Uber аб'яднаўся з "Яндэксам" у краінах СНД

© SputnikПрылада Uber на смартфоне і картка "Белкарт"
Прылада Uber на смартфоне і картка Белкарт - Sputnik Беларусь
Падпісацца
У "Яндэкс.Таксі" запэўніваюць, што для карыстальнікаў па-ранейшаму будуць даступныя абодва сэрвісы.

МІНСК, 13 ліп — Sputnik. Кампанія "Яндэкс" фактычна паглынае Uber у Расіі і краінах СНД і аб'яднае сістэму са сваім "Яндэкс.Таксі", паведамілі ў чацвер у расійскай карпарацыі.

Uber і "Яндэкс.Таксі" — асноўныя канкурэнты ў сферы інтэрнэт-таксі на постсавецкай прасторы. У Беларусь сэрвісы таксама прыйшлі практычна адначасова — Uber пры дапамозе кампаній-перавозчыкаў, а "Яндэкс" у першы час быў партнёрам таксі 135.

У чацвер стала вядома аб тым, што "Яндэкс" і Uber падпісалі пагадненне аб аб'яднанні бізнесу і сэрвісаў па анлайн-замове таксі ў Расіі, Азербайджане, Арменіі, Беларусі, Грузіі і Казахстане. Калі канкрэтна адбудзецца аб'яднанне кампаній — пакуль не вядома.

Фактычна, "Яндэкс" паглынае бізнес Uber у краінах СНД. Інвестыцыі расійскай кампаніі ў агульны праект перавысяць 200 мільёнаў долараў, амерыканскага гіганта — 100 мільёнаў. Кіраваць праектам будуць у "Яндэксе".

Кампаніі ўжо запэўнілі, што для карыстальнікаў захаваюцца абодва прыкладання і магчымасць заказваць таксі па ўжо вядомым цэнах, аднак перспектывы і падрабязнасці аб'яднання пакуль не раскрываюцца. Незразумела і тое, ці будуць збліжаць кошт сваіх паслуг у Uber і "Яндэксе".

На дадзены момант вядома, што кіроўцы будуць падлучаны ў абедзвюх сістэмах і змогуць атрымліваць больш заказаў, выкарыстоўваючы кліенцкую базу як Uber, так і "Яндэкс.Таксі".

У маі Беларусь наведаў адзін з топ-мэнэджараў Uber — ён дасягнуў з беларускім урадам пагаднення аб партнёрстве, таксама гаворка ішла аб магчымым адкрыцці ў Парку высокіх тэхналогій цэнтра распрацоўкі Uber. Ці рэалізуецца гэтая дамоўленасць пасля зліцця кампаній — таксама не зразумела.

Зрэшты, таксама вясной стала вядома аб тым, што сэрвіс таксі Gett набывае распрацаваны ў Мінску праект Juno, які таксама называюць "забойцам Uber". Сума ўгоды складзе каля 200 мільёнаў долараў, а ў Беларусі ўжо працуюць распрацоўшчыкі новай платформы замовы таксі.

Стужка навiн
0