4 метры, сотні рук: у Гомелі ткуць народны ручнік

© Sputnik / Мария АмелинаУ Гомелі ткуць народны ручнік
У Гомелі ткуць народны ручнік - Sputnik Беларусь
Падпісацца
У Гомельскай абласной універсальнай бібліятэцы імя Леніна заклалі аснову ручніка, які будуць ткаць да 15 верасня.

ГОМЕЛЬ, 11 вер — Sputnik. Выстава ў бібліятэцы прэзентуе праект "Адродзім ручнік разам", які рэалізуецца ў Буда-Кашалёўскім раёне. Аўтар праекта — былы міліцыянт Віталь Карпінскі. Пасля сыходу на пенсію падпалкоўнік з галавой пагрузіўся ў народную творчасць.

Няглюбскі ручнік - буквар з тысячагадовай гісторыяй - Sputnik Беларусь
Ткалі, тчом і будзем ткаць – фестываль "Кросенцы" ў вёсцы Няглюбка

Сёння Карпінскі ўзначальвае Гусевіцкі сельскі дом культуры і пастаянна бянтэжыць сваімі ініцыятывамі мясцовыя ўлады. Добра, што тыя ўмеюць адрозніваць дзівакоў ад чарадзеяў і ўсяляк падтрымліваюць народнага ўмельца.

Калі майстар загарэўся ідэяй адкрыць пры Гусевіцкім СДК цэнтр ткацтва і рамёстваў, яму дапамаглі аформіць ініцыятыву ў праект, які ў мінулым годзе ацанілі прадстаўнікі Еўрапейскага саюза. Прапанаваная ініцыятыва выйграла грант у памеры 23 тысяч еўра.

Грошы, якія паступілі па Праграме развіцця ААН (ПРААН), ужо працуюць. Пад цэнтр ткацтва выдзелена частка памяшкання Гусевіцкага СДК, дзе зараз поўным ходам ідзе рамонт. У цэнтра будзе чатыры філіялы. Акрамя таго, тут запрацуе творчая майстэрня, дзе можна будзе адрэстаўраваць старадаўні і вырабіць новыя ткацкія станкі, а таксама сувеніры з дрэва. 

© Sputnik / Мария АмелинаВіталь Карпінскі ўзначальвае Гусевіцкі сельскі дом культуры і пастаянна азадачвае сваімі ініцыятывамі мясцовыя ўлады
Виталий Карпинский возглавляет Гусевицкий сельский дом культуры и постоянно озадачивает своими инициативами местные власти - Sputnik Беларусь
Віталь Карпінскі ўзначальвае Гусевіцкі сельскі дом культуры і пастаянна азадачвае сваімі ініцыятывамі мясцовыя ўлады

"Шмат увагі нададзім метадычнай рабоце. Будзем збіраць і фіксаваць на фота ўсе ручнікі Будакашалёўшчыны, што захаваліся да нашых дзён. Трэба будзе добра папрацаваць, таму што нават у дзвюх суседніх вёсках ткалі розныя ўзоры. Паверце, там ёсць што аналізаваць, параўноўваць, вывучаць. Сістэматызуем вынікі, а потым і за кнігу па традыцыйным ткацтве можна ўзяцца", — агучвае яшчэ адну мэту праекта Віталь Карпінскі. 

© Sputnik / Мария АмелинаНа прэзентацыі майстар прадэманстраваў у дзейнасці ткацкія станкі, зробленыя сваімі рукамі
На презентации мастер продемонстрировал в действии ткацкие станки, сделанные своими руками - Sputnik Беларусь
На прэзентацыі майстар прадэманстраваў у дзейнасці ткацкія станкі, зробленыя сваімі рукамі

Дрэваапрацоўка — яшчэ адна слабасць майстра. На выставе ў Гомелі моладзь абкружыла стэнд з аўтарскімі свістулькамі. "Якія мілыя пеўнікі", "Яшчэ пахнуць свежым дрэвам", "Яны і сапраўды гучаць?" — не маглі паверыць студэнткі гомельскага філфака.  

© Sputnik / Мария АмелинаАўтарскія свістулькі хутка разыходзяцца на сувеніры
Авторские свистульки быстро раскупают на сувениры - Sputnik Беларусь
Аўтарскія свістулькі хутка разыходзяцца на сувеніры

Высветлілася, што два гады таму Карпінскі ездзіў у Расію, дзе пазнаёміўся з майстрамі па вырабе свістулек. Там навучыўся рамяству і прайшоў абрад імянарэчча. Цяпер творыць пад імем Любамір.

"На выставе толькі тое, што засталося. Свістулькі хутка раскупляюць на сувеніры. Некаторыя з іх гучаць у розных танальнасцях, на што паказваюць дзве выдуўных адтуліны", — патлумачыў нюансы майстар Любамір.   

© Sputnik / Мария АмелинаМайстар Віталь Карпінскі дэманструе, як гучаць яго аўтарскія свістулькі
Мастер Виталий Карпинский демонстрирует, как звучат его авторские свистульки - Sputnik Беларусь
Майстар Віталь Карпінскі дэманструе, як гучаць яго аўтарскія свістулькі

У дзень адкрыцця выставы ў бібліятэцы заклалі аснову "народнага" ручніка. Са слоў Віталя Карпінскага, спачатку над ім папрацуюць ён сам і прафесійныя ткачыхі, а ў "Бібліяноч", 15 верасня, паспрабаваць свае сілы прапануюць усім жадаючым.

"Класічная даўжыня ручніка — чатыры метры. Пакуль складана сказаць, якім атрымаецца наша калектыўнае палатно. Галоўнае, што яно будзе саткана з добрых думак і добрых пажаданняў, якія ўвасобяцца ва ўзорах, якія сімвалізуюць дастатак, дабрабыт і здароўе", — упэўнены майстар.

Стужка навiн
0