Оперная спявачка Ганна Нятрэбка

Оперная дзіва ўзначаліла рэйтынг самых багатых зорак Расіі

17
(абноўлена 15:45 31.07.2017)
Спявачка Ганна Нятрэбка зарабіла ў мінулым годзе каля сямі з паловай мільёнаў долараў - больш, чым Кіркораў ці Цімаці.

МІНСК, 31 ліп — Sputnik. Оперная спявачка Ганна Нятрэбка ўзначаліла спіс самых высокааплатных расійскіх зорак, складзены часопісам Forbes.

Выданне рэгулярна складае рэйтынгі самых багатых бізнэсоўцаў, акцёраў і артыстаў. У чарговае абнаўленне спісу "багацеяў" трапілі расійскія музыкі.

Узначаліла спіс па выніках мінулага года вядомая оперная спявачка Ганна Нятрэбка — яна зарабіла за год каля 7,5 мільёнаў долараў.

На другім месцы па даходах — Філіп Кіркораў, які зарабіў 7,4 мільёна долараў. Трэці радок заняў Цімаці з 6,6 мільёна долараў. Замыкае топ-10 самых высокааплатных музыкаў Ягор Крыд і чатыры мільёны долараў у год.

Акрамя таго, у топ-50 самых высокааплатных зорак прысутнічаюць рэпэры Oxxxymiron і Баста, Сяргей Шнураў, Земфіра, гурт "Серебро" і іншыя выканаўцы.

Беларускі выканаўца Макс Корж, на сёння — самы вядомы артыст з рэспублікі ў Расіі, у рэйтынг па выніках мінулага года не ўвайшоў.

17
Тэги:
Анна Нетребко, Жыццё знакамітых людзей, Forbes, Расія
Бела-чырвона-белы сцяг на выхадзе з станцыі метро Пушкінская

Зараз афіцыйна: на дахах і фасадах будынкаў забаранілі размяшчаць сцягі

13
(абноўлена 12:25 26.11.2020)
Старшыня Мінгарвыканкама Уладзімір Кухараў распарадзіўся "спыніць вэрхал" і ўвесці дадатковыя меры па забеспячэнні грамадскага парадку, бяспекі і дысцыпліны ў сталіцы.

МІНСК, 26 ліс - Sputnik. З гэтага часу на фасадах і дахах будынкаў нельга вешаць вырабы "з гаручага тэкстылю", дадзеная пастанова апублікавана на Нацыянальным прававым інтэрнэт-партале.

МНС Беларусі ўнёс змены ў Правілы пажарнай бяспекі для жылых дамоў, будынкаў і збудаванняў.

У прыватнасці, не дапускаецца "размяшчаць на фасадах, дахах і (або) вонкавых паверхнях частак будынкаў (тэраса, ганак, прыступкі і іншыя) вырабы з гаручага тэкстылю, не прадугледжаныя праектнай дакументацыяй, за выключэннем выпадкаў, устаноўленых заканадаўствам".

Верагодна, гаворка ідзе пра бела-чырвона-белыя сцяги, якія цяпер масава вывешваюцца ў жылых дамах. Грамадзянам таксама нельга пакідаць без нагляду запаленыя свечкі, цеплагенератары, якія працуюць, курыць тытунёвыя вырабы ў ложку, выкідаць іх і запалкі непатушанымі з вокнаў, балконаў, а таксама ў смеццеправоды і скрыні. Пастанова №39 дзейнічае з 27 лістапада.

Колькі выдаткоўваюць МНС на зняцце сцягоў

У кастрычніку генеральны пракурор Мінска Алег Лаўрухін распавёў, у якую суму абыходзяцца пашкоджанні альбо апаганьванні фасадаў будынкаў, гарадскіх канструкцый і іншых аб'ектаў камунальнай уласнасці.

У якасці прыкладу пракурор назваў выезды пажарных службаў на дэмантаж недзяржаўнай сімволікі. Паводле яго слоў, толькі ад гэтых выездаў гарадскімі органамі МНС затрачана было каля 27 тысяч рублёў. Грошы, як адзначыў пракурор, кампенсуюць старшыні таварыстваў уласнікаў, калі такія маюцца. Менавіта яны нясуць адміністрацыйную адказнасць за парушэнне правілаў архітэктурных рашэнняў фасадаў будынкаў.

Якія яшчэ меры "па навядзенні парадку" ёсць у Мінску

Старшыня Мінгарвыканкама Уладзімір Кухараў на мінулым тыдні назваў тое, што адбываецца ў Мінску "вакханаліяй, якую пара спыняць" і заявіў аб увядзенні дадатковых мер па забеспячэнні грамадскага парадку, бяспекі і дысцыпліны ў сталіцы.

У спіс адрасоў, дзе цяпер асабліва пільна сочаць за "ўзорным парадкам", патрапілі 44 кропкі - цэлыя мікрараёны і асобныя двары.

Цяпер гэтыя месцы патрулююцца добраахвотнымі дружынамі, "дваровыя" чаты актыўна маніторацца на прадмет "сацыяльнай напружанасці", а мясцовыя ўлады павінны актыўна папулярызаваць і размяшчаць дзяржаўную сімволіку. Sputnik паглядзеў, якая праца ўжо праведзена і пагутарыў з жыхарамі "пратэстных" двароў.

13
Тэги:
Заканадаўства і права, Беларусь
Машыны хуткай дапамогі каля бальніцы

Хваля не спадае: Мінздароўя абнавіла статыстыку па каронавірусе

12
(абноўлена 12:54 26.11.2020)
Вылечыліся ад COVID-19 ўжо 108 тысяч 769 чалавек, такім чынам за суткі выпісана 1 тысяч 317 пацыентаў.

МІНСК, 26 ліс - Sputnik. Па стане на чацвер у Беларусі зафіксавана 130 012 выпадкаў заражэння каронавірусам, паведамляе Міністэрства аховы здароўя рэспублікі.

За мінулыя суткі колькасць тых, хто заразіўся павялічылася на 1563 чалавекі, вынікае з дадзеных ведамства. Усяго ад пачатку пандэміі праведзена 3 мільёна 158 тысяч 352 тэсты.

Вылечыліся ад COVID-19 ўжо 108 тысяч 769 чалавек, такім чынам за суткі выпісана 1 тысяч 317 пацыентаў.

"За ўвесь перыяд распаўсюджвання інфекцыі на тэрыторыі краіны памерлі 1 тысяч 128 пацыентаў з шэрагам хранічных захворванняў, з выяўленай каронавіруснай інфекцыяй", - распавялі ў ведамстве, такім чынам, у параўнанні з серадой колькасць ахвяр пандэміі вырасла на 9 чалавек.

Нагадаем, у Беларусі дзейнічае масачны рэжым і, па словах в. а. міністра аховы здароўя Дзмітрыя Піневіча, ён будзе доўжыцца да таго часу, пакуль не скончыцца эпідэмічны працэс. У ведамстве таксама запэўнілі, што лекаў для цяжкіх пацыентаў з COVID-19 у рэспубліцы закуплена дастаткова.
Другая хваля COVID-19 цяпер ідзе па ўсім свеце, пры гэтым спецыялісты СААЗ не выключаюць, што як мінімум еўрапейскім кантыненце не пазбегнуць трэцяй ўспышкі колькасці захворванняў.

12
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19
Каміёны МАЗ-СПОРТаўта перад адпраўкай на Дакар-2021

Два "капотнікі" каманды МАЗа адправіліся заваёўваць "Дакар"

0
(абноўлена 17:50 26.11.2020)
На гэты раз "МАЗ-СПОРТаўта" будзе выступаць толькі на двух каміёнах - як гэта было ў першыя два гады ўдзелу "чырвоных зуброў" у знакамітым ралі-рэйдзе.

МІНСК, 26 ліс - Sputnik. Беларуская каманда "МАЗ-СПОРТаўта" ў чацвер адправілася на ралі "Дакар-2021", пра гэта паведаміла прэс-служба.

43-і па ліку ралі-рэйд ў другі раз пройдзе па тэрыторыі Саудаўскай Аравіі. Гонка стартуе 3 студзеня ў Джыдзе і фінішуе там жа 15 студзеня.

Капотныя каміёны і машыны суправаджэння сёння адправіліся ў порт Марсэлю, дзе ў снежні іх чакае пагрузка на паром. У гэтым годзе з-за пандэміі ўсе тэхнічныя праверкі, якія звычайна праходзяць у Еўропе, адменены, гэтая працэдура пройдзе ўжо на Аравійскім паўвостраве.

"На "Дакар-2021"моцна паўплывала эпідэміялагічная сітуацыя ў свеце. Многія каманды скарацілі колькасць экіпажаў, некаторыя - прапусцяць спаборніцтва. Тое, што нам удалося падрыхтавацца да гонкі і прыняць у ёй удзел - вялікая заслуга каманды, завода і нашых заўзятараў, якія ў нас вераць", - распавёў кіраўнік каманды і гоншчык аднаго з экіпажаў Сяргей Вязовіч.

У гэтым "Дакары" каманда выставіла толькі два экіпажы - але абодва будуць выступаць ужо на грузавіках капотнай кампаноўкі. На "капотніку" ў мінулым годзе экіпаж Вязовіча стаў трэцім. "МАЗ-СПОРТаўта" апошнія гады выступала ў ралі-рэйдзе трыма экіпажамі - па два грузавікі выходзілі на старт гонкі толькі ў самым пачатку - у 2012 і 2013 гадах, калі каманда толькі пачынала свой шлях да пастамента.

0
Тэги:
"Дакар", "МАЗ-СПОРТаўта"