Мотаклуб Начныя ваўкі на адкрыцці байкерскага сезона ў Маскве

Ці пускаць “начных ваўкоў” у Еўрасаюз?

81
(абноўлена 13:22 17.04.2015)
Байкерскі клуб плануе праехаць па тэрыторыі 12 краін з канчатковай кропкай у Берліне, каб там 9 мая ўскласці вянкі да помніка савецкім воінам.

МІНСК, 17 кра —Sputnik. Байкеры расійскага клуба "Начныя ваўкі", якія плануюць праехаць з мотапрабегам па краінах Еўропы з канчатковым пунктам у Берліне, могуць не пусціць у Еўрасаюз.

Байкерскі клуб "Начныя ваўкі" вырашыў адзначыць 70-годдзе Перамогі над Германіяй мотапрабегам ад Масквы да Берліна. Байкеры плануюць стартаваць з Масквы 25 красавіка і праехаць па тэрыторыях 12 краін. Прабег мяркуецца завяршыць 9 мая ўскладаннем вянкоў да помніка савецкім воінам у Берліне.

Планы расійскіх байкераў выклікалі мноства дыскусій ва ўрадах краін Еўрасаюза. Супраць прабегу выказаліся некаторыя палітыкі Еўрасаюза, якія назвалі акцыю "Начных ваўкоў" палітычнай правакацыяй.

"Гэтая акцыя першапачаткова выглядала як палітычная правакацыя і такой з'яўляецца", —заявіў у інтэрв'ю польскім СМІ кіраўнік МЗС Польшчы Гжэгаш Схетына.

Аднак пазней ён адзначыў, што "Польшча з'яўляецца прававой дзяржавай, і кожны можа яе наведаць, толькі ён павінен зрабіць гэта ў адпаведнасці з дзеючым у Польшчы заканадаўствам". Палітык удакладніў, што пропуск байкераў праз мяжу Еўрасаюза — у кампетэнцыі польскай памежнай службы.

Ва ўрадзе ФРГ заявілі, што пакуль нічога не могуць сказаць дакладна наконт расійскага мотапрабегу, таму што расійскія байкеры не звярталіся ў нямецкае пасольства па візы.

"Я не магу пацвердзіць інфармацыю аб тым, што дазвол аб правядзенні прабегу ўжо ёсць. Мы атрымалі ліст ад прадстаўніка дадзенага мотаклуба па электроннай пошце, у ім гаворыцца, што ў акцыі 9 мая хочуць прыняць удзел 60 чалавек", — цытуе прадстаўніка гарадскога кіравання Берліна Марціна Паллгена РИА Новости.

Берлінская паліцыя адзначае, што запытаў ад расійскіх байкераў пакуль не паступала, аднак калі заяўка прыйдзе, то адказ на яе будзе выключна ў рамках заканадаўства.

“Калі яны хочуць проста ўскласці вянкі, то, зразумела, што ніякіх абмежаванняў тут быць не можа. Калі ж гаворка ідзе аб дэманстрацыі каля помніка, то яе трэба запытваць за двое сутак”, – цытуюць нямецкія інфармагенцтвы кіраўніка прэс-службы паліцыі Берліна Штэфана Редліха.

Кіраўнік байкерскага клуба “Начныя ваўкі” Аляксандр Залдастанаў, больш вядомы як “Хірург”, адзначыў, што спачатку не хацеў удзельнічаць у акцыі, аднак, калі даведаўся пра негатыўную рэакцыю еўрапейскіх уладаў, вырашыў, што трэба ехаць.

“Я бачу, наколькі пазітыўны настрой у палякаў, наколькі пазітыўнае настрой у ўдзельнікаў мотаклуба, якія хочуць нас суправаджаць у кожным горадзе, ад мяжы. Я лічу, гэта будзе сяброўскай і брацкай паездкай”, – паведаміў байкер у інтэрв’ю расійскім СМІ.

Ён таксама адзначыў, што расійскія байкеры заўсёды падтрымлівалі еўрапейскія мотаклубы падчас іх візітаў ў Расію. “Спробы нас ачарніць і зрабіць з нас нейкіх нацыяналістаў разбіваюцца аб факты”,–падкрэсліў Залдастанаў.

81
Тэги:
Міжнародная палітыка, 70 год Дня Перамогі, Начныя ваўкі (байкерскі клуб), Аляксандр "Хірург" Залдастанаў, Еўропа, Расія, Польшча, Германія
Намеснік дырэктара па турызме прадпрыемства Цэнтркурорт Аляксей Стрэльчанка

Сямейны турыстычны адпачынак: варыянты ва ўмовах пандэміі

7
(абноўлена 17:17 15.04.2021)
Многія турыстычныя кампаніі ўжо гатовы прапанаваць людзям, якія стаміліся чакаць заканчэння пандэміі каронавіруснай інфекцыі, розныя віды адпачынку.

МІНСК, 15 кра – Sputnik. Турыстычная галіна паступова прыходзіць у сябе і прапануе людзям нешта новае. Важна не проста "пераключыцца" на ўнутраны турызм, але зрабіць яго зручным, прывабным, камфортным, цікавым, пра гэта распавялі ўдзельнікі дыялогу, які адбыўся ў мультымедыйным прэс-цэнтры Sputnik Беларусь.

"У мінулым годзе многія жылі чаканнямі, што пандэмія вось-вось скончыцца, зараз жа мы вучымся жыць і працаваць у новых умовах. Разумеем, што людзі стаміліся і хочуць падарожнічаць, адпачываць, у тым ліку сем'ямі. Менавіта таму пераарыентаваліся на запыты кліентаў і прапануем новае, арыгінальнае, унікальнае", - растлумачыў намеснік дырэктара па турызме прадпрыемства "Цэнтркурорт" Аляксей Стрэльчанка.

Арыенцір на сямейныя каштоўнасці

Прадстаўнік "ЦэнтрКурорт" лічыць, што менавіта адпачынак бацькоў з дзецьмі дае магчымасць у цяперашні няпросты час з'яднацца сем'ям, лепш даведацца і зразумець адзін аднаго.

"Мы вырашылі прапанаваць нешта падобна сямейнаму клубу, прадугледзеўшы шмат актыўнасці як для дарослых, так і для дзяцей", - распавёў Стрэльчанка.

Прапануецца тыднёвы тур з камфартабельным размяшчэннем, трохразовым харчаваннем, аздараўленнем, экскурсіямі, спартыўнымі спаборніцтвамі. Своеасаблівая фішка - адукацыйна-пазнавальныя праграмы.

"Мы, вядома, улічваем, што летам дзецям не хочацца вучыцца, таму прапануем ім набыць карысныя і вельмі цікавыя навыкі. Напрыклад, па вывучэнні зорнага неба, арыентаванні на мясцовасці, гатаванні чагосьці смачнага", - падзяліўся планамі Аляксей Стрэльчанка.

А як у Расіі?

Падобныя праекты актыўна развіваюцца і ў нашых усходніх суседзяў, распавяла прадстаўнік Расійскага саюза туріндустрыі, кіраўнік праектнага офіса па дзіцячым турызме ЦФА РФ Ірына Маштакова.

"Многія дзіцячыя лагеры перакваліфікаваліся і прапануюць праграмы сямейнага адпачынку. Яны самыя разнастайныя. Могуць быць з упорам на вывучэнне замежных моў, матэматыкі, біялогіі, тэатра і кінематаграфіі", - адзначыла Ірына Маштакова.

Паводле яе слоў, новы фармат прыжываецца і выклікае вялікую цікавасць у расіян, таму што з'явілася магчымасць паўнавартаснага камфортнага адпачынку, сумешчанага з пазнавальнай часткай. Плюс адбываецца насычэнне экскурсійнай праграмай для сем'яў.

"Прафесіяналы надаюць увагу кожнаму. Дзецям падабаецца, бацькі шчаслівыя", - падкрэсліла прадстаўнік Расійскага саюза туріндустрыі.

Яна лічыць, што назапашваемы зараз вопыт арганізацыі сямейнага адпачынку ў Расіі і Беларусі будзе запатрабаваны ў дзвюх краінах і ў далейшым, у тым ліку праз абмен ведамі, маркетынгавымі напрацоўкамі.

"З беларускімі калегамі сувязь не заціхае. Яна партнёрская, сяброўская. Проста прыняла зараз іншую форму. Мы бярэм нейкія прагрэсіўныя ідэі на заметку, дзелімся сваімі напрацоўкамі. У тым ліку па арганізацыі сямейнага адпачынку", - адзначыла Ірына Маштакова.

Заняткі правядзе індыйскі ёг

Намеснік старшыні праўлення Рэспубліканскага саюза турыстычнай індустрыі Дзмітрый Марозаў лічыць, што зручней за ўсё будзе рабіць інтэгральную адукацыйную праграму на стацыянарным аб'екце. Спроба сіл пройдзе на базе гарналыжнага цэнтра "Сілічы".

Заместитель председателя правления Республиканского союза туристической индустрии Дмитрий Морозов
© Sputnik / Виктор Толочко
Намеснік старшыні праўлення Рэспубліканскага саюза турыстычнай індустрыі Дзмітрый Марозаў

Праграма прадугледжваецца шырокая: праца аніматараў і майстроў гістарычных рэканструкцый, майстар-класы па прыгатаванні страў беларускай кухні, нацыянальным рамёствам, вывучэнню этнаастрономіі, міфалогіі, абрадаў, усходніх дыхальных практык.

"Фішка - індыйскі ёг, які будзе выходзіць па інтэрнэт-сувязі на Беларусь з Нью-Дэлі і праводзіць спецыяльныя заняткі. Пры гэтым адпачываючыя будуць сядзець на гары, на самым высокім пункце базы, дзе плануецца устанавіць вялікі экран", - распавёў Дзмітрый Марозаў.

Адкладзены попыт

Эксперт праекта "Сямейны клуб актыўнага і адукацыйнага адпачынку" Дзмітрый Скварчэўскі адзначыў, што сёння назіраецца сітуацыя адкладзенага попыту.

Дмитрий Скворчевский отмечает, что в настоящее время сложилась ситуация отложенного спроса
© Sputnik / Виктор Толочко
Дзмітрый Скварчэўскі адзначае, што ў цяперашні час склалася сітуацыя адкладзенага попыту

"Чаканні падарожжаў і адпачынку перанесены з-за пандэміі. Зараз людзі звяртаюць увагу на ўнутраны рынак. Важна прапанаваць ім унікальны прадукт. Тыя турфірмы, якія гэта здолеюць зрабіць, прыцягваючы для працы з кліентамі прафесіяналаў, апынуцца ў выйгрышы", - перакананы Скварчэўскі.

Чытайце таксама:

7
Тэги:
каронавірусная інфекцыя, пандэмія, адпачынак
Тэмы:
Каронавірус COVID-19

Вынаходнік стварыў амерыканскія горкі на велапрывадзе - відэа

11
(абноўлена 19:10 14.04.2021)
Вагончык атракцыёна прыводзіцца ў рух дзякуючы энергіі, выпрацаванай чалавекам. Атракцыён падыходзіць для маленькіх экстрэмалаў і цалкам бяспечны. Глядзіце на відэа, як малыя катаюцца на амерыканскіх горках.

Супрацоўнік кітайскай кампаніі па вытворчасці атракцыёнаў Вей Руою стварыў дзіцячыя амерыканскія горкі, механізм якіх прыводзіцца ў рух велапрывадам.

Вынаходнік патлумачыў, што вагончык яго амерыканскіх горак здольны здзейсніць поўны абарот дзякуючы энергіі, выпрацаванай велапрывадам, які падымае кабінку да верхняй кропкі.

"Я спецыялізуюся на вытворчасці абсталявання для гульнявых пляцовак, напрыклад, машынак для атракцыёнаў і іншага буйнога абсталявання. Маё дзіцяня пакуль не можа гуляць з падобным, а таму мне хацелася зрабіць нешта, з чым ён мог бы гуляць", - падзяліўся Вей Руою гісторыяй стварэння атракцыёна.

Па словах вынаходніка, катацца на яго горках зусім бяспечна, так як абсталяванне ланцугу каляскі дазваляе ёй рухацца толькі па зададзенай траекторыі, выключаючы скочванне назад.

Такія амерыканскія горкі падыходзяць для ўстаноўкі ў парках, гандлёвых цэнтрах, на курортах і ў маляўнічых месцах.

Глядзіце таксама:

11
Тэги:
чалавек, атракцыёны, відэа, амерыканскія горкі, вынаходнік
Будаўніцтва газаправода Паўночны паток - 2 у Германіі

"Паўночны паток - 2" запрацуе ўжо гэтым летам - дэпутат

10
(абноўлена 17:56 15.04.2021)
Працэс паскорыўся пасля таго, як да будаўніцтва газаправода ў акваторыі Балтыйскага мора далучылася судна-трубаўкладчык "Акадэмік Чэрскі".

МІНСК, 15 кра – Sputnik. Германія зможа атрымаць газ па "Паўночным патоку - 2" не пазней за лета 2021-га, лічыць кіраўнік камітэта Дзярждумы РФ па энергетыцы, каардынатар дэпутацкай групы па сувязях з нямецкім бундэстагам Павел Завальны.

"Усё ідзе да таго, што мы не пазней лета павінны ўсе працы скончыць", - сказаў ён на сустрэчы дэпутатаў Дзярждумы з калегамі з бундэстага.

Паводле слоў дэпутата, ёсць шанс, што абедзве "ніткі" газаправода будуць выкладзены ўжо ў чэрвені, калі не перашкодзяць замежныя судны: такія прэцэдэнты ўжо былі.

"Ёсць надзея, што Германія па гэтым газаправодзе можа атрымаць першы газ", - сказаў на заканчэнне ён.

Як ідзе будаўніцтва газаправода "Паўночны паток - 2"

Па дадзеных на 31 сакавіка, "Паўночны паток - 2" пабудаваны ўжо на 95%, застаецца ўкласці усяго 121 кіламетр ад агульнай працягласці газаправода па двух нітках. Такую інфармацыю апублікаваў аператар праекта Nord Stream 2 AG (100%-ая даччыная кампанія "Газпрома" - Sputnik).

Праект "Паўночны паток - 2" прадугледжвае будаўніцтва двух нітак газаправода ад узбярэжжа Расіі да Германіі праз Балтыйскае мора. Агульная магутнасць складзе да 55 мільярдаў кубаметраў у год. Газаправод пройдзе праз тэрытарыяльныя зоны Фінляндыі, Швецыі і Даніі.

ЗША рэгулярна пагражаюць санкцыямі кампаніям, якія ўдзельнічаюць у будаўніцтве газаправода. Вашынгтон прасоўвае ў ЕС уласны звадкаваны прыродны газ, а таму спрабуе не дапусціць завяршэння будаўніцтва расійскай магістралі.

Чытайце таксама:

10
Тэги:
Балтыйскае мора, газаправод, дэпутат, "Паўночны паток - 2"