Актрыса Алеся Грыбок, рэжысёр Яўген Лыткін, акцёр Ягор Пятрэнка, аператар Максім Малахаў (злева направа) падчас прэзентацыі фільму Ра +Дж

“Ра і Дж” вялікая гісторыя ў кароткім метры

515
(абноўлена 00:28 09.05.2016)
Грошы на мастацкі фільм на аснове краўдфандынгавай сістэмы ўпершыню сабралі ў Беларусі. Стужка распавядае пра вечнае каханне і ў неўзабаве будзе прадстаўлена шырокаму колу гледачоў.

Юлія Хвошч, Sputnik.

Збор сродкаў на моладзевыя творчыя праекты "народнымі намаганнямі" — з'ява не новая для Беларусі. На гэтай аснове паспяхова распачаў сваю дзейнасць колькі гадоў таму незалежны літаратурны альманах "Макулатура", шэраг гуртоў запісалі альбомы такім жа чынам, а гурт фолькавай музыкі "Стары Ольса" не так даўно сабраў сродкі на новы кліп.

Але грошы на мастацкі фільм, няхай і караткаметражны, былі сабраны на айчыннай краўдфандынгавай платформе ўпершыню. Фільм "Ра і Дж" маладога рэжысёра Яўгена Лыткіна прэзентавалі ў галерэі інтэрнэт-выдавецтва Tut.By у мінулую пятніцу ў межах закрытага паказу.

Збіты сюжэт, цікавыя дэталі

Кажуць, што ў свеце існуе толькі 36 сюжэтаў, усё астатняе — варыяцыі. Аўтары "Ра і Дж" пайшлі па шляху амерыканскіх фільмаў для падлеткаў: у гісторыі пра вялікае каханне абавязкова павінен быць адзін (як правіла дзяўчына) смяротна хворым. Другі ж звычайна даведваецца пра дыягназ, калі ўсё вельмі добра і гісторыя пра каханне з першага позірку блізіцца да вяселля. Ну, і канешне, "здаровы" складнік пары павінен у гонар вечнага кахання напрыканцы фільма здзейсніць геройскі ўчынак — ахвяраваць кавалачкам сябе дзеля каханай.

Гэта ўжо настолькі збітая заходнімі кінаматаграфістамі наіўная тэма, што стала нават крыўдна з нагодны абрання беларускім таленавітым тандэмам Лыткін-Малахаў гэтай гісторыі. Аднак перад паказам аўтары адзначылі, што менавіта гэты сцэнар для іх вельмі важны.  

Кадр з фільму Ра і Дж
© Sputnik Юлія Хвошч
Кадр з фільму "Ра і Дж"

Хлопец закахаўся ў дзяўчыну, якая працуе афіцыянткай, прапануе сустрэцца, яна адмаўляе, але ўпартасць хлопца пераадольвае. Неўзабаве яны становяцца самай шчаслівай парай у свеце. Але раптоўна герой дазнаецца, што ў яго закаханай фіброз легкага.

Мімаходам закранаецца праблема сучаснай моладзі. Гераіня называе сваіх сяброў мёртвымі таму што яны "быццам бы ёсць, але так… посцяць малюнкі ў інтэрнэце". У гэтым кантэксце на працягу стужкі аўтары адлюстроўваюсь прыгажосць "рэальнага" жыцця, яго насычанасць. За гэта ім вялікі плюс.

Куды больш за сюжэтную лінію парадаваў калейдаскоп цікавых дэталей — пазванавальныя пейзажы сучаснага, менавіта беларускага, горада, эпізод з матацыклам, елачная цацка ў трамваі, нестандартнае мысленне галоўнага героя.

Мантажныя планы ў стужцы зроблены прафесійна, і, як нехта адзначыў у зале пасля прагляду, гэта не поўнафарматнае кіно, каб ладзіць яго шырокімі размашыстымі планамі — хуткая змена планаў як мага лепей упісалася ў кароткі метр.

Прыемна здзівіла і праца маладых акцёраў. Яны сапраўдныя, не імкнуцца выдаць сябе за выдатных акцёраў, а проста і гарманічна існуюць у стужцы.

"Я паспрабавала распавесці гісторыю слабага чалавека. Не таго героя, якога мы прывыклі бачыць, які змагаецца з праблемамі, перамагае іх, і, як вынік, становіцца мацней. Мне хацелася распавесці пра другое. Мабыць, для гэтага таксама трэба мець нейкую моц, каб прызнацца, што ты слабы", - распавяла актрыса Алеся Грыбок, якая здымалася ў нашумелай "Вышэй за неба", перад паказам.

Алеся Грыбок падчас закрытага паказу фільму Ра і Дж
© Sputnik Юлія Хвошч
Алеся Грыбок падчас закрытага паказу фільму "Ра і Дж"

Падаліся незразумелымі некаторыя гукарэжысёрскія крокі, асабліва — выкарыстанне музыкі і песень гурта Navi. Пасля паказу акцёры прызналіся, што гэта іх любімы гурт, але ці варта толькі з гэтай нагоды ўключаць у фільм музыку, якая не найлепшым чынам упісваецца ў кантэкст? Магчыма, так падалося, што музыка была выкарастана не дарэчна — песня Navi літаральна ўрэзалася ў самы сонечны эпізод стужкі, крыху пайграла і так сама раптоўна знікла. Іншая справа песня J: Морс напрыканцы фільму — тут усё гарманічна — шчырая, свабодная і крыху сумная, як і сам фільм.

"Хлопцы патэлефанавалі нам улетку. Але не з просьбай даць ім песню да фільма, а з прапановай зняць нам кліп. Хлопцы са стрыжанём, ведаюць, чаго хочуць. У іх няма грошай, але яны ведаюць, што зробяць нам кліп. І я зразумеў, што яны здымуць фільм, і не адзін. І мне прыемна прысутнічаць у сітуацыі, калі яны стартуюць", — сказаў вакаліст гурта J: морс Уладзімір Пугач.

Супярэчлівыя ўражанні

Пасля прагляду выказацца ахвочых ці то не; было, ці то саромеліся. Усе сядзелі быццам у чаканні працягу стужкі. Замест працягу гледачам прапанавлі бэкстэйдж — кліп з цікавых момантаў, якія адбываліся падчас здымачнага працэсу. Ён, дарэчы, атрымаўся досыць маляўнічым і пазітыўным.

Аўтары фільму Ра і Дж падчас прэм'ернага паказу
© Sputnik Юлія Хвошч
Аўтары фільму "Ра і Дж" падчас прэм'ернага паказу

Прагляд бэкстэйджу, нарэшце, разняволіў гледачоў і яны пачалі выказываць свае супярэчлівые ўражанні. Некаму здавалася, што гісторыю для поўнага фармату нельга ўмясціць у кароткі метр, некага не задаволілі мантажныя планы, нехта запытаўся пра грошы, а вакалістка гурта Navi пахваліла сваю музыку ў фільме. Кожнаму — сваё. Але ў большасці засталося пачуццё недасказанасці, амаль усім каментатарам нечага не хапала.

У агульным фільм падаецца прафесійным, яго ніяк нельга назваць аматарскім. Канешне, у стужкі ёсць маленькія недахопы, але яна зроблена настолькі шчыра, што ніхто пасля прагляду не застаўся абыякавым. Спадабаецца стужка шырокаму гледачу ці не — не так ужо і важна. Важна тое, што таленавітыя маладыя людзі давялі справу да канца, зрабілі гэта і пераканалі, што ў беларускага кінематографа ёсць будучыня.

515
Тэги:
Сучаснае мастацтва, Кіно, Мастацтва, Navi (гурт), j:морс, Беларусь
Выстава ў Мінску будзе доўжыцца два дні

Расійскія кнігі на выставе ў Мінску - што пачытаць

24
Галоўная ідэя экспазіцыі - пазнаёміць чытача з расійскімі кнігамі, пра якія ён, магчыма, раней не чуў.

МІНСК, 2 кас - Sputnik. Толькі два дні прадоўжыцца выстава расійскай кнігі ў Мінску, распавёў Sputnik яе арганізатар Арцём Пятроўскі.

Экспазіцыя праходзіць упершыню. Ідэя належыць Прадстаўніцтву Рассупрацоўніцтва ў Беларусі. Выставу праводзяць па праграме "Расія". Пазней яе пакажуць у іншых краінах постсавецкай прасторы. Разам з ёй вандруе экспазіцыя аб ВНУ Расіі і іх філіялах.

Рэкамендацыя ад арганізатара

Сваю кнігу на выставе могуць знайсці розныя людзі, пачынаючы ад школьнікаў і заканчваючы аматарамі "класікі". Але Арцём Пятроўскі, паказваючы экспазіцыю, перш за ўсё падыходзіць да стала з дзіцячымі выданнямі.

Организатор выставки Артем Петровский
© Sputnik / Елена Васильева
Арганізатар выставы Арцём Пятроўскі

"Мне больш за ўсё спадабалася дзіцячая літаратура выдавецтва "Мазаіка". Я сам з'яўляюся бацькам 4-гадовага сына, і яму купіў бы гэтыя кнігі. Чым яны асаблівыя? Гэта забаўляльная кніга, цікавая кніга. Дзіця не проста глядзіць карцінкі, яно можа ўзаемадзейнічаць з імі - нешта націснуць, нешта дастаць", - растлумачыў Пятроўскі.

На выставе прадстаўлены кнігі 13 выдавецтваў, уключаючы даволі вядомыя "Парастак" і "Мазаіка". Хоць заяўлена было 20 удзельнікаў, але з-за сітуацыі з каронавірусам дабрацца да Мінска змаглі не ўсе.

Вместе с выставкой путешествует экспозиция о вузах России и их филиалах
© Sputnik / Елена Васильева
Разам з выставай падарожнічае экспазіцыя аб ВНУ Расіі і іх філіялах

Як вядома, у Расіі некаторыя выдавецтвы друкуюць беларускіх аўтараў. Але на гэтай выставе чытачы іх не сустрэнуць.

"Святлана Алексіевіч з'яўляецца самым папулярным беларускім аўтарам. Мы б, вядома, вельмі хацелі, каб яна тут была. Але па фармаце выставы мы прадстаўляем толькі расійскіх аўтараў", - сказаў Арцём Пятроўскі.

Мары аб гамаку

Арганізатары выставы прызнаюць: у кнігі сёння шмат канкурэнтаў. З'явіліся аўдыёкніжкі, ды і той жа інтэрнэт забірае шмат увагі патэнцыйнага чытача. І ўсё ж у кнігі ёсць свой шарм. Пакратаць старонкі, падумаць пра жыццё, атрымаць асалоду ад адзінотай. Усё гэта магчыма перажыць толькі з "жывой" кнігай у руках, упэўнены арганізатары.

Выставка удовлетворит вкусы всех - от школьников до любителей классики
© Sputnik / Елена Васильева
Выстава задаволіць густы ўсіх - ад школьнікаў да аматараў "класікі"

"Я, вядома, таксама слухаю аўдыёкніжкі, калі еду ў машыне ў камандзіроўку. Але калі іду на пляж або кладуся ў гамак, бяру старую добрую кнігу", - кажа Арцём Пятроўскі.

Выстава расійскай кнігі працягнецца 2 і 3 кастрычніка ў Доме Масквы ў Мінску. Наведаць яе можа любы ахвотны, уваход вольны. Але арганізатары ўдакладняюць, што продаж кніг на выставе не ажыццяўляецца.

"Наша мэта - пазнаёміць чытача з расійскімі кнігамі, пра якія, магчыма, ён не ведаў", - растлумачыў Арцём Пятроўскі.

24
Тэги:
Кнігі, Мінск, Рассупрацоўніцтва
Багач - 2020

Усё па традыцыях: у Дукоры адзначылі Багач

137
(абноўлена 13:36 22.09.2020)
Працаваць на свята багатага ўраджаю строга забаронена, таму госці ад душы танчылі і весяліліся.

Багач у народным календары прымеркаваны да свята збору ўраджаю. Назву сваю ён атрымаў, бо лічылася, што менавіта ў гэтыя дні у добрых гаспадароў у хаце "усяго багата". На святкаванне Багача ў Дукорскім маёнтку патрапіў фатограф Sputnik Альфрэд Мікус.

Багач - 2020
© Sputnik Альфрэд Мікус
Багач - гэта адмысловы лубок з зернем
Багач - 2020
© Sputnik Альфрэд Мікус
На свята жыхары вёскі збіраліся грамадой

Для святкавання Багача ўсе жыхары старадаўняй беларускай вёскі збіраліся талакой і рабілі адмысловы лубок з зернем, у сярэдзіну якога ўстаўлялі свечку. У гэты лубок, які атрымаў сваю назву ад наймення свята, кожны вясковец прыносіў па жменьцы зерня з новага ўраджаю. Лубок з запаленай свечкай праносілі абавязкова па ўсёй вёсцы. Усе гэтыя дзеянні былі скіраваныя на захаванне дабрабыту, ураджайнасці, плоднасці жывёлы і сямейнага ладу.

Багач - 2020
© Sputnik Альфрэд Мікус
Багач абавязкова праносілі па ўсёй вёсцы
Багач - 2020
© Sputnik Альфрэд Мікус
Кожны вясковец дадаваў у лубок зерне з новага ўраджаю

Напрыканцы Багач размяшчалі пад абразамі на покуці хаты гаспадароў, якіх грамада ў гэтым годзе абірала лепшымі.

Падчас святкавання Багача ўсім сялянам увогуле забаранялася працаваць: яны хадзілі ў госці адзін да аднаго, ладзілі кірмашы і гулянні, танчылі і спявалі.

Багач - 2020
© Sputnik Альфрэд Мікус
госці ў Дукоры вучыліся розным майстэрствам
Багач - 2020
© Sputnik Альфрэд Мікус
І хоць працаваць на Багач забаронена, але ж вучыцца ніхто не забараняў!
Багач - 2020
© Sputnik Альфрэд Мікус
Выдатны майстар навучыць каго заўгодна

Не засталіся ў баку ад гэтай традыцыі і госці Дукорскага маёнтка. Пад музыку гуртоў Стары Ольса і PAWA і беларускага народнага ансамбля "Вербіца" яны ад душы есяліліся і скакалі, а таксама вучыліся майстэрству керамікі, разьбы па дрэве, пляценню лапцей, ткацтву і вырабу лялек.

137
Тэги:
Народныя традыцыі, Багач
Сумесныя стратэгічныя вучэнні Беларусі і Расіі

Лукашэнка распавёў пра вучэнні па адпрацоўцы новых метадаў вядзення вайны

4
(абноўлена 12:07 18.01.2021)
У бягучым годзе на беларускай тэрыторыі пройдуць сумесныя вучэнні "Захад-2021", задума якіх распрацоўваецца і ўзгадняецца з Расіяй.

МІНСК, 18 сту – Sputnik. Беларускі лідэр прыняў у панядзелак у Палацы Незалежнасці з дакладам міністра абароны Віктара Хрэніна.

Аляксандр Лукашэнка нагадаў кіраўніку Мінабароны, што ён павінен быў сумесна з расійскімі калегамі дапрацаваць "задуму і дэталі будучага беларуска-расійскага вучэння "Захад-2021".

"Для мяне гэта сімвалічна, таму што яшчэ маладым афіцэрам мне давялося прымаць удзел у адным з такіх вучэнняў савецкіх узброеных сіл у Віцебскай вобласці па адпрацоўцы новых метадаў вядзення вайны", - цытуе кіраўніка дзяржавы БелТА.

Паводле яго слоў, пасля азнаямлення з задумай вучэнняў, якія пройдуць ў 2021 годзе, ён усвядоміў, як прасунулася наперад беларуская армія.

Пасля чаго папрасіў Віктара Хрэніна далажыць аб тым, ці ўдалося ўзгадніць з расійскім бокам нюансы манеўраў, а таксама іх задуму.

"Мы з прэзідэнтам Расіі даўно прынялі рашэнне, што будзем праводзіць гэтае вучэнне", - заявіў Аляксандр Лукашэнка.

У мінулым годзе завяршыўся чарговы этап развіцця беларускай арміі, таму беларускі лідэр пацікавіўся ў міністра абароны, чаго ўдалося дасягнуць.

"Перш за ўсё мы дамаўляліся пра прывядзенне нашай арміі да пэўнага ўзроўню. Па-другое, мы павінны былі значна удасканаліць базу: ваенныя гарадкі, гарнізоны і гэтак далей. І трэцяе - ўзбраенне", - нагадаў кіраўнік дзяржавы.

Чытайце таксама:

4
Тэги:
Беларусь, армія, Аляксандр Лукашэнка