Ноч музеяў у Дзяржаўным музеі гісторыі беларускай літаратуры

Як прайшла "Ноч музеяў" у купалаўскім, гістарычным і літаратурным

107
(абноўлена 23:21 25.05.2017)
Міжнародная акцыя "Ноч музеяў" прайшла ў Мінску з 20 на 21 мая, Sputnik завітаў у Музей Янкі Купалы, Дзяржаўны музей гісторыі беларускай літаратуры і Нацыянальны гістарычны музей.

МІНСК, 21 мая — Sputnik. Беларусь штогод далучаецца да міжнароднай акцыі "Ноч музеяў", што ставіць сваёй мэтай папулярызацыю гісторыі і культуры. Вось і ў мінулую суботу ўсе сталічныя музеі прапанавалі мінчукам і гасцям сталіцы сваю ўнікальную праграму. Так, музей Багдановіча прапанаваў усім патанчыць, у мастацкім музеі гулялі ў класікі, НЦСМ ладзіў майстар-класы па стварэнні твораў мастацтва са смецця, а музей Петруся Броўкі працаваў больш за ўсіх — з 8 вечара да 6 гадзін ранку.

Майстар-клас па маляванні экслібрысаў у Дзяржаўным музеі гісторыі беларускай літаратуры
© Sputnik
Майстар-клас па маляванні экслібрысаў у Дзяржаўным музеі гісторыі беларускай літаратуры

Уваход у музеі ў гэты дзень ажыццяўляўся за сімвалічную аплату. Sputnik з нагоды святкавання Міжнароднага дня музеяў абраў для наведвання тры "самыя беларускія" музеі — Дзяржаўны літаратурны музей імя Янкі Купалы, Нацыянальны гістарычны і Дзяржаўны музей гісторыі беларускай літаратуры.

Інтэлектуальны акцэнт у музеі імя Янкі Купалы

Музей Янкі Купалы зрабіў наведвальнікам сапраўдны іспыт на веданне беларускай літаратуры — адразу ў некалькіх залах праходзілі квэсты, прысвечаныя творчасці беларускага песняра. Цікава было назіраць, як турысты з далёкіх рэгіёнаў Расіі знянацку не мусілі адказаць на пытанне, чым адрозніваюцца філаматы ад філарэтаў.

Інтэлектуальны квэст у музеі Янкі Купалы
© Sputnik
Інтэлектуальны квэст у музеі Янкі Купалы

У іншай зале ішлі міні-спекталкі і ладзіліся конкурсы на лепшае чытанне вершаў. Калі хто з удзельнікаў не мог узгадаць урывак з творчасці Янкі Купалы, то атрымоўваў буклет з яго вершамі. У залах ладзіліся і майстар-класы па старажытных танцах.

Спектаклі ў адной з залаў музея Янкі Купалы
© Sputnik
Спектаклі ў адной з залаў музея Янкі Купалы

Таксама можна было патрапіць у госці да Купалы — адна з залаў уяўляла сабой кватэру паэта, дзе адбывалася сапраўднае дзейства. Артысты паказвалі, як сучаснікі і сваякі песняра беларускай літаратуры вячэралі, размаўлялі, вырашалі надзённыя пытанні.

Майстар-клас па стварэнні папяровых самалётаў
© Sputnik
Майстар-клас па стварэнні папяровых самалётаў

Працвала і зала лётчыкаў — кожны ахвотны мог пафатаграфавацца з лётчыкамі і ўзяць у іх майстар-клас па стварэнні папяровых самалётаў. Госці музея запускалі іх у паветра, калі пакідалі ўстанову. І ляпілі на дошку са слоганам акцыі "Будзь ЯК" сцікеры са словамі ўдзячнасці да Янкі Купалы.

Словы падзякі Песняру ў Дзяржаўным літаратурным музеі імя Янкі Купалы
© Sputnik
Словы падзякі Песняру ў Дзяржаўным літаратурным музеі імя Янкі Купалы

Танцы і спевы ў Дзяржаўным музеі гісторыі беларускай літаратуры

Гэты музей прапанаваў наведвальнікам вельмі насычаную праграму "Ноч. Ліхтар. Траецкае. Музей". Акцыя распачалася а 18-й гадзіне і доўжылася да 23:00. Цягам усяго вечару ў музеі ладзіўся квэст "500". Акрамя таго, паралельна праходзілі майстар-класы, настольныя гульні для дзяцей і дарослых, экскурсіі па музею.

Адметнасцю вечара стала выступленне флейтыста Паўла Кудрына на мастацкай выстве і спектакль па п'есе Чарота "Мікітаў лапаць" у выкананні тэатра адной з мінскіх школ.

Як паказаў майстар-клас, танцы ў 19-м стагоддзі былі досыць разнастайнымі, з элементамі імправізацыі
© Sputnik
Як паказаў майстар-клас, танцы ў 19-м стагоддзі былі досыць разнастайнымі, з элементамі імправізацыі

Крыху пазней распачалася музычная частка мерапрыемства — студыя гістарычнага танца La Camargo зладзіла майстар-клас па танцах 19-га стагоддзя. Спачатку наведвальнікам музея паказвалі рухі і элементы, а потым запрашалі прыняць удзел у музычным праменадзе з прадстаўнікамі клубу. Выглядала гэта вельмі шчыра і нараджала шмат пазітыўных эмоцый.

Барадулінскі спеўны сход з Сяржуком Доўгушавым у музеі гісторыі беларускай літаратуры
© Sputnik
Барадулінскі спеўны сход з Сяржуком Доўгушавым у музеі гісторыі беларускай літаратуры

Пасля заканчэння эпохі шматграннага танцу гасцей запрасілі на Барадулінскі спеўны сход ад Сяржука Доўгушава (гурт Vuraj). Шмат хто адразу падумаў, што будуць вывучацца песні на вершы Барадуліна. Не зусім так. Удзельнікам прапанавалі вывучыць песні Вушаччыны, адкуль родам выбітны паэт.

Моладзевая ноч у Нацыянальным гістарычным музеі

Ноч у гэтым музеі прайшла пад знакам Вялікай Мядзведзіцы. Гістарычны музей уразіў. Уразіў насычанай праграмай, колькасцю наведвальнікаў і маштабам пляцоўкі, якой было цесна ў музеі — частка падзей адбывалася на вуліцы на падвор'і. Гэты музей 20 мая працаваў даўжэй, чым большасць іншых— праграмма цягнулася да сярэдзіны ночы, што і сабрала вялікую колькасць наведвальнікаў.

Ноч музеяў у Нацыянальным гістарычным музеі
© Sputnik
"Ноч музеяў" у Нацыянальным гістарычным музеі

Чаго толькі не прапанавалі гасцям у той вечар — квэсты, інтэрактыўныя гульні, наведванне экспазіцыі, лекцыі, прагляды фільмаў. Для тых, каму станавілася ўжо цесна ў сценах, ладзілася музычная праграма на падвор'і музея, побач працаваў кірмаш з сувенірамі.

© Sputnik
"Ноч музеяў" у літаратурным і гістарычным

На пляцоўцы ля музея ў той вечар выступілі Pelengtones, Kexies, BarRokka, Mikita, Teleport, NakaPiano, "Метеор", Ганна Жданава. Ладзіўся квэст "патаемнымі сцежкамі кантрабандыстаў", працавалі адмысловыя фотазоны. Менавіта гэтая пляцоўка сабрала найбольшую колькасць моладзі ў мінулую суботу. 

107
Тэги:
Ноч музеяў, Стыль жыцця і адпачынак, Ноч музеяў-2017, Дзяржаўны музей гісторыі беларускай літаратуры, Дзяржаўны літаратурны музей Янкі Купалы, Нацыянальны гістарычны музей Рэспублікі Беларусь, Мінск
Тэмы:
"Ноч музеяў"-2017 (8)
Выстава ў Мінску будзе доўжыцца два дні

Расійскія кнігі на выставе ў Мінску - што пачытаць

24
Галоўная ідэя экспазіцыі - пазнаёміць чытача з расійскімі кнігамі, пра якія ён, магчыма, раней не чуў.

МІНСК, 2 кас - Sputnik. Толькі два дні прадоўжыцца выстава расійскай кнігі ў Мінску, распавёў Sputnik яе арганізатар Арцём Пятроўскі.

Экспазіцыя праходзіць упершыню. Ідэя належыць Прадстаўніцтву Рассупрацоўніцтва ў Беларусі. Выставу праводзяць па праграме "Расія". Пазней яе пакажуць у іншых краінах постсавецкай прасторы. Разам з ёй вандруе экспазіцыя аб ВНУ Расіі і іх філіялах.

Рэкамендацыя ад арганізатара

Сваю кнігу на выставе могуць знайсці розныя людзі, пачынаючы ад школьнікаў і заканчваючы аматарамі "класікі". Але Арцём Пятроўскі, паказваючы экспазіцыю, перш за ўсё падыходзіць да стала з дзіцячымі выданнямі.

Организатор выставки Артем Петровский
© Sputnik / Елена Васильева
Арганізатар выставы Арцём Пятроўскі

"Мне больш за ўсё спадабалася дзіцячая літаратура выдавецтва "Мазаіка". Я сам з'яўляюся бацькам 4-гадовага сына, і яму купіў бы гэтыя кнігі. Чым яны асаблівыя? Гэта забаўляльная кніга, цікавая кніга. Дзіця не проста глядзіць карцінкі, яно можа ўзаемадзейнічаць з імі - нешта націснуць, нешта дастаць", - растлумачыў Пятроўскі.

На выставе прадстаўлены кнігі 13 выдавецтваў, уключаючы даволі вядомыя "Парастак" і "Мазаіка". Хоць заяўлена было 20 удзельнікаў, але з-за сітуацыі з каронавірусам дабрацца да Мінска змаглі не ўсе.

Вместе с выставкой путешествует экспозиция о вузах России и их филиалах
© Sputnik / Елена Васильева
Разам з выставай падарожнічае экспазіцыя аб ВНУ Расіі і іх філіялах

Як вядома, у Расіі некаторыя выдавецтвы друкуюць беларускіх аўтараў. Але на гэтай выставе чытачы іх не сустрэнуць.

"Святлана Алексіевіч з'яўляецца самым папулярным беларускім аўтарам. Мы б, вядома, вельмі хацелі, каб яна тут была. Але па фармаце выставы мы прадстаўляем толькі расійскіх аўтараў", - сказаў Арцём Пятроўскі.

Мары аб гамаку

Арганізатары выставы прызнаюць: у кнігі сёння шмат канкурэнтаў. З'явіліся аўдыёкніжкі, ды і той жа інтэрнэт забірае шмат увагі патэнцыйнага чытача. І ўсё ж у кнігі ёсць свой шарм. Пакратаць старонкі, падумаць пра жыццё, атрымаць асалоду ад адзінотай. Усё гэта магчыма перажыць толькі з "жывой" кнігай у руках, упэўнены арганізатары.

Выставка удовлетворит вкусы всех - от школьников до любителей классики
© Sputnik / Елена Васильева
Выстава задаволіць густы ўсіх - ад школьнікаў да аматараў "класікі"

"Я, вядома, таксама слухаю аўдыёкніжкі, калі еду ў машыне ў камандзіроўку. Але калі іду на пляж або кладуся ў гамак, бяру старую добрую кнігу", - кажа Арцём Пятроўскі.

Выстава расійскай кнігі працягнецца 2 і 3 кастрычніка ў Доме Масквы ў Мінску. Наведаць яе можа любы ахвотны, уваход вольны. Але арганізатары ўдакладняюць, што продаж кніг на выставе не ажыццяўляецца.

"Наша мэта - пазнаёміць чытача з расійскімі кнігамі, пра якія, магчыма, ён не ведаў", - растлумачыў Арцём Пятроўскі.

24
Тэги:
Кнігі, Мінск, Рассупрацоўніцтва
Багач - 2020

Усё па традыцыях: у Дукоры адзначылі Багач

138
(абноўлена 13:36 22.09.2020)
Працаваць на свята багатага ўраджаю строга забаронена, таму госці ад душы танчылі і весяліліся.

Багач у народным календары прымеркаваны да свята збору ўраджаю. Назву сваю ён атрымаў, бо лічылася, што менавіта ў гэтыя дні у добрых гаспадароў у хаце "усяго багата". На святкаванне Багача ў Дукорскім маёнтку патрапіў фатограф Sputnik Альфрэд Мікус.

Багач - 2020
© Sputnik Альфрэд Мікус
Багач - гэта адмысловы лубок з зернем
Багач - 2020
© Sputnik Альфрэд Мікус
На свята жыхары вёскі збіраліся грамадой

Для святкавання Багача ўсе жыхары старадаўняй беларускай вёскі збіраліся талакой і рабілі адмысловы лубок з зернем, у сярэдзіну якога ўстаўлялі свечку. У гэты лубок, які атрымаў сваю назву ад наймення свята, кожны вясковец прыносіў па жменьцы зерня з новага ўраджаю. Лубок з запаленай свечкай праносілі абавязкова па ўсёй вёсцы. Усе гэтыя дзеянні былі скіраваныя на захаванне дабрабыту, ураджайнасці, плоднасці жывёлы і сямейнага ладу.

Багач - 2020
© Sputnik Альфрэд Мікус
Багач абавязкова праносілі па ўсёй вёсцы
Багач - 2020
© Sputnik Альфрэд Мікус
Кожны вясковец дадаваў у лубок зерне з новага ўраджаю

Напрыканцы Багач размяшчалі пад абразамі на покуці хаты гаспадароў, якіх грамада ў гэтым годзе абірала лепшымі.

Падчас святкавання Багача ўсім сялянам увогуле забаранялася працаваць: яны хадзілі ў госці адзін да аднаго, ладзілі кірмашы і гулянні, танчылі і спявалі.

Багач - 2020
© Sputnik Альфрэд Мікус
госці ў Дукоры вучыліся розным майстэрствам
Багач - 2020
© Sputnik Альфрэд Мікус
І хоць працаваць на Багач забаронена, але ж вучыцца ніхто не забараняў!
Багач - 2020
© Sputnik Альфрэд Мікус
Выдатны майстар навучыць каго заўгодна

Не засталіся ў баку ад гэтай традыцыі і госці Дукорскага маёнтка. Пад музыку гуртоў Стары Ольса і PAWA і беларускага народнага ансамбля "Вербіца" яны ад душы есяліліся і скакалі, а таксама вучыліся майстэрству керамікі, разьбы па дрэве, пляценню лапцей, ткацтву і вырабу лялек.

138
Тэги:
Народныя традыцыі, Багач
Будынак Капітолія

Рэжым НС адмянілі ў Вашынгтоне, павышаныя меры бяспекі захоўваюцца

8
(абноўлена 17:51 25.01.2021)
Частка кардонаў і блокпастоў знята, але тэрыторыя вакол Белага дома па-ранейшаму абгароджана двухмятровым плотам.

МІНСК, 25 сту – Sputnik. Рэжым надзвычайнай сітуацыі, які быў уведзены ў Вашынгтоне перад інаўгурацыяй прэзідэнта Джо Байдэна, адменены.

Раней на падыходах да ўрадавых устаноў была выбудавана сістэма блокпастоў з-за пагрозы паўтарэння масавых беспарадкаў у акрузе сталіцы. На цэнтральных вуліцах працавалі пункты надгляду ФБР, устаноўлены бетонныя загароды, некаторыя вуліцы былі перакрыты.

Цяпер жа дарогі ў цэнтры горада адкрылі для праезду, запрацаваў увесь грамадскі транспарт. Зноў усталявалі палаткі з фаст-фудам, а недалёка ад Белага дома пачаўся гандаль атрыбутыкай з вобразамі Джозэфа Байдэна і Камалы Харыс.

Частка байцоў Нацгвардыі ўжо пакінула горад. Як паведамілі сакрэтныя службы, якіх-небудзь сур'ёзных інцыдэнтаў у дні пасля інаўгурацыі не было.

Аднак тэрыторыя вакол самога Белага дома па-ранейшаму абгароджана высокім плотам. Ачэплены і будынак міністэрства фінансаў і Лафает-сквер.

Інаўгурацыя 46-га прэзідэнта ЗША

Цырымонія інаўгурацыі Джозэфа Байдэна прайшла ў Вашынгтоне 20 студзеня. Па традыцыі яе правялі на прыступках Капітолія.

У сталіцы ЗША ў гэты дзень былі прыняты беспрэцэдэнтныя меры бяспекі. Амаль увесь цэнтр горада быў перакрыты для руху транспарту. Улады асцерагаліся правакацый і аднаўлення мітынгаў прыхільнікамі Трампа.

Да забеспячэння бяспекі ў 30 амерыканскіх штатах былі прыцягнуты падраздзяленні Нацыянальнай гвардыі ЗША, толькі ў Вашынгтон і прыгарады перавялі больш за 25 тысяч байцоў.

Нагадаем, што 6 студзеня ў дзень афіцыйнага зацвярджэння вынікаў прэзідэнцкіх выбараў пасля закліку з боку Дональда Трампа яго прыхільнікі прарваліся ў будынак Капітолія. Падчас беспарадкаў у Вашынгтоне загінулі пяць чалавек, многія атрымалі траўмы. Пасля гэтага ў горадзе быў уведзены рэжым надзвычайнай сітуацыі.

Чытайце таксама:

8
Тэги:
ЗША, Джо Байдэн