Прыём на бюджэтныя месцы ў ВНУ будзе скарочаны
МІНСК, 10 чэр — Sputnik. Міністэрства адукацыі заяўляе аб скарачэнні набору ў 2015 годзе на бюджэтную форму навучання.
У Беларусі стартавала ўступная кампанія ў вышэйшыя навучальныя ўстановы: 14 чэрвеня абітурыенты здаюць першы тэст на ЦТ, 8 ліпеня пачнецца прыём дакументаў у ВНУ.
"Сёлета мы прагназуем скарачэнне прыёму абітурыентаў на бюджэтную форму навучання ў ВНУ прыкладна на адну тысячу чалавек", — паведаміў на прэс-канферэнцыі ў сераду ў Мінску першы намеснік міністра адукацыі Вадзім Богуш.
Паводле яго слоў, студэнтамі ВНУ ў гэтым годзе могуць стаць 66,7 тысячы чалавек, у тым ліку на бюджэт маюць магчымасць паступіць 27,9 тысячы чалавек. Плануецца, што 22,7 тысячы чалавек паступяць на дзённую форму атрымання адукацыі і 5,3 тысячы — на завочную.
Богуш разам з тым адзначыў, што структура набораў ў ВНУ захаваецца, дамінуючымі па наборы ў ВНУ будуць спецыяльнасці, запатрабаваныя ў рэальным сектары эканомікі, у тым ліку і на медыцынскія спецыяльнасці.
У пэўнай ступені скараціцца прыём на юрыдычныя спецыяльнасці. У параўнанні з 2014 годам план прыёму ў прыватныя ВНУ ў гэтым годзе скарочаны амаль на 45%, усяго ў прыватныя ўстановы вышэйшай адукацыі плануецца прыняць 8,9 тысячы чалавек, сказаў Богуш.
Тэги:
Парагвай зарэгістраваў расійскую вакцыну "Спутник V"
(абноўлена 17:48 15.01.2021)
У Паўднёвай Амерыцы прэпаратам ад каронавіруса ўжо прышчапляюць насельніцтва Аргенціны, Балівіі, Венесуэлы і Бразіліі.МІНСК, 15 сту – Sputnik. Міністэрства аховы здароўя Парагвая зарэгістравала вакцыну супраць COVID-19 "Спутник V", паведаміў у пятніцу Расійскі фонд прамых інвестыцый (РФПІ).
Вакцыну зарэгістравалі ў рамках паскоранай працэдуры, без правядзення дадатковых клінічных даследаванняў на тэрыторыі дзяржавы. Аналагічным чынам прэпарат быў зарэгістраваны раней у Аргенціне, Балівіі, Сербіі, Алжыры, Палестыне і Венесуэле.
Пастаўкі ў Парагвай забяспечаць дзякуючы міжнародным партнёрам РФПІ ў Індыі, Кітаі, Паўднёвай Карэі і іншых краінах.
Паводле слоў гендырэктара фонду Кірыла Дзмітрыева, многія краіны Лацінскай Амерыкі зацікаўлены ў расійскай вакцыне. Ён спадзяецца, што ў бліжэйшы час "Спутник V" атрымае адабрэнне ў шэрагу іншых дзяржаў рэгіёна.
Міністэрства аховы здароўя Расіі ў жніўні зарэгістравала першую ў свеце вакцыну для прафілактыкі COVID-19, распрацаваную цэнтрам імя Гамалеі, яна атрымала назву "Спутник V". Дырэктар цэнтра Аляксандр Гінцбург раней сказаў, што бяспека вакцыны цалкам даказаная, а эфектыўнасць "Спутник V" склала 91,4%.
Чытайце таксама:
- Амерыканскі карэспандэнт назваў "Спутник V" дасягненнем расійскіх навукоўцаў
- Пасол РФ: у лютым-сакавіку расійскую вакцыну пачнуць вырабляць у Беларусі
- У Расіі абверглі заяву аб тым, што вакцына "Спутник V" неправераная
Тэги:
Сутачная статыстыка Міністэрства аховы здароўя: на каронавірус захварэлі 1 941 чалавек
(абноўлена 17:25 15.01.2021)
З пачатку пандэміі інфекцыяй ў краіне заразіліся больш за 220 тысяч чалавек, тэсты на COVID-19 правялі амаль палове насельніцтва Беларусі.МІНСК, 15 сту – Sputnik. За мінулыя суткі ў краіне зарэгістраваны 1 941 пацыент з станоўчым тэстам на каронавірус, паведаміла ў пятніцу прэс-служба Міністэрства аховы здароўя.
Выпісалася пры гэтым пацыентаў больш - 2 054. Смяротная статыстыка таксама абнавілася - за мінулыя суткі памерлі 10 чалавек.
Усяго з пачатку распаўсюджвання каронавіруснай інфекцыі ў Беларусі захварэлі 221 604 чалавекі, а ачунялі 204 500 пацыентаў. Памерлі за гэты час ўжо 1 564 беларусы.
Айчынныя лабараторыі за мінулыя 24 гадзіны выканалі 24 888 тэстаў, а ўсяго ў краіне правялі 4 216 095 тэстаў на каронавірус.
Нагадаем, сутачны рэкорд па колькасці выпадкаў захворвання у Беларусі быў зарэгістраваны 12 снежня 2020 года – тады на COVID-19 захварэлі 1 975 чалавек.
Масавая вакцынацыя ад каронавіруса праходзіць у Беларусі з 29 снежня. Першымі прышчапляюць людзей з групы рызыкі: медыкаў, педагогаў і іншых. На наступным тыдні ў краіне завершыцца кантроль якасці чарговай партыі расійскай вакцыны "Спутник V", пасля чаго вакцынацыя медыкаў працягнецца.
Усяго на добраахвотнай аснове плануецца прышчапіць больш за 5,5 мільёна чалавек.
Чытайце таксама:
- Беларусы змогуць браць адпачынак для самаізаляцыі з-за COVID
- Антыбіётыкі "для прафілактыкі": піць ці не піць, раіць доктар Камароўскі
- СААЗ: другі год пандэміі можа апынуцца цяжэй папярэдняга
Тэги:
Тэмы: