МІНСК, 4 сак – Sputnik. Упершыню ў гісторыі Беларусі сярэдні ўзрост суіскальнікаў вучоных ступеняў сярод дактароў навук склаў ніжэй за 50 гадоў, пра гэта ў ходзе прэс-канферэнцыі ў Нацыянальным прэс-цэнтры распавёў намеснік старшыні Вышэйшай атэстацыйнай камісіі (ВАК) Рэспублікі Беларусь Кірыл Дабрэга.

"Доля ўладальнікаў ступеняў у тэхнічных навуках складае 19,9%, у медыцынскіх - 14,3%, фізмат - 10,9%. Сярэдні ўзрост суіскальнікаў вучоных ступеняў для кандыдатаў навук складае 35,5 гадоў. Сярэдні ўзрост дактароў навук - 49,8 гадоў. У справаздачным 2020 годзе гэты паказчык упершыню стаў ніжэй за 50 гадоў", - адзначыў Кірыл Дабрэга.

У 2020 годзе ВАК прысудзіў вучоную ступень 347 суіскальнікам. З іх 40 дактарам навук і 307 кандыдатам навук. Вучонае званне прафесара прысвоена 31 суіскальніку, дацэнта - 313 суіскальнікам.

Больш за ўсё ўладальнікаў вучоных ступеняў зафіксавана ў тэхнічных навуках, далей ідуць медыцынскія, фізіка-матэматычныя, эканамічныя, біялагічныя.

Найменшая колькасць уладальнікаў вучоных ступеняў назіраецца ў геолага-мінералагічнай сферы, а таксама архітэктуры і фармацэўтыцы.

Уладальнікамі вучоных ступеняў сталі 34 замежных грамадзяніна з 9 краін. Больш за ўсё навуковых прац было абаронена грамадзянамі Кітая (16 чалавек), Расіі і В'етнама (па 5).

Кантроль якасці навуковых работ адбываецца дзякуючы правядзенню спецыяльнай экспертызы, распавядае намеснік старшыні ВАК.

"Экспэртыза праводзіцца як экспертнымі саветамі, так і прэзідыумам ВАК. Пры неабходнасці прызначаюцца і дадатковыя экспертызы", - растлумачыў Дабрэга.

У 2020 годзе ВАК не зацвердзіў 27 дысертацый (менш за 8% ад усіх навуковых работ). Годам раней такіх было 47 (каля 12%). Больш за ўсё адмоўных ацэнак ВАК было зафіксавана па эканамічных галінах.

Чытайце таксама:

• Спецкамісія будзе шукаць плагіят у дысертацыях беларускіх навукоўцаў
• Беларускія навукоўцы даказалі, што пальмавы алей шкодны для здароўя
• НАН: беларусы не атрымліваюць Нобелеўскую прэмію з-за сціпласці

МІНСК, 4 сак – Sputnik. За апошнія суткі ў Беларусі адзначаны 1 174 новыя выпадкі заражэння COVID-19, свежую статыстыку апублікавала Міністэрства аховы здароўя.

Ад пачатку пандэміі ў краіне дыягназ "каронавірус" паставілі 291 621 чалавеку. Ачунялі 282 039 пацыентаў, з іх 1 273 - за апошнія суткі.

Яшчэ дзевяць чалавек сталі ахвярамі хваробы, усяго ў Беларусі ад пачатку пандэміі зафіксаваны 2 011 выпадкаў смярцей пацыентаў з пацверджаным дыягназам "каронавірус".

У краіне праведзены ўжо 4 951 979 тэстаў, 18 006 - толькі за апошнія суткі.

Калі чакаць трэцюю хвалю

Міністр аховы здароўя краіны Дзмітрый Піневіч раней заяўляў, што вясной захворванне можа некалькі вырасці: гэта звязана і з "хвалепадобнай практыкай эпідэмічнага працэсу", і з распаўсюджваннем у гэты час вірусаў грыпу. Зрэшты, паколькі ад апошняга прышчэплены больш за 40% насельніцтва, вялікай нагрузкі на ахову здароўя быць не павінна.

Акрамя таго, кіраўнік ведамства заявіў, што Міністэрства аховы здароўя актыўна маніторыць з'яўленне новых штамаў каронавіруса на беларускай тэрыторыі. І пакуль ні брытанскі, ні паўднёваафрыканскі штам ў Беларусі не выяўлены.

Вакцынацыя ад каронавіруса

У мінулую пятніцу ў краіне вырабілі першую пробную партыю вакцыны ад каронавіруса на прадпрыемстве "Белмедпрэпараты" па расійскіх тэхналогіях. Выпрабавальны разліў вакцыны пачаўся 1 сакавіка. У краіне плануюць выпускаць па 500 тысяч доз вакцыны "Спутник V" у месяц - усё будзе залежаць ад магчымасцей і патрэб.

Міністр аховы здароўя Дзмітрый Піневіч раней заяўляў, што ў рэспубліцы масавая вакцынацыя ад каронавіруса пачнецца з красавіка. Зараз установы аховы здароўя запісваюць усіх жадаючых на прышчэпку і вывучаюць попыт.

Чытайце таксама:

• Вакцына "Спутник V" праходзіць экспертызу ў Еўрасаюзе
• Мінздароўя абнавіла пералік краін, па прыбыцці з якіх патрэбна самаізаляцыя
• Прыняць як дадзенасць: Мяснікоў агучыў "цынічны прагноз" аб каронавірусе