Мужчына п'е гарэлку

Мінгарвыканкам: змагацца з п'янствам рабочых перашкаджаюць правы чалавека

18
Сталічныя ўлады прыводзяць у якасці прыкладу ААТ "Мапід", дзе дастаткова эфектыўна вырашылі праблему ўжывання спіртнога ў працоўны час.

МІНСК, 26 кра — Sputnik. Мінскі гарадскі выканаўчы камітэт даўно намерваецца ўвесці забарону на продаж алкаголю грамадзянам у рабочай уніформе, аднак не можа праз парушэнні такімі мерамі правоў чалавека, заявіла журналістам у сераду начальнік аддзела аховы працы Камітэта па працы, занятасцi i сацыяльнай абароне Мінгарвыканкама Наталля Несцяровіч.

Прадстаўнік выканкама адзначыла, што многія сталічныя прадпрыемствы, асабліва тыя, якія займаюцца будаўніцтвам, змаглі вырашыць праблему п'янства працаўнікоў, напрыклад ААТ "Мапід".

"Мы прапаноўвалі забараніць прадаваць у крамах алкаголь людзям у уніформе, у рабочым адзенні… Але не прынялі гэтую ідэю, нам сказалі, што гэта парушае правы чалавека", — заявіла Несцяровіч.

Яна таксама паведаміла, што сталічныя ўлады прадоўжаць працаваць над увядзеннем падобных мер.

"Ёсць станоўчыя прыклады такіх забаронаў — напрыклад, калі ў дні выпускных не прадаюць алкаголь", — аргументавала чыноўніца.

Паводле слоў Несцяровіч, асобныя мерапрыемствы па папярэджанні п'янства на працоўных месцах пройдуць і ў межах месячніка па ахове працы, які хутка будзе абвешчаны ў Мінску.

18
Тэги:
Ахова працы, Камітэт па працы, занятасці і сацыяльнай абароне Мінгарвыканкама, Мінскі гарадскі выканаўчы камітэт, Мінск, Беларусь

Расіян павіншавалі з Днём Расіі з космасу - відэа

5
(абноўлена 15:19 12.06.2021)
Касманаўты Алег Навіцкі і Пётр Дубраў адрасавалі віншаванні жыхарам Расіі з борта Міжнароднай касмічнай станцыі.

МІНСК, 12 чэр – Sputnik. Расійскі экіпаж МКС у складзе касманаўтаў Алега Навіцкага і Пятра Дубрава адрасаваў віншаванні грамадзянам Расіі са святам з борта МКС. Відэа даступна на афіцыйным сайце Раскосмаса.

"Дарагія сябры, мы - касманаўты Раскосмаса Алег Навіцкі і Пётр Дубраў - віншуем вас з адным з самых галоўных свят нашай радзімы - Днём Расіі", - адзначыў выхадзец з Беларусі Алег Навіцкі.

З кожным годам сэнс і значэнне Дня Расіі становяцца ўсё больш важнымі, сугучнымі пранікнёным пачуццям пра тое, што Расія для ўсіх нас - самае роднае месца на зямлі, дадаў Пётр Дубраў.

Мы сэрцам адчуваем сувязь з нашай гісторыяй і духоўнымі каштоўнасцямі, і гэтая трывалая нітка злучае ўсе пакаленні, сказаў Навіцкі.

Расія, паводле слоў Навіцкага, багатая на разумных, таленавітых і мэтанакіраваных людзей. Мы можам дамагацца надзвычайных поспехаў, рэзюміравалі касманаўты.

Чытайце таксама:

5
Тэги:
Міжнародная касмічная станцыя, Расія, Віншаванні, Алег Навіцкі, касманаўт, відэа, Космас, Дзень Расіі, расіяне
Медыцынскія работнікі

Карціна мяняецца: Міністэрства аховы здароўя агучыла новыя дадзеныя па каронавірусе

6
(абноўлена 15:11 12.06.2021)
Амаль 900 беларусаў заразіліся COVID-19 за суткі - днём раней станоўчых тэстаў было на сто з лішнім больш, медыкі ўжо агучвалі прагноз аб зніжэнні захворвання на фоне цёплага надвор'я.

МІНСК, 12 чэр – Sputnik. За мінулыя суткі ў Беларусі зарэгістраваны 895 пацыентаў са станоўчым тэстам на COVID-19, паведамілі ў Міністэрстве аховы здароўя краіны. За дзень да гэтага тых, хто захварэў, налічвалася 1 026 чалавек. Зыходзячы з лічбаў, назіраецца тэндэнцыя да зніжэння захворвання, што раней прагназавалі спецыялісты.

За суткі 937 беларусаў былі выпісаны з бальніц, усяго былы праведзены 15 965 тэстаў на каронавірус.

Таксама Міністэрства аховы здароўя агучыла агульную статыстыку па захворванні ад пачатку пандэміі - усяго ў краіне былі зарэгістраваны 404 740 чалавек са станоўчым тэстам на COVID-19, ачунялі 397 587 пацыентаў. Колькасць смяротных зыходаў склала 2 969, яшчэ 11 беларусаў памерлі ад наступстваў каронавіруса за мінулыя суткі.

На новую партыю вакцыны "далі дабро"

Міністэрства аховы здароўя Беларусі атрымала з Расіі дазвол на выкарыстанне 180 тысяч доз другога кампанента вакцыны "Спутник V", вырабленай на прадпрыемстве "Белмедпрэпараты". Напярэдадні вечарам партыі вакцын былі дастаўлены спецыялістамі РУП "Белфармацыя" ва ўсе рэгіёны для працягу вакцынацыі па месцы жыхарства жадаючых.

На дадзены момант у Беларусі 690 тыс чалавек атрымалі першую дозу вакцыны супраць COVID-19, з іх больш за 380 тыс - прайшлі поўны курс вакцынацыі.

Міністэрства аховы здароўя таксама растлумачыла тэрміны ўвядзення другога кампанента вакцыны - інтэрвал паміж першай і другой прышчэпкай прэпаратам "Спутник V" можа складаць ад 21 дня да 90 дзён у сувязі са скаргамі ў шэрагу паліклінік на адсутнасць другога кампанента вакцыны.

Чытайце таксама:

6
Тэги:
захворванне, прагноз, медык, тэст, COVID-19, беларусы, каронавірус, дадзеныя, Міністэрства аховы здароўя
Тэмы:
Каронавірус COVID-19