Круглы стол па аказанні першай дапамогі

Адзіны нумар экстраных службаў створаць у Беларусі

18
Пакуль жа чалавека, які апынуўся ў экстрэмальнай сітуацыі, пераключаць на неабходны нумар з любой лініі экстраных службаў.

МІНСК, 16 кас — Sputnik. У нашай краіне плануецца стварэнне адзінага нумара экстраных службаў — чалавеку, які апынуўся ў экстрэмальнай сітуацыі, не давядзецца разважаць, у якую службу звяртацца ў першую чаргу.

Патрэбен адзін званок

"У хуткім часе нумар выкліку экстраных службаў стане адзіным — зараз высвятляюцца тэхнічныя аспекты, пытанні перадачы каналаў", — патлумачыла на круглым стале ў мультымедыйным прэс-цэнтры Sputnik намеснік начальніка галоўнага ўпраўлення арганізацыі медыцынскай дапамогі Міністэрства аховы здароўя Беларусі Людміла Жылевіч.

Зрэшты, ужо сёння, калі вы тэлефануеце ў адну з экстраных службаў, ніхто не стане прасіць вас ператэлефанаваць па іншым тэлефоне, вас проста пераключаць на канал патрэбнай службы. Далёка не ўсё ў курсе, але дыспетчары службы 103 не толькі накіруюць да вас брыгаду хуткай дапамогі, але і падкажуць, як аказаць першую дапамогу пацярпелым.

"Мы развіваем гэты кірунак, нашы дыспетчары праходзяць спецыяльную падрыхтоўку па кансультаванню людзей, якія трапілі ў экстрэмальную сітуацыю. Яны падкажуць, як аказаць першую дапамогу не толькі ў выпадку аўтакатастрофы або надзвычайнай сітуацыі, але і ў бытавых сітуацыях, калі камусьці стала дрэнна", — патлумачыла Жылевіч.

Важна пачуць слова

Часцей за ўсё чалавек, які трапіў у экстрэмальную сітуацыю, знаходзіцца ў разгубленасці, адчувае стрэс. У гэты момант ён не можа ўзгадаць нават тое, што ведае па аказанні першай дапамогі. "У службе 103 заўжды ёсць рэзервовая адзінка, на якую вас пераключаць у выпадку неабходнасці, каб спецыяліст "давёў" вас да прыезду медыкаў. Гэтыя кансультанты прайшлі спецыяльнае навучанне, ведаюць алгарытмы першай дапамогі ў надзвычайных сітуацыях, ведаюць, як камунікаваць з чалавекам, які адчувае стрэс", — патлумачыла Жылевіч.

18
Тэги:
Міністэрства аховы здароўя Рэспублікі Беларусь, Людміла Жылевіч, Беларусь
Каментары