Станцыя метро Кастрычніцкая

Мінскі метрапалітэн каректыруе графік работы на выхадныя

12
(абноўлена 15:22 19.04.2017)
Раніцай і днём у суботу 22 красавіка інтэрвал руху цягнікоў будзе некалькі скарочаны, мяркуецца, што ў гэты дзень у Беларусі адбудзецца агульнарэспубліканскі суботнік.

МІНСК, 19 кра — Sputnik. Інтэрвал руху цягнікоў мінскага метрапалітэна раніцай і днём 22 красавіка будзе зменены, паведамілі Sputnik у прэс-службе метрапалітэна.

У прыватнасці, з 07:00 да 09:00 гадзін цягнікі на абедзвюх лініях будуць прыбываць на станцыі з інтэрвалам у тры хвіліны, а з 09:00 да 19:00 — з інтэрвалам у 5-6 хвілін. Увечары рух цягнікоў будзе ажыццяўляцца па графіку суботняга дня.

У суботу 22 красавіка ў Беларусі пройдзе Рэспубліканскі суботнік. Згодна з пастановай Саўміна, усім дзяржаўным і іншым арганізацыям, органам улады рэкамендавана на добраахвотнай аснове правесці суботнік на працоўных месцах альбо добраўпарадкаваць тэрыторыі.

23, 24 і 25 красавіка цягнікі пойдуць графікам нядзельнага дня.

У выпадку магчымага павелічэння пасажырапатоку ў метрапалітэне прадугледжаны адпаведны рэзерв па абедзвюх лініях для аператыўнага падключэння да перавозак.

12
Тэги:
Грамадскі транспарт, Транспарт, Мінскі метрапалітэн, Мінск, Беларусь

Грамадства