Старонка сайта komplat.by

Мінчане зноў могуць уводзіць паказанні лічыльнікаў вады анлайн

9
(абноўлена 12:31 28.11.2016)
Жыхары сталіцы і Мінскага раёна сутыкнуліся з праблемай на пачатку месяца, калі сайт komplat.by перастаў працаваць з-за пераходу на АІС "Разлік-ЖКП".

МІНСК, 25 ліс — Sputnik. Уводзіць паказанні лічыльнікаў індывідуальнага ўліку вады зноў можна анлайн пры дапамозе сайта komplat.by, паведаміў Sputnik прадстаўнік ЦІТ Мінгарвыканкама Аляксандр Казлоў.

Жыхары Мінска сутыкнуліся з праблемамі пры аплаце ЖКП пасля пераходу на адзіную сістэму АІС "Разлік-ЖКП": з-за тэхнічных збояў многія не змаглі своечасова аплаціць паслугі ці позна атрымалі жыроўкі. Улады пайшлі насустрач беларусам і дазволілі плаціць за камуналку пазней з "нулявой пянёй".

Вялікай праблемай для многіх было паведаміць інфармацыю пра сведчанні лічыльнікаў уліку вады: раней мінчане пераважна гэта рабілі праз інтэрнэт, аднак з пераходам на сістэму адмысловы сайт часова спыніў сваю працу.

Як паведамілі Sputnik у ЦІТ у пятніцу, на сайце komplat.by зноў з'явілася магчымасць паведамляць дадзеныя аб халоднай і гарачай вадзе. Іншыя функцыі сайта пакуль не працуюць. Таксама зараз карыстацца ім могуць толькі зарэгістраваныя раней карыстальнікі.

Як альтэрнатыву сайту раней камунальныя службы рэкамендавалі звяртацца ў службу 115 або і зусім ісці з дадзенымі аб расходзе вады ў мясцовыя ЖЭСы, што выклікала незадаволенасць жыхароў сталіцы.

9
Тэги:
Жыллёва-камунальная гаспадарка, Мінгарвыканкам, Мінск, Беларусь
Каментары