія, Азербайджан, Украіна і Казахстан.

За ўвесь перыяд пандэміі каронавіруса ў Грузіі былі зафіксаваны 269 438 выпадкаў заражэнняў, памерлі 3 463 чалавекі. Вакцынацыю ад каронавіруса ўлады плануюць пачаць у сакавіку.

Дзе ў Мінску можна здаць ПЦР-тэст для паездкі за межы рэспублікі - можна прачытаць тут.

Чытайце таксама:

23
Тэги:
каронавірус, беларусы, Грузія, тэст, Самалёты
Тэмы:
Каронавірус COVID-19