Беларускі дзяржаўны ўніверсітэт (БДУ)

Упраўленне культуры БДУ: “Мы не монстры"

110
(абноўлена 18:04 25.11.2015)
Упраўленне культуры БДУ сцвярджае, што спектакль “Браніслаў”, прысвечаны біяграфіі Тарашкевіча, не забаранялі.

МІНСК, 25 ліс — Sputnik. "Арт-сядзіба" паведаміла пра адмену спектакля "Браніслаў. Сцэны з жыцця і сноў", які ставіўся на сцэне тэатра БДУ "На балконе" двойчы — 14 і 16 лістапада. Упраўленне культуры ўніверсітэта адмаўляе, што спектакль забаронены — маўляў, першапачаткова дамаўляліся на два паказы, якія дазволілі зладзіць.

"Я даваў дазвол на правядзенне толькі двух спектакляў, мы не маглі дазволіць дадатковыя пастаноўкі па простай прычыне — пачынаецца "Тэатральны куфар", а тое значыць, што да нас у дванаццаты раз прыедуць васямнаццаць замежных тэатраў, нам трэба падрыхтавацца, знайсці валанцёраў, накарміць і знайсці жытло для трохсот чалавек", — патлумачыў спецыяльна для Sputnik начальнік упраўлення па справах культуры Белдзяржуніверсітэта Уладзімір Макарэвіч.

"Арт-сядзіба" сцвярджае, што апроч двух паказаў, БДУ абяцала зладзіць яшчэ тры.

"У сераду, прыйшоўшы да тэатра, можна было пабачыць паведамленне пра адмену спектаклю на дзвярах тэатра. У ім на расійскай мове было напісана: "Спектакль "Бранислав" отменен". Яшчэ ў чацвер была надзея, што спектакль усё ж адбудзецца ў пятніцу і панядзелак, як і было запланавана раней", — паведамляе арганізацыя.

Між тым упраўленне культуры сцвярджае, што ніякіх паказаў апроч тых, што адбыліся, запланавана не было.

"Трэба было рыхтаваць пляцоўкі для "Тэатральнага куфара", сустракаць гасцей, а пасля размясціць іх, нам папросту не хапае часу і магчымасці менавіта зараз ладзіць іншыя пастаноўкі. Зрабілі з нас нейкіх монстраў", — абураюцца ва ўпраўленні.

У тэатры, які ладзіцца пры "Арт-сядзібе", няма прафесійных акцёраў, некаторыя з іх выступаюць у аматарскіх тэатрах, некаторыя навучаюцца ў Акадэміі мастацтваў, некаторыя проста аднесліся станоўча да ідэі стварэння спектакля пра Тарашкевіча.

"На жаль, сам спектакль не бачыў, калі знайду магчымасць паглядзець, дам і ацэнку", — каментуе для Sputnik начальнік упраўлення.

110
Тэги:
"Арт-сядзіба", Упраўленне культуры БДУ, БДУ, Уладзімір Макарэвіч, Браніслаў Тарашкевіч, Мінск, Беларусь, Увесь свет

Відэафакт: Чалавек-павук пракаціўся ў маскоўскім метро

9
(абноўлена 19:32 14.05.2021)
Пасажырам маскоўскага метро пашчасціла ўбачыць Чалавека-павука. Хлопец у чырвона-сінім гарнітуры выканаў некалькі трукаў, павісеў ўніз галавой і нават станцаваў. Глядзіце на відэа, як праходзіў перформанс.

Чалавек-павук быў заўважаны ў вагоне маскоўскага метро. Ён не проста пракаціўся ў цягніку, але і забаўляў пасажыраў танцамі і трукамі. Спрытна чапляўся за поручні рукамі і нагамі, вісеў уніз галавой і куляўся ў розныя бакі.

Гэта не першы візіт супергероя ў метро. У 2020 годзе Чалавек-павук быў частым госцем маскоўскай падземкі. Напрыклад, восенню ён праехаўся па Калінінска-Сонцаўскай лініі метро.

На відэа, апублікаваных у інтэрнэце, ён таксама выконвае трукі і танцуе.

Глядзіце таксама:

9
Тэги:
Перфоманс, Метро, чалавек, відэа

Не толькі шопінг: у мінскім ГЦ прышчапляюць ад каронавіруса відэа

11
(абноўлена 14:12 14.05.2021)
У гандлёвым цэнтры "Экспабел" пункт вакцынацыі адкрылі 8 траўня за гэты час расійскім прэпаратам "Спутник V" тут прышчапілі больш за тысячу чалавек. Як робяць прышчэпкі ад COVID ў ГЦ - глядзіце відэа Sputnik.

Цэнтр працуе штодня з 10:00 да 21:00. Каб атрымаць вакцыну, пры сабе трэба мець пашпарт або любы іншы дакумент, які сведчыць асобу.

У цэнтры працуюць медыкі Мінскай цэнтральнай раённай клінічнай бальніцы. Перад прышчэпкай пацыента аглядае ўрач: вымярае тэмпературу, артэрыяльны ціск, сатурацыю.

Вакцынацыя тут распісана да 18 траўня. Таму пажадана папярэдне запісацца па тэлефоне. Пакуль пацыентаў прышчапляюць першым кампанентам "Спутник V". А з 21 траўня пачнецца прымяненне другога кампанента. Як доўга будзе працаваць пункт - невядома. Усё залежыць ад тэмпаў вакцынацыі насельніцтва, а таксама ад аб'ёмаў паставак прэпарата.

Не выключана, што ў бліжэйшыя месяцы пункты вакцынацыі з'явяцца і ў некаторых іншых гандлёвых цэнтрах Мінска і буйных гарадоў краіны.

Глядзіце таксама:

11
Тэги:
COVID-19, прышчэпкі, "Спутник V", каронавірус, ГЦ "Экспабел", Шопінг

Армянскі Ван Дам: спартсмен выконвае відовішчныя трукі - відэа

0
(абноўлена 08:57 15.05.2021)
Спартсмен з Ерэвана праславіўся ў сацсетках сваімі трукамі: мужчына куляецца, садзіцца на шпагат і дэманструе валоданне баявымі мастацтвамі.

Давіт Вардумян з Ерэвана заваяваў папулярнасць у інтэрнэце пры дапамозе ролікаў са спартыўнымі трукамі: ён скача праз кальцо, садзіцца на шпагат з апорай на прадметы, якія рухаюцца, дэманструе валоданне баявымі мастацтвамі.

У дзяцінстве Давіт займаўся каратэ, аднак потым перайшоў на тхэквандо. Спачатку выступаў на чэмпіянатах, але з часам зразумеў, што відовішчныя трукі ідэальна падыходзяць для дэманстрацыі ў сацсетях.

"Спачатку, натуральна, думаем пра трукі, што можна зрабіць. І далей я мяркую, наколькі гэтым трукам будуць зацікаўлены ці няма папулярныя паблік ў сацсетях", - распавёў 32-гадовы спартсмен.

Вардумян кажа, што яго нярэдка параўноўваюць з футбалістам Златанам Ібрагімавічам, вядомым сваімі эфектнымі трукамі з мячом. А яшчэ Давіт паўтарыў знакаміты нумар Ван Дама, сеўшы на шпагат на даху двух аўтамабіляў, якія рухаюцца.

Спартсмен упэўнены, што ў яго труках няма нічога немагчымага, аднак для іх выканання патрабуюцца сур'ёзная фізічная падрыхтоўка і велізарнае жаданне.

Глядзіце таксама:

0
Тэги:
відэа, спартсмен, Арменія