https://bel.sputnik.by/20160125/1019748180.html

Быў, ёсць, буду: як святкуюць Таццянін дзень у Мінску

Быў, ёсць, буду: як святкуюць Таццянін дзень у Мінску

Sputnik Беларусь

Sputnik апытаў студэнтаў і іх выкладчыкаў, каб даведацца пра самыя ўдалыя спосабы святкавання "Дня студэнта". 25.01.2016, Sputnik Беларусь

2016-01-25T15:19+0300

2016-01-25T15:19+0300

2016-01-26T14:39+0300

стыль жыцця

грамадства

культура

цiкавосткi

беларусь

дзень студэнта

святы

https://cdnn11.img.sputnik.by/img/101974/90/1019749079_0:0:0:0_1920x0_80_0_0_b255c9419e3779372dd640ea4b3e328c.jpg

МІНСК, 25 сту — Sputnik. 25 студзеня ўся студэнцкая супольнасць святкуе Таццянін Дзень — свята студэнцтва для тых, хто па нейкай прычыне не адзначыў яго ўвосень ці тых, хто не шкадуе эмоцый і гатовы адзначаць двойчы. Sputnik апытаў былых, сапраўдных студэнтаў і іх выкладчыкаў і прадстаўляе вам поўную рэтраспектыву магчымасцяў для святкавання."Святкаваць Дзень студэнта ў інтэрнатах заўсёды весела. Асабліва на першых курсах. Эмоцыі ад паступлення ва ўнівер яшчэ не прытупіліся. Хочацца адчуць сябе дарослым, таму алкаголь ліецца ракой. Работнікі інтэрната ўсё разумеюць і асабліва не ганяюць студэнтаў у гэты дзень ", — распавядае студэнт Аляксандр Івулін.Праўда, дадае, што бліжэй да выпуску на Дзень студэнта ўжо не звяртаеш увагі — працы і клопату станавіцца больш."Калі мая куратарская група філолагаў святкавала "Дзень студэнта", я малявала ім падарункі. Ёсць рэчы, якія нельга купіць або зрабіць сваімі рукамі — чалавечыя якасці, адносіны, эмоцыі. І рэакцыя людзей, якія адкрываюць канверцікі, была для мяне самым запамінальным момантам з нагоды Дня студэнта. Гэта асаблівае пачуццё, калі чалавек разумее, што ты меў на ўвазе, і ты разумееш, што ён зразумеў і ацаніў. А больш ніхто не зразумее, нават калі ўбачыць", — распавядае выкладчык Інстытута журналістыкі Інга Воюш.У пошуках гісторый пра кананічныя спосабы святкавання "Дня студэнта" Sputnik наткнуўся і на аповяд пра тое, што звязаныя з гэтым днём ўспаміны пачалі з'яўляцца толькі па заканчэнні універсітэта."Я перастала быць студэнткай ў 2012 годзе і за пяць гадоў так не адзначыла гэтае свята. Але потым пачалося: у 2013 годзе ў гэты дзень у межах эксперыменту я "прадавала свабодныя вушы" — сядзела ў кафэ і слухала усіх выпадковых мінакоў. У 2014 годзе я сустракала поўнач і Дзень студэнта з Тэа — ён толькі што выйграў адбор на "Еўрабачанне" і мы па гарачых слядах наладзілі яму фотасесію, а ў 2015 годзе я вяла ўжо дзень студэнта ў МІПСА, мы наладзілі спаборніцтвы на лепшыя студэнцкія стравы, змагалася тры каманды", — распавядае свецкі карэспандэнт Кацярына Раманава і рэзюмуе — вясёлае студэнцтва нагнала толькі пасля ўніверсітэта.Чакаючы ўбачыць у афішы мноства мерапрыемстваў па тэме, Sputnik расчараваўся — тэматычныя вечарынкі абяцаюць толькі ў пяці клубах горада, на гэтым размах свята ў горадзе абмяжоўваецца.

беларусь

2016

Навіны

ru_BY

стыль жыцця, грамадства, культура, цiкавосткi, беларусь, дзень студэнта, святы