Vuraj выступіў на днях беларускай культуры на Сардзініі

© Photo : VurajVuraj у Кальяры ў межах году культуры Беларусі ў Італіі
Vuraj у Кальяры ў межах году культуры Беларусі ў Італіі - Sputnik Беларусь
Падпісацца
У італьянскім аўтаномным рэгіёне Сардзінія 2017-ы абвешчаны годам беларускай культуры, беларускую музыку прадстаўляў фолк-гурт Vuraj. Sputnik пагутарыў з удзельнікамі калектыву пасля іх вяртання ў Мінск.

МІНСК, 19 мая — Sputnik. Мерапрыемствы, прымеркаваныя да года беларускай культуры, распачаліся ў студзені выступленнем на Сардзініі салісткі Брэсцкай абласной філармоніі Жанны Версо ў суправаджэнні ансамбля "Рапсодыя" і "Шоу пясчаных карцін" мастака з Гомеля Юрыя Пташынскага.

У перыяд з 12 па 14 мая прайшлі мерапрыемствы, прысвечаныя беларускай фолк-музыцы. Гэтым разам Беларусь прадстаўляў калектыў Vuraj, што знакаміты сваімі эксперыментамі з аўтэнтычным спеўным матэрыялам.

© Photo : VurajГурт Vuraj на днях беларускай культуры на Сардыніі
Гурт Vuraj на днях беларускай культуры на Сардыніі - Sputnik Беларусь
Гурт Vuraj на днях беларускай культуры на Сардыніі

"Мы не ведалі, што праходзіць год культуры на Сардзініі, а проста выпадкова пабачылі аб'яву аб конкурсе фолк-калектываў. Акрамя нас у конкурсе ўзялі ўдзел яшчэ пятнаццаць беларускіх калектываў. Мы прайшлі гэты конкурс і паехалі — усё вельмі проста", — распавёў карэспандэнту Sputnik лідар калектыву Сяргей Доўгушаў.

© Photo : VurajВыступленне Vuraj у клубе Sassari
Выступленне Vuraj у клубе Sassari - Sputnik Беларусь
Выступленне Vuraj у клубе Sassari

12 мая Vuraj прадставіў сваю праграму для італьянцаў у джаз-клубе Sassari, а 14 узяў удзел у святкаванні Дня работніц хатняй гаспадаркі і Дня маці і зладзіў для гледачоў інтэрактыўную праграму з беларускімі народнымі гульнямі і пляскамі.  

Разам з публікай гурт развучыў беларускія народныя танцы "Ойра" і "Лявоніха", а гульнявую частку склалі народныя забавы "Цяцерка" і "Явар".

"Мабыць, карэнным жыхарам наша музыка больш "зайшла", чым імігрантам. Яны плясалі, спявалі, нават не разумеючы, пра што песня. Мясцовыя жыхары вельмі добра ўспрынялі наш выступ, нават потым падыходзілі, задавалі пытанні".

© Photo : VurajБеларускія музыкі на фестывалі на Сардыніі
Беларускія музыкі на фестывалі на Сардыніі - Sputnik Беларусь
Беларускія музыкі на фестывалі на Сардыніі
Доўгушаў адзначыў, што для беларускай культуры вельмі важны той факт, што аўтэнтычную беларускую музыку чуюць за такую колькасць кіламетраў, а беларуская песня пашырае сваю геаграфію.  

Выступленне гурта на фестывалі, прысвечаным Дню работніц хатняй гаспадаркі, завяршылася песняй "Купалінка", якую яны выканалі разам з эмігрантамі.

На свяце ў той жа дзень выступіла яшчэ адна прадстаўніца Беларусі — дзевяцігадовая Стэфанія Непагода з Магілёва — уладальніца шматлікіх узнагарод песенных конкурсаў. Юная выканаўца прадставіла песню "Гэта Беларусь мая".  

© Photo : Арганізатары фестывалюСтэфанія Непагода на днях беларускай культуры на Сардыніі
Стэфанія Непагода на днях беларускай культуры на Сардыніі - Sputnik Беларусь
Стэфанія Непагода на днях беларускай культуры на Сардыніі

Дарэчы, на гэтым мерапрыемствы, прысвечаныя году беларускай культуры, не заканчаюцца: наперадзе выступленне ансамбля танца "Равеснік" у ліпені, беларускіх гуртоў — у чэрвені і жніўні, "Дні беларускай кухні" — у верасні і выступленні беларускіх хораў — у лістападзе.  

Стужка навiн
0