Медсястра рыхтуе працэдуры для пацыентаў рэанімацыйнай палаты

Мінздраў можа забараніць медработнікам насіць шпількі і кароткія халаты

9
У медыкаў яшчэ ёсць час - да 29 снежня - выказаць свае заўвагі да прапанаванага праекта Норм медыцынскай этыкі і дэанталогіі.

МІНСК, 11 сне — Sputnik. Праект Норм медыцынскай этыкі і дэанталогіі, апублікаваны на сайце Міністэрства аховы здароўя Беларусі, мае пэўныя патрабаванні да манеры зносін з пацыентамі і да знешняга выгляду медработнікаў і фармацэўтаў.

"Нормы медыцынскай этыкі і дэанталогіі ўключаюць у сябе захаванне медыцынскімі, фармацэўтычнымі работнікамі пры выкананні службовых абавязкаў маральна-этычных нормаў, нормаў узаемаадносін з пацыентамі, калегамі, <…> нормаў вонкавага выгляду, а таксама агульнапрынятых нормаў этыкі", — гаворыцца ў праекце пастановы "Аб зацвярджэнні норм медыцынскай этыкі і дэанталогіі".

Мяркуецца, што медперсанал і фармацэўты павінны прытрымвацца наступных маральна-этычных нормаў: павага, спачуванне, гуманнасць, ветлівасць, талерантнасць, стрыманасць, калегіяльнасць, дэмакратычнасць, неканфліктнасць, канфідэнцыяльнасць.

Пры гэтым "грамадскае меркаванне і крытыка не павінны ўплываць на правамернасць і абгрунтаванасць дзеянняў медыцынскіх, фармацэўтычных работнікаў", ім неабходна быць "палітычна нейтральнымі і цалкам выключыць магчымасць якога-небудзь уплыву палітычных партый ці грамадскіх арганізацый на рашэнні, што прымаюцца".

Асобным пунктам прапісаны патрабаванні да знешняга выгляду медработнікаў і фармацэўтаў: "дапушчальнай даўжынёй халата лічыцца даўжыня, якая затуляе 2/3 сцягна; прычоска павінна быць акуратнай, манікюр — стрыманым, доўгія валасы сабраны".

"Не дапускаецца нашэнне медыцынскага адзення з празрыстай тканіны, спартыўнага адзення, шыйных хустак, шалікаў, буйных ювелірных упрыгожванняў і біжутэрыі", — гаворыцца ў праекце.

Калі праект нормаў ухваляць, пад забаронай апынецца і некаторы абутак, у прыватнасці "пляжны, а таксама няўстойлівы і які выклікае шум, у тым ліку на высокім абцасе". Нельга будзе і карыстацца яркай касметыкай і парфумерыяй з рэзкім пахам.

Заўвагі і прапановы па гэтым праекце пастановы прымаюцца да 29 снежня 2016 года ў кіраванні кадравай палітыкі, устаноў адукацыі Міністэрства аховы здароўя.

9
Тэги:
Міністэрства аховы здароўя
Прыватны сектар у Мінску

Яшчэ больш прыватных забудоў знясуць ў Мінску - вось адрасы

8
Сталічныя ўлады ўнеслі змены ў некаторыя праекты дэталёвага планавання гарадскіх тэрыторый. Паводле дакументаў, у горадзе ў бліжэйшы час стане яшчэ на некалькі сядзібных кварталаў менш.

МІНСК, 23 кра – Sputnik. Мінгарвыканкам зацвердзіў тры праекты дэталёвага планавання, рашэнні апублікаваны на Pravo.by.

Улады адкарэктавалі ПДП для трох участкаў сталіцы. Адзін з іх знаходзіцца ў межах вуліцы Ульянаўскай - ракі Свіслач - чыгункі Мінск-Барысаў - вуліцы Свярдлова (раён пазначаны на карце фіялетавым колерам). Знясуць жылыя і адміністрацыйныя будынкі - на завулку Круглы, 1, 3, 7, 9, 14; вуліцы Ульянаўскай, 27/2; вуліцы Беларуская, 6, 8, 10 12; а таксама вытворчыя будынкі і адміністрацыйныя карпусы - на Свярдлова, 23. На іх месцы пабудуюць тры аб'екты грамадскага прызначэння, "адпаведных сталічнага ўзроўню" і новыя вуліцы.

Засваенне тэрыторыі прадугледжвае захаванне існуючай жылой шматкватэрнай забудовы, рэканструкцыю тэрыторыі Беларускага дзяржаўнага тэхналагічнага ўніверсітэта, захаванне будынка на Ульянаўскай, 29 са статусам гісторыка-культурнай каштоўнасці (у доме жыў і працаваў вядомы жывапісец Іван Ахрэмчык - Sputnik) і будынкаў пасольстваў Малдовы і Лівіі на вуліцы Беларуская.

На другім участку ў межах Лагойскі тракт - вуліца Валгаградская - вуліца Кутузава - вуліца Севастопальская ў раёне гасцінца плануецца знос сядзібнай забудовы да 2023. На гэтым месцы ўзвядуць шматкватэрную інтэграваную забудову амаль на 24 тысячы "квадратаў". На скрыжаванні Валгаградскай і Наўгародскай знясуць малаэтажную шматкватэрную забудову і пабудуюць на яе месцы шматкватэрную інтэграваную на 11,5 тысяч квадратных метраў. У квартале паміж вуліцамі Кутузава, Севастопальскай і Чайкоўскага ўзвядуць вялізны паркінг.

Што тычыцца трэцяга ўчастка, то ў межах вуліц Шаранговіча - Панамарэнкі - ландшафтна-рэкрэацыйнай зоны 336 ЛР - вуліцы Ельскіх - Максіма Гарэцкага - жылой шматкватэрнай зоны 178 ЖМ і вытворчай зоны 205 П3 плануецца пабудаваць медыцынскі цэнтр, аб'екты грамадскага харчавання, школы, ФАК з басейнам да 2025 года. Нічога зносіць тут не будуць, плануюць толькі перанесці АЗС і гаражны кааператыў у іншае месца.

Што яшчэ знясуць?

Раней старшыня камітэта архітэктуры і горадабудаўніцтва Мінгарвыканкама Вольга Верамей распавяла, што ў бліжэйшы час зносу прыватнага сектара варта чакаць жыхарам наступных кварталаў (пазначаныя на карце чырвоным колерам):

  • у межах праспекта Дзяржынскага - вуліц Акрэсціна - Пермская,
  • вуліца Гусоўскага - завулак Адоеўскага - завулак Снежны,
  • вуліца Аэрадромная - Авакяна - Сеніцкая - завулак Нафтавы,
  • вуліца Стасава - Землямерная - Фаніпальская,
  • вуліца Арлоўская - Нававіленская - Шчадрына - Гая,
  • вуліца Гало - Лук'яновіча - Літаратурная - завулак Пасялковы.
Планируемые места сноса частного сектора в Минске
© Photo
Плануемыя месцы зносу прыватнага сектара ў Мінску

Зараз афармляецца дазвольная дакументацыя для распрацоўкі праектаў кварталаў шматкватэрных дамоў на гэтых тэрыторыях.

Чытайце таксама:

8
Тэги:
гарадскія тэрыторыі, горад, планаванне, Мінск, улада
Аляксандра Герасіменя

Ці патрапіць Герасіменя ў "чырвоны спісак" Інтэрпола - СК РБ абвясціў яе ў вышук

9
(абноўлена 12:45 23.04.2021)
Беларуская "залатая рыбка" і спартыўны функцыянер праходзяць у якасці абвінавачаных па крымінальнай справе, пракурор даў санкцыю на іх затрыманне.

МІНСК, 23 кра – Sputnik. Беларускія праваахоўныя органы могуць накіраваць у Міжнародную арганізацыю крымінальнай паліцыі (Інтэрпол) запыт аб вышуку вядомай беларускай спартсменкі Аляксандры Герасімені і спартыўнага функцыянера Аляксандра Апейкіна, лічыць эксперт у галіне крымінальнага права.

У Беларусі ў дачыненні да іх была ўзбуджана крымінальная справа па ч.3 арт.361 (заклікі да здзяйснення дзеянняў, накіраваных на прычыненне шкоды нацыянальнай бяспецы Рэспублікі Беларусь, учыненыя з выкарыстаннем СМІ і глабальнай камп’ютэрнай сеткі Інтэрнэт)". У мінулы чацвер СК Беларусі заявіў, што пракурорам санкцыянавана прымяненне да абодвух абвінавачаных меры стрымання ў выглядзе заключэння пад варту і яны аб'яўлены ў вышук.

"Паводле існуючага нацыянальнага і міжнароднага заканадаўства, Беларусь мае права звярнуцца ў Інтэрпол і заявіць асобу, якой у РБ прад'яўлена абвінавачванне па крымінальным артыкуле, у міжнародны вышук", - паведаміў Sputnik эксперт.

Паводле яго слоў, калі чалавека, які знаходзіцца за мяжой, абвяшчаюць у вышук, то маецца на ўвазе толькі міжнародны вышук. Выключэнне складае Расійская Федэрацыя.

"У выпадку з Расіяй гаворка ідзе аб міждзяржаўным вышуку ў рамках Саюзнай дзяржавы", - растлумачыў ён.

Пры гэтым эксперт удакладніў, што абвяшчэнне асобы краінай-ініцыятарам ў міжнародны вышук не азначае, што абвінавачваны трапіць у так званы "чырвоны спіс" Інтэрпола.

"Там (у Інтэрполе - Sputnik) ёсць рэгламент, які прадугледжвае, каб гэта не быў пераслед па палітычных, рэлігійных і іншых матывах, а выключна за здзяйсненне крымінальна каральнай і супрацьпраўнай дзейнасці", - адзначыў спецыяліст.

Як затрымлівае Інтэрпол

Згодна з міжнароднымі правіламі, якіх прытрымліваюцца ўсе краіны-ўдзельніцы Інтэрпола, да чалавека, у краіне знаходжання прымяняюцца абмежаванні толькі тады, калі ён трапіў у спіскі арганізацыі.

"Вось калі ён аб'яўлены ў міжнародны вышук па лініі Інтэрпола, тады тая краіна, дзе знаходзіцца чалавек, мае падставы для яго затрымання. Як правіла, абвінавачанага змяшчаюць у СІЗА на 30-40 сутак, інфарміруюць краіну-ініцыятара і міжнародную паліцыю, шлюць у Інтэрпол дакументы аб тым, што асоба ідэнтыфікавана. Пасля гэтага падаюць дакументы ў суд, які прымае рашэнне аб экстрадыцыі або выдачы", - сказаў эксперт.

У "чырвоным спіску" Інтэрпола

Распавядаючы пра наступствы траплення ў "чырвоны спісак" Міжнароднай паліцыі, суразмоўца агенцтва растлумачыў, што "дадзеныя на чалавека выстаўляюцца ў картатэку Інтэрпола. І прынятае гэтай арганізацыяй рашэнне аб затрыманні той ці іншай асобы з'яўляецца абавязковым для ўсіх краін-удзельніц".

"Як толькі адпаведная камісія Інтэрпола прыняла рашэнне, прозвішча выстаўляецца ў базу, і, дзе б гэта асоба не з'явілася, у якую б краіну не прыляцела, у аэрапорце, адразу супрацоўнік мытні або міграцыйнай службы адкрывае спісак Інтэрпола, і звярае дадзеныя", - сказаў суразмоўца агенцтва.

У спісках не значацца

У цяперашні час прозвішчаў грамадзян Беларусі, у дачыненні да якіх у другой палове 2020 годзе і ў 2021 годзе былі ўзбуджаны крымінальныя справы, і яны былі абвешчаны ў вышук, у спіске на сайце Інтэрпола няма.

У Інтэрпол уваходзяць больш за 190 краін. У кожнай з іх створаны адпаведныя нацыянальныя структуры. Рэспубліка Беларусь уступіла ў члены МАКП Інтэрпол 29 верасня 1993 года.

Чытайце таксама:

9
Тэги:
затрыманне, санкцыі, пракурор, крымінальная справа, справа, Вышук, СК РБ, Інтэрпол, Аляксандра Герасіменя
Тэмы:
Пратэсты пасля выбараў у Беларусі