На фестывалі

І зусім гэта не "Freaky": рэпартаж з FSP

31
На галоўным арт-пікніку лета ўсе былі аднолькава прыгожымі, нават дзеці паводзілі сябе добра, а надвор'е было ў меру камфортным – адным словам, усё было неяк насцярожваюча правільна.

Алена Васільева, Sputnik.

З кожным годам градус "правільнасці" у арт-пікніка Freaky Summer Party усё расце: некалькі гадоў таму па Камсамольскім возеры хадзіў пірацкі карабель ад каманды 34mag, летась кандыдат у прэзідэнты Таццяна Караткевіч страляла з рагаткі — адным словам, бунтавалі як маглі. Сёлета замест выспы — парк забаў Dreamland. Прыгожыя людзі ў аднолькавых шортах з высокай таліяй і акулярах-авіятарах па-ранейшаму блукаюць уздоўж намётаў Jam-маркета з аксэсуарамі ручной працы і прыгожым адзеннем, а вось бунту не засталося. Ва ўсякім разе, яго было не разглядзець праз кропкі з фалафелем, здаровай ежай і эка-торбамі. У пошуках забавак публіка разлівалася па парку Dreamland патокам клубнічнага смузі.

На FSP всем заправляла любовь
© Sputnik Марина Серебрякова
Любоў і каханне панавалі ўсюды

"У вас нават дзеці паводзяць сябе добра", — дзяліўся з карэспандэнтам Sputnik брытанец Піліп — у Мінску ён жыве ўжо два месяцы, FSP Піліпу адрэкамендавалі як "галоўную падзея лета, прапусціш — лічы, не бачыў мінскага жыцця". Здаецца, акурат жыцця Піліпу на арт-пікніку не хапіла.

"Калі падобныя падзеі праводзяцца ў Еўропе, там няма такіх акуратных сцежжак, такой чысціні і такога спакою. Усё атрымалася вельмі нядрэнна — шмат тэматычных зон, але ў Брытаніі было б больш контркультуры, а на пляцоўцы перад сцэнай танчыў бы натоўп людзей. Можа, пад вечар так і будзе. А пакуль у вас нават дзеці занадта добра паводзяць сябе", — смяецца Піліп і выпраўляецца на пошукі здаровай ежы. Балазе гэтага на фестывалі хапае.

Всякий желающий мог заняться йогой или попробовать веганской пищи
© Sputnik Марина Серебрякова
Ахвотныя маглі заняцца ёгай ці пакаштаваць веганскіх страваў

У нейкі момант арт-пікнік пачынае нагадваць брэсцкую вуліцу Гогаля. Перад чарговым Днём горада кіраўніцтва Брэста загадала мясцовым прадпрыемствам увекавечыць сябе ў бронзе і прадаставіць для ўпрыгожвання адной з вуліц скульптуры-сімвалы. Так на вуліцы Гогаля з'явіліся скульптуры, якія ўслаўляюць дзейнасць швейнай фабрыкі, мясцовага рынку і да іх падобных арганізацый. Так і на FSP кампаніі-удзельнікі зрабілі ўсё магчымае, каб заваяваць увагу кліентаў, якія праходзілі паўз іх: можна было скакаць на батут з вышкі, можна было прымерыць акуляры віртуальнай рэальнасці, ляжаць на шэзлонгу і гуляць ва ўмерана рухомыя гульні. Адным словам, з задачай "узвесці сабе помнік на два дні" кампаніі справіліся.

Художник Митя Писляк тоже не остался в стороне
© Sputnik Марина Серебрякова
Мастак Міця Післяк не адседжваўся ў засадзе

"Нават алкаголю няма", — не тое скардзіліся, не тое радаваліся асобныя мінакі. "Добра, што алкаголю няма", — адназначна радаваліся мамы з дзецьмі і размяшчаліся на газонах і ў спецыяльнай зоне Kidsters (ад kids — "дзеці" і "хіпстэры"). Маленькія хіпстэры ўключаліся ў свае першыя варкшопы.

"А я не разумею, чым гэта адрозніваецца ад звычайнай вылазкі ў парк. Бо там таксама можна пасядзець на газоне і паглядзець на людзей. Ну, хіба што без фалафеля. І з бясплатным уваходам", —  дзяліліся некаторыя, але вялікая частка публікі была FSP задаволеная і не крытыкавала.

В ожидании клиентов мастера тату демонстрировали мастерство на бананах
© Sputnik Марина Серебрякова
У чаканні кліентаў майстры тату адпрацоўвалі тэхніку татуажа на бабанах

Большасць, па чутках, вырашыла прыйсці на другі дзень FSP, на які быў заяўлены выступ Іллі Красільшчыкава, выдаўца праекта Meduza і былога рэдактара Afisha.ru. Калі жыў у Мінску, значыць, жадаў завесці свой "гарадской часопіс", і мінчане задоўга да прыезду Красільшчыкава абмяркоўвалі, чаму ў яго можна падвучыцца. Акрамя таго, у адукацыйнай частцы праграмы былі заяўлены выступленні маладых бізнесменаў, арганізатараў фестываляў, меркавалася, што кожны актыўны мінчанін паквапіцца на магчымасць пераняць вопыт, і ў Мінску адкрыецца новы бар/фестываль.

А вот к батуту выстроилась очередь: кажется, ощущения свободного полета не хватало многим
© Sputnik Марина Серебрякова
Да батута цягнулася чарга: ахвотных зведаць вольны палёт было багата

Часам бадзёрыя дзяўчынкі і хлопчыкі прапаноўвалі прысутным узяць удзел у якім-небудзь квэсце за каштоўныя прызы, магчымасць падарункаў падбадзёрвала, і хтосці ненадоўга аджываў.

"Паехалі дадому, зварым пельмені і будзем каву піць", — абмяркоўвалі на прыпынку дзве дзяўчыны план after-party. Так веганскую ежу прамянялі на пельмені.

В аксессуарах ручной работы нехватки не было
© Sputnik Марина Серебрякова
Упрыгожанні на любы густ можна было набыць у майстроў

Здаецца, з назвы FSP пара прыбраць "Freaky". Summer Party год ад году атрымоўваецца на славу, тут можна прайсці умоўны квэст "мінскае лета" за два дні — зрабіць татуіроўку, прыкупіць завушніцы ручной працы, паглядзець, як ганчар лепіць з гліны і паспрабаваць ліманад з веганскай кавярні "Шчасце Тут". Але вось вар'яцтва ў арт-пікніку ўсё менш. Дык можа ў наступным годзе час клікаць публіку на SP?

31
Тэги:
Адпачынак, Месцы адпачынку, Мінск, Беларусь
Кола часу – 2020

Унікальныя матацыклы паказалі на фестывалі ў Мірскім замку фота

42
(абноўлена 12:05 03.08.2020)
Госці фестывалю рэтрамотатэхнікі "Кола часу" змаглі ўбачыць сапраўды неверагодныя экспанаты. Патрапіў на свята і фотакарэспандэнт Sputnik Альфрэд Мікус.

У мінулыя выхадныя ў Мірскім замку прайшоў фестываль рэтрамотатэхнікі "Кола часу", на якім удзельнікі прадставілі каля сотні самых розных мадэляў. Галоўнае патрабаванне да экспанатаў – узрост больш за 30 гадоў.

Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020

Свята ў гэтым годзе прайшло ў восьмы раз. Сярод усіх мадэляў асаблівую ўвагу надалі матацыклам "Мінск", таму што ў гэтым годзе Мотавелазавод святкуе сваё 75-годдзе.

Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020

Аматары рэтратэхнікі маглі не толькі дакрануцца да ўнікальных матацыклаў, але і паспрабаваць сябе ў якасці вадзіцеляў.

Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020

Акрамя Міра ўдзельнікі фестываля наведалі замкі ў Любчы і Навагрудку.

42
Тэги:
Матацыклы і мапеды, Мірскі замак
У Бялынічах узводзяць капліцу на касцях

Парушэнне магілы. У Бялынічах незаконна узводзяць капліцу на касцях

45
(абноўлена 10:44 02.08.2020)
Свежы драўляны зруб прыкметны здалёк яшчэ на пад'ездзе да невялікага гарадка, і месца для яго будаўніцтва выбрана ўнікальнае: не проста маляўнічая Ільінская гара, а старажытныя могілкі.

Самі Бялынічы ў гэтыя дні нагадваюць адну вялікую будоўлю. У ранейшыя тлустыя гады гэта магло значыць толькі адно - падрыхтоўку да рэспубліканскіх "Дажынак". Цяпер падстава з пункту гледжання ўладаў куды больш празаічная, але статус мерапрыемства ўсё ж высокі.

Горад рыхтуецца ў верасні стаць пляцоўкай для святкавання Дня беларускага пісьменства. Гэта адна з падстаў успомніць, што менавіта беларусы першымі сярод усходніх славян абзавяліся сваім першадрукаром - Францыскам Скарынам. Прысутнасць на мерапрыемстве вышэйшых службовых асоб прадугледжвае адпаведны антураж.

Свежий сруб новой часовни на Ильинской горе заметен издалека
© Sputnik / Виктор Толочко
Свежы зруб новай капліцы на Іллінскай гары прыкметны здалёк

Мілы гарадок у дэкарацыях моранага рэльефу выглядае як сапраўднае месца для шчаслівага жыцця сярэднестатыстычнага беларуса. Бялынічы паўсталі няхай і не на сямі пагорках, як Рым, але Ільінская гара, як мяркуюць мясцовыя жыхары, стала месцам нараджэння горада. Чаму маштабная будоўля на яе месцы выклікае здзіўленне ў гісторыкаў, разбіраўся карэспандэнт Sputnik Станіслаў Андросік.

Магіла без кадзіла - што вугальная яма

У мінулым годзе стала вядома аб планах настаяцеля Бялыніцкай царквы Сергія Маслава пабудаваць на Іллінскай гары капліцу. Праект прайшоў неабходныя ўзгадненні, але трэба было правесці археалагічныя даследаванні, таму што навукоўцы даўно ведалі, што на гэтым месцы былі могілкі. Зрэшты, ведалі пра гэта і мясцовыя жыхары, таму нядзіўна, што гэта было адзінае ўзвышша ў Бялынічах, дзе яшчэ не было нічога пабудавана.

"У снежні 2019 года мы пачалі работы на тэрыторыі дадзеных могілак. Заказчык, прытрымліваючыся літары закона, звярнуўся да нас, каб мы далі заключэнне аб наяўнасці або адсутнасці там археалагічных аб'ектаў", - распавёў навуковы супрацоўнік Інстытута гісторыі НАН Беларусі Аляксандр Вашанаў.

Паводле яго слоў, нягледзячы на тое, што старажытныя могілкі не мелі статусу ахоўнага помніка, ніякія будаўнічыя працы там весціся не маглі без нагляду археолагаў.

Научный сотрудник Института истории НАН Беларуси Александр Вашанов рассказывает, что Ильинская гора была тщательно изучена
© Sputnik / Виктор Толочко
Навуковы супрацоўнік Інстытута гісторыі НАН Беларусі Аляксандр Вашанаў распавядае, што Ільінская гара была старанна вывучана

Аж да канца сакавіка бягучага года на Іллінскай гары праводзіліся археалагічныя даследаванні. Пляцоўка пад будучую капліцу была цалкам вывучана.

"Мы дастаткова доўга даследавалі гэтыя могілкі, і аказалася, што гэта шмат'ярусная пахаванне. Гэта значыць, што тут хавалі памерлых вельмі даўно. У некаторых месцах пахаванні ішлі проста пластамі", - растлумачыў гісторык.

Пры гэтым ён удакладніў, што ўсяго было выяўлена каля 200 пахаваных. У цяперашні час працягваецца антрапалагічная экспертыза. Дакладную колькасць пакуль назваць цяжка, таму што ў адной магіле часам аказвалася адразу некалькі пахаванняў.

Древнее кладбище в Белыничах оказалось многоярусным сооружением
© Sputnik / Виктор Толочко
Старажытныя могілкі ў Бялынічах аказалася шмат"ярусным збудаваннем

Аляксандр Вашанаў адзначыў, што знойдзеныя ў ходзе работ прадметы дазваляюць датаваць могілкі XVII-XIX стагоддзямі, у прыватнасці, такі прамежак часу дазволілі ўсталяваць манеты, якія былі знойдзеныя.

Найденные археологами предметы позволяют датировать кладбище XVII-XIX веками
© Sputnik / Виктор Толочко
Знойдзеныя археолагамі прадметы дазваляюць датаваць могілкі XVII-XIX стагоддзямі

Ільінская гара, такім чынам, з'яўляецца археалагічным аб'ектам згодна з беларускім заканадаўствам, таму што ўзрост пахаванняў перавышае 120 гадоў.

Усялякая магіла травой зарастае

Напрыканцы мая Інстытут гісторыі падрыхтаваў для праваслаўнага прыходу, які з'яўляецца заказчыкам работ, і мясцовых уладаў навуковае заключэнне аб выніках даследавання.

"У такіх дакументах мы заўсёды прапісваем, што працы могуць працягвацца, але ў выпадку выяўлення касцяных парэшткаў ці якіх-небудзь археалагічных аб'ектаў, неабходна абавязкова звярнуцца да археолагаў", - растлумачыў навуковы супрацоўнік.

Аляксандр Вашанаў успамінае, што пры правядзенні чарговага маніторынгу будаўніцтва капліцы ў Бялынічах на месцы ўзвядзення лесвіцы да яе проста ў паліцах пяску валяліся чалавечыя косткі і чарапы.

В начале июля при проведении очередного мониторинга на месте возведения лестницы к часовне археологи института зафиксировали множество человеческих костей и черепов
© Sputnik Александр Вашанов
На пачатку ліпеня пры правядзенні чарговага маніторынгу на месцы ўзвядзення лесвіцы да капліцы археолагі інстытута зафіксавалі мноства чалавечых костак і чэрапаў

"Самае сумнае, што па стане костак можна было сказаць, што яны ляжаць там не адзін тыдзень. Таму што, калі косткі доўга ляжаць на сонцы, яны выбельваюцца", - канстатаваў ён.

Атрымліваецца, што протаіерэй Маслаў працягнуў чарговы этап будаўніцтва, але пасля выяўлення астанкаў пахаваных на старажытных могілках людзей не звярнуўся да спецыялістаў, што ўжо з'яўляецца парушэннем заканадаўства Беларусі.

Так выглядит Ильинская гора, где обнаружены древние захоронения и возводится часовня, сегодня
© Sputnik / Виктор Толочко
Так выглядае Ільінская гара, дзе выяўленыя старажытныя пахаванні і ўзводзіцца капліца, сёння

Пасля гэтага Інстытут гісторыі падрыхтаваў афіцыйны запыт у Магілёўскі аблвыканкам і мясцовы райвыканкам.

Чужое сумленне - магіла

Праз дзве гадзіны дарогі з Мінска мы апынуліся ў Бялынічах, дзе жыццё цячэ сваім парадкам, нагадваючы аб мерным побыце правінцыі, дзе пра выбары прэзідэнта 9 жніўня, здаецца, і зусім не ўспамінаюць.

Въезд в город Белыничи Могилевской области
© Sputnik / Виктор Толочко
Уезд у горад Бялынічы Магілёўскай вобласці

Пад'ехаць да Іллінскай гары, дзе будуецца капліца, не складана, таму што яна бачная, мабыць, адусюль. На старажытных могілках працуюць будаўнікі з мясцовага ПМК, меланхалічна разбіраюць апалубку пад лесвіцай, шліфуюць сцены капліцы, а на косткі, якімі пакрытая пляцоўка, здаецца, і зусім не звяртаюць увагі.

Рабочие трудятся над возведением часовни, невзирая на торчащие из земли под лестницей кости предков
© Sputnik / Виктор Толочко
Працоўныя працуюць над узвядзеннем капліцы, нягледзячы на косткі продкаў, якія тырчаць з зямлі пад лесвіцай

Каля суседняга дома сустракаем мясцовую жыхарку Ірыну, фатаграфавацца яна, праўда, адмаўляецца, як і ўсе жыхары Бялынічаў пасля.

"Тут шмат костак знайшлі. Бацюшка прыязджаў са сваім памочнікам. Яны іх збіралі і павезлі кудысьці, - распавяла жанчына. - Сама я туды глядзець нават баюся, у мяне дзіцяці тры гады".

Жители окрестных домов о костях, конечно, знают и побаиваются
© Sputnik / Виктор Толочко
Жыхары навакольных дамоў аб касцях, вядома, ведаюць і пабойваюцца

Пасля гэтага адпраўляемся ў мясцовае РУУС, дзе нас сустракае дзяжурны афіцэр і просьба надзець маску і апрацаваць рукі дэзінфектарам (дзесьці каронавірус перамаглі, але пакуль, мабыць, толькі ў сталіцы).

Міліцыя ў Бялынічах аказваецца не ў курсе, што на Іллінскай гары з зямлі тырчаць косткі. Пасля тэлефоннай размовы з начальствам высвятляецца, што ніхто па гэтым факце да іх не звяртаўся, ды і пра вываз костак з могілак праваахоўнікі маленькага мястэчка не ведаюць нічога. Нам рэкамендавалі звярнуцца ў мясцовы Жылкамунгас.

Ни в Жилкоммунхозе, ни в местном РУВД о ситуации на Ильинской горе ничего не слышали
© Sputnik / Виктор Толочко
Ні ў Жылкамунгасе, ні ў мясцовым РУУС пра сітуацыю на Іллінскай гары нічога не чулі

Галоўны інжынер Мікалай Канкевіч адмаўляўся размаўляць, спасылаючыся на занятасць, але, пачуўшы, пра што гаворка, змог толькі коратка адказаць: "Мы пра гэта ўпершыню чуем і ніякія косткі нікуды не вывозілі".

Адпраўляемся пагаварыць з настаяцелем храма абраза Бялыніцкай Божай Маці протаіерэем Сергіем Маславым.

Праўда, высвятляецца, што на месцы святара няма і па тэлефоне ён гаварыць не можа. Пра гэта нам паведаміў яго памочнік - пасля размовы з Маславым па мабільным. Прадставіцца, дарэчы, ён адмовіўся.

На входе в храм иконы Белыничской Божией Матери объявление: принимаются пожертвования на строительство часовни на Ильинской горе
© Sputnik / Виктор Толочко
На ўваходзе ў храм абраза Бялыніцкай Божай Маці аб"ява: прымаюцца ахвяраванні на будаўніцтва капліцы на Іллінскай гары

Цэнтр Бялынічаў цяпер нагадвае ўдарную камсамольскую будоўлю, дзе ў броўнаўскім руху перамяшаныя тэхніка, будаўнікі і проста мінакі. Проста не верыцца, што яны могуць паспець навесці марафет у мястэчку да шостага верасня, таму што каля райвыканкама нават няма ганка, і, каб патрапіць унутр, трэба яго абыходзіць, ну ці пералазіць праз плот, як зрабілі мы з фатографам.

Белыничи погружены в благоустройство
© Sputnik / Виктор Толочко
Бялынічы пагружаныя ў добраўпарадкаванне

Пасля таго, як у аддзеле ідэалагічнай работы, культуры і па справах моладзі сказалі, што таксама не ведаюць пра тое, што ўвесь схіл Іллінскай гары абсыпаны косткамі, дзівіцца таму, што ніхто не спыніў будоўлю, не прыходзіцца.
"Мы нічога пра гэта не ведаем, і святар нам не паведамляў. Інстытут гісторыі нам дасылаў афіцыйны ліст, што працы можна працягваць", - заявіла начальнік аддзела Іна Ігнатовіч.

На улицах городка в броуновском движении перемешаны техника, строители и просто прохожие
© Sputnik / Виктор Толочко
На вуліцах мястэчка ў броўнаўскім руху перамяшаныя тэхніка, будаўнікі і проста мінакі

У пацверджанне сваіх слоў яна дастала важкую папку з афіцыйнай перапіскай са сталічнымі навукоўцамі, і ліст хутка знайшоўся, але ў ім ужо знаёмая фармулёўка - "у выпадку выяўлення касцяных парэштак работы павінны быць спыненыя".

Намеснік старшыні райвыканкама, які курыруе архітэктуру і будаўніцтва, Дзмітрый Давыдаў, як аказалася, таксама не ў курсе, што адбываецца на будаўнічай пляцоўцы. Хтосьці мог бы гэтаму здзівіцца, але не мы.

В Белыничах вовсю бурлит комсомольская стройка
© Sputnik / Виктор Толочко
У Бялынічах на ўсю моц бурліць камсамольская будоўля

Вузкія дзверы ў магілу

Напрыканцы мы вырашылі яшчэ раз пад'ехаць да капліцы, і, як аказалася, не дарэмна. Напярэдадні ў Бялынічах прайшоў моцны дождж, і зямля на зрэзаным бульдозерам схіле Іллінскай гары была вельмі вільготнай.

Пасля абеду, калі ўсе падсохла, там і тут сталі праступаць косткі, а каля парога будучай капліцы - і зусім фрагмент чэрапа. Зрэшты, мяркуючы па рэакцыі рабацяг з ПМК, гэта іх ужо мала здзіўляла.

Когда земля после дождя подсохла, на поверхности стали проступать кости
© Sputnik / Виктор Толочко
Калі зямля пасля дажджу падсохла, на паверхні сталі праступаць косткі
На горе без труда можно обнаружить останки черепов
© Sputnik / Виктор Толочко
На гары лёгка можна выявіць рэшткі чарапоў

На пытанне, што яны робяць з косткамі, якія так і вытыркаюць з зямлі, адзін з будаўнікоў прапанаваў пагаварыць з прарабам па тэлефоне.

Высветлілася, што будоўляй той камандуе ўсяго тры тыдні, але косткі збірае памочнік святара Віталь Вяргейчык (той самы, што не хацеў прадставіцца ля царквы). Усе яны захоўваюцца ў протаіерэя.

"Пасля таго, як будзе пабудавана капліца, святар іх з усёй пашанай перапахавае", - запэўніў прараб у тэлефоннай размове.

Кости лежат здесь уже не одну неделю и успели побелеть на солнце
© Sputnik / Виктор Толочко
Косткі ляжаць тут ужо не адзін тыдзень і паспелі пабялець на сонцы

Першы ж запыт у пошукавіку паказвае, што памочнік святара Вяргейчык у нядаўнім мінулым займаў пасаду начальніка аддзела архітэктуры і будаўніцтва Бялыніцкага райвыканкама. Наўрад ці дасведчаны чыноўнік не знаёмы з беларускім заканадаўствам і не ў стане падказаць протаіерэю Маславу, што закон парушаць не варта, нават калі так паспешліва будуеш храм.

Помощником настоятеля храма, который не захотел представиться, оказался Виталий Вергейчик, бывший начальник отдела архитектуры и строительства Белыничского райисполкома
© Sputnik / Виктор Толочко
Памочнікам настаяцеля храма, які не захацеў назваць сябе, апынуўся Віталь Вяргейчык, былы начальнік аддзела архітэктуры і будаўніцтва Бялыніцкага райвыканкама

Мясцовыя чыноўнікі спяшаюцца правесці выбары прэзідэнта, а пасля кароткай перадышкі прыняць Дзень пісьменства, ім няма справы да будоўлі, якая ідзе з парушэннем закона.

Жаданне хутчэй пабудаваць, руйнуючы магілы сваіх продкаў, цяжка растлумачыць, але факт застаецца фактам. Пакуль на гары зіхаціць у промнях сонца новы зруб, каля яе падножжа бялеюць косткі. З якім пачуццём сюды будуць прыходзіць вернікі і падымацца па лесвіцы, выбудаванай-над старажытных пахаваннях, можна толькі ўявіць.

45
Тэги:
Магілёўская вобласць
Затрыманні на трэці дзень пратэстаў у Мінску

Трое грамадзян Украіны затрыманыя ў Беларусі падчас пратэстаў - Зяленскі

0
(абноўлена 13:00 13.08.2020)
Масавыя пратэсты ў сталіцы і рэгіёнах пачаліся пасля выбараў прэзідэнта і працягваюцца вось ужо чатыры дні.

МІНСК, 13 жні - Sputnik. Трое грамадзян Украіны затрыманыя падчас пратэстаў у Беларусі, пра гэта заявіў украінскі лідар Уладзімір Зяленскі ў чацвер.

"Цяпер мы гаворым з МЗС, яны звязаліся з беларускім бокам. Там трое нашых украінскіх грамадзян. Зараз вядуцца перамовы, мы хочам, каб нам вярнулі нашых грамадзян на Украіну", - сказаў Зяленскі на брыфінгу ў чацвер.

Украінскі лідар параіў украінцам устрымацца ад паездак у Беларусь.

"Мы бачым, што там складаная, нестабільная, сур'ёзная сітуацыя. Я б параіў украінцам з-за тых выпадкаў, калі нашы людзі затрыманыя там, устрымацца ад паездак у Беларусь", - сказаў Зяленскі.

Ён заклікаў суайчыннікаў дачакацца моманту, калі ў рэспубліцы ўсталюецца больш-менш стабільная сітуацыя.

Дакладную колькасць затрыманых у Беларусі грамадзян Украіны вызначыць цяжка: напярэдадні ў МЗС пацвердзілі затрыманне ў Мінску двух украінскіх валанцёраў Канстанціна Рэуцкага і Яўгена Васільева.

Выбары прэзідэнта Беларусі адбыліся 9 жніўня. Па дадзеных, агучаных ЦВК, перамогу атрымаў дзеючы кіраўнік дзяржавы Аляксандр Лукашэнка - за яго прагаласавалі больш за 80% выбаршчыкаў, якія прыйшлі на ўчасткі. Пасля гэтага ў Мінску і рэгіёнах некалькі дзён працягваліся несанкцыянаваныя акцыі пратэсту нязгодных з вынікамі выбараў.

0
Тэги:
Украіна, Мінск