Мінскі кафедральны касцёл

У каталікоў пачынаецца Вялікі пост

40
(абноўлена 17:22 25.02.2020)
Каталіцкія святары апрануцца ў фіялетавыя адзенні і да самага Вялікадня ў касцёлах падчас літургій не будзе воклічаў "Алілуйя".

МІНСК, 26 лют - Sputnik. Вялікі пост перад Светлай Хрыстовай Нядзеляй пачынаецца сёння ў каталікоў, ва ўсіх каталіцкіх храмах Беларусі пройдуць "папяльцовыя" літургіі, паведамілі ў Рымска-каталіцкай царкве ў Беларусі.

Пачатак Вялікага посту перад Вялікаднем у каталікоў заўсёды прыпадае на сераду, яна называецца Папяльцовай з-за старазаветнай традыцыі пасыпаць галаву попелам. Вялікдзень у каталікоў у гэтым годзе будзе адзначацца 12 красавіка.

"Сімвалічнае пасыпанне галавы попелам вядома ў многіх культурах і традыцыях. У літургіі Касцёла гэтая практыка з'явілася ў канцы VIII стагоддзя. Праз два стагоддзі Пантыфік Урбан ІІ зрабіў гэты звычай абавязковым для ўсёй каталіцкай царквы", - распавялі Sputnik у РКЦ у Беларусі.

Мітрапаліт Мінска-Магілёўскі, Кіраўнік РКЦ у РБ арцыбіскуп Тадэвуш Кандрусевіч узначаліць "ппяльцовую" літургію ў архікатэдральным касцёле імя Святой Панны Марыі ў Мінску.

Літургія на працягу ўсяго Вялікага посту адрозніваецца асаблівай стрыманасцю, падчас імшы ў касцёлах да самай пасхі не будуць гучаць воклічы "Алілуя". Святары, падкрэсліваючы смутнасць перыяду літургічнага года апранаюцца ў фіялетавыя адзенні. У строі касцёлаў адсутнічаюць кветкі, а арган гучыць толькі як акампанемент для спеваў.

Вялікі пост у каталікоў у гэтым годзе завершыцца 9 красавіка, у Вялікі чацвер, калі пачнецца святой велікодны Трыдзіум. Як кажуць святары, Святыя Чацвер, Пятніца і Субота з'яўляюцца самым цяжкімі днямі літургічнага года. У гэтыя дні ўспамінаюцца хросныя пакуты Хрыста.

Каталікі - другая па колькасці з 4 асноўных рэлігійных канфесій у Беларусі. Да яе адносяць сябе каля 18 адсоткаў беларускіх вернікаў. У лік асноўных рэлігійных канфесіі ў Беларусі афіцыйна аднесены праваслаўе, каталіцызм, юдаізм і мусульманства.

40
Тэги:
Каталікі, Беларусь, Вялікі пост
Будслаўскі касцёл пасля пажару

СК дазволіў каталікам пачаць рамонтныя работы ў Будслаўскім касцёле

6
(абноўлена 10:55 13.05.2021)
Ва ўнікальны арган, які ўсталяваны ў касцёле, патрапіла вада, калі тушылі пажар, у Будслаў ужо прыехаў спецыяліст па дэмантажы і кансервацыі рэдкіх музычных інструментаў.

МІНСК, 13 тра - Sputnik. Прадстаўнік Папы Рымскага ў Беларусі Апостальскі нунцый Антэ Ёзіч наведаў касцёл у Будславе, дзе два дні таму адбыўся пажар, паведамляе сайт catholic.by.

У мінулы аўторак раніцай на даху Будслаўскага касцёла ўзнік пажар, яго тушылі некалькі разлікаў МНС. Па факце пажару СК распачаў крымінальную справу, гаворка ідзе пра халатнасць.

"Нунцый агледзеў пацярпелы ад агню касцёл, а таксама сустрэўся з кіраўніком спецыяльнай камісіі па ліквідацыі наступстваў пажару біскупам Аляксандрам Яшеўскім і настаяцелем храма ксяндзом Дзмітрыем Дубовікам", - паведамляе партал беларускіх каталікоў.

Рамонт ужо можна пачынаць

Удакладняецца, што пакуль службы ў той частцы храма, якая не пацярпела пры пажары, не будуць адноўленая, кампетэнтныя дзяржорганы выпісалі пастанову на поўную забарону эксплуатаваць культавы будынак. Таксама паведамляецца, што ў Будслаў прыбыў спецыяліст для дэмантажу і кансервацыі ўнікальнага аргана XVIII стагоддзя, які знаходзіцца на хорах Будслаўскага касцёла: у яго падчас тушэння пажару патрапіла вада.

Разам з тым, у Мінска-Магілёўскай дыяцэзіі Sputnik паведамілі, што напярэдадні ўвечары следчыя далі дазвол на тое, каб у касцёле пачалі праводзіць рамонтныя і рэстаўрацыйныя працы. Па словах суразмоўцаў агенцтва, у Будслаў ўжо прыбылі альпіністы, якія будуць дэмантаваць бэлькі згарэлай страхі храма.

У сваю чаргу рэстаўратары аднаго з буйных беларускіх музеяў распавялі агенцтву, што рэстаўрацыйныя работы ў пацярпелым храме ўжо можна пачынаць. Па іх словах, у Беларусі ёсць дастатковая колькасць рэстаўратараў высокага ўзроўню, які змогуць ацаніць узровень страт у храме і аднавіць яго.

Што ўжо зроблена

Як паведамляе Telegram-канал “Адновім Будслаў разам!” да чацвярга ўжо праведзены некаторыя працы:

  • прыбрана тэрыторыя вакол касцёла (спатрэбіцца паўторная пасля таго, як разбяруць дах, спатрэбіцца дапамога валанцёраў)
  • разабраны абгарэлыя часткі ўнутры касцёла, прыбрана вуголле
  • паднятыя на прастаўкі для прасушкі алтары і драўляныя лавы
  • праведзены работы па прасушцы аргана
  • пачаліся работы па разбору завалаў на даху

Чым вядомы касцёл у Будславе

Будслаўскі касцёл носіць статус Нацыянальнага санктуарыя (пахавальні) Маці Божай Будслаўскай. У ім знаходзіцца цудатворны абраз Маці Божай Будслаўскай, якая лічыцца нябеснай заступніцай беларускіх каталікоў. Акрамя гэтага касцёл у Будславе з'яўляецца помнікам архітэктуры і гісторыі. Гэта адзін з трох храмаў у Беларусі, якія носяць тытул "малая базіліка". У храме служаць святары з ордэна бернардынцаў (францысканцаў).

Першыя згадкі аб будаўніцтве храма ў Будславе ставяцца да 1504 года. Касцёл таксама яшчэ вядомы Будслаўскім фэстам, калі паломнікі з усёй Беларусі ў пачатку ліпеня кожны год прыязджалі пакланіцца цудатворнаму абразу. Будслаўскі фэст у асобныя гады збіраў да 50 тысяч паломнікаў, у тым ліку, з Літвы, Украіны, Польшчы, Расіі. Будслаў таксама заўсёды наведвалі высокапастаўленыя кардыналы з Ватыкана, калі прыязджалі з візітамі ў Беларусь.

У касцёле ўстаноўлены унікальны арган, які пабудаваны ў 1771 годзе віленскім майстрам Никалаўсам Янцонам.

"Такіх арганаў у цяперашні час толькі два, адзін у Будславе, другі ў Літве. Унікальнасць гэтых двух арганаў у тым, што яны не падвяргаліся перабудове з моманту стварэння", - распавялі Sputnik у Мінскай-Магілёўскай епархіі Рымска-Каталіцкай царквы ў РБ.

11 мая 2021 года касцёл пацярпеў ад пажару, у выніку якога згарэў і абваліўся дах, моцна пашкоджаны скляпенні і іншыя будаўнічыя канструкцыі.

Чытайце таксама:

6
Тэги:
арган, касцёл, Будслаў, Каталікі, СК РБ

Прыхаджане плакалі: як ратавалі знакаміты Будслаўскі касцёл відэа

9
(абноўлена 16:24 12.05.2021)
Будслаўскі касцёл патушаны, аднак ён не хутка адкрые свае дзверы для прыхаджан, святыню чакае рэстаўрацыя. Глядзіце на Sputnik, як ратавалі унікальны храм.

Адзін з самых велічных касцёлаў Беларусі - касцёл Ушэсця Найсвяцейшай Панны Марыі ў Будславе - загарэўся ў аўторак 11 траўня.

"Мне было страшна, я першая ўбачыла гэта ўсё. Гэта дзесьці ў 7 раніцы я пачула па блясе гукі нейкія, я думала гэта галубы, таму што птушачкі тут ёсць, а потым гляджу, што такая смуга пайшла і я думала , што гэта проста выпарэнне, а потым праз хвілін 15 убачыла клубочкі кававага колеру. І я пабегла да ксяндза", - распавядае пра здарэнне 77-гадовая мясцовая жыхарка Марыя Яблонская.

Паведамленне аб задымленні ў будынку касцёла паступіла ратавальнікам у 07.47. Падраздзяленні МНС выявілі задымленне на верхніх паверхах касцёла. "Людзі стаялі і плакалі, хтосьці маліўся", "Усе плакалі, паглядзіце на нас. Гэта наш гонар - гэта наша жыццё. Гэта наша бяда", - рапартуюць мясцовыя.

Касцёл Ушэсця Найсвяцейшай Панны Марыі ў Будславе - былы бернардзінскі, цяпер парафіяльны касцёл, помнік архітэктуры рэспубліканскага значэння, названы адным з сямі цудаў Беларусі.

У ім захоўваецца ўшанаваная каталіцкая святыня - абраз Божай Маці. Цудатворны абраз і Найсвяцейшы Сакрамент вынеслі ў бяспечнае месца, як толькі з'явіўся дым.

"Усё насельніцтва, якое было, збеглася сюды. Не глядзелі - каталік-праваслаўны - усё ішлі, дапамагалі. Нас было вельмі шмат. Тут трэба нашым людзям паклон нізкі і наогул у нас вельмі добрыя людзі", - дадаюць мясцовыя.

З дапамогай валанцёраў з касцёла вынеслі ўсё, што было магчыма. Ніхто не пацярпеў, аднак дах касцёла над цэнтральным нефам абрынуўся, павалілася адна з люстраў. Дах храма амаль цалкам знішчаны, з-за таго, што адбылося,прыйдзецца дэмантаваць унікальны арган, які знаходзіўся ў касцёле.

Паведамленне аб задымленні ў будынку касцёла паступіла ратавальнікам у 07.47. Пажар лакалізаваны ў 11.24, а ў 15.21 ліквідаваны. У ліквідацыі пажару ўдзельнічалі ратавальнікі бліжэйшых раёнаў, Мінскай вобласці і сталіцы. Па факце надзвычайнага здарэння ўзбуджана крымінальная справа па ч.2 арт.34 КК РБ (парушэнне правілаў пажарнай бяспекі асобай, адказнай за іх выкананне, што пацягнула па неасцярожнасці ўзнікненне пажару, які прычыніў шкоду ў буйным памеры). Следчыя праводзяць комплекс экспертыз для вызначэння прычыны пажару.

На аднаўленне святыні ў Будславе абвешчаны збор ахвяраванняў.

Чытайце таксама:

9
Тэги:
відэа, рэстаўрацыя, касцёл, Будслаў
Міністр аховы здароўя Беларусі Дзмітрый Піневіч

Далей-лягчэй: Піневіч ацаніў тэрміны заканчэння пандэміі COVID-19 у Беларусі

2
(абноўлена 11:47 13.05.2021)
Каронавірус схільны да сезоннасці, летам захворванне будзе меншым, лічыць міністр аховы здароўя рэспублікі.

МІНСК, 13 тра - Sputnik. Восенню 2021 года пандэмія каронавіруса будзе, але ў меншых маштабах, а барацьба з ёй працягнецца да лютага 2022-га, такі прагноз даў міністр аховы здароўя Дзмітрый Піневіч.

Паводле яго слоў, хутчэй за ўсё, беларускія медыкі будуць змагацца з каронавірусам да лютага 2022 года. Тым не менш, міністр лічыць, што гэтай восенню COVID-19 значна зменшыцца ў маштабах.

"Цяпер асноўная задача - прайсці вясновую хвалю, астатняе вытрымаем. А калі яшчэ больш пазітыўна, то беларусы - малайцы, гэты этап праходзяць вельмі годна", - цытуе Піневіча "СБ. Беларусь сегодня".

Ён гэта звязвае з тым, што каронавірус схільны да сезоннасці, у тым ліку, зніжэннем актыўнасці летам. Па словах міністра, таксама ў цёплы час года людзі больш часу праводзяць на свежым паветры, ядуць свежыя садавіну і гародніну, якія ўмацоўваюць імунітэт.

На гэта ўсё яшчэ накладзена і вакцынацыя, якая будзе працягвацца, таму ўсплёску захворвання, як увосень-2020 не будзе, сказаў Піневіч.

Памыліліся з прагнозам

"Хутчэй за ўсё, мы памыліліся з велічынёй піка трэцяй хвалі - меркавалі, што яна будзе ніжэй, чым падчас другой, але не настолькі. Сёння прыкладна 1500 ложкаў у краіне знаходзіцца ў свабодным рэжыме - хацелася б, каб усё так і засталося", - падкрэсліў кіраўнік Міністэрства аховы здароўя. Тым не менш, паводле яго слоў, цяжкахворых пацыентаў нават больш, чым увосень.

Беларусь збіраецца выпускаць "Спутник Лайт"

Піневіч падкрэсліў, што ў беларусаў два праекты з рознымі расейскімі кампаніямі, але па адным прэпараце, вырабленым ў інстытуце Н.Ф.Гамалеі.

"У корпусе на вуліцы Фабрыцыуса ідзе разліў, а ў корпусе на вуліцы Аранскай праходзіць рэканструкцыя цэха. Менавіта там будзе вырабляцца вакцына - ад вырошчвання да разліву", - сказаў ён.

Па словах міністра, Беларусь плануе таксама закупляць і вырабляць новую расійскую вакцыну "Спутник Лайт".

"Спутник Лайт" - "палегчаная" версіі вакцыны "Спутник V". Паводле інфармацыі фонду, эфектыўнасць прэпарата складае 79,4% з 28-га дня пасля атрымання імунізацыі. Гэты паказчык вышэй многіх іншых вакцын, якія патрабуюць двух уколаў.

Плануецца, што ў грамадзянскі абарот у рэспубліцы прэпарат паступіць толькі ў 2022 годзе. Таксама ў нашай краіне чакаюць і кітайскую вакцыну Vero Cell, якая паступіць у канцы траўня.

Адзначаецца, што вакцына "Спутник V", якая была выраблена на РУП "Белмедпрэпараты", паспяхова прайшла трохтыднёвыя лабараторныя выпрабаванні ў Нацыянальным даследчым цэнтры эпідэміялогіі і мікрабіялогіі імя Н.Ф.Гамалеі на кантроль якасць і бяспеку.

Прышчэпачная кампанія ў Беларусі

Цяпер у рэспубліцы ўсё насельніцтва прышчапляюць ад каронавіруса, у першую чаргу - пажылых. Вакцынацыю робяць трыма прэпаратамі - расійскімі "Спутник V", "ЭпиВакКорона" і кітайскім "Синофармом".

Беларуская вакцына

Прэзідэнт Аляксандр Лукашэнка 7 траўня заявіў аб стварэнні беларускай вакцыны ад COVID - так званага "кандыдацкага варыянту".

У Міністэрстве аховы здароўя ўдакладнілі, што вакцына, якую распрацоўваюць у Беларусі, - інактываваная, гэта значыць зроблена з "забітага" віруса: гэты тып вакцыны добра вывучаны, тэхналогія вядомая даўно, вакцына будзе маларэактагеннай, без аддаленых пабочных рэакцый і наступстваў.

Перавага будучай вакцыны - магчымасць мяняць склад пры неабходнасці, калі будуць адбывацца сур'ёзныя мутацыі штамаў.

З недахопаў - цяжкі працэс вытворчасці і працяглыя тэрміны стварэння ў параўнанні з тымі ж вектарнымі вакцынамі. Праца ідзе з высокапатагенным матэрыялам, таму патрабуецца высокі ўзровень біялагічнай абароны.

Навукоўцы ўпэўнены, што доследна-прамысловая партыя прэпарата пачне выпускацца з канца 2021 года.

Якое прадпрыемства зоймецца вытворчасцю айчыннай вакцыны, трымаецца ў сакрэце - камерцыйная таямніца. Над назвай таксама пакуль не думалі: "галоўнае - вынайсці".

Чытайце таксама:

2
Тэги:
міністр, каронавірус, Беларусь, COVID-19, пандэмія, Дзмітрый Піневіч