МІНСК, 1 вер — Sputnik. Павелічэнне цікавасці да другой прыступкі атрымання вышэйшай адукацыі (магістратуры) за апошнія некалькі гадоў адзначылі ў Белдзяржуніверсітэце.
Другая ступень вышэйшай адукацыі дазваляе не толькі павышаць спецыялістам кваліфікацыю, але і займацца навуковай дзейнасцю. Традыцыйна магістрантаў больш за ўсё ў галоўнай ВНУ краіны, а ў апошнія некалькі гадоў іх колькасць павялічылася практычна ўдвая.
Так, калі ў 2013 годзе ў магістратуру ў БДУ па розных спецыяльнасцях пайшлі 886 чалавек, то ў гэтым годзе на другую прыступку залічаны 1701 чалавек.
Нямала ў БДУ і аспірантаў — па стане на 31 жніўня іх 828, а восенню, па завяршэнні прыёму ў аспірантуру, гэты лік можа яшчэ ўзрасці. У перспектыве ўсе гэтыя людзі — будучыя кандыдаты навук у шэрагу абласцей.
Усяго ў гэтым годзе ў ВНУ залічылі рэкордную колькасць студэнтаў: у суме на ўсе ступені і формы атрымання адукацыі патрапілі 7790 чалавек, кожны пяты — магістрант. Значна растуць і прахадныя балы на дзённую бюджэтную форму: больш за 70% абітурыентаў набралі больш за 300 балаў з 400.
