Вернікі ў касцёле падчас Раратаў

Традыцыі Адвэнту: Рараты

67
(абноўлена 10:27 14.12.2019)
Католікі Беларусі зараз перажываюць перадкалядны перыяд, які называецца Адвэнтам. Часцей за ўсё гэты час успрымаецца як перыяд посту, але гэта не зусім так. Адвэнт – паводле каталіцкага вучэння, гэта найперш час радаснага чакання на прыйсце Збаўцы Езуса Хрыста.

Марына Валасар, Sputnik.

З Вульгаты (лацінскі пераклад Святога пісання, заснаваны на працах Іероніма Стрыдонскага, - Sputnik) слова "Адвэнт " перакладаецца "прыйсце". Першая нядзеля Адвэнту лічыцца 4-й нядзеляй да Божага Нараджэння. Менавіта ў першую нядзелю Адвэнту, якая сёлета прыпадала на 1 снежня, у Каталіцкім Касцёле распачынаецца літургічны год.

Адвэнт падзяляецца на 2 перыяды. Першы прысвечаны чаканню на паўторнае прыйсце Езуса Хрыста ў Судны Дзень і доўжыцца ён ад першай нядзелі да 16 снежня. Другі перыяд - з 17 па 24 снежня – прысвечаны непасрэдна падрыхтоўцы да святаў Нараджэння Езуса.

Традыцыі Адвэнту

Асноўнымі традыцыямі Адвэнту лічацца Адвэнтавы вянок, Адвэнтавы каляндар, а таксама Рараты.

Рараты – гэта адмысловыя святыя службы або  імшы ў касцёлах, на пачатку якіх вернікі ў цемры запальваюць свечкі і спяваюць песні ў гонар Маці Божай.

Вернікі ў касцёле падчас Раратаў
© Sputnik Марына Валасар
Вернікі ў касцёле падчас Раратаў

Сваю назву Рараты атрымалі ад назвы каталіцкай песні на лацінскай мове "Rorate coeli desuper " ("Дайце, нябёсы, росы з вышыняў "). Менавіта таму яе і спяваюць часцей за ўсё на пачатку раратніх імшаў. Раса тут параўноўваецца з Езусам, які, гэтак сама як і раса, дае неабходную ваду для таго, хто яго чакае.

На нашыя землі традыцыя Раратніх Імшаў прыйшла з Захаду, дзе была вядомая яшчэ з XIII стагоддзя.

Па традыцыі Рараты адбываюцца раніцай перад узыходам сонца. На пачатку такіх службаў у касцёлах гасіцца святло, а вернікі запальваюць свае свечкі ці знічы, якія яны прынеслі ў святыню з дому. Потым, падчас асаблівай малітвы-гімна "Хвала на вышынях Богу" ўключаецца святло, свечкі гасяцца і служба працягваецца як звычайна.

Свечкі – гэта сімвал добрых учынкаў, якія неабходна "збіраць" на працягу ўсяго перыяду Адвэнту. Добрыя ўчынкі, як свечкі, якія асвятляюць цемру, дапамогуць асвятліць цемру граху ў душы чалавека і паказаць Езусу дарогу да яго сэрца.

Зараз, аднак, таксама Раратнія Імшы адбываюцца і ўвечары, каб у іх маглі ўдзельнічаць малыя дзеці.

Рараты звязаныя з Маці Божай – Марыяй. Яна, "як ранішняя зорка, што апярэджвае ўсход сонца, папярэдзіла прыход Езуса Хрыста – Збаўцу ўсяго свету".

Падчас Раратняй Імшы, акрамя маленькіх свечак і знічоў, запальваецца адна вялікая свечка, якая называецца – Раратка. Гэта таксама сімвал Марыі, якая для ўсіх католікаў паказвае прыклад чакання і прыпадабнення Богу. Менавіта Маці Божая з’яўляецца апякункай каляднага чакання.

Звычайна Раратка мае белы, або светла-жоўты колер, перавязваецца белай, або блакітнай стужкай і ўпрыгожваецца зеленню ці ліліямі. Гэтую свечку ставяць у сярэдзіну адвэнтавага вянка, або каля алтара.

Тут таксама ёсць свая сімволіка. Белая стужка – сімвал чысціні і беззаганнага цнатлівага зачацця Марыі. Зеляніна – сімвал надзеі, якую Марыя прынесла для ўсяго свету ў асобе Езуса Хрыста; блакітная стужка і ліліі – сімвал самой Марыі.

67
Тэги:
Беларусь, Каталіцтва
Тэмы:
Калядны пост: каталікі і праваслаўныя рыхтуюцца да Нараджэння Хрыстова (11)
Касцёл Найсвяцейшай Тройцы (Святога Роха)

Беларускі Касцёл абурыўся кліпам удзельніцы шоу "Халасцяк" Салавейчык

23
(абноўлена 13:17 28.07.2020)
Дзеянне ў апублікаваным відэа, якое мае ўзроставы цэнз 18+, адбываецца ў тым ліку на фоне і ўнутры касцёла Святой Тройцы на Залатой Горцы ў Мінску.

МІНСК, 28 ліп - Sputnik. Кліп беларускай спявачкі Аляксандры Салавейчык, апублікаваны на днях на платформе YouTube, абражае пачуцці вернікаў, гаворыцца ў заяве Курыі Мінска-Магілёўскай архідыяцэзіі Рымска-Каталіцкай царквы Беларусі.

Кліп за некалькі дзён набраў крыху больш за 3,5 тысячы праглядаў. Ролік называецца "Нялюбасць" і пачынаецца з паведамлення, што "ўсё ў гісторыі - мастацкая выдумка", а аўтары "з глыбокай павагай" ставяцца да прадстаўнікоў усіх канфесій. Адна з сюжэтных ліній разгортваецца ўнутры і каля касцёла. Відэа мае ўзроставы цэнз 18+.

У заяве адзначаецца, што ў кліпе ёсць сцэны эратычнага характару і фрагменты, знятыя ў касцёле Святой Тройцы на Залатой Горцы ў Мінску. Пры гэтым прафесійныя здымкі ў касцёлах і на прылеглай тэрыторыі магчымыя толькі з дазволу архідыяцэзіі і настаяцеля храма. У гэтым выпадку дазволу на правядзенне здымак, па інфармацыі архідыяцэзіі, атрымана не было.

"У гэтай сувязі Курыя Мінска-Магілёўскай архідыяцэзіі заяўляе свой рашучы пратэст аўтарам відэакліпа. Касцёл - гэта сакральнае месца для малітвы", - гаворыцца ў заяве.

На думку прадстаўнікоў Рымска-каталіцкай царквы ў Беларусі, прадстаўленыя ў кліпе сцэны з'яўляюцца штукарскімі ў адносінах да Касцёлу і святога месца, якім з'яўляецца храм.

"У сувязі з гэтым яны нясуць у сабе абразу пачуццяў вернікаў", - гаворыцца ў заяве.

Пры гэтым, адзначаюць аўтары заявы, Каталіцкі Касцёл заўсёды выступаў за развіццё культуры. Але ў сваім імкненні быць свабодным мастацтва павінна ўсё ж такі несці ў сабе маральныя каштоўнасці, мяркуюць прадстаўнікі Касцёла. У гэтай сувязі аўтары заявы звяртаюцца да прадстаўнікоў культуры з просьбай устрымацца ў будучыні ад падобных крокаў і разлічваюць на супрацоўніцтва дзеля народа і яго духоўнага развіцця.

Аляксандра Салавейчык у свой час прымала ўдзел у расійскіх шоу "Халасцяк" на ТНТ і "Голас-4" на Першым канале. Але ў абодвух выпадках не вельмі ўдала. Пяць гадоў таму яна таксама спрабавала адабрацца на "Еўрабачанне" ад Беларусі. Вядомай выканаўца стала пасля перамогі ў дзіцячым конкурсе "Славянскага базару" ў 2003 годзе.

23
Тэги:
Касцёл Найсвяцейшай Тройцы (Святога Роха)
Каталіцкія біскупы ў Мінску - святочная імша ў Чырвоным Касцёле

Каталікі прапанавалі свой варыянт вырашэння сітуацыі з Чырвоным касцёлам

28
(абноўлена 11:16 21.07.2020)
У Чырвоным касцёле заяўляюць аб "непад'ёмнай суме", якую ім даводзіцца плаціць кожны месяц гораду, мінскія ўлады пакуль маўчаць з гэтай нагоды.

МІНСК, 21 ліп - Sputnik. Кіраўніцтва Мінска-Магілёўскай дыяцэзіі лічыць аптымальным варыянтам вырашэння сітуацыі з абавязкамі касцёла святога Сымона і святой Алены перадачу яго ва ўласнасць каталіцкай царкве. Адпаведная заява апублікавана на сайце РКЦ у Беларусі.

Чырвоны касцёл знаходзіцца на балансе КУП "Мінская спадчына", каталікі павінны плаціць гэтаму гарадскому камунальнаму прадпрыемству кожны месяц каля 13 тысяч рублёў (амаль 5,4 тысячы долараў па актуальнаму курсе Нацбанка) за амартызацыю. Да цяперашняга часу доўг касцёла перад КУП складае каля 156 тысяч рублёў (крыху больш за 65 тысяч долараў).

Што прапануюць у РКЦ у Беларусі

У РКЦ у Беларусі лічаць, што дзяржава павінна аддаць ва ўласнасць вернікамі храм - тым самым вырашыцца пытанне аплаты і абавязкаў.

"Мы заклікаем дзяржаўныя структуры перагледзець сваё рашэнне, перадаць комплекс будынкаў Чырвонага касцёла вернікам і тым самым абнавіць права карыстання падатковымі ільготамі ў адпаведнасці з заканадаўствам", - гаворыцца ў заяве.

Таксама адзначаецца, што Чырвоны касцёл "у цяперашні час не бачыць рэальнай магчымасці штомесяц плаціць 12 950,39 рублёў, выстаўленыя КУП "Мінская спадчына". Гэта сума непад'ёмная, а таксама несправядлівая".

Адстойваючы сваю пазіцыю, у каталіцкай епархіі адзначылі, што яны неаднаразова звярталіся да ўладаў з просьбай перадаць ім Чырвоны касцёл. "Аднак безвынікова. Такая просьба апошні раз была накіравана ў маі 2020 года, і 18 чэрвеня Мінгарвыканкам адказаў, што не мае падстаў для перадачы касцёла", - гаворыцца ў заяве.

Каталікі пачалі збіраць подпісы пад зваротам да кіраўніка дзяржавы аб перадачы ім ва ўласнасць Чырвонага касцёла.

Што кажуць у Мінгарвыканкаме

Пра сітуацыю з абавязкамі Чырвонага касцёла сталі СМІ сталі актыўна пісаць каля 2 тыдняў таму. У мінулы чацвер сітуацыю пракаментавалі ў выканкаме. Там аднак заявілі, што штомесячныя плацяжы налічваюцца ў суме 14,3 тысячы рублёў. "З чэрвеня мінулага года налічэння не аплачваюцца, запазычанасць склала больш за 166 тысяч", - удакладнілі ў выканкаме. Каментара ад КУП "Мінская спадчына" не было.

Касцёл святога Сымона і святой Алены быў пабудаваны ў 1910 годзе, ў 1932 быў зачынены для вернікаў, там у розныя гады размяшчаліся Дзяржаўны польскі тэатр БССР і Дом кіно. У 1990 годзе ён быў вернуты вернікам.

28
Тэги:
Мінск, Чырвоны касцёл
Прэзідэнт РФ Уладзімір Пуцін

Адбылася тэлефонная размова паміж Лукашэнкам і Пуціным

0
(абноўлена 14:43 07.08.2020)
Прэзідэнты абмеркавалі затрыманне расіян, выказана ўпэўненасць, што сітуацыя будзе ўрэгулявана ў духу ўзаемаразумення.

МІНСК, 7 жні - Sputnik. Тэлефонная размова паміж прэзідэнтам Беларусі Аляк

сандрам Лукашэнкам і прэзідэнтам Расіі Уладзімірам Пуціным адбылася ў пятніцу, паведаміла прэс-служба Крамля.

Кіраўнікі дзвюх дзяржаў абмеркавалі актуальныя пытанні далейшага развіцця брацкіх расійска-беларускіх адносін.

У гутарцы таксама была закранутая тэма затрымання беларускімі сілавікамі 33 грамадзян Расійскай Федэрацыі.

"Пуцін і Лукашэнка выказалі ўпэўненасць, што сітуацыя з затрыманнем расіян будзе ўрэгулявана ў духу ўзаемаразумення", - паведамілі ў Крамлі.

"Праведзены абмен меркаваннямі ў сувязі з нядаўнім затрыманнем на тэрыторыі рэспублікі 33 расійскіх грамадзян. Выказана ўпэўненасць, што сітуацыя будзе ўрэгулявана ў духу ўзаемаразумення, характэрнага для супрацоўніцтва дзвюх краін", - паведамілі ў пятніцу ў Крамлі.

Акрамя таго, падчас размовы Пуцін падкрэсліў, што расійскі бок "зацікаўлены ў захаванні ў Беларусі стабільнай ўнутрыпалітычнай сітуацыі і правядзенні будучых прэзідэнцкіх выбараў у спакойнай абстаноўцы".

Таксама, адзначылі ў Крамлі, былі "абмеркаваны актуальныя пытанні далейшага развіцця брацкіх расійска-беларускіх адносін".

"Акрамя двухбаковага парадку значная частка гутаркі датычылася актуальных пытанняў процідзеяння пандэміі COVID-19 у дзвюх краінах, выпрацоўкі вакцыны для барацьбы з гэтай інфекцыяй", - паведамілі ў прэс-службе беларускага прэзідэнта.

0
Тэги:
Аляксандр Лукашэнка, Уладзімір Пуцін, Расія, Беларусь