Дзяўчына падчас набажэнства

Набажэнствы перад Вялікаднем пакажуць па тэлебачанні

9
(абноўлена 08:26 15.04.2020)
У эфіры цэнтральных тэлеканалаў плануецца правесці пяць трансляцый, у тым ліку багаслужбы на Светлае Хрыстова Уваскрасенне.

МІНСК, 15 кра - Sputnik. Набажэнствы перад праваслаўным Вялікаднем пакажуць у эфіры беларускіх тэлеканалаў, паведамілі Sputnik у прэс-службе Белтэлерадыёкампаніі.

На фоне распаўсюджвання каронавіруса COVID-19 у бягучым годзе тэлебачанне павялічыла колькасць трансляцый велікодных набажэнстваў, каб вернікі маглі заставацца дома. На мінулым тыдні былі праведзены эфіры каталіцкага Вялікадня і Вербнай нядзелі праваслаўных.

Як паведамілі ў Белтэлерадыёкампаніі, 16 красавіка апоўдні ў эфіры "Беларусь 3" будзе паказаны Чын абмывання ног.

У пятніцу 17 красавіка ў другой гадзіне дня ў эфіры таго ж тэлеканала пачнецца трансляцыя Вячэрні з вынасам Плашчаніцы. У той жа дзень па гэтым канале, а 19-й пакажуць Ютрань з чынам пахавання Плашчаніцы.

У суботу 18 красавіка ў 23:45 у эфіры "Беларусь 1" і "Беларусь 24" пакажуць прамую трансляцыю святочнага набажэнства на Светлае Хрыстова Уваскрасенне па календары праваслаўнай канфесіі.
"Прамыя трансляцыі ўсіх гэтых найважнейшых для праваслаўных набажэнстваў будуць праводзіцца з Мінскага Свята-Духава кафедральнага сабора", - паведамілі ў медыяхолдынгу.

Акрамя таго, у суботу ў 13:15 па "НТВ-Беларусь" можна будзе ўбачыць трансляцыю сыходжання Жыватворнага агню.

9
Тэги:
Беларусь, Вялікдзень, Тэлебачанне
Тэмы:
Сустракаем Вялікдзень (60)
Паломнікі ў Меке

Не больш за 60 тысяч: Эр-Рыяд дазволіць хадж-2021 толькі прышчэпленым пілігрымам

19
(абноўлена 19:37 12.06.2021)
У гэтым годзе вялікі хадж да святынь ісламу, у якім зноў дазволена прымаць удзел замежнікам, выпадае на 17-22 ліпеня.

МІНСК, 13 чэр – Sputnik. У Саудаўскай Аравіі дазволяць 60 тысячам падданых і рэзідэнтаў краіны, якія зрабілі прышчэпку супраць каронавіруса (COVID-19), здзейсніць у бягучым годзе хадж, дадзенае паведамленне распаўсюдзілі сёння дзяржСМІ каралеўства.

Паведамленняў аб тым, што мусульмане з іншых краін могуць здзейсніць паломніцтва да святых месцаў ісламу, пакуль не было. Звычайна на хадж збіраюцца некалькі мільёнаў мусульман. Беларускія мусульмане раней, да пандэміі каронавіруса, таксама рэгулярна наведвалі Меку.

"У святле таго, што ўвесь свет становіцца сведкам развіцця пандэміі каронавіруса і з'яўлення яго новых мутацый, (...) прынята рашэнне абмежаваць рамкі правядзення рытуалаў хаджа. Агульная колькасць паломнікаў - падданых і рэзідэнтаў краіны любой нацыянальнасці - будзе складаць 60 тысяч", - гаворыцца ў распаўсюджаным паведамленні.

Акрамя гэтага, у хадж змогуць адправіцца толькі асобы ад 18 да 65 гадоў, якія зрабілі прышчэпку ад каронавіруса ў адпаведнасці з патрабаваннямі каралеўства. У гэтым годзе вялікі хадж да святынь ісламу, у якім зноў дазволена прымаць удзел замежнікам, выпадае на 17-22 ліпеня.

Паводле апошніх звестак, у каралеўстве з насельніцтвам 34,2 млн чалавек ад пачатку пандэміі былі зарэгістраваны 463 703 выпадкі COVID-19, 7 537 пацыентаў памерлі ад наступстваў заражэння.

З 2010 года хадж да святынь ісламу здзейснілі не менш за 150 мільёнаў чалавек. У 2020 годзе з-за пандэміі паломніцтва ў Меку ўпершыню ў сучаснай гісторыі было абмежавана, дазволілі толькі тысячы мусульман, і толькі падданым Саудаўскай Аравіі.

Чытайце таксама:

19
Тэги:
Мека, Іслам, хадж, Эр-Рыяд
Тэмы:
Каронавірус COVID-19
Пасол Расіі ў Беларусі Яўген Лук'янаў

Пасол Лук'янаў: Беларусь і Расія павінны абараняць свае гістарычныя перамогі

23
(абноўлена 13:38 12.06.2021)
Кіраўнік расійскай дыпмісіі прыняў удзел у цырымоніі размяшчэння ў крыпце Усіхсвяцкага храма ў Мінску капсулы з зямлёй з месцаў гібелі беларусаў у Крымскай вайне.

МІНСК, 12 чэр – Sputnik. Надзвычайны і паўнамоцны пасол Расіі ў Беларусі Яўген Лук'янаў заявіў пра важнасць захавання гістарычнай праўды.

"Мы павінны ведаць і памятаць нашу гісторыю, і да таго часу, пакуль мы яе памятаем, у нас ёсць будучыня", - падкрэсліў пасол на цырымоніі ва Усіхсвяцкім храме ў Мінску.

Кіраўнік расійскай дыпмісіі ў Мінску сёння прыняў удзел у цырымоніі размяшчэння ў крыпце Усіхсвяцкага храма капсулы з зямлёй беларусаў, якія загінулі ў час Крымскай вайны 1853-1856 гадоў.

"Тое, што гэта падзея супала з Днём Расіі, лішні раз пацвярджае пераемнасць гісторыі", - сказаў ён.

Расійскі дыпламат таксама адзначыў, што дзве краіны - Беларусь і Расія - павінны ўмець абараняць гістарычную памяць.

"Мы павінны абараняць нашу гістарычную памяць, нашу праўду, не замоўчваць нашы паражэнні, выпраўляць іх і нікому не дазваляць запляміць або замараць, або так скажам, "зафоташопіць" нашы перамогі", - падкрэсліў пасол.

Сцяг над Рэйхстагам быў чырвонага колеру, і толькі палітычныя дальтонікі не могуць гэта разглядзець, падкрэсліў дыпламат. "Мы, і расіяне, і беларусы, ад гэтага захворвання не пакутуем", сказаў пасол.

Падалтарная Крыпта, у якой знаходзяцца астанкі воінаў, беларусаў, якія загінулі ў бітвах трох войнаў - Айчыннай 1812, Першай сусветнай і Вялікай Айчыннай вайны 1941-1945 гадоў, не мае аналагаў у свеце. Першыя астанкі воінаў былі пахаваны тут у 2010 годзе. З сённяшняга дня ў ёй будзе знаходзіцца зямля з Севастопаля, дзе ў 1853-1856 годзе загінулі беларусы, якія ваявалі ў тых бітвах. Напярэдадні яе даставілі з гэтага гераічнага горада. Як растлумачылі Sputnik ва Усіхсвяцкім храме, цяпер царква будзе маліцца за гэтых воінаў "вякі вечныя".

У мерапрыемстве, акрамя прадстаўнікоў расійскага пасольства, прынялі ўдзел ветэраны, а таксама беларусы Крыма.

Чытайце таксама:

23
Тэги:
Крымская вайна, беларусы, Мінск, Усіхсвяцкі храм, дыпмісія, кіраўнік, перамога, Расія, Беларусь, Яўген Лук'янаў, пасол
Тэмы:
Саюзная дзяржава Беларусі і Расіі
Дзяржаўны акадэмічны ансамбль танца Беларусі на адкрыцці XXVII Міжнароднага фестывалю мастацтваў Славянскі базар у Віцебску

Усё будзе выдатна: Мінкульт аб "Славянскім базары"

3
(абноўлена 14:12 14.06.2021)
Некаторыя выканаўцы адмовіліся ўдзельнічаць у юбілейным фестывалі "Славянскі базар" у Віцебску з-за псіхалагічнага ціску на іх у сацсетках па палітычных матывах.

МІНСК, 14 чэр -Sputnik. Адмова некалькіх артыстаў ад удзелу ў "Славянскім базары" ў Віцебску істотна не паўплывае на правядзенне традыцыйнага свята, пра гэта заявіў міністр культуры Беларусі Анатоль Маркевіч у эфіры СТБ.

Ён адзначыў, што яны прынялі такое рашэнне з-за эмацыйнага ціску ў сацсетках, выкліканага палітычнымі матывамі.

Міністр лічыць, што "тут ніякай трагедыі няма".

"Адмовіліся літаральна лічаныя артысты. Яны ніякага надвор'я не зрабілі ў адносінах да фестывалю ў дрэнным сэнсе слова", - дадаў ён.

Маркевіч упэўнены, што юбілейны, 30-ы фестываль адбудзецца і будзе яркім. На яго думку, гэты музычны форум "мацнее з году ў год дзякуючы гледачам, якія наведваюць яго".

Ён дадаў, што на ўдзел у свяце паступілі заяўкі больш чым з 30 краін.

"Гэта яскравае пацверджанне таму, што ніякія знешнія сілы нам абсалютна не страшныя. Усё будзе выдатна", - падкрэсліў кіраўнік ведамства.

Нагадаем, што Міжнародны фестываль мастацтваў "Славянскі базар", падчас якога праходзяць конкурсы эстрадных выканаўцаў, запланаваны на 14-19 ліпеня.

Пасля апублікавання афішы канцэртаў шэраг артыстаў атрымалі ў сваіх акаўнтах у сацсетках звароты з заклікамі не прымаць удзел у мерапрыемстве з-за палітычнага становішча ў рэспубліцы. Некаторыя з іх адмовіліся ад сваіх выступленняў.

Чытайце таксама:

3
Тэги:
сацсеткі, артыст, Славянскі базар у Віцебску, Міністэрства культуры РБ