Пандэмія, палітыка і вера: кіраўнік БПЦ звярнуўся з Калядным пасланнем
(абноўлена 17:15 06.01.2021)
Уладыка Веніямін напярэдадні Калядаў пажадаў, каб гармонія і згода запанавалі ў сем'ях, калектывах і ў грамадстве.МІНСК, 6 сту – Sputnik. Кіраўнік БПЦ мітрапаліт Мінскі і Заслаўскі Веніямін назваў прошлы год вельмі няпростым для многіх і пажадаў, каб з Калядамі да людзей прыйшлі гармонія і згода. Пра гэта гаворыцца ў традыцыйным калядным пасланні прадстаяцеля БПЦ.
Праваслаўны свет рыхтуецца адзначыць адно з галоўных свят рэлігійнага календара - Раство Хрыстова. У гэтым годзе БПЦ сустракае калядныя святы з новым архіпастырам, мітрапаліт Веніямін упершыню будзе служыць усяночную Калядную службу ў якасці прадстаяцеля БПЦ.
Па традыцыі, кіраўнік БПЦ звяртаецца да вернікаў з калядным пасланнем. У сваім пасланні мітрапаліт Веніямін закрануў вострыя палітычныя і сацыяльныя пытанні, з якімі сутыкнуўся летась свет у цэлым і Беларусь у прыватнасці.
"Нялёгкі шлях пройдзены намі ў мінулым годзе. Ён быў вельмі няпросты (...) для чалавецтва ў цэлым. (...) Падзел у нашым грамадстве, які ўзнік на палітычнай глебе, - усё гэта пазбаўляе людзей пачуццяў бяспекі, стабільнасці і спакою, што ўжо сталі звыклымі і штодзённымі для нас", - гаворыцца ў Калядным пасланні, якое апублікавана на сайце БПЦ.
Мітрапаліт заклікаў не ўпадаць у роспач, нягледзячы на тое што "многія адчуваюць разгубленасць і страх перад будучыняй".
Прадстаяцель БПЦ падкрэсліў, што падзеі мінулага года з'яўляюцца "сур'ёзнай падставай задумацца аб нашым стаўленні да Бога і бліжніх, пра жыццё духоўнае згодна з запаведзямі".
"Вернікі не могуць заставацца абыякавымі да трывожных падзей, што адбываюцца ў свеце, і перш за ўсё - у сваёй Айчыне", - адзначыў мітрапаліт Веніямін.
Пры гэтым ён заклікаў вернікаў зразумець, што "у большасці выпадкаў мы не ў стане паўплываць на працэсы, якія ахапілі сённяшні свет". У сувязі з гэтым ён прывёў цытату з Псалтыра: "Пакінь Госпаду клопат твой, і Ён падтрымае цябе" (Пс.54:23).
У сваім Калядным пасланні мітрапаліт пажадаў, каб "гармонія і згода знаходзіліся ў сем'ях, калектывах, у грамадстве, ва ўсей Айчыне нашай і за яе межамі".
Тэги:
Як на Палессі адзначалі "Шчадрэц" - відэа
(абноўлена 22:52 22.01.2021)
Калядныя традыцыі беларусаў у сваім першапачатковым выглядзе дайшлі да нас у XXI стагоддзі, а так, як святкуюць Стары Новы год палешукі, больш нідзе не ўбачыць.На беразе Прыпяці на самым поўдні краіны стаіць вёска Пагост, якая праславілася на ўвесь свет абрадам "Юраўскі карагод", які мае статус нематэрыяльнай культурнай спадчыны.
Традыцыі і абрады беларускага Палесся настолькі аўтэнтычныя, што ЮНЕСКА надало абраду на Юр'еў дзень асаблівы ахоўны статус.
У Пагосце, як павялося, адзначаюць усе святы і нават Стары Новы год, па-мясцоваму ён называецца Шчадрэц. Вялікая заслуга ў захаванні мясцовых традыцый належыць Кацярыне Аляксееўне Панчэні, якая больш за 30 гадоў ўзначальвала мясцовы дом культуры, а калядаваць хадзіла з трох гадоў.
"Шчадрэц колісь звалі - Васілей, Стары Новы год. Гэта ўжо другая куцця, таму што Раство - першая куцця. На Хрышчэнне будзе трэццяя куцця. Усе абрады у нас звязаныя са збожжам", - распавяла яна.
А каб свята атрымалася, па словах Кацярыны Аляксееўны, трэба прыгаворваць: "Пячыце ладкі, каб цяляты былі гладкі", "Пячыце блінцы, каб дзеці былі, як жарабцы".
Як святкавалі у гэтым годзе Шчадрэц у Пагосце, і прычым тут Мядзведзь, Бусел, Сарока, Цыганка і Каза, глядзіце ў відэарэпартажы Sputnik.
Тэги:
Біскуп Велікаселец заняў пасаду Апостальскага адміністратара епархіі
(абноўлена 11:24 22.01.2021)
На пасяджэнні калегіі быў абмеркаваны шэраг пытанняў, сярод іх - просьба беларускіх каталікоў аднавіць на радыё прамыя трансляцыі нядзельнай імшы.МІНСК, 22 сту – Sputnik. Біскуп Казімір Велікаселец, якога Папа Рымскі прызначыў Апостальскім адміністратарам Мінска-Магілёўскай епархіі, на гэтай пасадзе, паведаміў сайт РКЦ у Беларусі.
Пасля таго, як Пантыфік задаволіў прашэнне мітрапаліта Мінска-Магілёўскага Тадэвуша Кандрусевіча аб выхадзе на пенсію, у Ватыкане было прынята рашэнне даслаць у Мінск біскупа Пінскай епархіі Казіміра Велікасельца.
"На сустрэчы членаў калегіі кансультантаў Мінска-Магілёўскай архіепархіі адбылося ўступленне біскупа Велікасельца на пасаду", - паведамілі ў РКЦ у Беларусі.
На сустрэчы прысутнічаў ганаровы мітрапаліт Мінска-Магілёўскай епархіі 75-гадовы Тадэвуш Кандрусевіч.
Таксама было прынята рашэнне, што ў бліжэйшую нядзелю, 24 студзеня, у Мінскім архікафедральным касцёле пройдзе ўрачыстая імша з нагоды ўступлення на пасаду Казіміра Велікасельца.
На пасяджэнні калегіі быў абмеркаваны шэраг пытанняў, у тым ліку рашэнне прасіць "у чарговы раз Белтэлерадыёкампанію аднавіць прамыя трансляцыі нядзельнай імшы на беларускім радыё".
Акрамя гэтага, мінскія каталікі маюць намер у гэтым годзе ўрачыста адзначыць 800-годдзе святога Дамініка ў каталіцкай царкве. Святы Дамінік - заступнік цяжарных, а таксама юнакоў-міністрантаў, што прыслугоўваюць святару падчас імшы.
Сітуацыя з Кандрусевічам
Пасля прэзідэнцкіх выбараў, якія адбыліся 9 жніўня ў Беларусі, у краіне пачаліся масавыя акцыі пратэсту, якія выліліся ў сутыкненні з сілавікамі. Пасля гэтага Кандрусевіч асудзіў жорсткія меры праваахоўнікаў.
У канцы жніўня беларускія пагранічнікі не ўпусцілі яго ў рэспубліку, прэзідэнт Беларусі Аляксандр Лукашэнка тады заявіў, што Кандрусевіч нечакана выехаў для кансультацый у Варшаву, дзе "атрымаў пэўныя задачы", што стала прычынай адмовы для яго ўезду ў краіну.
22 снежня міністр замежных спраў Беларусі Уладзімір Макей паведаміў, што Лукашэнка з павагі да папы Рымскага Францыска даручыў знайсці вырашэнне сітуацыі, звязанай з вяртаннем кіраўніка РКЦ у рэспубліку. 24 снежня кіраўнік РКЦ у Беларусі Кандрусевіч прыехаў у Мінск і правёў калядную службу.
Чытайце таксама:
- Папа Рымскі прыняў адстаўку Тадэвуша Кандрусевіча
- Кандрусевіч: пасля перасячэння мяжы я цалаваў зямлю Беларусі
- Лукашэнка пайшоў насустрач Папе Рымскаму ў яго просьбе за Кандрусевіча
Тэги:
Які сёння дзень: 25 студзеня 2021 года
(абноўлена 20:40 22.01.2021)
Гэты дзень з'яўляецца дваццаць пятым па грыгарыянскім календары, таму да канца года засталося 340 дзён.Сёння адзначаецца Дзень студэнта. Якія яшчэ падзеі адбыліся 25 студзеня і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 25 студзеня
- У 1323 годзе князь Гедымін у пасланні да грамадзян Любека, Штральзунда, Брэмена, Магдэбурга, Кёльна запрасіў святароў, рыцараў і рамеснікаў у ВКЛ.
- У 1924 годзе ў Вільні распачалася Беларуская канферэнцыя.
- У 1972 годзе мільённы жыхар нарадзіўся ў Мінску.
- У 1990 годзе быў створаны Лельчыцкі краязнаўчы музей.
- У 1992 годзе Беларусь устанавіла дыпламатычныя адносіны з Францыяй.
- У 1995 годзе Беларусь устанавіла дыпламатычныя адносіны з Камбоджай.
Хто нарадзіўся 25 студзеня
- 1804 год: Антон Адынец, паэт, перакладчык, мемуарыст, выдавец.
- 1869 год: Адам Гурыновіч, беларускі паэт.
- 1903 год: Любоў Мазалеўская, беларуская актрыса, рэжысёр, педагог.
- 1955 год: Аляксандр Лакотка, беларускі архітэктар, гісторык архітэктуры, этнограф.
Таксама сёння нарадзіліся англійскі хімік, фізік і філосаф Роберт Бойль, шатландскі паэт Роберт Бёрнс, англійскі пісьменнік Уільям Сомерсет Моэм, англійская пісьменніца Вірджынія Вульф і рускі бард, паэт і акцёр Уладзімір Высоцкі.
25 студзеня ў народным календары
Сёння праваслаўныя вернікі шануюць памяць пакутніцы Таццяны Рымскай.
25 студзеня таксама называюць Таццянін дзень, і адзначаюць у яго свята студэнцтва. Першапачаткова свята ўзнікла як дзень нараджэння Маскоўскага ўніверсітэта, але з цягам часу яго ператварылася ў свята ўсіх студэнтаў, якое з задавальненнем адзначаюць і ў Беларусі.
У народзе прынята было на Таццянін дзень пячы каравай у выглядзе сонейка. Займаліся гэтым старэйшыя жанчыны ў сям'і. Так яны заклікалі вясну і гналі марозы.
Калі ў гэты дзень сонечна, птушкі прыляцяць рана і вясна будзе цёплая. Вялікія гурбы 25 студзеня прадракаюць добры ўраджай.