Мінск брэндзіруюць фаст-фудам: дыетолаг пра бургеры
(абноўлена 09:53 27.11.2015)
Сёння адкрываецца другі ў сталіцы KFC, а ўчора ў сталіцы з’явіўся яшчэ адзін Burger King.МІНСК, 27 ліс — Sputnik. Сёння ў ТЦ "Экспабел" адкрываецца другі ў сталіцы KFC, а ўчора на ст. м. "Пушкінская" адкрыўся рэстаран фаст-фуда Burger King — як раз побач з размясціўшымся тут жа McDonald's. Напрацягу доўгага часу апошні быў адзінай фаст-фуд сеткай, што магла адкрываць свае рэстараны ў Мінску, але ж гэтай вясной з адкрыццём першага Burger King манаполія McDonald's пахіснулася.
Каб крыху паменшыць радасць мінчан ад надыходзячага свята фаст-фуда, Sputnik звярнуўся да дыетолага Ганны Глобаж з вечнымі пытаннямі пра гамбургеры і фры.
©
Sputnik Вера Дашкевич
Мальчик наливает напиток в "Бургер Кинг"
"Вам варта разумець, як вырабляюцца кампаненты фастфуду: іх папросту высушваюць. У працэсе апрацоўкі прадукты, будзь то мяса ці гародніна, губляюць вільгаць, а з ёй вітаміны і мікраэлементы, становяцца пустымі, бескарыснымі і безгустоўным. Каб прадукт усё-ткі елі, катлету з рэстарана хуткага харчавання напаўняецца хімічнымі складнікамі — ўзмацняльнікамі густу (у тым ліку знакамітым глутаматам натрыю), кансервантамі, харчовымі дадаткамі, фарбавальнікамі, араматызатарамі", — тлумачыць спецыяліст працэс вытворчасці нашых любімых бургераў.
Акрамя таго, спадарыня Глобаж удакладняе: у фаст-фудзе павышане ўтрыманне солі і тлушчу, а вось бялкоў і клятчаткі і зусім мала. Адсюль, харчуючыся выключна такімі прадуктамі, атрымліваем павышаны халестырын.
"Ці заўважалі вы, што пасля абеду у рэстаране хуткага харчавання вы вельмі хутка зноў пачынаеце адчуваць голад? А акрамя таго можаце атрымаць праблемы з сардэчна-сасудзістай сістэмай, і нават дыябет", — дадае спецыяліст.
Калі часу на сталае харчаванне з-за ненармаванай працы не хапае, фаст-фуду можна знайсці больш карысную альтэрнатыву. Голад лепш за ўсё здавальняць збожжавымі хлябцамі або сухарыкамі хатняга прыгатавання. З напояў лепш за ўсё падыдзе мінералка або сок з пачкі. Калі вы хочаце знізіць вагу, сок трэба напалову развесці вадой. Выдатна падыдуць для перакусу і кісламалочныя прадукты.
Тэги:
Рэзкае зніжэнне: Міністэрства аховы здароўя назвала колькасць тых, хто захварэў на COVID
(абноўлена 16:00 25.01.2021)
Ад пачатку пандэміі ў Беларусі ад каронавіруса памерлі 1658 пацыентаў, у якіх быў пацверджаны каронавірус.МІНСК, 25 сту – Sputnik. Сутачны прырост тых, хто захварэў на каронавірус у Беларусі - 1024 чалавекі, паведаміла ў панядзелак прэс-служба Міністэрства аховы здароўя краіны.
Па дадзеных на 25 студзеня, у краіне зарэгістраваны 238 635 выпадкаў каронавіруснай інфекцыі. Ачунялі – 224 171 пацыент, у якіх быў раней дыягнаставаны COVID-19.
Ад пачатку пандэміі ў Беларусі ад наступстваў каронавіруснай інфекцыі памерлі 1658 пацыентаў (+9 чалавек).
"За мінулыя суткі выканана 9 694 тэсты. Усяго ў краіне праведзена 4 млн. 375 тыс. 265 тэстаў", - гаворыцца ў паведамленні.
Па дадзеных універсітэта Джонса Хопкінса, колькасць хворых на каронавірус у свеце набліжаецца да 100 мільёнаў: на апоўдні 25 студзеня зарэгістравана 99 245 800 выпадкаў COVID-19. Колькасць памерлых ад каронавіруса складае 2 130 497 чалавек.
Самая цяжкая сітуацыя па-ранейшаму захоўваецца ў ЗША 25 127 004 выпадкі інфекцыі і 419 220 смяротных вынікаў.
На другім месцы знаходзіцца Індыя (больш за 10,6 млн захварэлых і амаль 153,5 памерлых), затым ідзе Бразілія (больш за 8,8 млн інфіцыраваных і больш за 217 тыс. смяротных вынікаў), на чацвёртым - Расія (амаль за 3,7 млн захварэлых і 68,8 тыс. памерлых), а на пятым - Вялікабрытанія (3,6 млн выпадкаў каронавіруснай інфекцыі і 98,1 тыс. смяротных вынікаў).
Чытайце таксама:
- СААЗ ацаніла дадзеныя аб росце смяротнасці з-за новага штаму COVID
- Мінскія паліклінікі вывучаюць попыт на вакцынацыю ад каронавіруса
- Дзе можна здаць ПЦР-тэст: спіс месцаў па ўсёй Беларусі
Тэги:
Тэмы:
Лукашэнка пра ID-карты: беларусы павінны атрымаць магчымасці, а не праблемы
(абноўлена 14:25 25.01.2021)
Біяметрычны пашпарт будзе патрэбен для выезду за межы Беларусі, а ідэнтыфікацыйная карта будзе служыць унутраным дакументам.МІНСК, 25 сту – Sputnik. Мяркуецца, што дадзенае новаўвядзенне закране абсалютна ўсіх, і нельга выпускаць з-пад увагі магчымыя цяжкасці, з якімі могуць сутыкнуцца грамадзяне пры атрыманні новых дакументаў, заявіў прэзідэнт Беларусі Аляксандр Лукашэнка.
Па словах кіраўніка дзяржавы, прасоўванне электронных паслуг - добра, але ён выказаў сумненні наконт таго, што біяметрычныя пашпарты павысяць абароненасць ад падробак.
"Мяркуецца, што дадзенае новаўвядзенне закране абсалютна ўсіх, але пры гэтым беларусы павінны атрымаць дадатковыя магчымасці, а не праблемы", - цытуе Лукашэнку БелТА.
Беларускі лідэр адзначыў, што праца ў гэтым кірунку вядзецца даўно і ідэнтыфікацыйныя карты і новыя пашпарты можна выдаваць "хоць заўтра". Але, па яго словах, нельга выпускаць з-пад увагі цяжкасці, з якімі могуць сутыкнуцца людзі і арганізацыі пры атрыманні новых дакументаў.
"Трэба толькі стварыць неабходнае прававое рэгуляванне, падпісаўшы адпаведны ўказ", - адзначыў Лукашэнка.
Таксама важна забяспечыць абарону персанальных дадзеных грамадзян краіны і не стварыць перашкод, лічыць кіраўнік дзяржавы.
"Ці не атрымаецца, што мы нахамуталі яшчэ адну праблему, па-народнаму кажучы? Ці трэба ўводзіць біяметрычныя дакументы імгненна, як прапануецца, з 30 красавіка ці патрабуецца яшчэ час для падрыхтоўкі? Усе пытанні трэба старанна адпрацаваць да пачатку выдачы новых дакументаў", - заявіў Лукашэнка.
Ён звярнуў увагу на неабходнасць ўлічыць усе арганізацыйныя і тэхнічныя нюансы. "Ці не створым ці мы перашкод для рэалізацыі грамадзянамі сваіх правоў, ці забяспечым абарону іх персанальных дадзеных? Гэта мяне больш за ўсё насцярожвае", - адзначыў прэзідэнт, дадаўшы, што важна, каб народ быў абаронены ад падробак.
Біяметрычным дакументах быць, але пасля дапрацоўкі
Лукашэнка адобрыў увядзенне ў Беларусі біяметрычных дакументаў. Тым не менш, ён даручыў дапрацаваць асобныя моманты. Таксама пакуль не вядома, з якой даты можна будзе атрымаць новыя дакументы. Як стала вядома, канчатковая дата будзе агучаная пасля таго, як усе нюансы будуць улічаныя.
Новае пакаленне дакументаў
Новае пакаленне асабістых дакументаў для грамадзян Беларусі будзе прадстаўлена ў двух узорах - ідэнтыфікацыйнае пасведчанне і біяметрычны пашпарт.
У 2021 годзе беларусам пачнуць выдаваць ID-карты, якія заменяць стандартныя пашпарты на тэрыторыі краіны. Таксама ўводзяцца біяметрычныя пашпарты для паездак за мяжу.
Па знешнім выглядзе ID-карта нагадвае вадзіцельскае пасведчанне. На ёй будзе паказаная асноўная асабістая інфармацыя грамадзяніна і размешчана фатаграфія, больш пашыраныя дадзеныя - у асабістым анлайн-кабінеце, яны будуць счытвацца з дапамогай спецыяльнага тэрмінала.
На ID-карце будзе размешчаны таксама электронны лічбавы подпіс уладальніка - яго атрымліваюць на 10-гадовы тэрмін разам з асабістым кабінетам і новым дакументам. Кабінет з моманту стварэння (або нараджэння чалавека) будзе неактыўным, пакуль яго не актывуюць з дапамогай ID-карты.
У гэтым годзе будзе выдадзена каля 800 тысяч картак і 300 тысяч біяметрычных пашпартоў. Цяперашні дзеючы пашпарт будзе сапраўдны да тэрміну яго заканчэння, мяняць яго з-за ўвядзення біяметрычных дакументаў неабходнасці няма. У выпадку звароту грамадзяніна ў 2021 годзе з заявай пра страту пашпарта яму будзе выдавацца ID-карта.
Чытайце таксама:
- Каля 100 беларусаў ужо атрымалі біяметрычныя дакументы
- Біяметрычныя пашпарты пачнуць выдаваць у Беларусі ў пачатку 2021 года
- Новыя пашпарты пачнуць выдаваць з 2021 года, у іх будзе 30 старонак для віз
Тэги: