Дракар у аграсядзібе На Зарэчнай вуліцы

У Беларусь на выхадныя: па слядах вікінгаў

28
(абноўлена 10:30 09.06.2017)
Амаль усе туры па Беларусі – аўтобусныя, але маршрут можна скласці самастойна і перасоўвацца на ўласным аўтамабілі.

Самае вялікае падарожжа займае да 7 дзён. За гэты час можна ўбачыць практычна ўсю Беларусь. Пры гэтым падчас адной экскурсіі турыстам пабываюць у розных стагоддзях і эпохах — ад каменнага веку да сучаснасці.

У Беларусі сёння можна паўтарыць знакаміты шлях "з варагаў у грэкі", які адным з першых прайшоў апостал Андрэй Першазваны. Прычым адправіцца ў такое падарожжа можна не толькі ў турыстычным аўтобусе ці на сваім аўтамабілі, але і па вадзе, і прайсці на лодцы, і на байдарцы, і нават як легендарныя вікінгі — на дракары.

Ёсць версія, што асноўны шлях праходзіў па тэрыторыі Расіі, на Смаленшчыне, але даказана, што там быў больш позні маршрут. Скарбы і археалагічныя знаходкі VIII — X стагоддзяў сведчаць, што шлях старажытных вікінгаў ішоў па нашых тэрыторыях: ад Оршы, праз Віцебск да вытоку ракі Ловаць, якая знаходзіцца ў Гарадоцкім раёне.

Адчуць сябе вікінгам можна ў самых розных месцах Беларусі. Удзельнікі рэканструктарскіх клубаў у Бярозаўцы на Гарадзеншчыне аднавілі дракар "Яцвяг". Даўжыня ладдзі складае 14 метраў, можа перавозіць да 20 чалавек. Судна зроблена па аналогіі з арыгіналам X стагоддзя. Сёлета "Яцвяг" паплыве з Гродна ў Балтыйскае мора. Гэта будзе перасоўнае шоу з жыцця старажытных вікінгаў.

Пасля завяршэння экспедыцыі дракар зойме сваё традыцыйнае месца ў Бярозаўцы, у цэнтры раннесярэднявечнага турызму. Тут экскурсанты змогуць самі паспрабаваць прайсці частку шляху "з варагаў у грэкі" па Нёмне, а таксама пабываць у адноўленым гарадзішчы вікінгаў.

 

Прогулка на драккаре по реке Мухавец
© Sputnik Дмитрий Карлюк
Шпацыр на Дракары па рацэ Мухавец

Пасля завяршэння экспедыцыі дракар зойме сваё традыцыйнае месца ў Бярозаўцы, у цэнтры раннесярэднявечнага турызму. Тут экскурсанты змогуць самі паспрабаваць прайсці частку шляху "з варагаў у грэкі" па Нёмане, а таксама пабываць у адноўленым гарадзішчы вікінгаў. У аграсядзібе "На зарэчнай вуліцы" у Кобрынскім раёне на Берасцейшчыне ёсць уласны дракар, які здзяйсняе пазнавальныя экспедыцыі "з жыцця вікінгаў".

На Браслаўшчыне ёсць турыстычны маршрут "Уздоўж Заходняй Дзвіны шляхам "з варагаў у грэкі", у якім турыстам паказваюць гарадзішча вікінгаў у вёсцы Масковічы.

Нядаўна ў парку гісторыі "Сула" непадалёк ад Мінска адбыўся спуск на ваду дракара "Палярная зорка".

Параўнаць побыт вікінгаў і старажытных славян можна ў Брэсце, дзе на тэрыторыі легендарнай крэпасці ёсць унікальны аб'ект: славянскае паселішча ХІ-XIII стагоддзяў.

На борту драккара ждет гостей суровый варяжский капитан
© Sputnik Дмитрий Карлюк
На борце дракара чакае гасцей суровы варажскі капітан

Сардэчна запрашаем у Беларусь!

28
Тэги:
Вандроўка, Гістарычная рэканструкцыя, Нацыянальная культура, Гісторыя, Беларусь
Выстава ў Мінску будзе доўжыцца два дні

Расійскія кнігі на выставе ў Мінску - што пачытаць

21
Галоўная ідэя экспазіцыі - пазнаёміць чытача з расійскімі кнігамі, пра якія ён, магчыма, раней не чуў.

МІНСК, 2 кас - Sputnik. Толькі два дні прадоўжыцца выстава расійскай кнігі ў Мінску, распавёў Sputnik яе арганізатар Арцём Пятроўскі.

Экспазіцыя праходзіць упершыню. Ідэя належыць Прадстаўніцтву Рассупрацоўніцтва ў Беларусі. Выставу праводзяць па праграме "Расія". Пазней яе пакажуць у іншых краінах постсавецкай прасторы. Разам з ёй вандруе экспазіцыя аб ВНУ Расіі і іх філіялах.

Рэкамендацыя ад арганізатара

Сваю кнігу на выставе могуць знайсці розныя людзі, пачынаючы ад школьнікаў і заканчваючы аматарамі "класікі". Але Арцём Пятроўскі, паказваючы экспазіцыю, перш за ўсё падыходзіць да стала з дзіцячымі выданнямі.

Организатор выставки Артем Петровский
© Sputnik / Елена Васильева
Арганізатар выставы Арцём Пятроўскі

"Мне больш за ўсё спадабалася дзіцячая літаратура выдавецтва "Мазаіка". Я сам з'яўляюся бацькам 4-гадовага сына, і яму купіў бы гэтыя кнігі. Чым яны асаблівыя? Гэта забаўляльная кніга, цікавая кніга. Дзіця не проста глядзіць карцінкі, яно можа ўзаемадзейнічаць з імі - нешта націснуць, нешта дастаць", - растлумачыў Пятроўскі.

На выставе прадстаўлены кнігі 13 выдавецтваў, уключаючы даволі вядомыя "Парастак" і "Мазаіка". Хоць заяўлена было 20 удзельнікаў, але з-за сітуацыі з каронавірусам дабрацца да Мінска змаглі не ўсе.

Вместе с выставкой путешествует экспозиция о вузах России и их филиалах
© Sputnik / Елена Васильева
Разам з выставай падарожнічае экспазіцыя аб ВНУ Расіі і іх філіялах

Як вядома, у Расіі некаторыя выдавецтвы друкуюць беларускіх аўтараў. Але на гэтай выставе чытачы іх не сустрэнуць.

"Святлана Алексіевіч з'яўляецца самым папулярным беларускім аўтарам. Мы б, вядома, вельмі хацелі, каб яна тут была. Але па фармаце выставы мы прадстаўляем толькі расійскіх аўтараў", - сказаў Арцём Пятроўскі.

Мары аб гамаку

Арганізатары выставы прызнаюць: у кнігі сёння шмат канкурэнтаў. З'явіліся аўдыёкніжкі, ды і той жа інтэрнэт забірае шмат увагі патэнцыйнага чытача. І ўсё ж у кнігі ёсць свой шарм. Пакратаць старонкі, падумаць пра жыццё, атрымаць асалоду ад адзінотай. Усё гэта магчыма перажыць толькі з "жывой" кнігай у руках, упэўнены арганізатары.

Выставка удовлетворит вкусы всех - от школьников до любителей классики
© Sputnik / Елена Васильева
Выстава задаволіць густы ўсіх - ад школьнікаў да аматараў "класікі"

"Я, вядома, таксама слухаю аўдыёкніжкі, калі еду ў машыне ў камандзіроўку. Але калі іду на пляж або кладуся ў гамак, бяру старую добрую кнігу", - кажа Арцём Пятроўскі.

Выстава расійскай кнігі працягнецца 2 і 3 кастрычніка ў Доме Масквы ў Мінску. Наведаць яе можа любы ахвотны, уваход вольны. Але арганізатары ўдакладняюць, што продаж кніг на выставе не ажыццяўляецца.

"Наша мэта - пазнаёміць чытача з расійскімі кнігамі, пра якія, магчыма, ён не ведаў", - растлумачыў Арцём Пятроўскі.

21
Тэги:
Кнігі, Мінск, Рассупрацоўніцтва
Багач - 2020

Усё па традыцыях: у Дукоры адзначылі Багач

134
(абноўлена 13:36 22.09.2020)
Працаваць на свята багатага ўраджаю строга забаронена, таму госці ад душы танчылі і весяліліся.

Багач у народным календары прымеркаваны да свята збору ўраджаю. Назву сваю ён атрымаў, бо лічылася, што менавіта ў гэтыя дні у добрых гаспадароў у хаце "усяго багата". На святкаванне Багача ў Дукорскім маёнтку патрапіў фатограф Sputnik Альфрэд Мікус.

Багач - 2020
© Sputnik Альфрэд Мікус
Багач - гэта адмысловы лубок з зернем
Багач - 2020
© Sputnik Альфрэд Мікус
На свята жыхары вёскі збіраліся грамадой

Для святкавання Багача ўсе жыхары старадаўняй беларускай вёскі збіраліся талакой і рабілі адмысловы лубок з зернем, у сярэдзіну якога ўстаўлялі свечку. У гэты лубок, які атрымаў сваю назву ад наймення свята, кожны вясковец прыносіў па жменьцы зерня з новага ўраджаю. Лубок з запаленай свечкай праносілі абавязкова па ўсёй вёсцы. Усе гэтыя дзеянні былі скіраваныя на захаванне дабрабыту, ураджайнасці, плоднасці жывёлы і сямейнага ладу.

Багач - 2020
© Sputnik Альфрэд Мікус
Багач абавязкова праносілі па ўсёй вёсцы
Багач - 2020
© Sputnik Альфрэд Мікус
Кожны вясковец дадаваў у лубок зерне з новага ўраджаю

Напрыканцы Багач размяшчалі пад абразамі на покуці хаты гаспадароў, якіх грамада ў гэтым годзе абірала лепшымі.

Падчас святкавання Багача ўсім сялянам увогуле забаранялася працаваць: яны хадзілі ў госці адзін да аднаго, ладзілі кірмашы і гулянні, танчылі і спявалі.

Багач - 2020
© Sputnik Альфрэд Мікус
госці ў Дукоры вучыліся розным майстэрствам
Багач - 2020
© Sputnik Альфрэд Мікус
І хоць працаваць на Багач забаронена, але ж вучыцца ніхто не забараняў!
Багач - 2020
© Sputnik Альфрэд Мікус
Выдатны майстар навучыць каго заўгодна

Не засталіся ў баку ад гэтай традыцыі і госці Дукорскага маёнтка. Пад музыку гуртоў Стары Ольса і PAWA і беларускага народнага ансамбля "Вербіца" яны ад душы есяліліся і скакалі, а таксама вучыліся майстэрству керамікі, разьбы па дрэве, пляценню лапцей, ткацтву і вырабу лялек.

134
Тэги:
Народныя традыцыі, Багач
Які сёння дзень: 26 лістапада 2020 года

Які сёння дзень: 26 лістапада 2020 года

0
(абноўлена 11:20 20.11.2020)
Гэты дзень з'яўляецца трыста трыццаць першым па грыгарыянскім календары, да канца года застаецца 35 дзён.

У гэты дзень у 1812 годзе адбылася бітва пад Бярэзіной. Якія яшчэ падзеі адбыліся 26 лістапада і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 26 лістапада

  • У 1812 годзе пачалася пераправа Напалеона праз Бярэзіну.
  • У 1917 годзе быў ўтвараны Абласны выканаўчы Камітэт Саветаў дэпутатаў Заходняй вобласці і фронту.
  • У 1943 годзе ад нямецка-фашысцкіх захопнікаў вызвалены Гомель.

Хто нарадзіўся 26 лістапада

  • 1805 год: Яўстафій Янушкевіч, кнігавыдавец, публіцыст, адзін з кіраўнікоў паўстання 1830—1831 гадоў.
  • 1891 год: Ян Станкевіч, беларускі мовазнавец, гісторык, палітычны дзеяч.
  • 1907 год: Міхась Скрыпка, беларускі пісьменнік-сатырык, драматург.
  • 1918 год: Уладзімір Шахавец, беларускі перакладчык і пісьменнік.
  • 1930 год: Уладзімір Караткевіч, беларускі пісьменнік.
  • 1934 год: Валянцін Рабцэвіч, беларускі археолаг і нумізмат.

Таксама сёння нарадзіліся швейцарскі лінгвіст Фердынанд дэ Сасюр і амерыканская спявачка Ціна Цёрнер.

26 лістапада ў народным календары

У гэты дзень праваслаўныя вернікі шануюць памяць канстанцінопальскага архіепіскапа Іаана Златавуста. Цікава, што на працягу чатырох гадоў Іаан жыў у пустыні і два гады не вымаўляў ні слова. Калі ён вярнуўся ў Антыёхію, прысвяціў сябе напісанню багаслоўскіх твораў.

У народзе верылі, што на Златавуста нельга лаяцца і спрачацца, таму што калі ў наступны раз спатрэбіцца звярнуцца да бога, ён не пачуе. Таксама ў гэты дзень замаўлялі немату ў дзяцей.

Калі 26 лістапада ветрана, будзе адліга. Яркія зоркі, наадварот, прадказваюць маразы. Пра гэта ж сведчыў снегапад.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей