Свята-Нікольскі жаночы манастыр Магілёва

Скрадзены абраз вярнулі ў магілёўскі манастыр перад Вялікаднем

101
(абноўлена 08:46 27.04.2019)
Перадалі святыню манашкам работнікі Следчага камітэта і Камітэта дзяржбяспекі.

МАГІЛЁЎ, 27 кра - Sputnik. У Страсную пятніцу ў Свята-Нікольскі жаночы манастыр Магілёва вярнулі абраз святога Мікалая Цудатворца, выкрадзены два з паловай гады таму.

Перадалі святыню манашкам работнікі Следчага камітэта і Камітэта дзяржбяспекі. Знойдзеную праваахоўнікамі рэч апазнала ігумення Свята-Нікольскага манастыра Еўфрасіння. Яна распавяла, што старажытны абраз у акладзе быў выкрадзены ў верасні 2016 года ў дзённы час. Яго вынес невядомы чалавек, калі ў храме заставалася вельмі мала сясцёр. Прапажу хутка выявілі, бо абраз святога Мікалая знаходзіўся на бачным месцы.

Па словах ігуменні Еўфрасінні, з таго часу з-за выкрадання ў храме вельмі перажывалі. Вяртанне абраза святога Мікалая Цудатворца стала вялікай падзеяй для сясцёр і вернікаў. Каб падысці да яго, трэба было выстаяць чаргу. Сімвалічна, што перадалі абраз у манастыр практычна напярэдадні святога Вялікадня.

"Гэта, вядома, ласка Божая. Святыя пачулі нашы малітвы, і мы далей будзем жыць пад абаронай Мікалая Цудатворца. Гэта вельмі добры знак, што абраз вярнуўся. Таму што сёстры смуткавалі вельмі", - распавяла ігумення Свята-Нікольскага манастыра Еўфрасіння.

Украденная икона святого Николая Чудотворца
© Sputnik Мария Зуева
Скрадзены абраз святога Мікалая Цудатворца

Гэты абраз калісьці перадаў у манастыр мясцовы жыхар. Па словах таго, хто яго прынёс, з такой просьбай да яго ў сне звярнуліся памерлыя сваякі. Пасля выкрадання, пакуль абраз быў па-за храмам, ён не пацярпеў. Калі яго знайшлі, ён быў перададзены на экспертызу ў Нацыянальны мастацкі музей Беларусі. Эксперты ўстанавілі, што праца была зроблена ў Расіі ў XIX стагоддзі і прадстаўляе гісторыка-культурную і мастацкую каштоўнасць.

Абраз атрымалася вярнуць. Аднак таго, хто вынес яго з манастыра, яшчэ трэба будзе знайсці. Як паведамілі ў СК РБ па Магілёўскай вобласці, на дадзены момант праводзяцца ўсе неабходныя мерапрыемствы па ўсталяванні асобы, якая ўчыніла крадзеж абраза.

101
Тэги:
абраз, Магілёў
Тэмы:
Сустракаем Вялікдзень (60)
Калядная служба ў Архікафедральным саборы Святой Панны Марыі

Каталікам Віцебска забаранілі пляскаць у касцёлах і абавязалі стаяць на каленях

16
(абноўлена 13:43 25.02.2021)
Да новага дэкрэта прыхаджане абласнога цэнтра маглі самі вырашаць, прычашчацца ім стоячы або на каленях.

МІНСК, 25 лют – Sputnik. Новы дэкрэт віцебскага біскупа Алега Буткевіча абавязаў вернікаў прычашчацца на каленях і забараніў апладысменты ў касцёлах рэгіёну падчас правядзення літургіі.

Як распавёў Sputnik канцлер Віцебскай Епархіі Віктар Місевіч, дэкрэт ужо ўступіў у сілу і будзе дзейнічаць бестэрмінова. Яго патрабаванні распаўсюджваюцца на ўсе 94 афіцыйныя прыходы.

Ксёндз таксама нагадаў, што прычашчацца на каленях ва ўсе часы было звычайным дзеяннем. Але да новага дэкрэта прыхаджане маглі выбіраць, як гэта рабіць: стоячы або на каленях. Цяпер такой магчымасці няма.

"Абмежаванні павінны дапамагчы вернікам касцёла глыбей перажываць літургію", - растлумачыў канцлер Місевіч.

Выключэнне можа быць зроблена толькі для састарэлых прыхаджан і тых, хто хворы. Акрамя таго, прычашчацца стоячы можна будзе ў выпадках, калі ў прыходзе мала месца або занадта шмат людзей.

Чытайце таксама:

16
Тэги:
касцёл, Віцебск, Каталікі
Гвардзейцы пяхотнай кагорты швейцарцаў свяшчэннай аховы Рымскага папы

Ватыкан мае намер звальняць супрацоўнікаў за адмову ад вакцынацыі

21
(абноўлена 12:20 19.02.2021)
Адным з першых у дзяржаве вакцынай ад каронавіруса прышчапіўся Папа Рымскі Францыск - раней з-за пандэміі яго зносіны з вернікамі праходзілі ў анлайн-фармаце.

МІНСК, 19 лют – Sputnik. Улады Ватыкана прынялі спецыяльны дэкрэт, у якім падкрэсліваецца, што за адмову вакцынавацца ад каронавіруса без даказанай медыцынскай прычыны грамадзяне могуць пазбавіцца працы, паведамляе агенцтва ANSA.

Вакцынацыя ў Ватыкане праводзіцца бясплатна і ў добраахвотным парадку, аднак новы дэкрэт уводзіць магчымасць для працадаўцаў ўжываць строгія меры да адмоўнікаў ад прышчэпак, аж да разрыву працоўных адносін. А тых, хто адмовіцца вакцынавацца па стане здароўя, могуць перавесці на іншую працу з паніжэннем у пасады. У дакуменце гаворыцца, што "адмова ад вакцыны можа ўяўляць сабой небяспеку для іншых і сур'ёзна павялічыць рызыкі для грамадскага здароўя".

Акрамя таго, дэкрэт прадугледжвае строгае захаванне устаноўленых уладамi Ватыкана правіл у барацьбе з каронавіруснай інфекцыяй. Яны датычацца захоўвання сацыяльнай дыстанцыі, недапушчэння масавага збору людзей, абавязковага нашэння масак і захавання карантыну ў пэўных сітуацыях. Для парушальнікаў штраф складзе ад 25 да 1500 еўра. Нагляд за гэтым будзе ажыццяўляць Ватыканская жандармерыя.

Вакцынацыя прэпаратам Pfizer ў дзяржаве-анклаве пачалася ў студзені 2021 года. Папа Рымскі Францыск ужо зрабіў дзве прышчэпкі.

Нагадаем, што абмежавальныя меры ў Ватыкане былі ўведзеныя ў сувязі з пандэміяй каронавіруса і з недамаганнем самога пантыфіка, які ў снежні перанёс ішыалгію (болі ўздоўж сядалішчнага нерва).

Зносіны Папы Рымскага з вернікамі з сакавіка 2020 года праходзілі ў анлайн-фармаце.

Чытайце таксама:

21
Тэги:
Папа Францыск, каронавірус, вакцына, Вакцынацыя, Ватыкан
Тэмы:
Каронавірус COVID-19
Лячэнне пацыентаў c COVID-19

Апублікавана свежая статыстыка па каронавірусе: за суткі 1 191 хворы

2
(абноўлена 16:36 25.02.2021)
За ўвесь перыяд пандэміі ў Беларусі памерлі амаль дзве тысячы чалавек з выяўленай каронавіруснай інфекцыяй.

МІНСК, 25 лют – Sputnik. За мінулыя суткі ў Беларусі зарэгістраваны 1 191 пацыент з каронавіруснай інфекцыяй - на 88 чалавек менш, чым на дзень раней, паведаміла прэс-служба Міністэрства аховы здароўя рэспублікі.

Па звестках ведамства, за мінулыя 24 гадзіны выпісаны 1 413 пацыентаў, якія ачунялі ад каронавіруса.

"Усяго, ад пачатку пандэміі, у Беларусі былі зарэгістраваны 282 898 чалавек са станоўчым тэстам на каронавірус. Паправіліся 273 146 пацыентаў, у якіх раней быў пацверджаны дыягназ COVID-19", - гаворыцца ў паведамленні.

За ўвесь час распаўсюджвання інфекцыі памерлі 1 948 пацыентаў (плюс дзевяць смярцей за апошнія суткі).

Усяго ў краіне праведзена амаль пяць мільёнаў тэстаў на COVID-19, за мінулыя 24 гадзіны - больш за 17 тысяч ПЦР-даследаванняў.

Вакцынацыя ад каронавіруса

Прышчапляць ад каронавіруса ў рэспубліцы пачалі 29 снежня: першыя ўколы расійскага прэпарата "Спутник V" былі зроблены медработнікам 5-й гарадской клінічнай паліклінікі. Масавая вакцынацыя персаналу бальніц і паліклінік, якія знаходзяцца ў зоне рызыкі, стартавала ў краіне 19 студзеня.

На мінулым тыдні ў краіне адкрыўся папярэдні запіс на прышчэпку супраць каронавіруса. Плануецца, што ўсеагульная масавая вакцынацыя пачнецца ў канцы сакавіка. Прыкладна ў сакавіку-красавіку ў краіне таксама запрацуе вытворчасць вакцыны ад каронавіруса "Спутник V". Беларусь плануе штомесяц выпускаць па 500 тысяч доз расійскага прэпарата.

Раней прэзідэнт Беларусі Аляксандр Лукашэнка паведаміў, што беларуская вакцына будзе гатова да восені.

Вынікі падводзіць пакуль рана

Міністр аховы здароўя Дзмітрый Піневіч раней заявіў, што канчатковыя вынікі па барацьбе з пандэміяй будуць падведзены пасля завяршэння эпідэмічнага сезона, і казаць пра гэта пакуль рана, паколькі ў рэспубліцы цяпер фіксуецца толькі другая хваля. Паводле яго слоў, можа быць і трэцяя, але з менш інтэнсіўным перыядам уздыму. Як патлумачыў Піневіч, многае будзе залежаць ад новых штамаў.

Чытайце таксама:

2
Тэги:
Міністэрства аховы здароўя, Беларусь, Статыстыка, каронавірус
Тэмы:
Каронавірус COVID-19