Польшча плануе ўвесці кантроль на межах з ЕС з 4 ліпеня па 2 жніўня
МІНСК, 26 кра — Sputnik. Улады Польшчы плануюць увесці кантроль на знешніх межах з ЕС з 4 ліпеня па 2 жніўня, паведамляюць польскія СМІ.
Раней міністр замежных спраў Польшчы Вітальд Вашчыкоўскі не выключаў, што з меркаванняў бяспекі будзе ўведзены часовы кантроль на межах.
Увядзенне такіх мер звязана з правядзеннем буйных мерапрыемстваў у Польшчы: саміту НАТА ў Варшаве на пачатку ліпеня і Сусветных дзён моладзі з удзелам Папы Рымскага, якія адбудуцца ў Кракаве ў канцы ліпеня.
Кантроль будзе ўведзены на мяжы з Германіяй, Славакіяй, Чэхіяй і Літвой, а таксама ў аэрапортах і партах.
Тэги:
У міністэрстве адукацыі РБ распавялі, як зменіцца ЦТ
МІНСК, 16 кра – Sputnik. У гэтым годзе ЦТ крыху зменіцца, пра гэта распавёў начальнік галоўнага ўпраўлення адукацыі Міністэрства адукацыі Сяргей Каспяровіч.
Ён запэўніў, што тэсты ў поўным аб'ёме будуць адпавядаць вучэбнай праграме. Аднак пры гэтым частка А скароціцца, а вось частка B - павялічыцца.
"Паступова адбываецца ў нас планамернае скарачэнне часткі А (гэта сучасныя трэнды ў свеце ў частцы падыходаў ацэнкі ведаў), што зніжае верагоднасць угадвання і ўплыў угадвання на агульны вынік, і павелічэнне частцы В", - заявіў Сяргей Каспяровіч.
У гэтым годзе абітурыентаў чакае і некаторае скарачэнне тэстаў - па 11 з 15 прадметаў. Так, на 12 заданняў скароціцца тэст па замежнай мове - з 60 заданняў да 48.
На шэсць заданняў скароцяцца тэсты па біялогіі, хіміі, геаграфіі, грамадазнаўстве, гісторыі Беларусі, сусветнай гісторыі (з 50 да 44 пытанняў).
Без змен застануцца тэсты па рускай і беларускай мовах (40 заданняў), а таксама па фізіцы і матэматыцы (32 пытанні).
Сяргей Каспяровіч яшчэ раз падкрэсліў, што колькасць заданняў у частцы А паменшыцца, у частцы В - стане пабольш. Але вялікай праблемы Міністэрства адукацыі ў гэтым не бачыць.
"Для абітурыента, які сур'ёзна адносіцца да тэста і не забег проста паглядзець на тэст і нешта там адгадаць "авось пройдзе", уласна кажучы, структура тэста - цалкам не значны момант. Калі вядзецца належным чынам падрыхтоўка... то частка А ці частка В не важная. Трэба атрымаць гатовы адказ, а потым яго ўпісаць альбо абраць правільны варыянт з наяўных. Для нармальнага абітурыента гэта павінна працаваць менавіта так", - упэўнены Каспяровіч.
Ён дадаў, што ўсё робіцца для таго, каб стварыць умовы для плённай працы над тэстам і, самае галоўнае, аб'ектыўнай і справядлівай ацэнкі.
У пачатку красавіка Мінадукацыі апублікавала графік ЦТ у 2021 годзе - першае тэставанне намечана на 16 чэрвеня.
Чытайце таксама:
- Мінімальныя балы і новыя магчымасці: што трэба ведаць аб ЦТ-2021
- Квота для беларускіх студэнтаў ва ўніверсітэтах Расіі падвоілася
- Кодэкс аб адукацыі зменіцца ў Беларусі: што ў ім новага
Тэги:
Сустрэча Лукашэнкі і Мішусціна: што абмяркоўваюць у Палацы Незалежнасці
(абноўлена 14:18 16.04.2021)
У Мінску прэм'ер Расіі ў апошні раз быў у верасні 2020 года, тады ў яго таксама адбылася сустрэча з беларускім лідэрам.МІНСК, 16 кра – Sputnik. Прэзідэнт Беларусі анансаваў сустрэчу з Уладзімірам Пуціным у Маскве 22 красавіка.
Аляксандр Лукашэнка і кіраўнік расійскага ўрада Міхаіл Мішусцін у пятніцу ў Мінску абмяркоўваюць назапашаныя ў двухбаковым парадку пытанні, перадае карэспандэнт Sputnik.
"Мы ўчора з Пуціным дамовіліся аб нашым графіку працы па многіх пытаннях. Дзесьці ў канцы красавіка, хутчэй за ўсё 22-га, мы сустрэнемся ў Маскве", - сказаў Лукашэнка. Паводле яго слоў, "будзе сур'ёзная сустрэча па абмеркаванні тых ці іншых праблем".
У сваю чаргу Міхаіл Мішусцін адзначыў, што "ўсе нашы міністры, прадстаўнікі ведамстваў працуюць як над паляпшэннем нашых адносін, так і над надзённымі праблемамі".
Дарожныя карты
Не так даўно на ўзроўні віцэ-прэм'ераў абмяркоўваліся дарожныя карты.
Дагавор аб стварэнні Саюзнай дзяржавы Расіі і Беларусі быў падпісаны 8 снежня 1999 года ў Маскве, у снежні 2019 года - да 20-годдзя дакумента - прапаноўвалася прыняць праграму паглыблення інтэграцыі. Была створана рабочая група па выпрацоўцы прапаноў, бакамі ў агульнай складанасці распрацоўваліся праекты каля 30 галіновых дарожных карт. Аднак праграма да гэтага часу не прынята.
Не выключана, што сёння ў Мінску Лукашэнка і Мішусцін нададуць увагу дадзенай тэматыцы, і праца над дарожнымі картамі будзе фіналізавана.
Інтэграцыя падатковай і мытнай сістэм
Прэм'ер РФ Міхаіл Мішусцін прапанаваў прэзідэнту азнаёміцца з расійскімі напрацоўкамі ў падатковай сферы з мэтай інтэграцыі падатковых сістэм дзвюх краін "без якога-небудзь паглынання".
Па словах Міхаіла Мішусціна, сёння плануецца абмеркаваць, як можна інтэграваць нашы сістэмы.
"Я даўно ведаю беларускіх калег з Мытнай службы, з Падатковай службы. Гэта высокія прафесіяналы. Але нашы сістэмы, паколькі яны ўзаемадзейнічаюць ў пастаянным рэжыме (увесь таваразварот), павінны быць інтэграваныя", - канстатаваў ён.
"Гэта павінна быць выгадна, а ні ў якім разе не быць нейкім паглынаннем", - падкрэсліў расійскі прэм'ер.
Барацьба з кавідам
Міхаіл Мішусцін разлічвае, што Масква і Мінск паспяхова вырашаць сумеснымі намаганнямі праблемы, якія ўзнікаюць у двухбаковых адносінах у сувязі з каронавірусам.
©
Photo : Пресс-служба МИД РФ
Ён адзначыў, што з-за пандэміі каронавіруса адбылося істотнае падзенне расійска-беларускага тавараабароту.
"Але каронавірус адыходзіць, хоць нашы мэдыкі і папярэджваюць пра рызыкі, якія могуць утрымлівацца ў розных варыяцыях штама. Але сумеснымі дзеяннямі мы справімся", - сказаў Мішусцін.
Ён дадаў, што расійскія спецыялісты працуюць сумесна з беларускімі навукоўцамі, а таксама нагадаў, што ў бліжэйшы час Беларусь павінна выпусціць сваю вакцыну ад каронавіруса.
Чытайце таксама:
- Прэм'ер-міністры Беларусі і Расіі абмяркуюць у Мінску далейшую інтэграцыю
- Лукашэнка і Пуцін пагаварылі па тэлефоне
- Лукашэнка высока ацаніў уклад Мішусціна ва ўмацаванне саюзніцкіх адносін
Тэги:
Галоўным для адказу на санкцыі застаецца прынцып узаемнасці - Пяскоў
(абноўлена 14:15 16.04.2021)
Прэс-сакратар расійскага лідэра падкрэсліў, што канчатковае рашэнне па адказе на амерыканскія санкцыі прыме прэзідэнт Расіі Уладзімір Пуцін.МІНСК, 16 кра – Sputnik. Пры выбары Масквой адказу на новыя санкцыі з боку Вашынгтона асноўным застаецца прынцып узаемнасці, пра гэта заявіў журналістам у пятніцу прэс-сакратар расійскага лідэра Дзмітрый Пяскоў.
"У цэлым прынцып узаемнасці ў такіх пытаннях ніхто не адмяняў, гэты прынцып з'яўляецца асноўным. Але яшчэ раз скажу, што ўсё будзе залежаць ад рашэння, якое прыме кіраўнік дзяржавы", - падкрэсліў Пяскоў.
Адказваючы на пытанне, ці вытрымае расійская эканоміка новыя санкцыі з боку ЗША, прэс-сакратар удакладніў, што стабільнасць расійскай эканомікі забяспечваецца ў поўнай меры.
"У поўнай меры забяспечваецца макрастабільнасць, наш рэгулятар дзейнічае умерана, дзейнічае паспяхова, эфектыўнасць працы нашага эканамічнага блока прызнана міжнародна", - сказаў прадстаўнік Крамля.
"Падстаў сумнявацца ў гэтай эфектыўнасці мы не бачым", - заявіў ён.
Санкцыі і канфрантацыя
Прэзідэнт ЗША Джо Байдэн 15 красавіка падпісаў указ аб увядзенні новых санкцый супраць Расіі. МЗС РФ у адказ на гэта заявіў, што Вашынгтон павінен усвядоміць - яму давядзецца расплачвацца за дэградацыю адносін з Масквой. У знешнепалітычным ведамстве падкрэслілі, што варожыя крокі ЗША небяспечна павышаюць градус канфрантацыі паміж Расіяй і ЗША.
Амерыканскія санкцыі ўведзены супраць 32 расійскіх фізічных асоб і арганізацый. Вашынгтон высылае 10 супрацоўнікаў дыпмісіі РФ у Вашынгтоне. Рэстрыкцыі ЗША супраць Масквы будуць накіраваны і ў дачыненні да расійскага суверэннай доўгу.
Чытайце таксама:
- ЗША заявілі пра новыя санкцыі супраць Расіі, Масква абяцае жорсткую рэакцыю
- Польшча абвясціла траіх расійскіх дыпламатаў персонамі нон грата
- Як Расія жадае выбудоўваць адносіны з ЗША, распавялі ў МЗС РФ
Тэги: