Удзельнікі Naviband Арцём Лук'яненка і Ксенія Жук

Naviband: хочацца паказаць сучасную Беларусь Еўропе

57
(абноўлена 13:17 10.01.2017)
Музыкі ўпэўненыя, што галоўнае ў творы - шчырасць і выразны эмацыйны пасыл, які зможа зразумець кожны.

Набліжаецца фінал нацыянальнага адбору на "Еўрабачанне-2017". Сярод фіналістаў толькі Naviband прадстаўляе песню на беларускай мове, што прыцягнула асаблівую ўвагу фанатаў конкурсу. Карэспандэнт Sputnik Яўген Казарцаў пагутарыў з удзельнікамі калектыву і даведаўся, навошта ім ехаць на конкурс, а таксама як яны могуць ацаніць сітуацыю на беларускай музычнай сцэне.

Навошта ехаць на "Еўрабачанне"?

"Мы хочам, каб упершыню ў гісторыі ад Беларусі на "Еўрабачанні" прагучала песня на беларускай мове. Многія нам пішуць, што ніхто не зразумее мову… Але ў нашай песні ёсць матыў, які зможа падпець уся Еўропа", — упэўнены саліст групы Арцём Лук'яненка. 

Група Navi на адборы на конкурс Еўрабачанне-2017
© Sputnik / Виктор Толочко

Яго напарніца па калектыву Ксенія Жук падзялілася: водгукі на конкурсную песню прыходзяць і ад замежнікаў — таму яна дакладна зразумелая па-за залежнасці ад мовы.

"Дзякуй усім людзям, якія нас падтрымліваюць — вы нас мацівіруеце ў тым ліку і на тое, каб мы зрабілі гэты крок", — дадала Ксенія.

Як распавялі ўдзельнікі Naviband, яны часта падарожнічаюць і сустракаюць тое, што замежнікі не ведаюць нічога пра Беларусь. "Наша задача — паказаць, што ёсць такая краіна. Што ў Беларусі жыве нармальная еўрапейская моладзь, якая шырока мысліць", — сказалі яны. На думку музыкаў, дапамагчы зразумець песню слухачам могуць эмоцыі і шчырасць — для гэтага не так важна мова.

Як песняй прыцягнуць увагу да культуры краіны

На думку Naviband, добрая і запамінальная песня можа і прыцягнуць увагу еўрапейцаў да Беларусі, да яе культуры. Як адзначыў Арцём, у гэтым "Еўрабачанне" можна параўнаць са спартыўнымі дасягненнямі — назва краіны гучыць часцей і гучней, а людзі пачынаюць цікавіцца ёю.

"Нават блізкія да нас краіны не да канца разумеюць, што ж такое Беларусь цяпер. Нам прыходзяць паведамленні з Польшчы і Украіны, якія дзівяцца таму, як падобныя нашы мовы. Моладзь у многіх краінах наогул нічога пра нас не ведае. А не так даўно мне пісаў чалавек з поўначы Расіі — я яму расказвала, куды ў Беларусі можна з'ездзіць і што паглядзець. Потым ён мне напісаў, што краіна змянілася, што горад вельмі прыгожы і ўсё выдатна. мне стала так прыемна!" — падзялілася Ксенія.

Отбор на Евровидение от Беларуси
© Sputnik / Виктор Толочко
Адбор на "Еўрабачанне" ад Беларусі.

Вяртаючыся да "моўнага пытання", музыкі не выключылі: калі яны перамогуць у нацыянальным адборы, то могуць дадаць у песню і пару радкоў па-англійску. Аднак рашэнне аб гэтым да гэтага часу не прынята.

Чаму нельга "трымаць пальцы веерам"

Удзельнікі групы падкрэсліваюць: галоўнае — не рабіць з адбору на "Еўрабачанне" нейкі культ і займацца ў першую чаргу музыкай.

"Для нас вельмі важна сказаць у дзень фіналу, што для нас на першым месцы — музыка. Каб людзі ўбачылі, што мы не раз у год пішам песню і трымаем "пальцы веерам", а што мы сапраўды працуем у музыцы, жывем ёю", — распавёў Арцём.

Если Naviband победят в национальном отборе, то могут добавить в песню и пару строк по-английски
© Sputnik / Виктор Толочко
Калі Naviband перамогуць на" Еўрабачанні", то змогуць далучыць некалькі радкоў на англійскай мове

Не ўсіх сваіх канкурэнтаў па адборы музыканты ведаюць — спачатку ўспомнілі пра гурт Nuteki, з якімі бачаць шмат агульнага хай і не ў стылі музыкі, але і ў падыходзе да яе. Заўважылі ўдзельнікі Naviband і пачынаючых артыстаў. "Нам падабаюцца маладыя артысты — хочацца, каб не зніклі потым іх прастата і шчырасць. Я вельмі спадзяюся, што гэта "Еўрабачанне" наштурхне на далейшую працу маладых выканаўцаў. Не дасць ім нагоды заганарыцца сабой дарма", — працягнуў Арцём.

Музыкі прывялі прыклад: цяпер усе фіналісты ходзяць на інтэрв'ю, акружаны ўвагай і цікавасцю. "Да каго-то можа закрасціся думка пра тое, што ён ужо — "зорка". Але гэта не так. Скончыцца адбор — і зноў усе забудуць. Важна рабіць музыку ўвесь час і не заганарыцца сабой", — растлумачылі суразмоўцы Sputnik. Пры гэтым у музыцы, як падкрэслілі Арцём і Ксенія, галоўнае — праяўляць сябе, а не спрабаваць ставіць у аснову славу і грошы. У Беларусі шмат годных і цікавых музыкаў, упэўнены яны, а людзі гатовыя ўспрымаць шмат новага і нязвыклага — не толькі рускую "папсу". "Гадоў пяць таму ехаў у маршрутцы, дзе грала класіка. І маршрутчыкі кожны другі на выхадзе казаў "дзякуй". І такое бывае", — успомніў Арцём.

Naviband пасля адбору на "Еўрабачанне"

Калі перамагчы ў адборы групе не атрымаецца, то зноў яны ўдзельнічаць у ім не плануюць. "А то будуць казаць, што ўжо ў трэці раз плануем… Не, нам гэта не трэба, напэўна. Хоць і будзе крыўдна прайграць", — сказала Ксенія.

Зусім хутка ў гурта выходзіць новы альбом — пакуль яны не называюць ні дату прэм'еры, ні яго назвы. Раскрылі толькі падрабязнасці пра мову песень.

"Палова песень на новым альбоме будзе на рускай мове, палова — на беларускай. І ён выходзіць на расійскім лэйбле, ніякіх пытанняў з-за мовы не было нават", — запэўнілі Naviband.

Група Naviband пазмагаецца за права прадставіць Беларусь на "Еўрабачанні-2017" 20 студзеня ў эфіры тэлеканала "Беларусь 1".

57
Тэги:
Naviband, Арцём Лук'яненка і Ксенія Жук, Беларусь
Тэмы:
Еўрабачанне-2017 (31)
Выстава ў Мінску будзе доўжыцца два дні

Расійскія кнігі на выставе ў Мінску - што пачытаць

24
Галоўная ідэя экспазіцыі - пазнаёміць чытача з расійскімі кнігамі, пра якія ён, магчыма, раней не чуў.

МІНСК, 2 кас - Sputnik. Толькі два дні прадоўжыцца выстава расійскай кнігі ў Мінску, распавёў Sputnik яе арганізатар Арцём Пятроўскі.

Экспазіцыя праходзіць упершыню. Ідэя належыць Прадстаўніцтву Рассупрацоўніцтва ў Беларусі. Выставу праводзяць па праграме "Расія". Пазней яе пакажуць у іншых краінах постсавецкай прасторы. Разам з ёй вандруе экспазіцыя аб ВНУ Расіі і іх філіялах.

Рэкамендацыя ад арганізатара

Сваю кнігу на выставе могуць знайсці розныя людзі, пачынаючы ад школьнікаў і заканчваючы аматарамі "класікі". Але Арцём Пятроўскі, паказваючы экспазіцыю, перш за ўсё падыходзіць да стала з дзіцячымі выданнямі.

Организатор выставки Артем Петровский
© Sputnik / Елена Васильева
Арганізатар выставы Арцём Пятроўскі

"Мне больш за ўсё спадабалася дзіцячая літаратура выдавецтва "Мазаіка". Я сам з'яўляюся бацькам 4-гадовага сына, і яму купіў бы гэтыя кнігі. Чым яны асаблівыя? Гэта забаўляльная кніга, цікавая кніга. Дзіця не проста глядзіць карцінкі, яно можа ўзаемадзейнічаць з імі - нешта націснуць, нешта дастаць", - растлумачыў Пятроўскі.

На выставе прадстаўлены кнігі 13 выдавецтваў, уключаючы даволі вядомыя "Парастак" і "Мазаіка". Хоць заяўлена было 20 удзельнікаў, але з-за сітуацыі з каронавірусам дабрацца да Мінска змаглі не ўсе.

Вместе с выставкой путешествует экспозиция о вузах России и их филиалах
© Sputnik / Елена Васильева
Разам з выставай падарожнічае экспазіцыя аб ВНУ Расіі і іх філіялах

Як вядома, у Расіі некаторыя выдавецтвы друкуюць беларускіх аўтараў. Але на гэтай выставе чытачы іх не сустрэнуць.

"Святлана Алексіевіч з'яўляецца самым папулярным беларускім аўтарам. Мы б, вядома, вельмі хацелі, каб яна тут была. Але па фармаце выставы мы прадстаўляем толькі расійскіх аўтараў", - сказаў Арцём Пятроўскі.

Мары аб гамаку

Арганізатары выставы прызнаюць: у кнігі сёння шмат канкурэнтаў. З'явіліся аўдыёкніжкі, ды і той жа інтэрнэт забірае шмат увагі патэнцыйнага чытача. І ўсё ж у кнігі ёсць свой шарм. Пакратаць старонкі, падумаць пра жыццё, атрымаць асалоду ад адзінотай. Усё гэта магчыма перажыць толькі з "жывой" кнігай у руках, упэўнены арганізатары.

Выставка удовлетворит вкусы всех - от школьников до любителей классики
© Sputnik / Елена Васильева
Выстава задаволіць густы ўсіх - ад школьнікаў да аматараў "класікі"

"Я, вядома, таксама слухаю аўдыёкніжкі, калі еду ў машыне ў камандзіроўку. Але калі іду на пляж або кладуся ў гамак, бяру старую добрую кнігу", - кажа Арцём Пятроўскі.

Выстава расійскай кнігі працягнецца 2 і 3 кастрычніка ў Доме Масквы ў Мінску. Наведаць яе можа любы ахвотны, уваход вольны. Але арганізатары ўдакладняюць, што продаж кніг на выставе не ажыццяўляецца.

"Наша мэта - пазнаёміць чытача з расійскімі кнігамі, пра якія, магчыма, ён не ведаў", - растлумачыў Арцём Пятроўскі.

24
Тэги:
Кнігі, Мінск, Рассупрацоўніцтва
Багач - 2020

Усё па традыцыях: у Дукоры адзначылі Багач

135
(абноўлена 13:36 22.09.2020)
Працаваць на свята багатага ўраджаю строга забаронена, таму госці ад душы танчылі і весяліліся.

Багач у народным календары прымеркаваны да свята збору ўраджаю. Назву сваю ён атрымаў, бо лічылася, што менавіта ў гэтыя дні у добрых гаспадароў у хаце "усяго багата". На святкаванне Багача ў Дукорскім маёнтку патрапіў фатограф Sputnik Альфрэд Мікус.

Багач - 2020
© Sputnik Альфрэд Мікус
Багач - гэта адмысловы лубок з зернем
Багач - 2020
© Sputnik Альфрэд Мікус
На свята жыхары вёскі збіраліся грамадой

Для святкавання Багача ўсе жыхары старадаўняй беларускай вёскі збіраліся талакой і рабілі адмысловы лубок з зернем, у сярэдзіну якога ўстаўлялі свечку. У гэты лубок, які атрымаў сваю назву ад наймення свята, кожны вясковец прыносіў па жменьцы зерня з новага ўраджаю. Лубок з запаленай свечкай праносілі абавязкова па ўсёй вёсцы. Усе гэтыя дзеянні былі скіраваныя на захаванне дабрабыту, ураджайнасці, плоднасці жывёлы і сямейнага ладу.

Багач - 2020
© Sputnik Альфрэд Мікус
Багач абавязкова праносілі па ўсёй вёсцы
Багач - 2020
© Sputnik Альфрэд Мікус
Кожны вясковец дадаваў у лубок зерне з новага ўраджаю

Напрыканцы Багач размяшчалі пад абразамі на покуці хаты гаспадароў, якіх грамада ў гэтым годзе абірала лепшымі.

Падчас святкавання Багача ўсім сялянам увогуле забаранялася працаваць: яны хадзілі ў госці адзін да аднаго, ладзілі кірмашы і гулянні, танчылі і спявалі.

Багач - 2020
© Sputnik Альфрэд Мікус
госці ў Дукоры вучыліся розным майстэрствам
Багач - 2020
© Sputnik Альфрэд Мікус
І хоць працаваць на Багач забаронена, але ж вучыцца ніхто не забараняў!
Багач - 2020
© Sputnik Альфрэд Мікус
Выдатны майстар навучыць каго заўгодна

Не засталіся ў баку ад гэтай традыцыі і госці Дукорскага маёнтка. Пад музыку гуртоў Стары Ольса і PAWA і беларускага народнага ансамбля "Вербіца" яны ад душы есяліліся і скакалі, а таксама вучыліся майстэрству керамікі, разьбы па дрэве, пляценню лапцей, ткацтву і вырабу лялек.

135
Тэги:
Народныя традыцыі, Багач
Віктар Бабарыка

Адвакат: Бабарыка знаходзіцца пад вартай і знаёміцца з матэрыяламі справы

7
Экс-кіраўніку Белгазпрабанка прад'яўлена абвінавачанне па фактах атрымання хабараў арганізаванай групай у асабліва буйным памеры і легалізацыі сродкаў, атрыманых злачынным шляхам.

МІНСК, 30 ліс - Sputnik. Былы прэтэндэнт на пасаду прэзідэнта Беларусі Віктар Бабарыка знаходзіцца пад вартай і прапаноў па вызваленні з СІЗА КДБ не атрымліваў, заявіў прадстаўнік абароны Бабарыкі адвакат Зміцер Лаеўскі.

На мінулым тыдні член прэзідыума Каардынацыйнага савета Павел Латушка зрабіў заяву аб тым, што Бабарыка можа быць вызвалены разам са сваім сынам у адказ на патрабаванне беларускіх уладаў пакінуць краіну.

"З раніцы абаронцы сумесна з Віктарам Бабарыкам знаёміліся з матэрыяламі справы. Гэта адбывалася ў Мінску. Віктар Дзмітрыевіч [Бабарыка] усё гэтак жа, як і да выхадных, утрымліваецца пад вартай", - напісаў Лаеўскі ў сваім Telegram-канале.

Адвакат удакладніў, што "ніякіх прапаноў пра вызваленне не гучала. Працягваем абараняць ад неабгрунтаванага і незаконнага абвінавачвання".

Абвінавачанне ўжо прад'яўленае

На мінулым тыдні КДБ заявіў, што следчыя завяршылі папярэдняе расследаванне крымінальнай справы, па якой асноўным фігурантам праходзіць Бабарыка. З амаль 10 абвінавачаных толькі ён не прызнаў віну і лічыць незаконным сваё затрыманне.

Бабарыку прад'яўлена абвінавачанне па фактах атрымання хабараў арганізаванай групай у асабліва буйным памеры і легалізацыі сродкаў, атрыманых злачынным шляхам.

На пачатку чэрвеня гэтага года КДК паведаміў, што праводзіць ператрус у Белгазпрамбанку, кіраўніком якога з'яўляўся Бабарыка-старэйшы.

Дэпартамент фінансавых расследаванняў КДК распачаў крымінальную справу па частцы 2 артыкула 243 ("Ухіленне ад выплаты падаткаў у асабліва буйным памеры") і па частцы 2 артыкула 235 ("Легалізацыя сродкаў, атрыманых злачынным шляхам у асабліва буйным памеры"). У сувязі з гэтым улады паведамілі пра затрыманне па справе 15 чалавек.

Бабарыка, які ўдзельнічаў у выбарчай кампаніі па выбарах прэзідэнта рэспублікі, але не быў зарэгістраваны ў якасці кандыдата, заявіў, што сітуацыя, якая склалася вакол крэдытнай установы, носіць заказны палітычны характар.

7
Тэги:
Белгазпрамбанк, Віктар Бабарыка