Успенскі сабор у Жыровічах

У Жыровіцкім манастыры могуць знесці будынкі XIX стагоддзя?

34
(абноўлена 15:28 22.08.2019)
Архітэктурны комплекс старажытнага мужчынскага манастыра з'яўляецца гістарычным помнікам, які ахоўваецца дзяржавай. Ці можа рэстаўрацыя праваслаўнай святыні стаць падставай для разбурэнняў, паспрабаваў разабрацца Sputnik.

У наступным годзе ў Беларусі будуць святкаваць 550-годдзе здабыцця цудатворнай Жыровіцкай іконы Божай Маці і 500-годдзе з дня заснавання Свята-Успенскага Жыровіцкага стаўрапігіяльнага мужчынскага манастыра.

"З гэтай нагоды правялі вялікую нараду, на якой абмяркоўвалася рэстаўрацыя манастыра. Грамадскасці стала вядома, што могуць быць страчаны бакавыя флігелі званіцы", - распавёў карэспандэнту Sputnik гісторык Ігар Чарняўскі.

Адзін на ўсю краіну

Паводле яго слоў, гэтае пытанне паўстала, таму што ёсць меркаванне пра тое, што флігелі нібыта маюць нізкую гістарычную значнасць. Такія довады паўсталі на аснове памылковай інфармацыі, што гэтыя будынкі ўзвялі ўжо пасля Другой сусветнай вайны.

Пры гэтым гісторык звярнуў увагу, што званіца была пабудавана ў XVII стагоддзі, а разам з флігелямі, як адзіны архітэктурны ансамбль прастаяла ўжо больш за 200 гадоў.

Пад пагрозай таксама апынулася і вонкавае аблічча Успенскага сабора, да якога могуць прыбудаваць галерэю. Новабудоўлю плануюць выкарыстоўваць як месца для продажу свечак і іншай царкоўнай атрыбутыкі.

Ігар Чарняўскі распавёў, што спецыялісты ўжо падрыхтавалі і накіравалі ў адміністрацыю прэзідэнта ліст, у якім выкладзены гістарычныя факты і асцярогі ў сувязі з далейшым лёсам архітэктурнага ансамбля ў Жыровічах, падобнага якому ў краіне больш няма.

"Мы адправілі ліст Наталлі Іванаўне (Качанавай, кіраўнік прэзідэнцкай Адміністрацыі - Sputnik) і чакаем адказу, нейкае рашэнне гэтай праблемы павінна быць", - упэўнены Ігар Чарняўскі.

Без каментарыяў

За падрабязнай інфармацыяй карэспандэнт Sputnik звярнуўся ў Жыровіцкі манастыр, але там не змаглі адказаць на пытанне аб тым, плануецца зносіць нейкія будынкі ці не.

У прэс-службе Беларускай праваслаўнай царквы сказалі, што не валодаюць інфармацыяй аб зносе якіх-небудзь будынкаў у манастыры і не ў курсе, што ў Адміністрацыю прэзідэнта накіраваны ліст з гэтай нагоды. У БПЦ не сталі каментаваць сітуацыю.

Што за манастыр знаходзіцца ў Жыровічах?

Свята-Успенскі стаўрапігіяльны мужчынскі манастыр з'яўляецца галоўным праваслаўным цэнтрам у Беларусі. Архітэктурны комплекс з'яўляецца гістарычным помнікам XVII-XVIII стагоддзяў.

Манастыр у Жыровічах паўстаў пасля здабыцця цудатворнага абраза Божай маці ў XV стагоддзі, якая шануецца і праваслаўнымі і каталікамі. Намаляваная на яшме ўсяго некалькі сантыметраў у папярочніку Жыровіцкая ікона Божай Маці адна з самых шанаваных святынь у Беларусі.

Цікава, што на працягу сваёй доўгай гісторыі манастыр у Жыровічах паспеў стаць адным з уніяцкіх духоўных цэнтраў. Пасля далучэння беларускіх зямель да Расійскай імперыі ў 1839 годзе на Полацкім саборы уніяцкія прыходы перайшлі праваслаўнай царкве і Жыровіцкі манастыр зноў стаў праваслаўным.

Цяпер на тэрыторыі Свята-Успенскага манастыра знаходзіцца і Мінская духоўная семінарыя, якая з'яўляецца вышэйшай багаслоўскай навучальнай установай Беларускай Праваслаўнай Царквы.

34
Тэги:
Беларусь, Жыровіцкі манастыр
Касцёл Найсвяцейшай Тройцы (Святога Роха)

Беларускі Касцёл абурыўся кліпам удзельніцы шоу "Халасцяк" Салавейчык

24
(абноўлена 13:17 28.07.2020)
Дзеянне ў апублікаваным відэа, якое мае ўзроставы цэнз 18+, адбываецца ў тым ліку на фоне і ўнутры касцёла Святой Тройцы на Залатой Горцы ў Мінску.

МІНСК, 28 ліп - Sputnik. Кліп беларускай спявачкі Аляксандры Салавейчык, апублікаваны на днях на платформе YouTube, абражае пачуцці вернікаў, гаворыцца ў заяве Курыі Мінска-Магілёўскай архідыяцэзіі Рымска-Каталіцкай царквы Беларусі.

Кліп за некалькі дзён набраў крыху больш за 3,5 тысячы праглядаў. Ролік называецца "Нялюбасць" і пачынаецца з паведамлення, што "ўсё ў гісторыі - мастацкая выдумка", а аўтары "з глыбокай павагай" ставяцца да прадстаўнікоў усіх канфесій. Адна з сюжэтных ліній разгортваецца ўнутры і каля касцёла. Відэа мае ўзроставы цэнз 18+.

У заяве адзначаецца, што ў кліпе ёсць сцэны эратычнага характару і фрагменты, знятыя ў касцёле Святой Тройцы на Залатой Горцы ў Мінску. Пры гэтым прафесійныя здымкі ў касцёлах і на прылеглай тэрыторыі магчымыя толькі з дазволу архідыяцэзіі і настаяцеля храма. У гэтым выпадку дазволу на правядзенне здымак, па інфармацыі архідыяцэзіі, атрымана не было.

"У гэтай сувязі Курыя Мінска-Магілёўскай архідыяцэзіі заяўляе свой рашучы пратэст аўтарам відэакліпа. Касцёл - гэта сакральнае месца для малітвы", - гаворыцца ў заяве.

На думку прадстаўнікоў Рымска-каталіцкай царквы ў Беларусі, прадстаўленыя ў кліпе сцэны з'яўляюцца штукарскімі ў адносінах да Касцёлу і святога месца, якім з'яўляецца храм.

"У сувязі з гэтым яны нясуць у сабе абразу пачуццяў вернікаў", - гаворыцца ў заяве.

Пры гэтым, адзначаюць аўтары заявы, Каталіцкі Касцёл заўсёды выступаў за развіццё культуры. Але ў сваім імкненні быць свабодным мастацтва павінна ўсё ж такі несці ў сабе маральныя каштоўнасці, мяркуюць прадстаўнікі Касцёла. У гэтай сувязі аўтары заявы звяртаюцца да прадстаўнікоў культуры з просьбай устрымацца ў будучыні ад падобных крокаў і разлічваюць на супрацоўніцтва дзеля народа і яго духоўнага развіцця.

Аляксандра Салавейчык у свой час прымала ўдзел у расійскіх шоу "Халасцяк" на ТНТ і "Голас-4" на Першым канале. Але ў абодвух выпадках не вельмі ўдала. Пяць гадоў таму яна таксама спрабавала адабрацца на "Еўрабачанне" ад Беларусі. Вядомай выканаўца стала пасля перамогі ў дзіцячым конкурсе "Славянскага базару" ў 2003 годзе.

24
Тэги:
Касцёл Найсвяцейшай Тройцы (Святога Роха)
Каталіцкія біскупы ў Мінску - святочная імша ў Чырвоным Касцёле

Каталікі прапанавалі свой варыянт вырашэння сітуацыі з Чырвоным касцёлам

29
(абноўлена 11:16 21.07.2020)
У Чырвоным касцёле заяўляюць аб "непад'ёмнай суме", якую ім даводзіцца плаціць кожны месяц гораду, мінскія ўлады пакуль маўчаць з гэтай нагоды.

МІНСК, 21 ліп - Sputnik. Кіраўніцтва Мінска-Магілёўскай дыяцэзіі лічыць аптымальным варыянтам вырашэння сітуацыі з абавязкамі касцёла святога Сымона і святой Алены перадачу яго ва ўласнасць каталіцкай царкве. Адпаведная заява апублікавана на сайце РКЦ у Беларусі.

Чырвоны касцёл знаходзіцца на балансе КУП "Мінская спадчына", каталікі павінны плаціць гэтаму гарадскому камунальнаму прадпрыемству кожны месяц каля 13 тысяч рублёў (амаль 5,4 тысячы долараў па актуальнаму курсе Нацбанка) за амартызацыю. Да цяперашняга часу доўг касцёла перад КУП складае каля 156 тысяч рублёў (крыху больш за 65 тысяч долараў).

Што прапануюць у РКЦ у Беларусі

У РКЦ у Беларусі лічаць, што дзяржава павінна аддаць ва ўласнасць вернікамі храм - тым самым вырашыцца пытанне аплаты і абавязкаў.

"Мы заклікаем дзяржаўныя структуры перагледзець сваё рашэнне, перадаць комплекс будынкаў Чырвонага касцёла вернікам і тым самым абнавіць права карыстання падатковымі ільготамі ў адпаведнасці з заканадаўствам", - гаворыцца ў заяве.

Таксама адзначаецца, што Чырвоны касцёл "у цяперашні час не бачыць рэальнай магчымасці штомесяц плаціць 12 950,39 рублёў, выстаўленыя КУП "Мінская спадчына". Гэта сума непад'ёмная, а таксама несправядлівая".

Адстойваючы сваю пазіцыю, у каталіцкай епархіі адзначылі, што яны неаднаразова звярталіся да ўладаў з просьбай перадаць ім Чырвоны касцёл. "Аднак безвынікова. Такая просьба апошні раз была накіравана ў маі 2020 года, і 18 чэрвеня Мінгарвыканкам адказаў, што не мае падстаў для перадачы касцёла", - гаворыцца ў заяве.

Каталікі пачалі збіраць подпісы пад зваротам да кіраўніка дзяржавы аб перадачы ім ва ўласнасць Чырвонага касцёла.

Што кажуць у Мінгарвыканкаме

Пра сітуацыю з абавязкамі Чырвонага касцёла сталі СМІ сталі актыўна пісаць каля 2 тыдняў таму. У мінулы чацвер сітуацыю пракаментавалі ў выканкаме. Там аднак заявілі, што штомесячныя плацяжы налічваюцца ў суме 14,3 тысячы рублёў. "З чэрвеня мінулага года налічэння не аплачваюцца, запазычанасць склала больш за 166 тысяч", - удакладнілі ў выканкаме. Каментара ад КУП "Мінская спадчына" не было.

Касцёл святога Сымона і святой Алены быў пабудаваны ў 1910 годзе, ў 1932 быў зачынены для вернікаў, там у розныя гады размяшчаліся Дзяржаўны польскі тэатр БССР і Дом кіно. У 1990 годзе ён быў вернуты вернікам.

29
Тэги:
Мінск, Чырвоны касцёл
Вытворчасць вакцыны ад COVID-19 на фармацэўтычным заводзе

Мінздароўя Расіі заявіў аб пачатку вытворчасці вакцыны ад COVID

0
(абноўлена 15:09 15.08.2020)
Раней міністр Міхаіл Мурашка заяўляў, што першымі вакцыну атрымаюць тыя, хто працуе непасрэдна з інфіцыраванымі пацыентамі.

МІНСК, 15 жні - Sputnik. Вытворчасць вакцыны ад каронавіруснай інфекцыі, распрацаванай цэнтрам Гамалеі, пачалася ў Расіі, ужо гатовая першая партыя, пра гэта паведамілі ў прэс-службе расійскага Міністэрства аховы здароўя ў суботу.

"Пачата вытворчасць вакцыны ад новай каронавіруснай інфекцыі COVID-19, распрацаванай НДЦЭМ імя Гамалеі Міністэрства аховы здароўя Расіі", - сказана ў паведамленні профільнага ведамства.

Раней кіраўнік Міністэрства аховы здароўя Міхаіл Мурашка заяўляў, што першымі вакцыну атрымаюць тыя, хто працуе непасрэдна з пацыентамі і з гуртамі рызыкі.

"Першую вакцыну атрымаюць у гэтым месяцы. Плануем адправіць ва ўсе рэгіёны, каб людзі ўбачылі. Вытворчасць ўжо пачалася", - сказаў ён і дадаў, што і сам плануе зрабіць прышчэпку.

Аб рэгістрацыі першай у свеце вакцыны ад COVID-19 Расія заявіла ў аўторак. Яна атрымала назву "Спадарожнік V", прайшла ўсе неабходныя праверкі і фармуе ўстойлівы імунітэт.

0
Тэги:
Вакцынацыя, Расія, каронавірус
Тэмы:
Каронавірус COVID-19