Кіраўнік БПЦ мітрапаліт Павел заклікаў не хадзіць на "Мацільду"

© Sputnik / Виктор ТолочкоМітрапаліт Павел
Мітрапаліт Павел - Sputnik Беларусь
Падпісацца
Для таго, каб скласці ўражанне аб скандальным фільме, мітрапаліт Мінскі і Заслаўскі паглядзеў у інтэрнэце некалькі трэйлераў.

МІНСК, 19 вер — Sputnik. Прадстаяцель Беларускай праваслаўнай царквы мітрапаліт Мінскі і Заслаўскі Павел заклікаў вернікаў не праяўляць агрэсію ў сувязі з фільмам "Мацільда", а проста ігнараваць гэтую кінастужку.

Скандал вакол фільма Аляксея Учыцеля паўстаў пасля таго, як дэпутат Дзяржаўнай думы Наталля Паклонская заклікала забараніць у пракаце фільм "Мацільда". Паклонская лічыць, што фільм абражае пачуцці праваслаўных вернікаў і памяць цара Мікалая Другога.

"Ніякай агрэсіі з боку вернікаў не павінна быць. Проста не хадзіце на гэты фільм", — заявіў Патрыяршы экзарх усяе Беларусі ў інтэрв'ю афіцыйнаму парталу БПЦ.

Па яго словах, у цяперашні час афіцыйнай пазіцыі РПЦ з нагоды дадзенага фільма няма.

"Гэты фільм яшчэ не выйшаў у пракат, а пра яго ўжо ідуць дыскусіі. Я спецыяльна прагледзеў некалькі відэаролікаў, якія сёння даступныя ў інтэрнэце, і ў мяне склалася вельмі непрыемнае ўражанне аб фільме", — адзначыў мітрапаліт Павел.

Эпізод з фільму Мацільда - Sputnik Беларусь
Фільм Аляксея Учыцеля "Мацільда" пакажуць у беларускіх кінатэатрах

Ён падкрэсліў, што яму незразумела задума фільма "Мацільда". "Ён падзяліў наша грамадства, пасеяў смуту ў сэрцах многіх людзей, выклікаў буру абурэння ў тых, для каго імператар Мікалай Другі — пакутнік", — сказаў прадстаяцель БПЦ.

Пры гэтым ён падкрэсліў, што "імператар Мікалай Другі — святы, і памяць аб ім святая для ўсіх праваслаўных хрысціян".

Са слоў мітрапаліта, у яго асаблівую горыч і абурэнне выклікала тое, што паказ фільма плануюць ажыццявіць увосень 2017 года — у гадавіну Кастрычніцкай рэвалюцыі.

Рэжысёр карціны ў сваю чаргу не згодны з меркаваннем аб тым, што фільм дыскрэдытуе імператара Мікалая Другога.

Фільм "Мацільда" распавядае аб адносінах Мікалая II і балерыны Мацільды Кшэсінскай. Ролю рускага цара выканаў нямецкі акцёр Ларс Айдзінгер, Мацільды — польская актрыса Міхаліна Альшанска, маці Мікалая — Інгеборга Дапкунайтэ. У фільме таксама сыгралі Яўген Міронаў, Сяргей Гармаш, Даніла Казлоўскі. Плануецца, што ў пракат "Мацільда" павінна выйсці 26 кастрычніка 2017 года.     

Стужка навiн
0