Іскры ляцелі ва ўсе бакі, але, вядома ж, не даляталі да гледачоў

Вогненнае шоу і карагоды пад рок: як у Дудутках праходзіць "Свята сонца"

411
(абноўлена 10:36 18.06.2018)
Нягледзячы на пахмурнае і прахалоднае надвор'е, на "Свяце сонца", якое праходзіць у Дудутках ў гэтыя выхадныя, горача ад запальных танцаў і асляпляльных усмешак. Чым запомніўся першы дзень фестывалю, чытайце ў рэпартажы Sputnik.

Музейны комплекс "Дудуткі" ўжо ў трэці раз прымае ў сябе "Свята сонца" — першы ў летнім сезоне маштабны музычны фэст. У гэтым годзе фолкавыя і рок-гурты выступалі адразу на дзвюх сцэнах, і гэта не адзіная навінка, якой парадавалі гасцей арганізатары фестывалю — так, напрыклад, упершыню на "Свяце сонца" выступіў гурт Volski.

У гэтым годзе фолкавыя і рок-гурты выступалі адразу на дзвюх сцэнах
© Sputnik / Анастасия Волчок
У гэтым годзе фолкавыя і рок-гурты выступалі адразу на дзвюх сцэнах

Акрамя музычнага складніка, на ўсёй тэрыторыі музейнага комплексу наведвальнікам прапаноўвалі мноства актыўнасцяў. Так, можна было прыняць удзел у купальскім квэсце, які не толькі абяцаў каштоўныя прызы, але і забяспечваў самае поўнае прасякненне атмасферай салярнага свята, паколькі каб выканаць яго, трэба было адзначыцца на тэматычных пляцоўках.

Жадаючыя паспаборнічаць у сіле, спрыту або меткасці маглі знайсці занятак па душы: пазмагацца на мяккіх мячах, апрабаваць сапраўдныя рапіры, пастраляць з лука або арбалета.

Нават дзяўчаты хацелі пазмагацца са зброяй у руках
© Sputnik / Анастасия Волчок
Нават дзяўчаты хацелі пазмагацца са зброяй у руках

Горад майстроў

Непадалёк размясціўся горад майстроў, у якім рамеснікі традыцыйна прадставілі самыя разнастайныя вырабы — ад абрадавых цацак да зброі і ювелірных упрыгожванняў.

У рамеснікаў можна знайсці самыя разнастайныя вырабы - ад зброі да ювелірных упрыгажэнняў
© Sputnik / Анастасия Волчок
У рамеснікаў можна знайсці самыя разнастайныя вырабы - ад зброі да ювелірных упрыгажэнняў

Тут жа можна было даведацца пра свой лёс і набыць рунічныя абярэгі у Івана Мроева, таксама вядомага як вяшчун Рунавяз.

У рунічных абярэгаў са скандынаўскага, стара-англійскага, стараславянскага і іншых алфавітаў больш за 50 значэнняў. Прыкладна траціна з іх абяцаюць уладальніку дабрабыт, каля сямі — абарону і гэтак далей. Што ж тычыцца тлумачэння рун, Іван раіць тым, хто звяртаецца да яго, не пытацца пра будучыню, а прасіць савет.

Іван Мроеў раіць тым, хто звяртаецца да яго, не пытацца пра будучыню, а прасіць савет
© Sputnik / Анастасия Волчок
Іван Мроеў раіць тым, хто звяртаецца да яго, не пытацца пра будучыню, а прасіць савет

Побач рамесніца Настасся прадае абярэжныя лялькі. Тут і "Неразлучнікі" — пара на адной руцэ, падарунак на вяселле ці на заручыны. Калі нараджаліся дзеці, лялькі рассоўваліся, і паміж імі дадавалі малых. Ляльку "Купаўку" рабілі на Купалле і спальвалі або сплаўлялі па рацэ — лічылася, што разам са стужачкамі сыходзяць беды і турботы. Лялька "Жаданніца" заўсёды вельмі прыгожая. Да яе трэба было прышыць гузік і загадаць жаданне, пасля чаго ляльку падносілі да люстэрка і казалі: "Глядзі, якая ты прыгажуня. Здзейсні маё жаданне".

Рамесніца Настасся прадае абярэжныя лялькі
© Sputnik / Анастасия Волчок
Рамесніца Настасся прадае абярэжныя лялькі

У адной з альтанак непадалёк праводзілі майстар-класы па пляценні вянкоў — дзяўчаты выходзілі адтуль прыбраныя і вясёлыя, і часта ўпрыгожвалі вянкамі сваіх маладых людзей, не чакаючы, пакуль вянок па купальскай традыцыі прыплыве тым у рукі.

На майстар-класах дзяўчаты рабілі вянкі
© Sputnik / Анастасия Волчок
На майстар-класах дзяўчаты рабілі вянкі

Адкуль у традыцыйным беларускім уборы з'явілася клетка

Мужчын усіх узростаў больш цікавіла зброя, раскладзеная каля жывапісных намётаў шатландскай пяхоты.

Намёты шатландскай пяхоты
© Sputnik / Анастасия Волчок
Намёты шатландскай пяхоты

Тут можна было ўбачыць традыцыйныя круглыя шчыты — тарджы, лахаберскую сякеру — алебарду з гакам, прызначаным для таго, каб выдзіраць вершніка з сядла, якая з часам распаўсюдзілася па ўсёй Еўропе, і дырк — былы кінжал-нырачнік, у якога, як жартуе рэканструктар Ілля, "адваліліся ныркі" – шары на рукаяці.

Тэма шатландскай рэканструкцыі новая для Беларусі, і захопленыя ёй сутыкнуліся з цяжкасцямі пры зборы матэрыялу, нягледзячы на тое, што шатландскія найміты жылі на тэрыторыі ВКЛ — у асноўным у Слуцку, дзе ў іх нават была найбуйнейшая на тэрыторыі сучаснай Беларусі кірха, Навагрудку і Петрыкаве, дзе нумізмат і археолаг Валянцін Рабцэвіч знайшоў медны шатландскі пэні.

Спадніцы ў клетку ў традыцыйным беларускім касцюме, запэўнівае Ілля, пайшлі менавіта ад шатландскіх кілтаў, якімі, дарэчы, можна ахінуцца з галавой. Сама клетка называецца тартан, і ў кожнага клана — свой колер і малюнак. Ззаду кілт у разгорнутым выглядзе нагадвае ружу Шатландыі — чартапалох, спераду носяць паясную суму — споран.

Клуб існуе ўжо сем гадоў. Заснавальнік клуба Аляксандр распавёў, што галоўную задачу бачыць у тым, каб паказаць, як ваявала шатландская пяхота, данесці да людзей разуменне, што вайна — гэта дрэнна ў любым выглядзе. Разам з ім у клубе — жонка і сыны. Жанчыны ў Шатландыі, запэўнівае Аляксандр, змагаліся нароўні з мужчынамі, калі трэба было абараніць паселішча ад разбойнікаў.

Заснавальнік клуба гістарычнай рэканструкцыі Аляксандр
© Sputnik / Анастасия Волчок
Заснавальнік клуба гістарычнай рэканструкцыі Аляксандр

Прыцягнутыя грамавымі стрэламі да намётаў госці фестывалю з цікавасцю слухалі пра след шатландцаў у гісторыі Беларусі.

Тыя ж, у каго прагулка на свежым паветры абудзіла апетыт, маглі падсілкавацца на фудкорце або пакаштаваць традыцыйныя літоўскія стравы, такія як бліны жэмайчу і каўбаскі ведарай, або больш знаёмыя шашлык і смажаную бульбу.

Госці з Літвы прапанавалі свае традыцыйныя стравы
© Sputnik / Анастасия Волчок
Госці з Літвы прапанавалі свае традыцыйныя стравы

Запальная музыка і вогненнае шоу

Музыка з галоўнай сцэны, дзе народныя матывы і танцы "Яварныны" змянялі песьні гурта Re1ikt, FRAM, "Тролль гнет ель" і іншых хэдлайнераў фестывалю, далятала і да альтанак, дзе госці фестывалю з камфортам размяшчаліся за сталамі, і да мяккіх крэслаў, у якіх амаль ляжалі аматары кальяну.

Нягледзячы на пахмурнае надвор'е, многія былі басанож
© Sputnik / Анастасия Волчок
Нягледзячы на пахмурнае надвор'е, многія былі басанож
Выступ гурта PAWA
© Sputnik / Анастасия Волчок
Выступ гурта PAWA

Каля сцэны тым часам натоўп кіпеў — агульны карагод змяняўся вар'яцкімі падскокамі, многія ледзь наводдаль танцавалі народныя танцы або проста атрымлівалі асалоду ад музыкі.

Гурт FRAM сыграў добра вядомыя і новыя песні
© Sputnik / Анастасия Волчок
Гурт FRAM сыграў добра вядомыя і новыя песні
Госці з Санкт-Пецярбурга - Тролль гнет ель
© Sputnik / Анастасия Волчок
Госці з Санкт-Пецярбурга - "Тролль гнет ель"
Гледачы вадзілі традыцыйныя карагоды і заклікалі на свята сонца
© Sputnik / Анастасия Волчок
Гледачы вадзілі традыцыйныя карагоды і заклікалі на свята сонца

Калі сцямнела, пачалося адно з галоўных дзействаў вечара — вогненнае шоу.

Калі сцямнела, пачалося адно з галоўных дзействаў вечара - вогненнае шоу
© Sputnik / Анастасия Волчок
Калі сцямнела, пачалося адно з галоўных дзействаў вечара - вогненнае шоу

Нягледзячы на тое, што ўсе меры бяспекі былі выкананыя і іскры не даляталі да гасцей за агароджай, натоўп пастаянна выбухаў спалоханымі воклічамі і гамам захаплення.

Іскры ляцелі ва ўсе бакі, але, вядома ж, не даляталі да гледачоў
© Sputnik / Анастасия Волчок
Іскры ляцелі ва ўсе бакі, але, вядома ж, не даляталі да гледачоў

Завяршылася "Свята сонца" традыцыйнымі скачкамі праз вогнішча — шмат гасцей нават не сталі раз'язджацца, а стомленыя, але задаволеныя разбрыліся па палатках, каб на наступны дзень атрымаць асалоду ад працяга фестывалю.

411
Тэги:
музыка, традыцыі, Фестываль, Купалле, Свята Сонца, Музейны комплекс "Дудуткі", Беларусь
Тэмы:
"Свята Сонца 2018" у Дудутках - традыцыйны купальскі open-air (8)
Выстава ў Мінску будзе доўжыцца два дні

Расійскія кнігі на выставе ў Мінску - што пачытаць

24
Галоўная ідэя экспазіцыі - пазнаёміць чытача з расійскімі кнігамі, пра якія ён, магчыма, раней не чуў.

МІНСК, 2 кас - Sputnik. Толькі два дні прадоўжыцца выстава расійскай кнігі ў Мінску, распавёў Sputnik яе арганізатар Арцём Пятроўскі.

Экспазіцыя праходзіць упершыню. Ідэя належыць Прадстаўніцтву Рассупрацоўніцтва ў Беларусі. Выставу праводзяць па праграме "Расія". Пазней яе пакажуць у іншых краінах постсавецкай прасторы. Разам з ёй вандруе экспазіцыя аб ВНУ Расіі і іх філіялах.

Рэкамендацыя ад арганізатара

Сваю кнігу на выставе могуць знайсці розныя людзі, пачынаючы ад школьнікаў і заканчваючы аматарамі "класікі". Але Арцём Пятроўскі, паказваючы экспазіцыю, перш за ўсё падыходзіць да стала з дзіцячымі выданнямі.

Организатор выставки Артем Петровский
© Sputnik / Елена Васильева
Арганізатар выставы Арцём Пятроўскі

"Мне больш за ўсё спадабалася дзіцячая літаратура выдавецтва "Мазаіка". Я сам з'яўляюся бацькам 4-гадовага сына, і яму купіў бы гэтыя кнігі. Чым яны асаблівыя? Гэта забаўляльная кніга, цікавая кніга. Дзіця не проста глядзіць карцінкі, яно можа ўзаемадзейнічаць з імі - нешта націснуць, нешта дастаць", - растлумачыў Пятроўскі.

На выставе прадстаўлены кнігі 13 выдавецтваў, уключаючы даволі вядомыя "Парастак" і "Мазаіка". Хоць заяўлена было 20 удзельнікаў, але з-за сітуацыі з каронавірусам дабрацца да Мінска змаглі не ўсе.

Вместе с выставкой путешествует экспозиция о вузах России и их филиалах
© Sputnik / Елена Васильева
Разам з выставай падарожнічае экспазіцыя аб ВНУ Расіі і іх філіялах

Як вядома, у Расіі некаторыя выдавецтвы друкуюць беларускіх аўтараў. Але на гэтай выставе чытачы іх не сустрэнуць.

"Святлана Алексіевіч з'яўляецца самым папулярным беларускім аўтарам. Мы б, вядома, вельмі хацелі, каб яна тут была. Але па фармаце выставы мы прадстаўляем толькі расійскіх аўтараў", - сказаў Арцём Пятроўскі.

Мары аб гамаку

Арганізатары выставы прызнаюць: у кнігі сёння шмат канкурэнтаў. З'явіліся аўдыёкніжкі, ды і той жа інтэрнэт забірае шмат увагі патэнцыйнага чытача. І ўсё ж у кнігі ёсць свой шарм. Пакратаць старонкі, падумаць пра жыццё, атрымаць асалоду ад адзінотай. Усё гэта магчыма перажыць толькі з "жывой" кнігай у руках, упэўнены арганізатары.

Выставка удовлетворит вкусы всех - от школьников до любителей классики
© Sputnik / Елена Васильева
Выстава задаволіць густы ўсіх - ад школьнікаў да аматараў "класікі"

"Я, вядома, таксама слухаю аўдыёкніжкі, калі еду ў машыне ў камандзіроўку. Але калі іду на пляж або кладуся ў гамак, бяру старую добрую кнігу", - кажа Арцём Пятроўскі.

Выстава расійскай кнігі працягнецца 2 і 3 кастрычніка ў Доме Масквы ў Мінску. Наведаць яе можа любы ахвотны, уваход вольны. Але арганізатары ўдакладняюць, што продаж кніг на выставе не ажыццяўляецца.

"Наша мэта - пазнаёміць чытача з расійскімі кнігамі, пра якія, магчыма, ён не ведаў", - растлумачыў Арцём Пятроўскі.

24
Тэги:
Кнігі, Мінск, Рассупрацоўніцтва
Багач - 2020

Усё па традыцыях: у Дукоры адзначылі Багач

135
(абноўлена 13:36 22.09.2020)
Працаваць на свята багатага ўраджаю строга забаронена, таму госці ад душы танчылі і весяліліся.

Багач у народным календары прымеркаваны да свята збору ўраджаю. Назву сваю ён атрымаў, бо лічылася, што менавіта ў гэтыя дні у добрых гаспадароў у хаце "усяго багата". На святкаванне Багача ў Дукорскім маёнтку патрапіў фатограф Sputnik Альфрэд Мікус.

Багач - 2020
© Sputnik Альфрэд Мікус
Багач - гэта адмысловы лубок з зернем
Багач - 2020
© Sputnik Альфрэд Мікус
На свята жыхары вёскі збіраліся грамадой

Для святкавання Багача ўсе жыхары старадаўняй беларускай вёскі збіраліся талакой і рабілі адмысловы лубок з зернем, у сярэдзіну якога ўстаўлялі свечку. У гэты лубок, які атрымаў сваю назву ад наймення свята, кожны вясковец прыносіў па жменьцы зерня з новага ўраджаю. Лубок з запаленай свечкай праносілі абавязкова па ўсёй вёсцы. Усе гэтыя дзеянні былі скіраваныя на захаванне дабрабыту, ураджайнасці, плоднасці жывёлы і сямейнага ладу.

Багач - 2020
© Sputnik Альфрэд Мікус
Багач абавязкова праносілі па ўсёй вёсцы
Багач - 2020
© Sputnik Альфрэд Мікус
Кожны вясковец дадаваў у лубок зерне з новага ўраджаю

Напрыканцы Багач размяшчалі пад абразамі на покуці хаты гаспадароў, якіх грамада ў гэтым годзе абірала лепшымі.

Падчас святкавання Багача ўсім сялянам увогуле забаранялася працаваць: яны хадзілі ў госці адзін да аднаго, ладзілі кірмашы і гулянні, танчылі і спявалі.

Багач - 2020
© Sputnik Альфрэд Мікус
госці ў Дукоры вучыліся розным майстэрствам
Багач - 2020
© Sputnik Альфрэд Мікус
І хоць працаваць на Багач забаронена, але ж вучыцца ніхто не забараняў!
Багач - 2020
© Sputnik Альфрэд Мікус
Выдатны майстар навучыць каго заўгодна

Не засталіся ў баку ад гэтай традыцыі і госці Дукорскага маёнтка. Пад музыку гуртоў Стары Ольса і PAWA і беларускага народнага ансамбля "Вербіца" яны ад душы есяліліся і скакалі, а таксама вучыліся майстэрству керамікі, разьбы па дрэве, пляценню лапцей, ткацтву і вырабу лялек.

135
Тэги:
Народныя традыцыі, Багач
Грашовыя купюры: еўра і долары

Знешні доўг Беларусі за год вырас на мільярд долараў

3
(абноўлена 12:27 30.11.2020)
У бягучым годзе дзяржаўны доўг рэспублікі вырас амаль на траціну або 13 з лішнім мільярдаў долараў.

МІНСК, 30 ліс - Sputnik. Дзяржаўны доўг Беларусі на 1 лістапада склаў 57,9 мільярда рублёў і павялічыўся ў параўнанні з пачаткам 2020 года на 13,1 мільярда рублёў, або на 29,3%, паведамілі ў прэс-службе міністэрства фінансаў.

Пры гэтым знешні дзяржаўны доўг на справаздачны перыяд склаў 18,1 мільярда долараў, павялічыўшыся ад пачатку года на 1 мільярд долараў (з улікам курсавых розніц), або на 5,8%.

У міністэрстве фінансаў распавялі, што за дзесяць месяцаў гэтага года дзяржава ўзяла ў пазыку на знешніх рынках "суму, эквівалентную 2 548,9 мільёна долараў".

Пры гэтым пагашэнне знешніх дзяржаўных запазычанасцяў у студзені-кастрычніку 2020 года склала ўсяго 1 388,2 мільёна долараў.

"Унутраны дзяржаўны доўг па стане на 1 лістапада 2020 года склаў 10,2 мільярда рублёў, павялічыўшыся ад пачатку года на 1,4 мільярда рублёў (з улікам курсавых розніц), або на 16,2%", - удакладнілі ў прэс-службе.

У гэты ж час на рынку былі размешчаны ўнутраныя валютныя і рублёвыя дзяржаўныя аблігацыі на суму, эквівалентную 297,6 мільёна долараў і 300,0 мільёнаў рублёў. Пагасіць за дзесяць месяцаў гэтага года атрымалася аблігацыі на суму, эквівалентную 586,9 мільёна долараў і 173,5 мільёна рублёў.

3
Тэги:
Беларусь