Бутэлькі з шампанскім, архіўнае фота

Дэпутаты прынялі дэкрэт, які тычыцца захоўвання алкаголю дома

8
Дакумент узмоцніць адказнасць за продаж фізічнымі асобамі алкаголю без акцызаў, усталяваны штраф ад 10 да 20 базавых велічынь.

МІНСК, 29 ліс — Sputnik. Дэкрэтам, які рэгулюе захоўванне і перавоз алкаголю без акцызных марак фізічнымі асобамі, узмацняецца адказнасць за продаж алкаголю, заявіў міністр па падатках і зборах Сяргей Налівайка, прадстаўляючы дакумент у парламенце ў аўторак.

Дэпутаты ў аўторак 29 лістапада разгледзяць пытанне "Аб Дэкрэце Прэзідэнта Рэспублікі Беларусь ад 8 лістапада 2016 г. №5 "Аб перамяшчэнні, захоўванні і продажы фізічнымі асобамі алкагольных напояў".

"Дэкрэт выдадзены ў мэтах комплекснага ўдасканалення механізмаў процідзеяння незаконнаму абароту алкагольных напояў і прадугледжвае адмену абмежавання па колькасці алкагольных напояў, маркіраваных акцызнымі маркамі, якія фізічныя асобы могуць захоўваць і перамяшчаць", — заявіў міністр.

Паводле яго слоў, дэкрэтам адмяняецца абмежаванне па дазволенай да захоўвання для асабістых мэтаў колькасці алкагольных напояў, не маркiраваных акцызамі і захоўваецца гранічны аб'ём — пяць літраў такіх алкагольных напояў, якія фізічныя асобы маюць права перамяшчаць па тэрыторыі краіны. За парушэнне дэкрэта ўстаноўлена адказнасць у выглядзе штрафу ад 10 да 20 базавых велічынь.

Ён таксама падкрэсліў, што абарот нелегальнага алкаголю ў краіне за апошнія гады скараціўся ў пяць разоў, але праблема ўвозу нелегальнага алкаголю яшчэ захоўваецца.

Па словах міністра, пераважная колькасць нелегальнага алкаголю ў краіну ўвозіцца з Расіі.

"Нелегальны алкаголь вязуць звычайна з Расіі, ён мае прывабны выгляд і нізкую якасць", — сказаў міністр.

8
Тэги:
Палата прадстаўнікоў Нацыянальнага Сходу РБ, Беларусь
Каментары