https://bel.sputnik.by/20160919/1025275910.html

Галоўнае – прафілактыка: як уберагчыся ад прастуды і грыпу?

Галоўнае – прафілактыка: як уберагчыся ад прастуды і грыпу?

Sputnik Беларусь

Сезонны рост захворвання звычайна прыпадае на зіму, аднак з-за рэзкага пахаладання многія пачынаюць "шморгать" носам і пакутаваць ад боляў у горле ўжо зараз. 19.09.2016, Sputnik Беларусь

2016-09-19T12:45+0300

2016-09-19T12:45+0300

2016-09-21T12:19+0300

у беларусі

навіны

грамадства

галоўнае

беларусь

міністэрства аховы здароўя рэспублікі беларусь

https://cdnn11.img.sputnik.by/img/101982/77/1019827779_0:145:2398:1494_1920x0_80_0_0_74f5cc6028aff2753813ba5a447180bf.jpg

МІНСК, 19 вер — Sputnik. Асноўныя меры прафілактыкі ад прастуды і грыпу дапамогуць вам зберагчы сябе і блізкіх ад хваробы, паведамілі Sputnik у Міністэрстве аховы здароўя Беларусі. Пахаладанне прыйшло ў Беларусь на мінулым тыдні: слупкі тэрмометраў апусціліся да +11…15 градусаў цяпла. Па папярэдніх прагнозах сіноптыкаў, такое надвор'е захаваецца і ўвесь верасень.Традыцыйна пасля наступлення сапраўднай восені многія беларусы скардзяцца на насмарк, болі ў горле і тэмпературу. Sputnik пры дапамозе Міністэрства аховы здароўя вырашыў нагадаць усім аб мерах прафілактыкі ад прастуды, грыпу і іншых рэспіраторных захворванняў.Мыйце рукі і не чапайце тварКаб не "падхапіць" вірус, варта згадаць парады з дзяцінства: як мага часцей мыць рукі. Так вы зможаце зберагчы сябе ад заразы, якую маглі б атрымаць у горадзе.Вядома ж, абавязкова варта памыць рукі пасля кантактаў з ужо хворым чалавекам. Раяць медыкі таксама і як мага радзей чапаць свой твар — так вы можаце спрасціць задачу хваробы па пранікненні ў вашы дыхальныя шляхі.Калі вы ўжо кашляеце ці нават чхаеце — не трэба рабіць гэта ў далонь або кулачок, абзавядзіцеся спецыяльнай хусткай.Больш вады, гародніны і садавіныШмат каму вядомая кітайская народная мудрасць "Сваю хваробу шукай на дне талеркі". Належыць гэта не толькі да парушэння стрававання і абмену рэчываў, але і да ўсіх іншых захворванняў.Каб умацаваць свой арганізм, спецыялісты Міністэрства аховы здароўя раяць піць як мага больш вадкасці. Перавагу можаце аддаваць і чаям — асабліва з мёдам. Таксама медыкі рэкамендуюць умацоўваць імунітэт пры дапамозе расліннай ежы — гародніны, садавіны і салатаў.Спіце і дыхайцеАрганізм умацоўвае і правільны адпачынак. Абавязкова высыпайцеся і, па магчымасці, не пазбягайце фізічных нагрузак: падыйдуць нават шпацыры па парку паблізу дома.Дома і на працы лекары раяць павялічыць прыток свежага паветра — ветрыце памяшканне як мага часцей, але самі на гэты час выходзіце — інакш "прадзьме".Галоўнае правіла — пры першых прыкметах захворвання звяртайцеся да доктара, не займайцеся самалячэннем.

беларусь

2016

Навіны

ru_BY

у беларусі, навіны , грамадства, галоўнае, беларусь, міністэрства аховы здароўя рэспублікі беларусь