Паляўнічыя з сабакай, архіўнае фота

Фітнэс і больш клятчаткі: мужчын у Іўеўскім раёне пераконваюць худнець

13
(абноўлена 09:06 22.02.2017)
Сацыяльны эксперымент для поўных мужчын прыдумала доктар Трабскай амбулаторыі і ўгаварыла паўдзельнічаць у ім 10 мясцовых мужчын.

МІНСК, 16 лют — Sputnik. Сацыяльны эксперымент, накіраваны на нармалізацыю вагі ўдзельнікаў, стартаваў у вёсцы Трабы Іўеўскага раёна. Ініцыятарам і куратарам эксперыменту стала доктар-тэрапеўт мясцовай амбулаторыі Святлана Бораль.

"Ініцыятыва была мая, таму што я бачу людзей на ўчастку. Бачу, ад чаго паміраюць мужчыны ў працаздольным узросце. На першым месцы сярод прычын смерці стаяць хваробы сістэмы кровазвароту", — патлумачыла Бораль у інтэрв'ю Sputnik.

Доктар сфармавала мэтавую групу, у якую ўвайшлі 10 мужчын, якія пакутуюць метабалічным сіндромам, які праяўляецца ў неўспрымальнасці тканін да інсуліну і павелічэнні тлушчавых адкладанняў у вобласці жывата. Частымі прычынамі развіцця гэтага сіндрому становяцца няправільнае харчаванне і маларухомы лад жыцця.

"Наша асноўная задача — дамагчыся зніжэння вагі за кошт карэкцыі харчавання, за кошт зніжэння фактараў рызыкі, за кошт адмовы ад шкодных звычак і павелічэння фізічнай актыўнасці. Фітнэс-клубаў у нас няма. Але цяпер вельмі модная праграма 10 тысяч крокаў: сярод удзельнікаў эксперыменту шмат паляўнічых, будзем спрабаваць увязваць нагрузкі з хобі мужчын", — расказала доктар Трабскай амбулаторыі.

Угаварыць мужчын на ўдзел у эксперыменце было няпроста, прызналася Бораль. Жанчыны больш уважліва ставяцца і да свайго здароўя, і да знешняга выгляду.

"Знайсці ўдзельнікаў эксперыменту было нялёгка. Самі разумееце, мужчыны менш спагадныя да такіх праектаў. Тым не менш, многія разлічваюць на станоўчы вынік. Так што будзем спрабаваць рэгуляваць фактары рызыкі, адмаўляцца ад шкодных звычак", — заўважыла Святлана Алегаўна.

Групу сфармавалі з мужчын ва ўзросце ад 40 да 50, якія служаць у суседняй вайсковай часці, працуюць у мясцовых лясгасе і калгасе.

Дамагчыся выніку — зніжэння вагі пры дапамозе доктара — удзельнікі эксперыменту разлічваюць як мінімум праз паўгода.

13
Тэги:
дыета, Здаровы лад жыцця, здароўе, Ахова здароўя, Медыцына і здароўе, Іўеўскі раён, Гродненская вобласць
По теме
Кябаб з ягня на дубовых дровах: як гатуюць "караля мангала"
Прызыўнікі

Мінабароны пра павесткі, што прыходзяць на электронную пошту: гэта фэйк

11
(абноўлена 15:18 20.10.2020)
Па звестках ведамства, у апошні час пачасціліся выпадкі, калі на пошту беларусам рассылаюць лісты аб абавязковай яўцы ў ваенкамат ад імя Мінабароны.

МІНСК, 20 кас - Sputnik. Міністэрства абароны Беларусі абвергла сапраўднасць рассыланых беларусам на электронную пошту павестак у ваенкамат, пра гэта заявілі ў прэс-службе ведамства.

"Паведамленне ад імя ваеннага ведамства, якое рассылаецца па электроннай пошце з адраса info.mil.by@yandex.by і распавядае аб яўцы ў ваенкамат не з'яўляецца сапраўдным. Адрас не належыць Мінабароны", - распавялі там.

У Мінабароны нагадалі, што абавязкі грамадзян па выкананні вайсковага абавязку пералічаныя ў законе "Аб вайсковым абавязку і вайсковай службе", а не ў законе, які згадваецца ў фэйкавых паведамленнях.

У ведамстве падкрэслілі, што грамадзян выклікаюць у ваенкамат ці іншы орган, які ажыццяўляе воiнскi ўлiк, толькі персанальнымі павесткамі, у якіх паказваецца не тэлефон даверу дзяржорганаў, а тэлефон службовай асобы органа, які выклікае грамадзяніна.

"Калі ў вас узнікаюць пытанні, калі ласка, звяртайцеся за растлумачэннем ў ваенкамат па месцы жыхарства", - парэкамендавалі ў Мінабароны.

Нядаўна ашуканцы рассылалі беларусам фэйкавыя лісты ад імя Міністэрства аховы здароўя аб прымусовай вакцынацыі ад карнавіруса. У міністэрстве папярэдзілі, што ніякіх лістоў не рассылаюць, і нагадалі, што ўдзел у клінічных выпрабаваннях магчыма толькі на добраахвотнай аснове пасля правядзення маштабнага медыцынскага абследавання.

11
Тэги:
Міністэрства абароны РБ
Машына хуткай дапамогі каля бальніцы

Зноў больш за 600 хворых: Мінздароўя агучыла свежую статыстыку па COVID-19

4
За мінулыя суткі каронавірусная інфекцыя забрала жыцці яшчэ чатырох пацыентаў, ахвярамі хваробы сталі ўжо 937 чалавек.

МІНСК, 20 кас - Sputnik. Колькасць тых, хто захварэў на каронавірус у Беларусі наблізілася да 89 тысячаў, такую лічбу ў аўторак агучылі ў міністэрстве аховы здароўя рэспублікі.

"Зарэгістравана 88 909 чалавек са станоўчым тэстам на COVID-19", - паведамілі ў ведамстве.

З учорашняга дня ў рэспубліцы выявілі 619 новых выпадкаў заражэння каронавірусам. Пры гэтым чатыры пацыента з пацверджаным дыягназам COVID-19 памерлі ад ускладненняў. За ўвесь перыяд распаўсюджвання інфекцыі ў нашай краіне каронавірусная інфекцыя забрала ўжо 937 жыццяў.

"У Беларусі на 20 кастрычніка паправіліся і выпісаныя 80 503 пацыента, у якіх раней быў пацверджаны дыягназ COVID-19", - распавялі ў Міністэрстве аховы здароўя.

Адпаведна, за мінулыя суткі шэрагі тых, хто паправіўся, папоўнілі 373 чалавекі. На лячэнні па-ранейшаму знаходзяцца 8 406 пацыентаў, хворых на каронавірус.

З лютага беларускія медыкі правялі ужо 2 244 310 тэстаў на каронавірус па ўсёй краіне.

Чытайце таксама:

4
Тэги:
Міністэрства аховы здароўя Рэспублікі Беларусь, каронавірус, Беларусь
Тэмы:
Каронавірус COVID-19
Прэм'ер-міністр РФ М. Мішусцін прыняў удзел у пасяджэнні міжнароднага дыскусійнага клуба Валдай

Мішусцін: стратэгію развіцця ЕАЭС прадставяць на адабрэнне прэзідэнтам

18
(абноўлена 17:32 20.10.2020)
Каронавірус разбіў ілюзіі тых, хто лічыў сябе непаражальнымі; толькі сумеснымі намаганнямі свет можа супрацьстаяць пагрозе, заявіў прэм'ер-міністр РФ.

МІНСК, 20 кас - Sputnik. Праект стратэгіі развіцця Еўразійскага эканамічнага саюза (ЕАЭС) вынесуць на разгляд прэзідэнтаў, адпаведную заяву зрабіў прэм'ер-міністр РФ Міхаіл Мішусцін у аўторак на пасяджэнні дыскусійнага клуба "Валдай".

"ЕАЭС дапамог краінам усвядоміць стратэгіі развіцця, аб'яднаць іх у стратэгію развіцця ЕАЭС. Праект гэтай стратэгіі сёння ў нас гатовы, мы яго горача абмяркоўвалі некалькі месяцаў, будзем выносіць яго на вышэйшы савет, каб прэзідэнты ўхвалілі", - заявіў кіраўнік расійскага Кабінета міністраў.

Пандэмія каронавіруса "згуртавала краіны" саюза, лічыць Мішусцін.

Ён нагадаў, што галоўнымі ў ЕАЭС з'яўляюцца чатыры свабоды - руху тавараў, паслуг, капіталу і працоўнай сілы. "Лічбавая платформа ЕАЭС - над ёй працуе Еўразійскі банк развіцця - павінна даць такую свабоду", - упэўнены прэм'ер-міністр РФ. У якасці прыкладу ён прывёў распрацоўку мабільнага прыкладання для свабоднага руху працоўнай сілы, каб любы жыхар саюза мог свабодна працаўладкавацца.

Пра ўпэўненасць і пэўнасці

"На сёння нам неабходна больш пэўнасці. Гэта добрае англійскае слова certainty. Пэўнасць, якая дасць нам упэўненасць у заўтрашнім дні, [дасць] нашым дзецям упэўненасць у тым, што ўсё будзе добра", - сказаў ён, адказваючы на пытанне ўдзельніка паседжання з КНР.

Прэм'ер выказаў надзею на тое, што дзякуючы "добра пастаўленым" лідарамі дзвюх краін стратэгічным задачам РФ і Кітай жывуць "у добрай пэўнасці".

Як адзначыў Мішусцін, урад Расіі зараз працуе ў фармаце стратэгічнага планавання. "Для нас асноўнае мэтапакладанне, усе асноўныя стратэгіі, якія былі паказаны прэзідэнтам у адпаведным нашым указе аб нацыянальных мэтах развіцця, - гэта такая ключавая мэта, - падкрэсліў прэм'ер. - Яны, дарэчы, усе карэлююцца з Мэтамі ўстойлівага развіцця ААН, што таксама вельмі важна. Мы, імкнучыся да гэтага, дэкампазіруем адпаведныя мэты ў праграмы работы дзяржаўных інстытутаў, федэральных органаў выканаўчай улады, дзяржаўных кампаній, нацыянальных праектаў".

Аб пандэміі і вакцыне ад каронавіруса

Каронавірус разбіў ілюзіі тых, хто лічыў сябе непаражальнымі; толькі сумеснымі намаганнямі свет можа супрацьстаяць пагрозе, заявіў прэм'ер-міністр РФ.

Паводле яго слоў, міжнародным фактарам па барацьбе з каронавірусам можа стаць новая вакцына, якую ўдалося стварыць у Расіі.

"Мы гатовыя аказаць дапамогу, падзяліцца любым вопытам, які напрацавалі за гэты час, і заўсёды адкрытыя для дыялогу нягледзячы на палітычныя, культурныя, або любыя іншыя адрозненні. Гэта наша прынцыповая пазіцыя", - заявіў Мішусцін.

Ён таксама адзначыў, што ўсе рашэнні, якія прымаў кабінет міністраў РФ падчас пандэміі, падпарадкоўваліся адной задачы - выратаваць жыцці людзей.
"Мы дапамагалі тым, хто больш за ўсё пацярпеў у гэтай сітуацыі. Гэта і самі людзі, і бізнес, і цэлыя галіны эканомікі", - пракаментаваў кіраўнік Кабінета міністраў. Пандэмія запатрабавала сур'ёзных выдаткаў бюджэту, але іншага спосабу падтрымаць эканоміку і людзей не было, дадаў ён.

"Цяпер барацьбу з каронавірусам мы вядзем сістэмна, без рыўкоў і шокаў. Ва ўрада ёсць разуменне таго, што трэба рабіць у эканоміцы, у ахове здароўя, у іншых ключавых сферах, ёсць магчымасці, каб дзейнічаць на апярэджанне", - заявіў Мішусцін.

18
Тэги:
Міхаіл Мішусцін, ЕАЭС