Бабруйскі філіял БДЭУ

Адзіную ВНУ ў Бабруйску закрываюць за месяц да 20-годдзя

15
(абноўлена 10:35 27.06.2017)
З 1 верасня спыняе працу бабруйскі філіял Беларускага дзяржаўнага эканамічнага універсітэта, які рыхтаваўся адзначыць сваё 20-годдзе.

МІНСК, 27 чэр — Sputnik. Рашэнне аб закрыцці бабруйскага філіяла БДЭУ напярэдадні яго 20-годдзя было прынята вокамгненна і выклікала здзіўленне ў студэнтаў і педагогаў, распавёў у інтэрв'ю Sputnik дырэктар філіяла і экс-старшыня Бабруйскага гарвыканкама Міхаіл Бандарэнка.

Ва ўстанове сёння пануе цяжкая і нядобрая абстаноўка, дадаў ён.

Прэтэнзіі можна выправіць

З 1 верасня 2017 года філіял БДЭУ ў Бабруйску рашэннем савета універсітэта зачыняецца, паведаміў раней Sputnik прарэктар па вучэбнай працы ВНУ Генадзь Мацецкі. Паводле яго слоў, асноўнай прычынай стала скарачэнне набору студэнтаў у апошнія гады. Таксама ёсць пытанні да кадравага складу, які не ў поўнай меры адпавядае ўсталяваным крытэрам.

У сваю чаргу Міхаіл Бандарэнка лічыць, што некаторыя прычыны суб'ектыўныя.

С 1 сентября филиал БГЭУ в Бобруйске будет закрыт
© Sputnik Егор Ливин
З 1 верасня філіял будзе закрыты

"Чыннікаў закрыцця філіяла шмат: яны ёсць і аб'ектыўныя, і суб'ектыўныя. У першую чаргу гэта старэнне прафесарска выкладчыцкага саставу. Але гэта агульная рэспубліканская тэндэнцыя. Яна характэрная для ўсіх навучальных устаноў не толькі Беларусі, але і іншых краін. Для мяне прафесар, доктар — рэдка калі 40-гадовы. Гэта чалавек больш старэйшага ўзросту", — растлумачыў сваю пазіцыю суразмоўца агенцтва.

Скарачэнне набору студэнтаў назіраецца не толькі ў Бабруйску, але і ў галаўным універсітэце. Там за апошнія шэсць гадоў стала на траціну менш навучэнцаў.

"У галаўным універсітэце шэсць гадоў таму было 27 тысяч студэнтаў, сёння — 18 тысяч. Мінус 30%. У нас падзенне яшчэ больш у працэнтных суадносінах", — сказаў суразмоўца агенцтва.

Дырэктар філіяла заўважыў, што ім была прыдуманая магчымасць працаваць бясстратна. Але ўстанову ўсё роўна было вырашана закрыць.

"У нас ідзе падзенне колькасці студэнтаў, а метры квадратныя, якія трэба месці, мыць — яны застаюцца тымі ж. Але мы знайшлі сілы і магчымасці працаваць бясстратна. Усе гэтыя прэтэнзіі выправімыя", — адзначыў ён.

Тэндэнцыя на скарачэнне колькасці студэнтаў назіраецца па ўсёй краіне. Ёсць канцэпцыя на ўзбуйненне, скарачэнне завочнай формы навучання і філіялаў, паглынанне іх галаўнымі ВНУ, заўважыў Бандарэнка. Ахвярай такой тэндэнцыі стаў і БФ БДЭУ.

Куды ісці педагогам?

Загадчык кафедры грамадскіх дысцыплін філіяла, вядомы беларускі фалькларыст, літаратуразнавец, прафесар Аляксей Ненадавец выказаў шкадаванне, што так адбылося. Філіял — адзіная ўстанова вышэйшай адукацыі ў горадзе. Гэта гонар Бабруйска.

У самога Ненадаўца з філіялам звязана шмат прыемных успамінаў: тут ён працуе з 1994 года.

"Рашэнне было прынята вельмi хутка. З другога боку, гледзячы на змяненнi ў сiстэме адукацыi ў вышэйшай школе, — аб'яднанне факультэтаў, закрыцце факультэтаў у другiх навучальных установах, — можна было чакаць такога. Але шкада, што столькi гадоў, а я працую з 94 года, калi быў яшчэ недзяржаўны вуз, i так вось — бах i зламалася", — заўважыў прафесар.

Профессор Алексей Ненадовец сожалеет, что вуз в Бобруйске решили закрыть
© Photo : Денис Судник
Прафесар Аляксей Нянадавец шкадуе, што філіял будзе закрыты

Аляксей Ненадавец пацвердзіў агенцтву, што 31 жніўня — яго апошні працоўны дзень. Ён адзначыў, што пакуль не ведае, дзе будзе працаваць.

"30 жнiўня — на працу. 31-га нас звальняюць. Пераязджаць у Мiнск не збiраюся, таму што ў мяне два гады да пенсii. Магчыма, недзе буду працаваць. Але канкрэтна дзе, не магу казаць", — прызнаўся ён.

Міхаіл Бандарэнка растлумачыў: з закрыццём філіяла многія педагогі, а ўсяго іх 32, застаюцца без працы. Бо годных прапаноў з галаўнога універсітэта ім не паступіла.

"У нас была дэлегацыя з галаўнога універсітэта. Яны прывезлі, ці не выбіраючы, усе вакансіі. Гаворка ішла аб скарачэнні ўсяго нашага калектыву… У пераліку прапанаваных пасад і прафесій былі ў тым ліку і рабочыя прафесіі, тут нічога дзіўнага або страшнага няма. У нас таксама ёсць пасудамыйкі, дворнікі, вартаўнікі, прыбіральшчыкі. А вось выкладчыцкіх вакансій сапраўды не было", — заўважыў дырэктар філіяла.

У Sputnik звярнулася бабруйчанка Ірына Вікторская, якая расказала, што выкладчыкам са шматгадовым стажам былі прапанаваны вакансіі рабочых комплекснага абслугоўвання, бібліятэкараў і посудамыек з акладамі ад 120 да 300 рублёў.

"Кіраўніцтва БДЭУ прадэманстравала сваё безадказнае стаўленне да супрацоўнікаў філіяла. 87 чалавек на працягу трох тыдняў папоўнілі войска беспрацоўных, а прапанаваны спіс вакансій інакш як здзеклівым не назавеш", — лічыць яна.

Горад застаецца без ВНУ

На момант закрыцця ў філіяле лічыцца 481 студэнт. Як адзначыў Генадзь Мацецкі, усім прапанавана перавесціся ў галаўны універсітэт для працягу навучання. Частка студэнтаў, паводле яго слоў, ужо напісалі заявы.

Аднак, паводле інфармацыі Міхаіла Бандарэнкі, далёка не ўсе збіраюцца перабірацца ў Мінск.

"Далёка не ўсе збіраюцца пераязджаць. Паведамленне аб тым, што спыняецца дзейнасць філіяла, было досыць рэзкім і нечаканым. Многія студэнты, а дакладней іх бацькі, не гатовыя для дзённага аддзялення. І самі студэнты завочнікі. Пераязджаць у Мінск вучыцца — гэта даражэй, гэта накладна. Таму нядобрая абстаноўка. Цяжкая абстаноўка", — заўважыў дырэктар БФ БДЭУ.

Информационные стенды еще нахваливают достоинства вуза, но набора в него уже не будет
© Sputnik Егор Литвин
Інфармацыяныя стэнды ВНУ, якой хутка не стане

Ірына Вікторская звярнула ўвагу, што для многіх студэнтаў важнай умовай пры выбары ВНУ было тое, што яна знаходзіцца ў іх родным горадзе.

"Кіраўніцтва БДЭУ не ўлічвае інтарэсы студэнтаў, якія зрабілі свядомы выбар, паступіўшы ў Бабруйскі філіял эканамічнага універсітэта, дарэчы, у дамове прапісана, што навучанне будзе праводзіцца на базе Бабруйскага філіяла. І для многіх гэта было асноўнай умовай выбару ВНУ", — заўважыла яна.

У сваю чаргу Аляксей Ненадавец дадаў, што студэнты зачыняючагася філіяла могуць пераводзіцца на навучанне ў любую ВНУ краіны, дзе ёсць такая спецыяльнасць. Гэта значыць БДЭУ можа страціць долю навучэнцаў.

Каментаваць вышэйсказанае Sputnik прарэктар Генадзь Мацецкі адмовіўся.

На сённяшні дзень філіял — адзіная ўстанова вышэйшай адукацыі ў Бабруйску. Пакідаць горад без ВНУ былы старшыня Бабруйскага гарвыканкама Міхаіл Бандарэнка лічыць няправільным.

"У самыя лепшыя часы, калі тут стаяла пятая танкавая гвардзейская армія, наш горад быў чвэрць мільённым. А сёння тут жыве 220 тысяч людзей. І прамысловы патэнцыял горада вышэй, чым у Брэста, Віцебска. Я лічу, што ВНУ у нейкім выглядзе, хай вывелі б філіал з БДЭУ, але павінна быць. Ёсць жа вышэйшыя навучальныя ўстановы ў Мазыры, Пінску, Баранавічах, якія ў разы менш", — прызнаўся агенцтву суразмоўца.

15
Тэги:
ВНУ, Вышэйшая адукацыя, Адукадыйныя ўстановы, БДЭУ, Бабруйск, Беларусь
На мяжы з Польшчай, архіўнае фота

Беларусы змогуць легальна працаваць у Польшчы, прыехаўшы па гуманітарнай візе

8
(абноўлена 16:28 28.10.2020)
Адпаведныя змены, якімі для беларусаў уводзяцца новыя правілы, польскі Сейм унёс у закон пра замежнікаў.

МІНСК, 28 кас - Sputnik. Беларускія грамадзяне, якія прыехалі ў Польшчу па гуманітарнай візе, змогуць легальна працаўладкоўвацца ў краіне, паведаміў у сераду старшыня парламенцкай групы Сейма па Беларусі Роберт Тышкевіч.

"Беларусы, якія прыязджаюць у Польшчу на падставе гуманітарнай візы, могуць легальна працаваць у нашай краіне. Гэта стала магчымым дзякуючы зменам, занесеным у закон аб іншаземцах, які прыняў сейм на пасяджэнні", - гаворыцца ў дакуменце за яго подпісам.

Тышкевіч зазначыў, што гэтае рашэнне было прынятае ў падтрымку беларускай грамады з-за нарастальнага ціску на грамадзян у краіне.

Нагадаем, 20 кастрычніка экс-кандыдат у прэзідэнты Беларусі Святлана Ціханоўская сустрэлася ў Польшчы з шэрагам мясцовых палітыкаў, у прыватнасці прэм'ер-міністрам Матэушам Маравецкім. Яна перадала польскаму прэм'еру ліст з просьбай "змяніць законы такім чынам, каб людзі, якія прыязджаюць у Польшчу ў рамках гуманітарных праграм, якія былі вымушаныя пакінуць Беларусь, змаглі працаваць у Польшчы".

8
Тэги:
Польшча, Беларусь
Тэставанне на наяўнасць антыцелаў да COVID-19

Пуцін: размовы пра другую хвалю COVID-19 у Расіі няма

6
(абноўлена 15:28 28.10.2020)
Па словах расійскага лідара, да некаторых рэгіёнаў яшчэ толькі дакочваецца першая хваля каронавіруса, але руку трымаць на пульсе трэба.

МІНСК, 28 кас - Sputnik. Расійскія ўлады сочаць за сітуацыяй з каронавірусам, працягваецца праца на экспертным узроўні, але пытанняў у спецыялістаў і чыноўнікаў усё яшчэ застаецца нямала. Уладзімір Пуцін даручыў бясплатна забяспечваць лекамі пацыентаў з COVID-19, якія лечацца амбулаторна або пераносяць хваробу ў лёгкай форме. Для гэтага з федэральнага бюджэту выдзеляць больш за пяць мільярдаў расійскіх рублёў.

"Я прашу не зацягваць з гэтым рашэннем. Давайце дамовімся, я ведаю, што ўзгадненні ў цэлым ужо завершаны, будзем лічыць, што гэта рашэнне прынята. Прашу гэтыя сродкі вылучыць неадкладна", - падкрэсліў прэзідэнт Расіі.

Прэзідэнт Расіі заклікаў кіраўнікоў рэгіёнаў у выпадку неабходнасці разгортваць дадатковыя ложкі для хворых з COVID-19. Паставіцца да праблемы варта самым сур'ёзным чынам і прымаць канкрэтныя меры ўжо цяпер.

"Калі неабходнасць нешта перапрафіляваць - не хацелася б, вядома, таму што трэба ажыццяўляць работу ў бягучым рэжыме - але калі ёсць такая неабходнасць, ацаніце, калі ласка, гэтую неабходнасць, парайцеся са спецыялістамі Міністэрства аховы здароўя, са сваімі спецыялістамі, бліжэй будзьце з імі ў гэты перыяд часу. І прымайце адпаведныя рашэнні", - сказаў ён.

Таксама Пуцін заклікаў членаў урада і рэгіянальных чыноўнікаў павысіць увагу да праблемы каронавіруса, так як гэтага цяпер патрабуе абстаноўка. Пры гэтым віцэ-прэм'ер Таццяна Голікава даручыла тэставаць медыкаў на каронавірус на сістэмнай аснове.

"Кіраўнікам рэгіёнаў сумесна з Расспажыўнаглядам даручана арганізаваць на сістэмнай аснове тэставанне медыцынскіх работнікаў на новую каронавірусную інфекцыю, забяспечыць медыцынскія арганізацыі адпаведнымі лабараторыямі, каб як мага хутчэй атрымаць дадзеныя па выніках аналізаў на каронавірусную інфекцыю", - адзначыла яна на нарадзе прэзідэнта з членамі Кабінета міністраў.

Нагадаем, Сусветная арганізацыя аховы здароўя зафіксавала рэкордны тыднёвы рост заражэння COVID-19. За перыяд з 19 па 25 кастрычніка ў свеце зафіксавана 2 884 604 новыя выпадкі заражэння коронавирусом. Пры гэтым самы высокі рост быў у Еўропе - 1 335 914 выпадкаў. У топ-5 ўваходзяць Францыя (217,7 тысяч чалавек), Вялікабрытанія (148,5 тысяч), Расія (114,5 тысяч), Італія (101,9 тысяч) і Бельгія (90,8 тысяч).

6
Тэги:
каронавірус, Расія, Уладзімір Пуцін
Тэмы:
Каронавірус COVID-19
На беразе Бярэзіны знайшлі ўнікальны шлем

"Шлем Марзалюка" атрымаў статус гісторыка-культурнай каштоўнасці

0
(абноўлена 17:37 28.10.2020)
У красавіку мінулага года ў Бабруйску на беразе Бярэзіны знайшлі шлем X-XI стагоддзяў, які паспелі абвясціць шлемам полацкага князя Ізяслава. Што вядома пра артэфакт, разбіраўся Sputnik.

Нядаўна стала вядома, што ў кастрычніку на пасяджэнні Беларускага рэспубліканскага навукова-метадычнага савета было прынята рашэнне аб прысваенні шлему, знойдзенаму ў Бабруйску, статуса гісторыка-культурнай каштоўнасці.

Адразу пасля таго, як у красавіку ў ходзе работ па паглыбленні дна ракі ў затоцы правага берага Бярэзіны, быў знойдзены сярэднявечны шлем, да вывучэння знаходкі падключыўся дэпутат і па шчаслівым збегу абставінаў археолаг Ігар Марзалюк.

Дзякуючы яго намаганням шлем быў перададзены кваліфікаваным спецыялістам на рэстаўрацыю ў Беларускі дзяржаўны музей гісторыі Вялікай Айчыннай вайны. Гісторыкі прыйшлі да высновы, што дадзены артэфакт з'яўляецца нічым іншым, як помнікам зброевага мастацтва Х-ХІ стагоддзяў.

Ігар Марзалюк выказаў здагадку, што гэты статусны прадмет належаў Ізяславу, сыну полацкай князёўны Рагнеды і кіеўскага князя Уладзіміра.

Шлем, пячатка і экспедыцыя

"Менавіта такія шлемы называлі залатымі. Такія шлемы належалі, як правіла, менавіта тым, хто кіраваў дружынай, як правіла, першым у бой ішоў князь.

Усё гэта дазваляе казаць, што гэта ўнікальная рэч, якая, безумоўна, належала чалавеку з высокім сацыяльным статусам", - тлумачыў Ігар Марзалюк.

Па версіі беларускіх гісторыкаў, шлем, знойдзены ў Бабруйску, быў зроблены ў Скандынавіі, а затым ужо прывезены ў Беларусь па старажытным гандлёвым шляху "з варагаў у грэкі".

Родапачынальнік дынастыі полацкіх князёў Ізяслаў памёр прыблізна на пачатку XI стагоддзя, але інфармацыі пра месца яго пахавання няма. Адзінай вядомай археалагічнай знаходкай, якая пэўна звязана з яго імем, з'яўляецца пячатка з надпісам князь Ізяслаў і горад Полацак. У 1954 годзе яна была знойдзена на раскопках у Ноўгарадзе. Цікава, што на пячатцы таксама намаляваны трызубец - радавы знак Рурыкавічаў.

Князь Ізяслаў вядомы не толькі як палітык, які здолеў аднавіць разбураны яго бацькам Полацк, але і як дзед Усяслава Чарадзея. Пры кіраванні апошняга ў горадзе быў узведзены Сафійскі сабор як сімвал магутнасці княства.

Погляд з Кіева на бабруйскі шлем

У сваю чаргу кандыдат гістарычных навук, выкладчык кафедры гісторыі Цэнтральнай і Усходняй Еўропы Кіеўскага нацыянальнага універсітэта Арцём Папакін распавёў, што знаходка сапраўды унікальная для Беларусі, але ні пра якую сенсацыі не можа ісці і гаворкі.

"Вось так ствараюцца міфы. Цудоўнай захаванасці шлем тыпу "Чорная Магіла" (курган пад Чарнігавам, які, на думку даследчыкаў, з'яўляецца помнікам эпохі вікінгаў - Sputnik), знойдзены ў Бярэзіне каля Бабруйска - адзіная знаходка такога тыпу на тэрыторыі Беларусі - "спрытным рухам рукі" ператварылася ў шлем Ізяслава Уладзіміравіча і адначасова ў сімвал беларускай дзяржаўнасці. Разам з тым агучылі няправільную колькасць шлемаў гэтага тыпу (ужо вядома больш за 40 цэлых і фрагментаў), недарэчна параўналі з "шапкай Манамаха" і прыпісалі аўтарства выраба скандынавам", - лічыць украінскі гісторык.

Паводле яго слоў, "ні пра якую прывязку да гістарычных асобаў гаворкі быць не можа. Гэтыя шлемы разам з арабскім срэбрам і іншымі рэчамі ўсходняга паходжання распаўсюджваліся ў Х стагоддзі ў многіх рэгіёнах ваенна-гандлёвай актыўнасці ўсходніх вікінгаў: у Ноўгарадзе, Сярэднім Падняпроўі, Прусіі і Вялікай Польшчы".

Спецыяліст па гісторыі зброі упэўнены, што бабруйскі шлем варта разглядаць у кантэксце такіх знаходак, як Брылеўскі скарб (знойдзены ў Барысаўскім раёне і адносіцца да IX стагоддзя і эпохі вікінгаў - Sputnik), месца яго знаходкі паказвае не на цэнтр княжацкай улады, а на гандлёвы і ваенны шлях па Дняпры да Балтыкі.

Рэха ўнікальнай знаходкі

У маі бягучага года непадалёк ад таго месца, дзе быў знойдзены адзіны ў Беларусі шлем тыпу "Чорная магіла", атрымалася знайсці меч эпохі высокага Сярэднявечча.

Средневековый меч найден в Бобруйске на берегу Березины
© Photo : Николай Силков
Сярэднявечны меч знойдзены ў Бабруйску на беразе Бярэзіны

"Гэты меч датуецца XI-XIII стагоддзямі і адносіцца да поствікінгскай эпохі. На дзяржальні захаваліся сляды серабрэння. Стан для археалагічнага артэфакта ў яго добры", - распавёў гісторык Мікалай Сілкоў.

У цэлым меч захаваўся амаль цалкам і толькі часткова згублена лязо. Гэта дазваляе яго датаваць і аднесці да пэўнага тыпу.

Пры гэтым ён удакладніў, што цяпер меч пры захаванасці каля 80% адсоткаў важыць прыблізна 1,2 кілаграма і мае даўжыню ў 70 сантыметраў. На жаль, нельга вызначыць дакладна, дзе быў выраблены меч.

"Меч трэба чысціць і рэстаўраваць, тады можна будзе вызначыць ўсё больш дакладна. Пакуль можна казаць толькі пра тое, што ён належаў або князю ці дружынніку. Простыя воіны ў гэты час былі ўзброены дзідай і сякерай", - падкрэсліў гісторык.

Знойдзеныя ў Бабруйску шлем і меч, могуць быць паміж сабой звязаныя, таму што маглі існаваць у адзін час. Абедзве знаходкі вельмі статутныя, але сур'ёзных доказаў гэтаму пакуль няма.

0
Тэги:
Бабруйск