МІНСК, 17 мая — Sputnik. Дабрачынны забег у пасёлку Дружны сабраў не толькі аматараў спорту, але і людзей, якія проста жадаюць здзейсніць добрую справу. Колькасць ўдзельнікаў забегу на дыстанцыях у 3 і 10 км канвертавалася ў грашовыя сродкі на добраўпарадкаванне дзіцячых садоў пасёлкаў Дружны і Свіслач Пухавіцкага раёна. У выніку амаль 300 бегуноў узялі ўдзел у марафоне.

Падтрымаць дзіцячыя садкі вырашылі не толькі супрацоўнікі кампаніі, але і актыўныя жыхары Свіслачы, Дружнага, Мар'інай горкі, Бабруйска, Мінска, Заслаўя.

"Мы ўсёй камандай прыехалі з Бабруйску, каб падтрымаць акцыю. Мы вельмі задаволены — тут прыемная атмасфера і добрая траса. Калі такая акцыя будзе ладзіцца ў будучыні — мы абавязкова прыездем яшчэ раз", — падзяліўся ўражаннямі ўдзельнік марафону Віктар.

Удзельнікамі акцыі сталі аматары спорту самага рознага ўзросту. На дыстанцыі ў 3 кіламетры бегуны падзяліліся на дзве катэгорыі — да 15 гадоў і ад 15. Дзесяць кіламетраў прабеглі мужчыны і жанчыны ва ўзросце ад 18 гадоў.

"Як толькі трэнер нашай футбольнай каманды прапанаваў паўдзельнічаць у забегу, мы адразу пагадзіліся. Гэта наш усяго толькі другі забег, але нам вельмі спадабалася", — распавёў Арсеній, 14-гадовы ўдзельнік забегу.

Акцыя была зладжана па ініцыятыве кампаніі "Аўгуст-Бел" і прымеркавана да дзесяцігоддзя прадпрыемства.

"Акрамя профільнай дзейнасці, кампанія займаецца дапамогай дзіцячым садкам і школам. Таму з нагоды дзесяцігоддзя мы вырашылі ўсім калектывам, кампаніяй супрацоўнікаў, дзяцей, сяброў зрабіць агульную добрую справу. І мы рады, што гэтая акцыя ўсіх аб'яднала", — распавялі арганізатары забегу.

МІНСК, 26 лют – Sputnik. Транспартны падатак уведзены з 1 студзеня 2021 года, вылічацца ён будзе з 1-га чысла месяца, наступнага за месяцам, у якім скончыўся тэрмін дзеяння дазволу на допуск транспартнага сродку да ўдзелу ў дарожным руху, за выдачу якога была выплачана дзяржаўная пошліна, паведамляе МПЗ.

Сітуацыю ведамства разабрала на канкрэтным прыкладзе: "Дапусцім, грамадзянін выплаціў дзяржаўную пошліну і атрымаў дазвол на допуск транспартнага сродку да ўдзелу ў дарожным руху ў чэрвені 2020 года. Тэрмін дзеяння дазволу мінае 30.06.2021. Адпаведна, транспартны сродак грамадзяніна будзе вызвалены ад транспартнага падатку на перыяд тэрміну дзеяння дазволу, а менавіта, з 1 студзеня па 30 чэрвеня 2021 года".

Колькі трэба будзе заплаціць?

Памер транспартнага падатку залежыць ад дазволенай максімальнай масы аўтамабіля. Менш за ўсіх будуць плаціць уладальнікі "легкавікоў", вага якіх да 1,5 тоны: на дадзены момант гэта 61 рубель. Калі аўто важыць ад 1,5 да 1,75 тоны, заплаціць трэба будзе 81 рубель, ад 1,75 да 2 тон - 102 рублі, ад 2 да 2,25 тоны - 122 рублі, ад 2,25 да 2,5 тоны - 142 рублі, ад 2,5 да 3 тон - 162 рублі, больш за 3 тоны - 223 рублі. За матацыкл плата складзе 41 рубель.

"Плаціць транспартны падатак трэба будзе адзін раз у год. Паведамленні з падатковай інспекцыі аўтаўладальнікі-фізічныя асобы будуць атрымліваць да 1 верасня. На выплату ўзносу даюць паўтара месяца - не пазней за 15 лістапада", - растлумачылі ў МПЗ.

Грамадзянам, якія не прайшлі тэхагляд да 1 студзеня 2021, неабходна будзе ўнесці авансавы плацёж - 1 базавую велічыню (з 1 студзеня - 29 рублёў) за кожны транспартны сродак. Зрабіць гэта трэба да 15 снежня бягучага года. Што тычыцца прычэпаў, матацыклаў, сума авансу складзе 20 рублёў. Даплату падатку неабходна будзе здейсніць да 15 лістапада 2022 года пасля атрымання паведамлення падатковага органа.

Што рабіць з аўтахламам?

Што тычыцца транспартных сродкаў, непрыдатных для эксплуатацыі, іх уладальнікам для атрымання вызвалення ад выплаты транспартнага падатку неабходна зняць "аўто" з уліку ў ДАІ МУС да 1 ліпеня 2021 года.

"Вылічэнне транспартнага падатку для такіх аўтаўладальнікаў будзе спыняцца з 1-га чысла месяца, наступнага за месяцам, у якім транспартны сродак быў зняты з уліку", - распавялі ў МПЗ.

Калі транспартны сродак прадалі, то для новага ўладальніка падатак будзе вылічацца з 1-га чысла месяца, наступнага за месяцам, у якім праведзена дзяржаўная рэгістрацыя аўтамабіля або матацыкла.

Хто вызвалены ад выплаты транспартнага падатку?

У Падатковым кодэксе прадугледжаны шырокі пералік катэгорый плацельшчыкаў, з якіх не будзе спаганяцца транспартны падатак. Так, плаціць не прыйдзецца кіроўцам, чые аўто выбылі з іх уласнасці ў выніку супрацьпраўных дзеянняў - згону або крадзяжу.

Такая ж сітуацыя з транспартнымі сродкамі, якія выкарыстоўваюцца для аказання медыцынскай дапамогі, у тым ліку "хуткімі".

Вызваляюцца ад выплаты дзяржорганы, суды, органы пракуратуры, войскі і воінскія фарміраванні, а таксама арганізацыі, уключаныя ў пералік тых, што выконваюць перавозкі транспартам агульнага карыстання.

"Аб'ектам падаткаабкладання транспартным падаткам не з'яўляюцца транспартныя сродкі, выпушчаныя да 1 студзеня 1992 года, а таксама тыя аўто, на якія няма звестак аб даце выпуску", - удакладнілі ў МПЗ.

Уладальнікам электрамабіляў таксама пакуль не трэба плаціць гэты від падатку.

Не будзе праводзіцца падлік і ў дачыненні да транспартных сродкаў, якія выкарыстоўваюць для аказання меддапамогі, сацабслугоўвання. Да прыкладу, да аўто з надпісам: "Сацыяльная служба" або машыны, спецыяльна абсталяванай для выкарыстання інвалідамі.

Ці прадугледжаны льготы?

Ветэраны, інваліды I або II групы, пенсіянеры атрымліваюць 50-працэнтную скідку ад поўнай падатковай стаўкі. На 25% менш заплацяць інваліды III групы. Зніжку дадуць пры наяўнасці ў плацельшчыка (льготніка) сапраўднага пасведчання кіроўцы адпаведнай катэгорыі.

За грамадзянамі захавана права звяртацца ў мясцовыя органы ўлады з просьбай знізіць падатак або вызваліць ад яго выплаты, калі яны знаходзяцца ў цяжкай жыццёвай сітуацыі.

Больш падрабязную інфармацыю па пытаннях падаткаабкладання можна атрымаць у тэлефоннай даведачнай сістэме падатковых органаў па тэлефоне (017) 229 79 79 або 189 (стацыянарная сетка).

Чытайце таксама:

• Транспартны падатак: колькі беларусаў заплаціць яго ў 2021-м
• Транспартны і пагранічны: у Беларусі ўведзены новыя падаткі
• Калі пачнуць прыходзіць "лісты шчасця" за тэхагляд, распавялі ў ДАІ