Вячеслав Полунин

Беларусы прагаварылі па тэлефонах у навагоднюю ноч амаль 500 гадоў

111
(абноўлена 17:35 04.01.2016)
Мабільныя аператары распавялі пра статыстыку тэлефонных гутарак у навагоднюю ноч.

МІНСК, 4 сту — Sputnik. Усе ведаюць, што вы рабілі навагодняй ноччу — мабільныя аператара распавялі, колькі трафіку скарысталі абанента і колькі хвілінаў нагаварылі па тэлефоне — здаецца, павіншавалі амаль усіх.

Абаненты velcom актыўна віншавалі адзін аднаго ў святочныя дні і за 31 снежня і 1 студзеня прагаварылі 157 мільёнаў хвілін — то бок, трыста гадоў. Пікі званкоў прыйшліся прыкладна на 11 раніцы 31 снежня (7 млн хвілін) і поўнач (8 млн. хвілін).

Пік тэкставых SMS-паведамленняў прыйшоўся на навагоднюю ноч — з 23:00 да 01:00. За гэты час было адпраўлена больш за 2,6 млн SMS. Але ж актыўней беларусы пачынаюць віншаваць праз мэсэнджэры: 31 студзеня абаненты скарысталі 34 ТБ трафіка, а 1 студзеня — яшчэ 41  тэрабайт.

У Новы год абаненты МТС таксама традыцыйна карысталіся мабільнай сувяззю асабліва актыўна. Пры гэтым трэнды, якія назіраліся ў апошнія гады, сталі яшчэ больш відавочнымі: віншуючы родных і блізкіх, людзі ўсё больш звяртаюцца да інтэрнэт-сэрвісаў.

"Хуткі рост цікавасці да смартфонаў і мабільнага інтэрнэту, у прыватнасці да сацыяльных сетак ды мэсэнджэраў прадвызначыў новы рэкорд па трафіку. За 31 снежня і 1 студзеня абаненты аператара згенеравалі парадку 120 тэрабайт дадзеных — больш чым на 30% больш, чым год таму", — распавялі ў прэс-службе кампаніі.

"Галасавая" актыўнасць абанентаў МТС у Новы год захавалася на леташнім узроўні. За апошні дзень 2015-га і першы дзень 2016-га яны нагаварылі амаль 98 мільёнаў хвілін — гэта значыць каля 68 тысяч дзён ці 186 гадоў. Кожную секунду абаненты МТС здзяйснялі і прымалі 646 званкоў.

Інтэнсіўнае развіццё мабільнага інтэрнэту і сэрвісаў абмену паведамленнямі лагічна адбілася на колькасці адпраўленых SMS. У гэты Новы год абаненты МТС напісалі прыкладна на 15% менш традыцыйных паведамленняў, чым год таму. Ва ўсялякім разе, за 31 снежня і 1 студзеня кліенты аператара абмяняліся 12 мільёнамі міні-лістоў — гэта значыць амаль па 80 SMS у секунду.

Абаненты life:) гэтаксама актыўна віншавалі адзін аднога з Новым годам. За двое сутак яны выкарыстоўвалі 75 ТБ інтэрнэт-трафіку, адправілі больш за мільён SMS-паведамленняў і здзейснілі амаль мільён выходных званкоў агульнай працягласцю 10860000 хвілін (або прыкладна 20,5 гадоў).

111
Тэги:
мабільныя аператары, Навагоднія святы, life :), velcom, МТС

Грамадства