У "Дукорскі маёнтак" прыязжаюць звычайныя беларусы, а выязжае шляхта

© Sputnik / Юлія ХвошчДырэктар ЗАТ "Дукорскі маёнтак" Сяргей Кузьменка
Дырэктар ЗАТ Дукорскі маёнтак Сяргей Кузьменка - Sputnik Беларусь
Падпісацца
У 2015 годзе ў Пухавіцкім раёне адкрыўся аутэнтычы турыстычны комплекс "Дукорскі маёнтак". Аб тым, чым адметна гэтае месца ад іншых турыстычных комплексаў, карэспандэнту Sputnik распавёў дырэктар ЗАТ "Дукорскі маёнтак" Сяргей Кузьменка.

Гісторыя ля маёнтка старажытная: гісторыкі сцвярджаюць, што ў IX стагоддзі там было капішча, пазней, у XV стагоддзі, з'явілася сядзіба. Спачатку сядзібай валодаў князь Кіжгайла, пасля — Завішы, Сапегі, і да XVII стагоддзя Дукора перайшла да Агінскіх. А пры Лявоне Ашторпе Дукора стала сапраўдным культурным цэнтрам. Тут з'явіўся першы ў Беларусі стацыянарны цырк, стайня, у якой змяшчалася каля 300 элітных коней, велізарны археалагічны музей.

Чым прывабны адпачынак у Дукорскім маёнтку

"Дукорскі маёнтак" як турыстычны комплекс распачаў сваю працу 2 гады таму і адразу стаў папулярным сярод аматараў адпачынку на вольным паветры. На тэрыторыі былой сядзібы працуюць лазні, карчма, ганчарня, кузні. У Дукоры можна замовіць домік для адпачынку і папарыцца ў лазні. Побач — рэчка з празрыстай вадой. Але тут ёсць не толькі забаўляльныя пляцоўкі і пляцоўкі для актыўнага адпачынку (пейнтбол, вяровачны гарадок, стральба з луку), але і важкі гістарычны пазнавальны складнік.

© Sputnik / Юлія ХвошчТурысты едуць у "Дукорскі маёнтак" за адпачынкам на свежым паветры і знаёмствам з беларускай гісторыяй
Турысты едуць у Дукорскі маёнтак за адпачынкам на свежым паветры і знаёмствам з беларускай гісторыяй - Sputnik Беларусь
Турысты едуць у "Дукорскі маёнтак" за адпачынкам на свежым паветры і знаёмствам з беларускай гісторыяй

Экскурсійная праграма ў маёнтку даволі шырокая, але распавядаецца яна не ў лічбах, гасцям прапануюць стаць удзельнікамі пэўнай гістарычнай эпохі — узяць удзел у гістарычных гульнях, пакрычаць, пагрукаць ды патанчыць.

Чалавек прыязжае ў Дукору на паўгадзіны, а застаецца на цэлы дзень. Тут ёсць усё, каб правесці выхадныя і ні пра што не клапаціцца.    

"Падчас адкрыцця маёнтку мы разлічвалі на блізкасць Мінску і на туры выхаднога дня. Усё гэта працуе. У нас насычаная экскурсійная праграма і унікальны гістарычны складнік", — распавядае Сяргей Кузьменка.

Перакулены домік — толькі пачатак

У Дукоры любяць здіўляць. Адметнасць турыстычнага комплексу ў тым, што тут гісторыя і сучаснасць ідуць поруч, суседнічаюць з'явы, якія склаліся гістарычна, і рэчы, якія вынайшла адміністрацыя.

"На дадзены момант у нашым маёнтку ёсць дзве брэндавыя з'явы, якіх больш няма ў краіне — уязная брама (гістарычны складнік) і перакулены домік, які мы вырашылі дадаць у комплекс", — кажа суразмоўца Sputnik.

© Sputnik / Юлія ХвошчПеракулены домік у "Дукорскім маёнтку"
Перакулены домік у Дукорскім маёнтку - Sputnik Беларусь
Перакулены домік у "Дукорскім маёнтку"

У "Дукорскім маёнтку" знаходзіцца вельмі цікавы атракцыён — перакулены домік, якіх у свеце толькі 6. На думку адміністрацыі турыстычнага комплексу, ён так і застанецца адзіным у Беларусі, таму што не так проста яго спраектаваць.

Людзі прыязжаюць да нас беднымі беларусамі, а пакідаюць маёнтак задаволенымі шляхцічамі.

"Ідэя прыйшла з Польшчы, дзе ўпершыню быў пабудаваны такога кшталту дом. Гэта ўжо потым яны пачалі з'яўляцца па Еўропе. Там ёсць хаткі, якія ўяўляюць сабой нешта фантастычнае, адметнасць нашага доміка ў тым, што ён — копія сапраўднага жылога дома, толькі перакуленага. Калі яго перакуліць назад, то ў ім можна жыць", — распавяёў Кузьменка.

© Sputnik / Юлія ХвошчПеракулены домік у "Дукорскім маёнтку"
Перакулены домік у Дукорскім маёнтку - Sputnik Беларусь
Перакулены домік у "Дукорскім маёнтку"

Адметнасць беларускага доміка ў тым, што ён не толькі перакулены, але і нахілены, праз што ў яго наведвальнікаў можа блытацца прытомнасць.

"Такога да нас ніхто не рабіў. Кожны, хто здолеў прайсці домік цалкам — малайцы, бо шмат наведвальнікаў пакідаюць яго ўжо праз некалькі хвілін", — кажа суразмоўца Sputnik.

© Sputnik / Юлія ХвошчПеракулены домік у "Дукорскім маёнтку"
Перакулены домік у Дукорскім маёнтку - Sputnik Беларусь
Перакулены домік у "Дукорскім маёнтку"

Дарэчы, такога кшталту дзівы былі распаўсюджаны ў маёнтках і пяць стагоддзяў таму, так склалася гістарычна — шляхцічы прывозілі ў свае сядзібы розныя цуды з усяго свету. У планах адміністрацыі дапоўніць комплекс якімі-небудзь незвычайнымі рэчамі.

"Домік, канешне, гэта добра. Але маскімум праз пяць гадоў, як кажуць, усе пабылі ды забылі. А хочацца яшчэ чаго-нібудзь адметнага. У нас ужо ёсць ідэі, і мы над імі працуем — рыхтуем для Дукоры унікальныя рэчы, аналагаў якім няма ў краіне", — падзяліўся дырэктар комплексу.

Першы беларускі цырк месціўся ў Дукоры

Сяргей Кузьменка таксама падзяліўся планамі на аддаленую будучыню — зладзіць у комплексе вялікі цыркавы оупэн-эір.

Справа ў тым, што гісторыя беларускага цырку зарадзілася менавіта ў Дукоры яшчэ ў XVI стагоддзі.

© Sputnik / Юлія ХвошчДукорская брама - галоўны сімвал турыстычнага комплексу
Дукорская брама - галоўны сімвал турыстычнага комплексу - Sputnik Беларусь
Дукорская брама - галоўны сімвал турыстычнага комплексу

"Першы беларускі цырк быў створаны менавіта тут. І толькі гэта — ужо добрая нагода для правядзення тэматычнага фестывалю цырка-шапіто, напрыклад. Можна было б запрасіць артыстаў са Славакіі, Расіі, Польшчы і зладзіць вялікі двухдзённы open-air. Але гэта пакуль планы на далёкую будучыню", — распавёў суразмоўца агенцтва.

Яшчэ адна гістарычная адметнасць маёнтку — дукорская брама, якая з'яўляецца галоўным сімвалам сядзібы. Брама ў "Дукорскім маёнтку" — адна з нямногіх ацалелых пабудоў сядзібы мінулых стагоддзяў. На пяці яе ярусах неўзабаве будзе размешчана адна з тэматычных музейных экспазіцый, а сёння ў збудаванні наведвальнікі змогуць убачыць выставу фатаграфій беларускіх шляхецкіх брамаў, як Дукорскай, так і іншых, ацалелых па ўсёй краіне.

Паспрабуем адрадзіць беларускія святы

Як і ў большасці іншых музеяў пад адкрытым небам, у Дукоры святкуюцца беларускія народныя святы — Каляды, Купалле, Масленіца. Але адміністрацыя маёнтку мусіць пайсці далей і знайсці ўнікальны і адметны оупэн-эір, па якому б пазнавалі турыстычны комплекс.

© Sputnik / Юлія ХвошчУ "Дукорскім маёнтку" працуе шэраг майстэрняў, дзе ладзяцца майстар-класы
У Дукорскім маёнтку працуе шэраг майстэрняў, дзе ладзяцца майстар-класы - Sputnik Беларусь
У "Дукорскім маёнтку" працуе шэраг майстэрняў, дзе ладзяцца майстар-класы

Так, на тэрыторыі маёнтку сёлета ўпершыню быў праведзены фолк-фестываль "Купальскае кола", штогод адзначаецца фестывалем дзень нараджэння маёнтка "Дукорская брама", які прыпадае на святкаванне Купалля.

"Мы адзначаем традыцыйныя беларускія святы не таму, што так модна ці так робяць усе, а таму што так склалася гістарычна. Чаму тут знаходзіцца ганчарня? Таму што тут яна знаходзілася гістарычна. Ці чаму тут кузня? Таму што пяць стагоддзяў таму тут было тры кузні. Так і са святамі, якія святкаваліся ў кожным маёнтку. Гэта гістарычны факт", — распавёў Кузьменка.

© Sputnik / Юлія ХвошчУ "Дукорскім маёнтку" можна паспрабаваць стравы нацыянальнай беларускай кухні - усё, як пяць стагоддзяў таму
У Дукорскім маёнтку можна паспрабаваць стравы нацыянальнай беларускай кухні - усё, як пяць стагоддзяў таму - Sputnik Беларусь
У "Дукорскім маёнтку" можна паспрабаваць стравы нацыянальнай беларускай кухні - усё, як пяць стагоддзяў таму

У планах комплекса адзначаць не толькі найбольш значныя святы — Купалле, Каляды — але і папулярызаваць ужо амаль забытыя.

Мы пачалі падымаць гісторыю і прыйшлі да высновы, што на Беларусі ёсць святы, якія адзначаюць усе і святы, якія не адзначае ніхто. І мы падумалі, што няхай гэтыя святы былі не такімі маштабнымі, але гралі пэўную ролю ў жыцці народа. Чаму б іх не адрадзіць і не надаць ім уласны твар?

Першая спроба — паспрабаваць аднавіць восеньскае свята Багач. 

Стужка навiн
0