Кіеў

Аўтобусы Мінск-Кіеў з 1-га чэрвеня будуць хадзіць штодня

82
Турыстычны кірунак зноў набірае папулярнасць сярод беларусаў, адзначылі ў "Мінсктрансе".

МІНСК, 14 мая — Sputnik. Штодзённыя аўтобусы будуць хадзіць па маршруце Мінск — Кіеў з 1 чэрвеня, паведамляецца на сайце «Мінсктранс».

Раней аўтобусы з Мінска ў сталіцу Украіны ездзілі штодня, але рэйсы прыйшлося адмяніць пасля таго, як у лютым мінулага года адно з транспартных сродкаў не прапусцілі на мяжы з-за складанай сітуацыі ў краіне.

«Вы ж памятаеце, якая тады сітуацыя была. Таму мы скарацілі колькасць рэйсаў, а некаторыя прыбралі. Цяпер сітуацыя на Украіне стабілізавалася, павялічваецца і пасажырапаток. У гэтым месяцы ў сярэднім 30 чалавек у дзень адпраўляюцца нашымі аўтобусамі ў Кіеў», — паведаміў Sputnik начальнік аддзела знешніх перавозак «Мінсктрансу» Аляксандр Фамін.

Аўтобусы будуць выязджаць з аўтавакзала «Цэнтральны» ў 22:00 (з аўтавакзала «Усходні» — у 22:45) і прыбываць у Кіеў у 09:35 па мясцовым часе.

Рэйсы з Кіева пачнуць курсіраваць з 2 чэрвеня. Час адпраўлення — 13.15, прыбыццё ў Мінск апоўначы. Кошт квітка — 310 тысяч беларускіх рублёў (каля 22 долараў ЗША).

82
Тэги:
Стыль жыцця і адпачынак, Транспарт, Мінсктранс, Кіеў, Мінск, Беларусь
Каментары