Несцерка каля крамы Prastra.by у ГЦ Маскоўска-венскі

Крама Prastora.by адчыніла “рэальныя” дзверы для пакупнікоў

700
(абноўлена 05:01 30.12.2015)
Адкрыццё "Беларускай прасторы" было адзначана музычна- літаратурнымі імпрэзамі 22 і 23 снежня, на перадзе ў планах кампаніі і далей ладзіць такога кшталту мерапрыемсты ў самым цэнтры гандлёвага цэнтра.

Юлія Хвошч, Sputnik.

Назва крамы для беларусаў не новая, Prastora.by ужо даўно на слыху — яна прапануе адзенне і сувеніры з нацыянальным беларускім каларытам праз інтэрнэт, зараз жа ў грамадскасці ёсць магчымасць паглядзець на ўнікальные рэчы не толькі праз экраны манітораў.

З нагоды адкрыцця ў ГЦ "Маскоўска-венскі" (а менавіта там і знаходзіцца беларускі павільён) былі зладжаны два святочныя мерапрыемствы — 22 снежня адбыліся літаратурна-мастацкія і музычныя выступы Яраша Малішэўскага і Аксаны Спрынчан, а 23-га эстафету перанялі фіналісты нацыянальнага адбору на "Еўрабачанне" — малады беларускі гурт Navi.

"Prastora.by — гэта кампанія, якая актыўна пашырае сваю дзейнасць у розны накірунках: акрамя інтэрнэт-крамы ў нас ёсць уласнае літаратурнае выдавецтва, студыя гуказапісу "Гукапіс", а што тычыцца гэтага месца — адзін наш сябра, уласнік вось гэтай плошчы, прапанаваў нам на сяброўскіх умовах размясціць тут краму, а паколькі ў нас да таго часу назбіралася ўжо шмат сувенірнай ды іншай прадукцыі, мы вырашылі, што гэта добрая ідэя", — распавёў карэспандэнту Sputnik намеснік дырэктара кампаніі Prastora.by Міхась Башура.

У краме Prastora.by
© Sputnik Юлія Хвошч
У краме Prastora.by

У "Прасторы" за час існавання назбіралася ўжо досыць шмат таго, што было б цікава даць людзям — не проста замовіць праз інтэрнэт, а памаць рукамі, памерыць нешта, паглядзець, то бок неабходнасць ў стварэнні такой крамы натуральна была.

На адкрыцці крамы Prastora.by
© Photo : Prastora.by
На адкрыцці крамы "Prastora.by"

У планах кампаніі — пашырыць самастойны выраб сувенірнай прадукцыі, адзення і нават гарбаты, уводзіць свае ўласныя брэнды.

"Мы імкнемся быць заўважнымі і адметнымі, я думаю, што ўчорашняя і сёняшняя акцыі гэта паказваюць. Мы плануем і далей ладзіць тут падобныя мерапрыемствы. Думаю, што пасля Новага году мы мусім выйсці на нейкую рэгулярнасць, каб хаця б раз на тыдзень адбываліся імпрэзы, а то і часцей", — распавёў Башура.

Па словах кіраўнікоў Prastora.by, сваім суседзям па гандлёвым цэнты такімі шумнымі вечарынамі яны не перашкаджаюць, хутчэй наадварот.

На адкрыцці крамы Prastora.by
© Photo : Prastora.by
На адкрыцці крамы "Prastora.by"

"Мы з усімі суседзямі паразмаўлялі напярэдадні. Мы ж да іх таксама прыцягваем пакупнікоў. Бо прыйшоўшы, нехта паглядзіць, яму спадабаецца абутак у павільёне насупраць, ці нейкая вопратка, біжутэрыя, якая побач прадаецца. А рэкламуючы праз сацсеткі нашыя мерапрыемствы, мы людзям распавядаем пра тое, што такі ГЦ "Маскоўска-венскі" ўвогуле існуе", — смяецца суразмоўца Sputnik і прызнаецца, што і сам не ведаў да адкрыцця крамы пра яго існаванне.

У краме Prastora.by
© Sputnik Юлія Хвошч
У краме Prastora.by

23 снежня ў ГЦ "Маскоўска-венскі" адбылася яшчэ адна падзея — Prastora.by распачалі акцыю #мызваміNavi у падтрымку ўдзела гурта ў "Еўрабачанні".

Прыхільнікі гурта Navi
© Sputnik
Прыхільнікі гурта Navi

"Гурт Navi нам знаёмы, мы дапамагалі ім выдаць дыск "Сонцам сагрэтыя", і тут атрымалася так, што іх трапленне ў адбор на "Еўрабачанне" супала з адкрыццём нашай крамы, і мы запусцілі акцыю ў сацсетках — #мызваміNavi. Калі сачыць за гэтым хэштэгам, можна будзе даведацца пра конкурсы, якія мы збіраемся ладзіць у межах акцыі. Да прыкладу, можна будзе зрабіць нейкі фотаздымак, размясціць яго пад гэтым хэштэгам, прыйсці ў краму і атрымаць зніжку ў 5%, будуць таксама зладжаны розныя розыгрышы", — патлумачыў намеснік дырэктара Prastora.by.

На адкрыцці крамы Prastora.by
© Photo : Prastora.by
На адкрыцці крамы Prastora.by

З нагоды адкрыцця крамы "Prastora.by" удзельнікі гурта выканалі свае лепшыя песні ў акустычным варыянце, потым раздалі аўтографы і сфатаграфаваліся з прыхільнікамі. 

700
Тэги:
нацыянальны арнамент, Гандлёвы цэнтр, Музычныя жанры, Нацыянальная культура, Штучны гандль, Культурнае развіццё, Музыка, Мінск, Беларусь
Тэмы:
Імпрэзы і прэзентацыі (15)
Прэзідэнт Расіі Уладзімір Пуцін

Пуцін выказаў надзею, што Расія не вернецца да абмежаванняў з-за COVID-19

4
(абноўлена 16:27 24.09.2020)
Пры гэтым прэзідэнт Расіі заклікаў кіраўнікоў рэгіёнаў больш адказна падыходзіць да эпідэміялагічнай сітуацыі ў краіне.

МАСКВА, 24 вер - Sputnik. Расслабляцца у сітуацыі з каронавірусам нельга, вяртацца да абмежавальных мер у Расіі вельмі б не хацелася, заявіў прэзідэнт краіны Уладзімір Пуцін у чацвер падчас відэаканферэнцыі з кіраўнікамі суб'ектаў РФ.

Каб прадухіліць распаўсюджванне каронавіруснай інфекцыі, Расія з 27 сакавіка прыпыніла міжнародныя авіязносіны. Толькі ў мінулую нядзелю ўрад РФ апублікаваў распараджэнне па зняцці абмежаванняў на ўезд для грамадзян Беларусі. У сувязі з гэтым расійскія і беларускія авіякампаніі заявілі аб аднаўленні рэйсаў паміж краінамі. Падчас анлайн-перамоваў з кіраўнікамі рэгіёнаў расійскі прэзідэнт у чарговы раз закрануў важнасць кантраляваць сітуацыю з каронавірусам, каб пасля не ўводзіць падобныя абмежаванні.

"Варта толькі расслабіцца - і сітуацыя можа памяняцца. Не хацелася б вельмі, вельмі б не хацелася зноў вяртацца да тых абмежавальных мер, якія мы ўводзілі вясной гэтага года", - сказаў Пуцін.

Ён нагадаў кіраўнікам рэгіёнаў, што яны надзелены асаблівымі паўнамоцтвамі і адказнасцю па забеспячэнні эпідэміялагічнай бяспекі, па абароне жыцця і здароўя людзей.

"У нас цяпер надыходзіць восеньская пара, калі і праблема грыпу, ВРВІ, так званых бытавых інфекцый, займае вельмі сур'ёзнае месца ў нашай працы. Трэба забяспечыць бяспеку людзей. Далёка не завершаная праца, звязаная з барацьбой з кавідам, з эпідэміяй. Таму нам ні у якiм разе нельга дапусціць, каб адна праблема наклалася на іншую", - сказаў Пуцін.

Прэзідэнт даручыў распрацаваць зыходзячы з сітуацыі ў кожным канкрэтным рэгіёне праграму комплексных мер па зберажэнню людзей старэйшага пакалення і тых, хто ўваходзіць групу рызыкі захворвання COVID-19 у сілу розных абставінаў, у тым ліку і хранічных захворванняў.

Пуцін заклікаў мясцовыя ўлады працаваць з насельніцтвам ненадакучліва, тлумачыць складанасць сённяшняй сітуацыі, звяртацца да людзей з просьбай выконваць пэўныя правілы, у тым ліку і масачны рэжым.

"Вядома, гэта не заўсёды камфортна для людзей. Але хварэць горш, таму гэтую працу трэба праводзіць, паслядоўна сістэмна. Акуратна, але ў вышэйшай ступені прафесійна", - удакладніў кіраўнік краіны.

Таксама Пуцін адзначыў неабходнасць аднаўлення нармальнага дзелавога рытму, па падтрымцы галін прамысловасці, АПК, малога, сярэдняга бізнесу, аднаўленню занятасці, даходаў людзей. Ён паведаміў, што з улікам эпідэміі цяпер рыхтуюцца ўдакладненні па пэўных параметрах працы ўладаў, у тым ліку на маючым адбыцца пасяджэнні прэзідыума Дзяржсавета разам з рэгіёнамі будуць абмяркоўвацца планы па рэалізацыі нацыянальных праектаў.

4
Тэги:
Расія, Уладзімір Пуцін
Медыцынскі работнік бярэ ў пацыенткі аналіз на каронавірус

Плюс 294 заражаных за суткі: Мінздароўя агучыла новую статыстыку па COVID-19

5
(абноўлена 14:30 24.09.2020)
Ад ускладненняў, выкліканых каронавіруснай інфекцыяй, з учорашняга дня ў Беларусі памерлі шэсць пацыентаў.

МІНСК, 24 вер - Sputnik. Колькасць тых, хто захварэў на каронавірус у Беларусі перавысіла 76,6 тысяч чалавек, пра гэта паведамілі ў міністэрстве аховы здароўя рэспублікі.

"Зарэгістраваныя 76 тысяч 651 чалавек з станоўчым тэстам на COVID-19. За ўвесь перыяд распаўсюджвання інфекцыі на тэрыторыі краіны памерлі 802 пацыента з шэрагам хранічных захворванняў, з выяўленай каронавіруснай інфекцыяй", - агучылі лічбы ў ведамстве.

Адпаведна, за мінулыя суткі на каронавірус у рэспубліцы захварэлі 294 чалавекі. Колькасць ахвяр інфекцыі з учорашняга дня вырасла на шэсць чалавек.

Пры гэтым, паводле афіцыйных дадзеных Міністэрства аховы здароўя на 24 верасня, у Беларусі паправіліся і выпісаныя 73 тысячы 733 пацыента, у якіх раней быў пацверджаны дыягназ COVID-19. Гэта значыць, за мінулыя суткі гэта колькасць павялічылася на 169 чалавек.

Усяго з лютага бягучага года беларускія лабараторыі правялі 1 мільён 776 тысяч 271 тэст на каронавірус.

5
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19
Лагатып УЕФА

Кангрэс УЕФА перанеслі з Беларусі ў Швейцарыю

0
(абноўлена 16:45 24.09.2020)
Беларусь упершыню ў гісторыі павінна была прыняць Кангрэс УЕФА ў сакавіку 2021-га, але сёння было прынята рашэнне аб пераносе мерапрыемства.

МІНСК, 24 вер - Sputnik. Кангрэс УЕФА ў 2021 годзе пройдзе ў Швейцарыі, а не ў Беларусі, як планавалася раней, заявіў прэзідэнт арганізацыі Александэр Чэферын.

​Выканкам УЕФА ў сакавіку прыняў рашэнне аб правядзенні пасяджэння вышэйшага органа еўрапейскага футбольнага саюза ў Мінску вясной будучага года.

"Кангрэса УЕФА ў сакавіку 2021 года ў Мінску не будзе, ён пройдзе ў Швейцарыі", - сказаў Чэферын на прэс-канферэнцыі па выніках выканкама УЕФА ў Будапешце.

Акрамя таго, было прынята рашэнне аб тым, што ўсе карпаратыўныя сустрэчы арганізацыі ў бліжэйшыя паўгода пройдуць у Швейцарыі. Таксама ў Швейцарыі пройдуць пасяджэнні выканкама УЕФА, запланаваныя на снежань 2020 года і сакавік 2021 года.

0
Тэги:
Швейцарыя, Беларусь, УЕФА