Як знайсці інвестара – міжнародная стартап-канферэнцыя ў Мінску
МІНСК, 24 кас – Sputnik. Бізнес-клуб Имагуру – першая ў краіне пляцоўка, якая стваралася і функцыянуе з мэтай падтрымкі развіцця стартап-руху ў Беларусі. Майстар-класы, канферэнцыі, хакатоны, выязныя мерапрыемствы, прыезды міжнародных спікераў – усё накіравана на тое, каб стартап-супольнасць развівалася і мацнела.
Кожны год ёсць прыклады нашых паспяховых стартапов, якія "выстрэльваюць" як у Беларусі, так і за мяжой.
"Прыклады нядаўніх гучных success stores: SplitMetrics, PandaDoc, Kino-mo. FinTech хакатон, які прайшоў у верасні, упершыню закрануў тэму фiнтэх-інавацый і здолеў прыцягнуць да ўдзелу лепшыя банкі краіны. Міжнародная канферэнцыя ў рамках сусветнга тыдня прадпрымальніцтва стане самай буйной стартап-падзеяй восені і лагічным наступным крокам на шляху да пабудовы моцнай стартап-супольнасці ў краіне", – распавялi арганізатары.
У рамежах стартап-канферэнцыі адбудуцца:
- панэльная дыскусія "Як знайсці інвестара і атрымаць фінансаванне"
- майстар-клас па краудфандынгу
- панэльная дыскусія Women taking the lead. Female startup founders talks
- фінал спаборніцтва стартапаў BEL.BIZ Battle
Тэги:
Зноў рост: Міністэрства аховы здароўя назвала статыстыку па каронавірусе
(абноўлена 14:58 16.04.2021)
За апошнія суткі ў рэспубліцы памерлі 10 чалавек з дыягнаставанай каронавіруснай інфекцыяй, усяго ад пачатку пандэміі - 2 403.МІНСК, 16 кра – Sputnik. За мінулыя суткі ў рэспубліцы выяўлены 1 516 новых выпадкаў заражэння каронавіруснай інфекцыяй, пра гэта паведаміла прэс-служба Міністэрства аховы здароўя Беларусі.
Агульная колькасць выпадкаў заражэння за ўвесь перыяд пандэміі склала 341 539.
За апошнія 24 гадзіны ачунялі і выпісаліся з бальніц 1 489 чалавек, усяго ачунялі ад пачатку пандэміі 331 972 пацыенты.
Ад каронавіруса за мінулыя суткі памерлі 10 чалавек, усяго ад пачатку пандэміі памерлі 2 403 пацыенты. Выкананы 18 875 тэстаў на наяўнасць каронавіруса, усяго ў краіне іх правялі 5 627 834.
Трэцяя хваля каронавіруса
Нагадаем, што ў краіне пачаўся чарговы ўздым захворвання - ён звязаны з трэцяй хваляй каронавіруса, пра гэта Міністэрства аховы здароўя паведаміла 13 красавіка. У сувязі з гэтым ведамства ў чарговы раз нагадала беларусам аб захаванні масачнага рэжыму і сацыяльнай дыстанцыі.
У прыватнасці, для прадухілення распаўсюджвання каронавіруснай інфекцыі 12 красавіка ў сталіцы ўвялі новыя абмежаванні, звязаныя з правядзеннем масавых мерапрыемстваў.
Вакцынацыя ў Беларусі
Масавая вакцынацыя ад каронавіруса стартавала ў рэспубліцы 8 красавіка. Даступны два прэпараты: кітайскі "Сінафарм" і расійскі "Спутник V". Запісацца на вакцынацыю можна на сайце паліклінікі або па тэлефонах колл-цэнтраў.
Чытайце таксама:
- Захворванне і смяротнасць ад каронавіруса працягваюць расці – СААЗ
- У Мінску ўводзяць новыя абмежаванні з-за каронавіруса
- Сямейны турыстычны адпачынак: варыянты ва ўмовах пандэміі
Тэги:
Тэмы:
Інфармацыйная бяспека: праект закона аб СМІ прыняты ў другім чытанні
(абноўлена 14:37 16.04.2021)
У адпаведнасці з праектам закона, у Беларусі пракурорам дазволяць блакіраваць інтэрнэт-рэсурсы і сеткавыя выданні.МІНСК, 16 кра – Sputnik. Беларускія дэпутаты прынялі ў другім чытанні законапраект аб змене законаў па пытаннях СМІ, у адпаведнасці з якім уведзены больш жорсткія патрабаванні да сродкаў масавай інфармацыі ў кантэксце пытанняў нацыянальнай бяспекі.
Першае чытанне праекта закона прайшло ў Авальнай зале на мінулым тыдні, ён быў прыняты аднагалосна. Сёння ў Мінску праходзіць пасяджэнне пятай сесіі Палаты прадстаўнікоў Нацыянальнага схода Беларусі.
Прадстаўляючы праект закона дэпутатам, намеснік старшыні камісіі па правах чалавека, нацыянальных адносінах і сродках масавай інфармацыі, былы міністр інфармацыі Лілія Ананіч адзначыла, што яго прыняцце будзе садзейнічаць найбольш эфектыўнаму забеспячэнню інфармацыйнай бяспекі дзяржавы і рэалізацыі канстытуцыйных праў грамадзян на атрыманне поўнай, дакладнай i своечасовай iнфармацыi.
Як ранняе паведамляла агенцтва, у адпаведнасці з праектам закона ў Беларусі пракурорам дазволяць блакіраваць інтэрнэт-рэсурсы і сеткавыя выданні, калі тыя распаўсюджваюць інфармацыю, здольную нанесці шкоду нацыянальным інтарэсам.
Абмежаваць доступ могуць у выпадку, калі такія выданні "распаўсюджваюць звесткі, накіраваныя на прапаганду вайны, экстрэмісцкай дзейнасці або змяшчаюць заклікі да такой дзейнасці", а таксама за інфармацыю, якая "можа нанесці шкоду нацыянальным інтарэсам".
У праекце закона таксама пашыраны пералік відаў інфармацыі, распаўсюджванне якой забаронена. Таксама ўтрымліваецца норма аб абмежаванні замежнага ўплыву на інфармацыйны рынак, выключыўшы наяўную прэферэнцыю для СМІ, у статутным фондзе якіх прысутнічаюць замежныя інвестыцыі больш за 20%.
Акрамя гэтага, праектам закона прапануецца пашырыць падставы для адмовы ў дзяржаўнай рэгістрацыі і перарэгістрацыі СМІ. Спіс прычын для абмежавання доступу да інтэрнэт-рэсурсу або сеткаваму выданню ў новым праекце таксама стаў шырэй, а такое рашэнне можа прымаць не толькі Мінінфарм, але і пракуроры.
Чытайце таксама:
- Змяненні ў закон аб СМІ: што ўвайшло ў новы дакумент
- Журналістаў на несанкцыянаваных акцыях могуць прызнаць іх удзельнікамі
- Асацыяцыю па недапушчэнні негатыўнага кантэнту стварылі ў Беларусі
Тэги: