Паведамленне на сайце komplat.by

Мінчане стварылі петыцыю за захаванне сайта komplat.by

4
(абноўлена 13:31 28.12.2016)
Цяпер жыхары сталіцы могуць даведацца пра налічэнні за жыллёва-камунальныя паслугі толькі ў сістэме АІС "Разлік-ЖКП".

МІНСК, 28 сне — Sputnik. Жыхары Мінска стварылі петыцыю ў падтрымку інтэрнэт-рэсурсу komplat.by, з дапамогай якога мінчане і грамадзяне, якія пражываюць у сталічным раёне, даведваліся пра налічэнні за жыллёва-камунальныя паслугі.

У кастрычніку ў Беларусі была ўведзена ў дзеянне АІС "Разлік-ЖКП" — адзіная праграма, у рамках якой могуць ажыццяўляцца разлік, ўлік і налічэнне ЖКП і безнаяўных субсідый. З-за адсутнасці інтэграцыі komplat.by і АІС першы быў вымушаны ў снежні спыніць працу.

"Улічваючы, што падаваць дадзеныя па індывідуальных прыборах уліку вады з дапамогай СМС або па тэлефоне значна менш зручна, просім прадугледзець у новай сістэме магчымасць падачы дадзеных з выкарыстаннем сеткі інтэрнэт, як гэта было ў komplat.by", — пазначана ў петыцыі.

Аўтары звароту таксама заявілі, што "пры існуючым узроўні інфарматызацыі ў Беларусі такі спосаб арганізацыі працы з насельніцтвам не проста больш цывілізаваны і зручны, але і проста лагічны і заканамерны".

"Ён дазволіць наблізіцца да стварэння адзінай інфармацыйнай прасторы, знізіць затраты на апрацоўку інфармацыі, удасканаліць працэс налічэнняў плацяжоў і, у рэшце рэшт, павысіць узровень даверу і лаяльнасці насельніцтва да ўлады", — заключылі ў тэксце петыцыі.

За некалькі дзён пад зваротам пакінулі свае подпісы каля дзвюх тысяч чалавек.

4
Тэги:
АІС "Разлік ЖКП", ЖКП, Мінск, Беларусь
Каментары